影片
以上資料只供參考, 請與餐廳確認詳情
招牌菜
食評 (7)
十一國慶假期，當然不會浪費，與友人們一行六人一起到馬交飲飲食食﹗上星期先同食家去完，今個星期又去，當然要去試試新野吧﹗友人介紹一間在澳門的星級名店，關閘的台山水佬榮﹗呢位師傅就係台山水佬榮喇﹗聽說在澳門有好幾間叫水佬榮的食店，呢間新明珠先係正貨﹗店分地鋪與樓上雅座，地鋪小小，樓上卻別有洞天，數個單位被改成食店，放滿一張張餐枱與座椅﹗大排檔裝潢，但可放心有冷氣，坐得舒服，空氣亦流通﹗牆上貼滿來幫趁過的名人呢﹗睇牆上既廣告招徠，呢間水佬榮開到去台灣添﹗煲內除了花甲及蟹外，仲加入十多隻野生菇菌，睇資料佢話好有營養添﹗蟹可自由選揀，我地六個人食叫了一隻大膏蟹及一隻大肉蟹﹗每隻都重兩斤﹗呢個蟹煲係我地六個從來都未食過咁貴既鍋底﹗剩惠$1100﹗大既膏蟹肉蟹在街市買一斤都要成百幾銀，出街食又點會唔洗呢？湯底是冬蔭公湯，叫小辣已經可引出海鮮的鮮味﹗花甲大隻亦甜美﹗唔係流野，隻蟹鉗都成個碗咁大隻﹗肉質實淨清甜﹗一起筷後成班平日嘈亂巴閉的即時靜哂﹗啜啜聲此起彼落，唔洗幾個字已清哂所有花甲同蟹﹗味道確很好呢﹗不過真係幾貴，要發o左先可以再試多次﹗花螺又係想叫與唔敢叫之間，因為$200一斤﹗街市細隻的上次見到都$120一斤，只有咁樣同自己講先無咁肉赤﹗螺味濃，完全不用蘸上任何醬汁，新鮮煙韌，一生都要豪一次﹗呢度出名的有手打豬肉丸，一客8粒$45，肉味香濃，值得一試﹗椒鹽鮮魷，見落似有少少炸過龍，燶燶地的﹗不過食落蒜味極重，送啤酒一流，大家也很鍾意﹗手打墨丸，又係$45﹗真正墨魚鮮打，丸內大量墨魚粒，好吃必試﹗最後用番佢個湯底用來煮公仔麵，極重口味但有陣陣蟹香，過癮﹗食物很不錯，係個主角真係貴o左少少，友人話佢每次來唔加蟹都只係叫花甲鍋，約$200左右真平得多了﹗飲左成廿支啤酒，最後埋單每人$330左右，用料好，有咩喜慶節日可來一試呢﹗
繼續閱讀
聽聞這間是正牌水佬榮店, 就黎試一試佢撚手既花甲蟹煲, 由於有小朋友同行, 朋友亦話有其他小菜叫, 但去到先知, 呢道係只有火鍋食物, 結果要在附近買粥同腸粉for小朋友食只知這店馳名的是花甲蟹煲, 實際是花甲煲$180一煲, 蟹是有糕蟹同肉蟹選擇, 收費$150-$170一斤, 普通叫一隻蟹係大約是一斤十至二斤(佢地係用好粗既鹹水草黎紮) 花甲蟹煲 : 我地叫左一隻二斤糕蟹, 連埋個花甲煲大約$500多, 個煲同openrice既相有出入, 比想像中少, 並不是疊得好高, 同埋中芹,蔥等配茶都算少, 有點失望, 可能係我地叫得一隻得兩斤既蟹關係吧, 味道唔錯, 但唔覺鮮甜, 係鹹味多過海鮮應有既鮮甜味 白灼花螺 : 都好大隻, 一碟有大約15-20隻(冇認真數過), 因為係白灼, 所以只可評論花螺本身既質素, 螺既頭好硬, 係冇辦法咀嚼到, 只可咬走個頭淨食尾部, 仲有就係香港人習慣食螺時點甜醬同辣醬, 這店是欠奉的, 只有豉油同辣椒豉油選擇聽埋個價錢先俾icon, 叫果陣沒有問清楚多少錢, 