三盞燈馮記豬腳姜

營業中

休息中

豬肚 $10姜醋好順口，入口甜味多過酸味，酸勁後上🍲甜味同酸味好balance，唔會互搶風頭👏🏻 雖然切得好細，但一串豬肚🐷🍢數量都唔少。豬肚煮既時間掌握得啱啱好質地軟硬適中，唔韌易咬但不失爽彈👍🏻除左豬肚，仲有豬耳、豬皮、雞蛋🥚等可以揀嫁🤗整體而言，唔算好有驚喜，但唔差👌🏻經過可以一試🍽

又係同太太一年一度喪飲喪食澳門之旅，澳門美食係人都知道好多，今次未到舊區三盞燈，一個好似深水埗嘅地方，幾年前嚟過，依家都係冇乜點變，之前聽聞謝霆鋒介紹過呢間小店，只有露天小食檔，幾有90年代感覺，名人介紹梗係要試吓，一碗細細碗嘅豬腳薑要$45，個汁完全唔係平時食開甜甜地，辣辣地果種，佢係非常之酸，豬手入晒味，又軟熟，雞蛋因為浸左啲醋，都係偏酸，我個人麻麻哋隻蛋，反而啲老姜好粉好好食，一啲都唔覺得辣，好似粉葛咁樣，幾好味！其實去澳門唔係食就係食，一日食五六餐是常識的，食到流流地，過嚟食下啲超級酸既豬腳薑，又有胃口再去食晚餐

前排睇完霆鋒個美食節目，去開澳門玩，一於去試吓佢介紹嘅豬腳薑，位置唔難搵，一行入巷內就見到，周圍環境企理買咗一兜豬腳，豬皮同蛋，食豬腳姜，最重要嘅除咗豬腳同姜就係個汁，所以首先飲啖汁，味道偏酸，頗浠！豬腳炆得好淋，好入味，冇豬檀味。蛋唔會太老雖然豬皮吸晒啲汁，好淋，不過有點兒酸整體感覺可接受，如果喜歡食甜甜的薑醋，口味就唔太適合！

每次到澳門三盞燈，除了要去吃緬甸椰汁雞麵或到地道的園林小食點吃碗牛肉魷魚粉絲，然後算吃到飽飽也要到附近的露天小攤檔去買一小杯豬腳姜吃。 這家豬腳姜營業時間不是太固定的，我大概每三次到三盞燈才會有一次碰到它在營業 (可能跟它不是太有緣份吧)。 平常吃到的豬腳薑的材料通常都是豬腳、薑及雞蛋，但在這店可吃到的還有豬皮、大腸及豬耳呢！ 我當天就點了一串大腸及一隻薑醋蛋。老闆娘還用杯盛了些薑醋給我！ 薑醋入口有點酸，質地濃稠，滿滿膠原蛋白的感覺。薑醋蛋大概在鍋中煮了很久，蛋白部份都變得硬硬的，咬下去質感跟鐵蛋很像。不過，若不喜歡煮得太硬的雞蛋的話可以跟老闆提出呀！

每年拜山都去三盞燈買花，順路必要豬腳蛋一番。（有三四檔買花，從大陸入貨的。平過香港，小花墟）踏入三盞燈，聞到花香，又聞到豬腳姜醋香味（精神分裂）今趟又見到馮生。大盒mop60.細盒mop 40.叫左一盒例牌，一盒齋蛋。個汁唔辣，酸酸甜甜。未必人人啱口味，但我同家人就愛極了。個汁掛哂碟。落雨天，最好暖暖肚我每次都係馮生主理，佢態度好好，冇好似其他人講的態度差劣，可能我好彩，每次佢都靚心情。佢重自動打孖幾個袋我裝“安全第一，袋多個。。。“

