瀛豐放題料理專門店

營業中

休息中

呢間瀛豐放題料理專門店係港島區工作的朋友推介。因為上次佢食完放題後先發現原來依家有午市定食，選擇超多，而且質量幾高。我地點了原條鰻魚飯上枱時已經超驚喜。真係原條上，平時出面自己買條鰻魚都要呢d價錢。鰻魚烤得外皮微微焦香，魚肉肥美細嫩，配上嗰特製嘅醬汁，每一啖飯都充滿咗鰻魚嘅鮮味。至於蔥爆牛肉丼都做得好出色，牛肉片油花均勻，煎到五成熟，保持咗肉汁同嫩滑嘅口感。加上啲蔥花嘅香氣，令到整個丼飯都好惹味。而且2碗飯都用上珍珠米，粒粒飽滿，口感軟綿。定食仲附有湯及飲品。餐湯芫茜魚湯淆到奶白色，飲落鮮甜。加埋芫荽同豆腐，好合口味。飲品就可以係出面的凍櫃自選，基本上唸到的都有提供，連啤酒都有。餐廳嘅用餐環境舒適闊落，而且落地大玻璃引入自然光，坐得好舒服。下次有機會，我一定會再嚟試下魚生飯。