官翅

營業中

休息中

去到澳門🇲🇴夜晚8點幾去到新馬路福隆新街嗰邊想幫襯添發食個翅，點知職員出嚟同排緊隊嘅人講賣晒樣樣售罄冇哂翅、唔洗排，咁就去咗附近間官翅。入去見都坐滿人，剛有人埋單有位可以坐低，不過店員話‘紅燒小鍋心’已經售罄，所以就叫咗紅燒砂窩翅試一試。砂窩一上枱，見到裡面啲翅滾到發泡，真係熱辣辣，裡面有肉絲木耳和少許翅，不過略嫌翅湯個芡太杰，味道亦唔太濃，試過一次就算了。紅燒砂窩翅-小翅客 $ 90📍 官翅 (新馬路)新馬路福隆新街32號

澳門開放～黎走一轉！食下野行下～必經之地「食個翅」7點幾黎到～好多款都賣曬！今次叫左個「砂鍋竹笙龍鳳翅」一鍋每人食小小～～味道岩岩好～一片片勾仔翅～熱辣辣～不過竹笙就好少～～依然好味經開可試吓

原本想去添發食翅，點知撞正休息日，一場來到便在附近逛逛，見到這間'官翅'便入去試試，叫了一個濃湯翅(鳳尾翅)$125-，一個砂鍋翅(大)$100-賣相無乜特別，可是食唔到有翅，砂鍋翅只食到肉絲木耳和似魚唇的物體，獻杰而無味，街邊碗仔翅好食過佢，濃湯翅湯不濃，淡而無味，只食到翅骨，魚唇同一舊極'鞋'的雞件，以這個價錢食這樣質素的所謂'翅'，真是完全不值！大失所望！以後不會再幫襯！

去襯澳門 例牌都會去食下翅 第一次食呢間 嗌左一個紅燒翅 有d似碗仔翅 一個濃湯花膠翅 個高湯幾濃郁既 每碗裡面都有兩三塊翅既 味道正常無驚喜 另外嗌左杯龍眼肉羅漢果水 成$35一小杯超貴 另外有d偏甜

平時嚟澳門，一定會食翅，皆因澳門啲翅又平又抵食！今次我地無去平時最大嗰幾間食，男朋友話試吓其他店，行過呢間「官翅」，人唔多，有位坐，就入嚟一試，呢間官翅價位對比起「X家」同「X記" 就貴d...我地就叫咗個"紅燒竹笙龍鳳翅", 價值為:$140一上枱，賣相唔錯，老闆一上枱就拎住支麻油，走過來同我地講落啲麻油落去更好食，但我話唔冼，我心唸如果一碗真材實料嘅翅，根本唔需要用麻油來調味。當我不停影相食先，用匙羹撈起材料出嚟影相時，竟然係聞到𤓓味同麻油味！所以，應該有人已經係碗嘅上枱前落咗大量麻油去除一些唔想俾人發現既味道！跟住我男朋友幫手將翅分為兩細碗時，驚嚇地發現咗，有支只有香爐裡面見到嘅拜神香殘支喺度！有無搞錯！我大叫咩嚟？！？！跟住有個阿姐走過來，9秒9就將我地碗野收走咗，我話咁恐怖嘅！跟住阿姐答，唔恐怖，換過碗俾你地啦！我o晒咀望住我男朋友，話咁都得？無奈，我男朋友係一d 唔想麻煩的人，唉，$140俾錢食咗碗唔知係咪用香爐灰煉成的翅，好在，我地兩個無肚痛！唔係我一定去告佢地，大家小心點，也希望呢間官翅在良心，唔好再俾d 咁正嘅嘢俾客食。🤢🤢🤢🤢🤢🤢🤢🤢🤢🤢🤢🤢🤢🤢

幾年無去話澳門，話說今日想食葡國菜，但突然天色一變，唯有突然轉軚食其他嘢！味道同材料都好豐富，店員同老闆都好好，落大雨都無話收碗趕客走，下次再嚟澳門時會再光顧。

我哋一行4人，過大海玩下喇有個姊妹話次次來澳門都冇食過翅，就帶咗佢哋來福隆新街呢度試下，以往我來就食譚家嘅，佢哋行咗一下決定食呢間官翅睇見個招牌似老字號咪入去試下樓面得一個男人做侍應，見門口同明星合照，估計佢係老闆來嘅，過來幫我哋落單我哋已經叫咗最貴果三個160170150最平都叫130蚊嘅，總共4客翅個“老闆”就來料喇，似乎唔多妥有一個叫130蚊咁平咁，係都叫我哋叫貴果個靚D我哋打算share食，所以專登叫唔一樣嘅試多D，咁佢又冇再出聲，但係面口就唔多好睇佢比了一杯杯裝飲品我，黑黑哋嘅都唔知咩名堂，落單時又唔知有嘢飲，4個人先比一杯落來，我梗係問佢咩飲品，點解係得我有，佢哋咧？佢嘅回答係:比你飲你就飲喇！！好嘢來咖！我初初以為佢係講笑，好似我哋香港某些惡老闆咁，態度或者唔係十分好，但食物係超水准當我飲咗一啖，我覺得一定唔係囖！甜度爆錶，係難飲果隻，咩味道都飲唔出，係完全唔想飲第二啖好了，翅來了，賣相都唔錯嘅，滾滾哋都幾有食慾，食咗幾啖，覺得撈飯食都幾好於是問“老闆”有冇白飯，佢又接得幾快:“有！120蚊一碗要唔要，一副玩世不恭的樣子講。咁我又以為佢同我哋講笑喇，佢接住話，120蚊係用