由早上到下午的幾個鐘頭，當世人還在酣睡正甜的時候，我已經吃了三餐早餐。雖然很飽，回到酒店途中，再去一下那個三盞燈附近走走，來到那個香氣四散到不得了的圓形位置，如果你有少少認知，這個是美食區，多間出名到不行的餐廳都在這裡出現，如果你好似我咁飽到嘔都仲好為食的話，你應該要來這裡。馮記三盞燈豬腳薑，和豬腦，牛肉河，墨魚丸等有這之都有番咁上下出名，未食過都聽過。當然來到馮記，你行到個counter 就嗅到那個薑醋的香，個煲野一路燒一路出味。之前吃過豬腳和蛋，當然是完全入味，就算朋友生仔我都冇乜興趣食豬腳薑，但這裡的我卻不想錯過。今次吃左咁多野後，輕輕一串豬耳便算了。聞落去已經知勁，豬耳完全滲入那些薑醋的強烈酸酸而又令人開胃的味。豬耳非常彈牙，啖啖彈性都吃到那些醋汁滲透你的舌頭。八元一大串，吃到又大串又好食的薑汁，你說香港有沒有，我看暫時咁平咁抵食，我未見到。晨光的早餐之飽肚到下午前的酸味小吃，打通了任督二脈，下午繼續食過。馮記三盞燈豬腳薑，絕對就如補給站，給了力量，讓你吃的CP值，加強到另一個level。三盞燈馮記豬腳姜新橋(三盞燈/白鴿巢)圓形地街市熟食檔

第一次吃馮記的豬腳姜，很多時候路過都看到它已經關門或者是沒開不知道有什麼吃就先問一下老闆，小的40元，也可以買一串串的一串串的有豬皮、豬腸、豬肚等等的，我選了豬肚它的味道還不賴，有淡淡的薑香氣也有酸勁

舊照澳門篇第二站又係三盞燈美食，平時嘅薑醋我大多數只係食雞蛋呢個就唔同佢有好邪惡嘅豬大腸，見到啲大腸嗎肥到呢索晒啲薑醋汁真係超級邪惡,經過都要留步，雖然剛剛食完超高膽固醇嘅豬腦河一場黎到當然要整返碗如果唔係真係對唔住自己最多食完返去變肥豬😁😁～三盞燈馮記豬腳薑😋😋😋

早前喺ATV睇到一個美食節目, 喺由"廣州食家" - 莊臣帶同一班亞洲小姐去澳門搵地道美食! 其中佢哋介紹咗一間好出名的豬腳姜美食, 就喺呢間"三盞燈馮記豬腳姜"啦!  喺節目內睇到莊臣佢不停咁讚賞老闆自家整的豬腳姜有幾好味道和幾入味喎!  睇到節目中的老闆好似"好和藹可親"咁款而且睇落D豬腳姜好似炆得好好味咁款, 所以決定下次到澳門旅遊時, 一定要食番碗先至安樂呀!終於等到呢個機會, 因為喺網上玩咗個遊戲中咗1套雙人來回澳門船票, 於是約埋個朋友一齊去澳門玩一日啦!  由於記得自己想食"三盞燈馮記豬腳姜", 於是我哋其中一項美食行程就喺去呢度食"好味的豬腳姜"呀!當日大約下午5:00左右, 我哋終於搵到呢間食市而當時正是"老闆"本人主持大局!  因當時客人不算太多, 我哋只喺等咗3分鐘左右就輪到我哋買啦, 我哋要咗一碗"樣樣齊的豬腳姜"裡面包括有: 豬腳+姜+雞蛋+姜醋汁, 份量唔太多但要成HK$40.00, 感覺價錢幾貴同拍得住香港的指數架!但呢位老闆招呼客人的態度和節目上真喺"兩個面孔"呀!  現場所見和自己親身感受就喺: 語氣不太友善和自把自為去執"豬腳姜"內的食材!例如: 有

今天和太座享受完美味嘅竹昇麵之後，太座話想食好多名人推介嘅馮記三盞燈豬腳姜..本來我個人對於D所謂名人推介其實無乜信心，好多食肆出名之後都好粗製濫造，今次又一次證明惡夢喺會重複..我哋日落時分,大約黃昏六點半到達馮記,當時應該喺店主坐陣, 個路邊攤檔只有我們二人幫襯..太座問了消費細節後，清楚要求了一客30元只要蛋,豬腳和姜嘅拼盤..我用了一張50元澳幣比店主找,店主居然只找回10元澳幣,我話佢知應該找20元,但佢理直氣壯兼好唔耐煩,擺哂款咁話 : 啱㗎啦,我唔會呃你嘅!我感覺有如被人強搶..為免爭吵亦免掃慶,10元我唔同佢計教,只希望D食品令大家滿意,但喺現實令人失望..豬腳姜的酸度酸到簡直有如飲純醋,我完全感受唔到食物本身嘅味道,更唔好提人地做到好嗰種酸中帶甜,令人回味嘅味道..D姜同豬腳亦好明顯炆得唔夠淋,好明顯啱啱煮熟就匆匆攞嚟賣,我完全感覺唔到佢做嘅豬腳姜有D乜吸引力..為免浪費,我哋盡力食完D食材,D汁就唯有倒咗去,之後大家都要飲大量清水去中和番..本來打算如果D豬腳姜好味,會速遞番香港孝敬外母,最後大家決定,可以慳番!以後都唔想再信D名人所謂推介..真喺希望越大,失望越大

