澳門大利來記豬扒包 (已搬遷) 新店位置

Boxing Day同男朋友去遊馬交... 去左氹仔同路環~ 經過地堡街見到哩間大利來記咖啡室排左好多人... 聽講話好多食評推介~ 第二日再同埋同行既朋友仔一齊去... 見無乜人就試下啦~入到去~ 見到有個肥女人係度收錢... 就一於問下有無位~ 點知換黎一句悔氣說話... 「你見到有就坐~ 無就無架啦...」咁做生意... 由於山長水遠就試下啦~ 點知等人抹檯等左好耐... 係咁唔該搵人抹檯都無人理~ 就算見到望到都好似扮睇你唔到... 等左5分鐘抹左檯... 打算落埋單啦~ 阿姐話等等... 之後又等~ 係咁狂叫落單都係直行直過仲要係當我地檯人透明... 同左我地周邊D檯落單都唔埋黎~ 之後我等左十分鐘~ 都仲係無人... 唯有自己走出去同佢講落單啦~ 又係果個肥女人... 「人人都等架啦~ 你等下啦...」我只好大大聲講「周圍既人遲過我黎... D野食都黎晒~ 我坐左成十五分鐘就仲未落單~ 同你地講... 你地就當我透明~ 仲越叫越走... 唔做我生意咪出聲囉」~ 當我行返埋位就見到有個男人黎落單... 佢話硬豬扒飽要三點後先有~ 咁我地就叫晒菠蘿豬扒飽同埋招牌咖喱魚蛋啦..

難得來澳門一遊,當然要揾猪扒包食下啦~~原本鎖定氹仔新好利美食餅店,但係........跟住地址門牌揾極都揾唔到加上又熱又曬又肚餓又唔想再行,所以退而求其次去大利來記...其實我都係講真我都係第一次幫襯,因為身邊大部份人都認為水準越來越所以從來都唔係我List之內,但又熱又曬又肚餓又唔想再行,所以就試下龍與鳳兩個人叫左一個猪扒甜包,魷魚麵,兩杯凍奶茶....猪扒甜包:因為脆猪包要兩點後先有,所以要了甜餐包,其實個甜餐包真係幾好,又夠軟熟又夠麵包香甜味,不過個主角猪扒就唔爭氣,一來又唔夠熱,二來死實唔夠鬆化,三來調味雖好但只限表面,原全未醃得入味,所以以招牌菜來說....NO GOOD魷魚麵:這個真係意外的驚喜,一上枱似係雲吞麵鋪出品,因為一來係生麵底,二來湯底似加左腩汁,跟住有啲魷魚做餸,咖哩汁就另上,不過這個真係幾ok,因為個湯底夠濃郁,魷魚係急凍日式魷魚(即係日式燒魷魚嗰隻)所以夠厚身夠咬口夠魷魚味,而咖哩汁更係一絕,咖哩汁面浮紅油,夠辣勁之餘又夠咖哩香,加進湯底內有如神來之筆,即刻令味道層次提升凍奶茶:有別香港一般風味,茶味淡奶味淡,可能係澳門人心目中奶茶就是這樣味道吧!!!另外

其實光顧前已沒有抱有很大期望 但來到澳門想嘗試一下豬扒飽 所以到官也街買手信時就到這裏試一試豬扒飽真的毫無亮點 豬扒乾身沒有肉汁而且飽太硬 香港很多地方的飽都比它出色魚蛋彈牙 但絕對不價$22菊蜜可算是最滿意的了 甜味適中很解渴但綜合來說 大利來記實在是被過份吹捧 不值一試

去咗澳門幾次,都未去過大利來食豬扒包,今次住的酒店好近這裡,所以就試一試 !大排檔型式,沒有空調,但唔重要,最重要好食.坐好後等咗一陣先有人理我,諗都唔諗即刻叫了兩個豬扒包兩支可樂,我和太太一人一份 !但可惜食落個豬扒包覺得很失望,包已經唔脆,豬扒味道又唔好味,仲話出名,真係信唔過 ! 以後去啲所謂出名食店都要諗清楚 !

今次兩日一夜的澳門之旅,目的是試試新開的悅榕莊酒店.由於一心諗住躲在酒店盡情享用他們的設施,所以三餐都是在氹仔附近解決.筆者相信,十個香港人遊氹仔,九個會去官也街,十個去官也街,都應該會有五個去食豬扒包,這就足以構成讓大利來記食老本的顧客群.食老本,若果能夠保持其成功的傳統,絕對無問題.但大利來記一方面不斷提高豬扒包的售價(每個要MOP20),一方面又讓它質素下降,那就非常抵打了!大利來的豬扒,一直以來以夠厚身,肉質軟同醃得入味見稱.而豬仔包則以烤得香脆馳名.今日再幫襯,豬扒,依然夠厚,可惜肉質又硬又鞋,而且完全唔入味,衰過自己喺屋企煎.大利來標榜用有骨豬扒,就係取其鮮嫩軟熟.若果肉質又乾又鞋,點解唔用無骨豬扒?至少吃起來比較方便!至於醃味問題,則明顯係拍打時間跟醃味時間都不夠.豬仔包暖暖地,唔脆之餘仲要有啲靭.不難理解,一定係一早大量烤定放入袋,水氣將包弄濕所致.望一望手上那個在烈日下排足10分鐘隊才買到的豬扒包,再望一望對面冷氣開放嘅麥記,終於明白到,乜嘢叫做悔不當初!看到大利來座無虛席的戶外風扇雅座,深信在內地自由行旅客接力下,大利來絕對可以繼續食老本.香港遊客嘛,奉勸大可省回腳

