Cucina

對上一次係6月嚟，那時可能人少，服務會真係似酒店内的餐廳，服務員細心，經理耐心講解餐單，有種賓至如歸，好舒服嘅感覺。相隔六個月，就係因為上次嘅經歷，所以昨晚再來食飯，一切大打折扣，真心好失望！座下後，even 基本禮貌，問下你會否點什麼drink 都冇，想點餐，舉了手，等了成10幾分鐘，完全冇人嚟serve，究竟係佢哋好忙定係睇我哋唔到，好似當我們透明咁，到有人嚟了，一行到埋嚟，一粒聲都冇，難道你要個客同你開聲先 ？最基本應該會問，「你好呀，請問想點什麼呢？」又或者，有什麼可以幫到你，連依句都冇，大佬呀，你企係到想點呀？？？點完一支箭走咗，真係好rude，感覺好差。成餐飯，食咗幾千蚊，一肚氣，我係要service先嚟Marco Polo，搞到家人都好嬲，昨晚的service真係連出面一間普通的西餐廳都好過佢，管理層會否認真作改善？