冇得怪人, 埋單時先知, 15-20隻白灼花螺承惠$400 黃金蝦 : 賣相唔錯, 蛋黃比例都算平均, 蝦亦都一隻手咁大, 蛋黃味道尚可, 但問題係主角, 蝦雖然大, 但一點蝦味都沒有, 就連蛋黃味都只係僅僅到蝦肉, 整隻蝦係淡而無味, 簡單d講, 就係殼出面既味入唔到肉, 如果以渣華道東x比較, 佢只有不超過兩成既水準同樣, 聽埋個價錢先俾icon, 又係叫果陣沒有問清楚多少錢之下, 6隻黃金蝦承惠$480夾埋3支啤酒同一碟唐蒿, 埋單$1580, 只好奉勸各位, 黎呢道試花甲蟹煲就好嘞, 其他野食就....... 仲有一樣野不可不提, 店裡環境應真麻麻, 地面濕滑, 周地煙頭, 在這樣地方已經預左侍應服務差, 果然不出所料, 以下是輯錄幾句俾大家欣賞下:請問有咩好野食 "餐牌果道有寫啦"想問係咪得咁多 "你地諗到先叫我啦"我想問有冇小菜食 "呢度係食打邊爐架嗎, 邊有小菜嗌架"咁, 我想問花甲.....(此時個侍應阿姐已唔出聲走左去)
繼續閱讀
澳門同事話去食水佬榮 (其實我想糾正一下, 間舖名應該叫做"新明珠之家", 但佢舖頭出面會寫住由水佬榮主理, 係個人名黎架!), 一定要去呢間, 近關閘呢間先好味!!今次去澳門玩, 第1晚既晚餐就去左呢間~其實今次係第2次黎架咋, 上次令我同事帶我黎, 食過番尋味, 所以自己去澳門都要帶埋朋友一齊去! 可能夏天既關係, 都冇乜人, 幾好!2個人竟然食左咁多野!首先當然叫左個花甲蟹辣煲(少辣), 2個人咁少, 所以叫左佢揀隻最細既蟹啦! 因為肉蟹$144/斤, 糕蟹$176/斤, 一隻都成1斤幾, 所以好貴架! 我地叫左肉蟹, 鮮味d, 1斤9兩, 好貴!果然, 隻蟹真係好鮮味~ 勁多勁多花甲, 可能因為得2個人食啦~ 我上次食就一大班人, 所以覺得唔係幾夠喉, 但今次真係勁多, 食黎食去都仲有, 其實真係食一個煲都夠, 但我地又為食, 所以仲叫左肥牛、手打墨魚丸同埋生菜。勁飽! 肥牛普通啦, 因為唔係靚野, 可以不叫。手打墨魚丸都算係佢地既招牌之一, 可以一試, 係幾彈牙架呢間野未必好多遊客識, 但係澳門人實識, 同埋花甲蟹煲香港好似冇乜得食, 都幾特別架!
繼續閱讀
愛食蟹的人,如不來這裏,人生必有缺憾!!至今還没發現比它們更美味的蟹煲!!從5蚊兩肉蟹食到8蚊兩,有6,7年了,地方頗地踎,主角是野菌花甲辣蟹煲,不辣也可以,同樣美味,湯底極鮮甜,會上隱的,不知是否加了大麻!!賣相非常好,很狀觀,花甲的啡色,內蟹紅色的殼,白色的肉,加上葱的綠色,顏色配搭完美!!蟹啖啖肉,很大隻,很鮮甜,很滑;花甲爽口無榨,`清甜味美;野菌花款多,口感不同,有些爽口,有些甘甜,有些滑溜溜,層次豐富,有益健康!還有其他火煱餸可加,如羊肉,各式丸等,肉丸必試,肥美甘香!
繼續閱讀
每次去澳門都會去食花甲蟹煲, 今次都唔例外, 一行四人.叫咗個大蟹煲, 再加咗碟牛肉同菜再加椒盬鮮尢, 已經好飽花甲蟹煲內有好多花甲, 芹菜及什菇結賬都係$600左右
繼續閱讀