新明珠美食之家 (已結業)

十一國慶假期，當然不會浪費，與友人們一行六人一起到馬交飲飲食食﹗上星期先同食家去完，今個星期又去，當然要去試試新野吧﹗友人介紹一間在澳門的星級名店，關閘的台山水佬榮﹗呢位師傅就係台山水佬榮喇﹗聽說在澳門有好幾間叫水佬榮的食店，呢間新明珠先係正貨﹗店分地鋪與樓上雅座，地鋪小小，樓上卻別有洞天，數個單位被改成食店，放滿一張張餐枱與座椅﹗大排檔裝潢，但可放心有冷氣，坐得舒服，空氣亦流通﹗牆上貼滿來幫趁過的名人呢﹗睇牆上既廣告招徠，呢間水佬榮開到去台灣添﹗煲內除了花甲及蟹外，仲加入十多隻野生菇菌，睇資料佢話好有營養添﹗蟹可自由選揀，我地六個人食叫了一隻大膏蟹及一隻大肉蟹﹗每隻都重兩斤﹗呢個蟹煲係我地六個從來都未食過咁貴既鍋底﹗剩惠$1100﹗大既膏蟹肉蟹在街市買一斤都要成百幾銀，出街食又點會唔洗呢？湯底是冬蔭公湯，叫小辣已經可引出海鮮的鮮味﹗花甲大隻亦甜美﹗唔係流野，隻蟹鉗都成個碗咁大隻﹗肉質實淨清甜﹗一起筷後成班平日嘈亂巴閉的即時靜哂﹗啜啜聲此起彼落，唔洗幾個字已清哂所有花甲同蟹﹗味道確很好呢﹗不過真係幾貴，要發o左先可以再試多次﹗花螺又係想叫與唔敢叫之間，因為$200一斤﹗街市細隻的上次見

聽聞這間是正牌水佬榮店, 就黎試一試佢撚手既花甲蟹煲, 由於有小朋友同行, 朋友亦話有其他小菜叫, 但去到先知, 呢道係只有火鍋食物, 結果要在附近買粥同腸粉for小朋友食只知這店馳名的是花甲蟹煲, 實際是花甲煲$180一煲, 蟹是有糕蟹同肉蟹選擇, 收費$150-$170一斤, 普通叫一隻蟹係大約是一斤十至二斤(佢地係用好粗既鹹水草黎紮) 花甲蟹煲 : 我地叫左一隻二斤糕蟹, 連埋個花甲煲大約$500多, 個煲同openrice既相有出入, 比想像中少, 並不是疊得好高, 同埋中芹,蔥等配茶都算少, 有點失望, 可能係我地叫得一隻得兩斤既蟹關係吧, 味道唔錯, 但唔覺鮮甜, 係鹹味多過海鮮應有既鮮甜味 白灼花螺 : 都好大隻, 一碟有大約15-20隻(冇認真數過), 因為係白灼, 所以只可評論花螺本身既質素, 螺既頭好硬, 係冇辦法咀嚼到, 只可咬走個頭淨食尾部, 仲有就係香港人習慣食螺時點甜醬同辣醬, 這店是欠奉的, 只有豉油同辣椒豉油選擇聽埋個價錢先俾icon, 叫果陣沒有問清楚多少錢, 冇得怪人, 埋單時先知, 15-20隻白灼花螺承惠$400 黃金蝦 : 賣相唔錯, 蛋黃比

