Thai Farmer Restaurant (已結業)

今日同朋友出灣仔食晚飯，因為大家都鐘意食泰國菜，就試D左間Thai Farmer Restaurant。餐廳唔算大，裝修都有D舊，但最重要都係D食物。餐牌選擇都唔算少，但因為得兩個人，可以叫的款式唔算太多。泰式炒雜菜 - 味道一般，只係普通的泰式炒雜菜。泰式鴨肉碎生菜包 - 味道比想像中辣，但泰式鴨肉好香口，包埋生菜中和返個味道其實都幾好味，而且分量都唔少。鄉村酸辣明爐魚 - 成晚最期待的菜式，除左條魚夠新鮮同滑之外，個湯底都好好味，酸酸辣辣的湯汁滲入到細嫩的魚肉，令人回味無窮。整體而言，食物質素唔錯，有正宗泰國菜的味道，餐廳環境都可以接受，價錢係灣仔區來講都唔算特別貴，一試無妨。