丼造

營業中

休息中

店舖細細地，入面有少少堂食嘅位置，不過主要見到都係外賣多為主 。今次就叫咗佢哋個七色魚生丼 。特別值得一提係大蝦非常鮮甜；帆立貝大大隻同埋好好味嘅海膽。另外要值得講嘅就係佢哋嘅鰻魚飯，鰻魚嘅份量條鰻魚好大條，唔使驚食晒啲飯都唔夠鰻魚，啲汁有少少太甜，如果擔心太多嘅話其實可以同佢哋講少啲汁。但係整體嚟講都係正嘅。另外今次仲叫咗一個三文魚頭，三文魚頭煎得幾香唔會有腥味，而且好厚肉。最後竟然要提嘅就係免費嘅鯛魚湯，個鯛魚湯同出面平時送嘅麵豉湯好唔同，個湯熱辣辣，而且飲落去唔會有腥味，但有少少薑味，呢一個湯真係叫做有驚喜。