澳門同事話去食水佬榮 (其實我想糾正一下, 間舖名應該叫做"新明珠之家", 但佢舖頭出面會寫住由水佬榮主理, 係個人名黎架!), 一定要去呢間, 近關閘呢間先好味!!今次去澳門玩, 第1晚既晚餐就去左呢間~其實今次係第2次黎架咋, 上次令我同事帶我黎, 食過番尋味, 所以自己去澳門都要帶埋朋友一齊去! 可能夏天既關係, 都冇乜人, 幾好!2個人竟然食左咁多野!首先當然叫左個花甲蟹辣煲(少辣), 2個人咁少, 所以叫左佢揀隻最細既蟹啦! 因為肉蟹$144/斤, 糕蟹$176/斤, 一隻都成1斤幾, 所以好貴架! 我地叫左肉蟹, 鮮味d, 1斤9兩, 好貴!果然, 隻蟹真係好鮮味~ 勁多勁多花甲, 可能因為得2個人食啦~ 我上次食就一大班人, 所以覺得唔係幾夠喉, 但今次真係勁多, 食黎食去都仲有, 其實真係食一個煲都夠, 但我地又為食, 所以仲叫左肥牛、手打墨魚丸同埋生菜。勁飽! 肥牛普通啦, 因為唔係靚野, 可以不叫。手打墨魚丸都算係佢地既招牌之一, 可以一試, 係幾彈牙架呢間野未必好多遊客識, 但係澳門人實識, 同埋花甲蟹煲香港好似冇乜得食, 都幾特別架!

愛食蟹的人,如不來這裏,人生必有缺憾!!至今還没發現比它們更美味的蟹煲!!從5蚊兩肉蟹食到8蚊兩,有6,7年了,地方頗地踎,主角是野菌花甲辣蟹煲,不辣也可以,同樣美味,湯底極鮮甜,會上隱的,不知是否加了大麻!!賣相非常好,很狀觀,花甲的啡色,內蟹紅色的殼,白色的肉,加上葱的綠色,顏色配搭完美!!蟹啖啖肉,很大隻,很鮮甜,很滑;花甲爽口無榨,`清甜味美;野菌花款多,口感不同,有些爽口,有些甘甜,有些滑溜溜,層次豐富,有益健康!還有其他火煱餸可加,如羊肉,各式丸等,肉丸必試,肥美甘香!

每次去澳門都會去食花甲蟹煲, 今次都唔例外, 一行四人.叫咗個大蟹煲, 再加咗碟牛肉同菜再加椒盬鮮尢, 已經好飽花甲蟹煲內有好多花甲, 芹菜及什菇結賬都係$600左右

澳門除了中區、新馬路、氹仔美食處處外，其實較偏遠地方也有很多不錯的食肆，今夜我們所選擇的食店就是其中之一。他最出名的要算是辣汁花甲蟹煲，甫一坐下，店員已經隨即把一個氣爐放在桌上，好像預知我們到來就是要吃火鍋似的！ 的而且確，舉目四望之下，店內全是埋頭吃火鍋的食客，而且十之八九都是點了這個花甲蟹煲，既然來了，鎮店之寶當然要試： 這個花甲蟹煲並不是一般火鍋用的湯底，因為煲本身的材料已經十分多，足足夠兩三人享用，不需另叫食物！當然如果覺得只吃海鮮未必夠飽想另加火鍋食品，此店亦有很多其他火鍋配料以供選擇！火鍋用的蟹可以選擇肉蟹或花蟹，甚至每款一隻的鴛鴦蟹，我們便詢問店員哪一款較好，店員則詳細解釋道，肉蟹肉身較厚，食味較濃，花蟹膏多，味道則較清甜，因為我們只有兩個人，鴛鴦蟹顯然太多並不推介，最後選了肉蟹，店員隨即用膠桶盛了數隻蟹讓我們挑選，最後選了一隻一斤十两重的！可是之後等了差不多四十分鐘這個煲才上枱，幸好不是太餓才來，否則可能一餓之下走掉了，也不知道是誰的損失！蟹煲終於來了，果然份量不少，煲裏面有很多材料，肉蟹已經劏好斬件放在鍋裏，花甲最少估計超過兩斤，還有很多菌類、西芹和芫茜！肉蟹的膏絕不

25-28同一行19個人去澳門玩,行下有邊度地方好食, 跟住朋友話試下呢間既水蟹, 好似幾好食...跟住入到去原來係呃人既...一定要先叫一個鍋....水蟹原來係$300大元一隻...實在太貴,跟住話有小菜可以叫,但其實得炒粉麵飯,仲超夠"鑊氣", 一食落去,超難食...個個火煱實在係.....冇乜肉食...一黎就幾碟菜...我地因為太餓的緣故,一次過倒曬落去...d肉得好少,又唔好食,現場又多人食煙,淨係呢點都扣曬分....我地一餐就食左差不多$1000下次一定唔會再光顧...