博派麵館 (已結業)

今日放工約左朋友去荃灣買野，行行吓街見到有個著哂燈既機械人企左係間鋪頭出面，再望真吓，原來係間用transformer機械人做主題既餐廳黎。朋友見幾特別，所以就提議試一試。　餐廳主要以麵食為主，餐牌選項不多但勝在圖文並茂。我們點左兩個麵，再加左一Ｄ小食。其中有一樣小食，我未食都已經真心覺得特別既就係炸奶茶，我同朋友實在冇聽過，亦都未食過。。。哈，可能我哋見識淺掛。落完order，瞄一瞄間餐廳既環境，同其他食麵或食米線既餐廳唔同，有Ｄcyber 既感覺，檯面放左一個係人見到都應該會研究一下既柯柏文擺設係度（可能要迎合返依間餐廳既主題掛。。。：Ｄ），打開先知原來係辣椒醬黎，員工之後有提我朋友可以落少少試下先，話會比平時食果Ｄ較辣。等左一陣，兩個主食先到。我揀左依個叫黃酒雞柳湯米線，個湯未食已經聞到好香，有少少似藥饍＋雞湯既味道，好濃好香口。雞柳易入口，而且有我鍾意食既冬菇、准山、杞子，用既料都算係有益健康之選。而我朋友就點左一個燒安格斯牛肉牛舌湯米，聽個名咁長就知係好野啦，燒牛肉同牛舌係專登同米粉分開上既，可以保持烤肉既香味，而且份量都真係多，岩哂我朋友依一類既食肉獸人士。而小食我地就叫左