水佬榮海鮮火鍋飯店

營業中

休息中

疫情三年冇來過澳門，今日可以來到搵美食。上網一早做定功課，網上介紹咁多美食當中，澳門水佬榮海鮮飯店好多人推薦，廿四小時經營， 30多年歷史，所以第一站就即刻安排去食花甲蟹火鍋。當日大概4:00去到新馬路店水路榮海鮮飯店，有兩層，門口地下沒有開燈，有個侍應喺度整緊海鮮，我哋問係咪開門了，侍應回覆5:00才開，所以喺呢度要通知大家，可能疫情緣故，已經沒有廿四小時服務，5:00才營業，免得大家白行。尚有1小時，我哋去咗對面十六浦酒店行了一個圈，入了賭場，時間到啦，我哋就再一次入水路榮海鮮飯店，侍應好有禮貌，一坐低送上兩碟小食. 看到餐牌之後，梗係第一時間叫最出名嘅花甲蟹火鍋，原來所謂嘅花甲蟹鍋，是逐樣計，即刻心諗「中伏」；花甲, 蟹, 火鍋係三樣嘢來，花甲有分大花甲和細花甲，細花甲$298一斤 ，大花甲$398 一斤，我自己揀咗細花甲。另外, 膏蟹或者肉蟹要398一斤，我自己就揀咗膏蟹，一斤多啲。本身個火鍋底，另加$298 ，就呢個煲$298，都要$1000。火鍋來到嘅時候，焗材料都多，更顯得隻蟹好細，因為個波好大個。我哋一路食，啲花甲食極都有，我覺得呢個係痛風火鍋，因為一斤細花甲，係個鍋裏

《水佬榮海鮮火鍋飯店》 #食在澳門 #新馬路📍新馬路海邊新街357-361號地下-去澳門小不免都會賭下錢 今次去左十六浦 而呢間餐廳就係過一兩條街 而且24小時🤣 隨時餓就過去食啦 除左小菜仲有得打邊爐 應該總有一樣岩你嘅前菜：辣蘿蔔又幾出色喎 雖然外表唔係太吸引 但勝在味道取勝蘿蔔仲夠爽脆 而且辣辣地幾吸引 唔錯🔹水蟹粥（時價）水蟹蟹肉夠滑 肉就唔多 粥底都唔錯 夠綿密得黎唔會太淡 份量都唔小 兩個人share再加d小菜就岩岩好啦🔹辣酒煮花螺 半斤/一斤我地嗌左半斤試下 個汁都幾辣 但好惹味 連D洋蔥都煮到入哂味 半斤感覺都幾小 而且花螺有沙有點扣分 但可以一試嘅 都幾好味🔹椒鹽九肚魚九肚魚好大條 好滑好嫩 但有部分都幾多骨 椒鹽味唔出 我自己就覺得一般 但朋友幾鐘意 原本想食椒鹽豆腐但無豆腐🔹藍妹 比較多人飲青島 但我作為藍妹打手又點會飲其他呢

花甲海鮮煲好食，花甲極多，但好細隻，叫左個美國肥牛，唔太得，辣酒煮花螺性價比低，1斤288幾貴，加上個汁係傑，麻麻，但螺新鮮。最強係蟹粥，無得輸。但好多小昆蟲不斷飛下飛下。。。服務好。總體可以一試，人多為佳。

上一次去澳門食唔到，今次住十六蒲酒店，原來樓下就係，冇理由不去一試🙄🙄先點大熱海鮮煲：店內阿姨介紹雜菌花甲海鮮煲，比雜菌花甲煲多左一隻小水蟹，4隻🦐，點了鍋底，其間打算在點配料之際，一個大鍋就來了見到甘大煲，2人馬上停叫其他野真係好大份，花甲不肥大，新鮮程度亦一般般，但價錢相對既～最終都係食晤晒，原本花甲有二斤多，應該多人吃加配料會有更豐富的口感和美道食剩都有兩、三碗花甲😅

今次到澳門原本想試一試贏到粥的卜卜蜆煲，可惜沒有訂位要等到十一點才有位。所以我們到了附近的水佬榮打算試試蟹粥。一行五人七點半到達，店員推薦了我們點花甲蟹煲試試，還可以用來打邊爐，所以我們點了蟹煲，沒有試到蟹粥。花甲蟹煲一上桌，我們便聞到香味了。過了五至八分鐘，蟹煲已經滾了，便可以開始吃了。我們叫了一隻羔蟹和一隻肉蟹。兩隻蟹都算頗大隻，羔蟹亦有滿滿的羔，用料不錯頗新鮮。之後我們點了牛肉、手打墨魚丸、脆脘魚腩和菜來打邊爐。用料上整體都算不錯，尤其是牛肉和墨魚丸都很出色，不過脆脘魚腩就有待改善。另外我們每人點了一隻黃金蝦，十分驚艷。黃金蝦十分大隻，有手掌般長，開邊舖上厚厚的咸蛋黃，炸得香脆可口，又有咸蛋的咸香，是一道十分邪惡又抗拒不了的小食。