剛於自由行五一攻陷澳門前，來澳一遊。為了避開遊客區，我們到了真正居民會生活的地方﹣三盞燈。一到達便被這家店所吸引。對！這就是小儀金剛剛於電視節目上介紹的馮記三盞燈豬腳姜。二話不說，來一碗豬腳姜！（＄30）不同地方對同一種食物的味道要求可以各有不同，今次就讓我嚐嚐澳門的豬腳姜吧！這個豬腳姜似乎已煲了很久，味道甚為香濃，一份含豬腳一隻（已剪開），姜三件，及雞蛋兩隻。好肉的我第一口先吃豬腳。肉沒吃到，反先吃到豬腳間的筋皮，淋軟幼滑，豬腳姜的酸甜汁味伴隨著在口腔併發，口中稍感辣口，未知是姜辣還是食物太熱，總之先吃再說。再吃是蛋，因為在買的時候店家把蛋剪開兩半了，蛋白本就已經入味三分，加上蛋黃沾汁，好吃！然後吃的是姜，本來本人是謝絕辣的東西，但友人卻說姜是不辣的。半信半疑的我還是放進口中吃了，啊，真是不辣的，從微的姜味伴著又是大量的豬腳姜汁。注意的是，這不跟於往常的用老姜來煲，而是用生姜，所以從好處來說是無渣的，可以全部吃掉。站在店家面前涮涮的吃著，才驚覺沒有吐骨的地方。雖然店家弄開地方給我們吐，可就是不好意思吧，或者請找個類似垃圾桶的東西給我們吧。。。結果只好吐到手上的紙巾上，大家要留心這點了

叫咗豬皮+豬腸+兩隻蛋 18蚊會送一吋甘長既姜條（係條，吾係件）豬皮和豬腸剪開一小片，好入味，好淋。雞蛋都係入到味道。但問題偏偏就係味道。本來豬腳姜出名係香，辣和甜酸。但這裡既味道祇有酸。無咩香，更不會是甜酸，無姜既辣，祇有酸，但本地人好多買，生意吾錯，可能澳門人無食過香港甘好味道既豬腳姜。食咗八成就掉咗，你話好吾好食？除非好有必要，吾係一定吾會有下次。

This stall is located just off a roundabout.★☆★☆★☆★☆★☆★☆★☆★☆★☆★☆★☆★Porks trotter in vinegar:I have always wanted to try this place but I did not know what it is called.Just happened to walk past it because the place I was going to go did not have boiled pork brains.This place is famous for skewers of vinegared pork knuckles. however when I got mine they were placed in a bowl.They were extremely difficult to eat using two thin skewers so I gave up eating them.The parts that I could eat were lovel

在三盞燈附近吃過雅馨的緬甸椰汁雞麵後，再來到這裡吃街邊的豬腳薑。一個人來吃，也吃不到大多，所以只要了一件薑及一件豬腳件。可能因為這裡賣的快，去貨也快，不像自家製的豬腳薑般，一般會翻熱數次來分給親戚朋友來吃，所以不夠入味。這個薑吃到的薑味比較辛辣，醋味未能滲入薑內，不算太好吃。

四月中旬‧晴來澳門，跟很多人不同，現在是來工作了。到這附近掃一掃這邊的食肆，在這裡除了發現有豬耳及豬腳薑，原來還有印尼三色糕。香甜，煙韌，軟熟，明顯的是新鮮製起，不過就應該不是這裡做的吧，未寫完三百字已吃清兩件！但好吃，不理了，下次再買其他的點心吃。