原本想去添發，點知添發休息兩日，唔想行太遠，就去哩間試試。門口排滿人，好明顯，個個都因為添發無開門先走哩幫襯，係門口等位時聽到個個都咁講。次次去添發經過哩間店，都係水靜河飛，大約都估到質素係點，叫左兩個大嘅紅燒砂鍋翅，一個濃湯雞煲翅，濃湯雞煲翅湯底夠濃，但雞肉肉質頗鞋口，砂鍋翅唔夠添發咁熱，個湯亦都好水，味唔夠濃，好似溝左好多水咁，而三個翅都有同一個問題，就係魚翅份量少得可憐！！總結係...... 價錢貴過添發，而翅嘅份量又少過添發，重點會再幫襯？

今次係朋友介紹！我都以為叫翅客，因為餐牌寫住！咁我地一行四人，叫咗三款試吓！1: 濃湯花膠雞煲翅(鳯尾翅) $100 , 2: 竹笙牙揀勾翅+鮑片 (鳯尾翅)$85 , 3: 竹笙鳯尾翅(大翅客) , 一拎出嚟夠滾！竹笙嗰兩款味道差不多，而濃湯嗰款，清甜！三個都好味！獻不多，味精唔重，囗唔太乾！因為我試過隔離，添發碗仔翅美食！獻重，味精重，又貴ＤＤ，人勁多又嘈！呢間官翅，整體上係可以！

周日與男友到這邊，原本想吃陶陶居，卻因落場來到這間，中伏了！ 侍應指不夠港紙找數，當下應知道無乜生意。點了濃湯化膠翅（$120）和中等煲仔翅（$75）。中等煲仔翅只有少量翅針，高湯也不好味。男友點的濃湯翅，他吃了數口已說很難吃，整個湯都沒有喝下去。我試了一口，湯的確很難飲，似是用了劣質火腿肴製，有一種很濃又難聞、難吃的味。已是一肚火，然後看到有些人客入來，心裡暗為他們歎息。侍應中途在店裡打了大乞次，令我們更覺嘔心。應該等吃陶陶居，或吃譚家。完全浪費錢！中等煲仔翅價錢，劣質！

曾經這是本人到澳門必吃的，貪佢唔使排隊，味道亦不過不失大年初一和友人到澳門發新年財和放煙花，在新馬路附近吃過了晚餐，順道過來拜訪一下，話說已有兩年沒來，賣翅哥哥竟然還記得我們！叫了濃湯大排翅$120二人Share，加左價用Chicken Booth 煲出來既湯底一定夠味，至於翅本身，本小姐實在不是專家，純粹過過口癮吧了！

來到澳門，朋友們都嚷著要食翅，哈哈即來到新馬路一「嚐」所願。翅的款式選擇多元化，有普普通通的碗仔翅般、有大排翅、濃湯花膠雞煲翅等。望到餐牌的濃湯花膠雞煲翅的圖片確實吸引，和朋友們4個人也二話不說即點這個吧濃湯花膠雞煲翅份量也算大，湯底奶白色，好重雞味，入口好惹味。入面的翅也好大舊呢! 好爽口及滑一滑，不過花膠不夠入味，如果能再煮耐一點就好了。由於人流不算太多，食翅的期間，老闆亦好友善地與我們聊天，並分享趣事及推介某此遊玩的地方呢，食物及服務亦感覺良好

來官翅已經是每逢到澳門的指定動作，今次和另一半點了濃湯花膠雞煲大排翅分甘同味。花膠及翅都很足料，雞件份量頗大，有雞味與上湯配合十分濃甜。而上湯濃郁，和另一半一同分享份外滋味。少吃多滋味，要留肚再周圍吃。

同媽媽去澳門想食翅, 就帶佢黎新馬路附近..本身其實都想食返格離好多人排隊個間不過格離個間真係好多人..唔知幾時等到位...加上因為朝早訂船飛個邊出現左問題所以出發個陣唔係幾開心同遲左成3個鐘先到澳門我同媽媽都肚餓所以就唔想排隊就黎左格離依個間到食..裡面無咩人...心諗同一條街應該唔會差得去邊啦點知真係一個伏黎..個陣真係好後悔無同媽媽排隊食前面個間==我叫左個中翅客$55 媽媽叫左個大翅客$65一送到上黎就知中伏...我見我個碗成碗得小貓三四隻既翅仔...d料仲少過係香港食個d碗仔翅成煲稀到同水一樣.....又唔夠味.......好後悔好後悔...我一食一路同我媽彈咁既質素收我55蚊點解我唔過格離食=.=一d都唔好食反而我媽媽碗大翅客就多dd翅...不過都係同我個煲一樣稀..都係無咩味的..我媽媽一路食都無出聲唔係因為好食到無出聲...而係想快快食完快快走==一出去就話碗野唔得==下次都係排隊啦過格離\

九月五日(星期三)架架妹與家人的澳門之行，母親大人說想吃"翅"，就走到了福隆新街上次吃過添發，今次就想試試另一家見到這家，名"翅客"，名稱較特別，不用多想就進店相比較有名的添發，翅客的間格顯得較為闊落，坐得較舒適當時天氣炎熱，一家人已行到汗流浹背，幸好店子的冷氣充足，即使吃熱辣辣的翅也沒有流汗款式上也是大同小異，一家人一共點了二煲翅一起分享先吃這個濃湯花膠雞煲翅看看煲內的翅，三小件且呈厚身不過吃起來膠質不重，而且口感偏硬雞肉亦煲得很腍，但雞味欠奉，雞湯味道亦較淡小翅客包括冬菇,竹笙,木耳及少許翅針翅的味道偏淡，而且較稀用料方面以冬菇較為鮮味，但所有材料也較添發的少下次來到，還是坐迫一點，幫襯添發好了~