Y Pasta

今日天氣好好，同阿女行完沙田中央公園，於好運中心《Y Pasta》食午餐。店內環境擺放了不少綠色植物，感覺很悠閒、舒適，空間咁都好足夠，好適合三五知己、二人世界談天。Lunch menu 有好多選擇，隨自己喜好揀不同配搭，仲可以加小食及甜品，好豐富啊！湯-忌廉黑松露野菌湯(加酥皮)~打開酥皮，立刻聞到黑松露香味，滑滑的野菌湯好吸引。法式芝士浮台洋蔥湯~芝士麵包索滿洋蔥湯，在湯面浮下浮下，十分可愛，採用大量洋葱，濃厚味道，一試難忘。主菜-冬陰功什錦海鮮薄餅~冬陰功輕輕的辣味提升咗整個pizza嘅味道，好正！材料包括青口、蜆肉、魷魚等等，薄脆餅底做得唔錯。香辣蕃茄乾慢煮雞肉天使麵~味道微辣好醒胃，慢煮雞肉幾特別，肉質一啲都唔鞋口，亦唔會太淋，剛剛好，天使麵軟硬度適中，爽口。小食-意式香草雞翼~香草味道好惹味；鼠尾草雞軟骨肉丸~比較少吃到呢種雞軟骨肉丸，口感唔錯，同鼠尾草蕃茄醬好配合。自家製甜品-焙茶栗子巴斯克蛋糕~焙茶味夠香，芝士夠滑，味道調教得好恰當，仲有栗子蓉，多重味覺享受，這個甜品好出色。牛油果乳酪沙冰~牛油果本身比較膩，乳酪沙冰嘅做法令到佢清爽了，唔會太甜好好飲。菠蘿汁~口感好清新