3月20日, 來到旅程近尾聲, 最後嘅地標官也街~ 時間大概4點, 記得以前3:00必來排隊買新鮮出爐嘅豬扒包, 一人一個食得津津有味, 今日行過見冇人排隊, 就買番個啦~ 入到去櫃台先知豬仔包沽清, 取而代之係菠蘿包或者餐包… 原本覺得豬仔包會襯d, 不過菠蘿包好似好有新意, 唔介意就試下啦~::: 豬扒菠蘿包 ::: $20第一先講size, 菠蘿包唔大個, 只佔豬扒1/3嘅覆蓋率, 賣相就唔算討好… 第二個包嘅味真係唔太襯豬扒, 因為豬扒醃製過有濃濃嘅香味, 而菠蘿包嗰種甜味就剛好遮掩咗, 分開食ok但係夾埋一齊咬就不倫不類… 第三就係個口感, 菠蘿包太過淋, 麵包本身唔鬆化, 唔似豬仔包咁香脆… 而豬扒本身就係淋身嘅, 所以整體一入口就已經淋晒一pat pat… 總括, 冇咗豬扒豬仔包嗰種香口惹味街頭小食感, 而似麵包舖買嘅攤凍麵包…今次食就真係唔太值, 所以只會食豬仔包, 否則唔會吸引到我地…

小店挺難找，問了當地的警察在在一條小路的轉角找到這家店。遠遠看到隊伍已經拍了20-30米遠，好在移動的速度挺快。言歸正傳，豬排包s20一個，不抵食，麵包烤的好硬，豬扒應該是事先腌過的，味道還不錯，但應該也是家裡可以做出來的味道。真不知道爲什麽這麼多人沖著這個豬扒包來，對我來說絕對沒有第二次。。。

因某個原因有優惠船飛,所以決定過海食返餐。可能太耐冇去澳門啦..豬扒包咁出名,緊係要去食下啦,澳門既朋友就帶左我去,聽聞香港好多人都食既哩間店舖,..(不過佢就話澳門人係唔會去,而且豬扒包真係唔特別且唔好食....)為左可以食通天,於是一早起身去搵食,叫個豬扒包原來係要自己入去外賣自取,等左一陣,見到個餐包既豬扒包已經有點兒失望,點知食落去先叫真正失望,個豬扒又硬又乾...個餐包更加不值一提...賠返個早晨俾我呀 .

名不存實...可能係澳門是但找間茶餐廳都好食過佢因為要2:00後先有豬仔既豬扒包..我早去左....所以未有...只好食住菠蘿豬扒包同甜包豬仔包先......但好失望,冇諗過味道一般...豬扒吾熱...仲要賣$20一個....不是出名到咁好食....之前係澳門食過一間茶餐廳既豬扒包都好食過佢...或者係大山巴附近嗰D都好食嗰佢....

當甜胃遇上蚊胃，容納咸食的空間實在很有限，故這次來澳的飲食行程經過很小心的計劃。也是為此，飽肚午餐後，當日不得不痛捨喜蓮咖啡，也要留肚給大利來記的豬扒包!　計好時間加上專程搭的士來，終於趕到3:15pm出爐的大利豬扒包啦!! 不過店方都幾大牌的，其他食物可以坐下點餐，最暢銷的豬扒包現卻要食客自行進入狹小的室內舖位，排隊並即時付款購買。可知古舊店內透風一般，還好週一的下午人也不太多，也當是來開了一下眼界吧!小小的廚吧位，堆著新鮮出爐的豬扒包，最新定價已是MOP 20個，比街邊平均的貴上五成；但仍是食客不絕，魅力可見一斑!熟知彼此胃納，只買了一個豬扒包與友人分享。這個得來不易的新鮮出爐的豬扒包，特點是豬扒大咧咧的申出包外，第一口咬到就得它；不知店方用上甚麼醃料，總之這豬扒肉質鬆化，口味不濃惹但卻十分滋味，淨吃也一點不膩；吃到中間，連著脆口又帶咬口的溫熱豬仔包同吃，又是另一種美妙滋味，與友人同時吃得味蕾感動。然而面對這般美食，我自問是已盡自己的半成責任，友人卻吃了不知有沒三分之一，最後也落得吃剩收場，真令人慨嘆!友人是奶茶迷，當日又點了一杯熱奶茶(MOP 10)同享。原來這裡的淡奶與熱茶會分

熱奶茶既香又滑 $11飲得過 餐包豬扒包 $19 豬扒味道普普通通, 食唔出為何會出名菠蘿豬扒包 $19菠蘿包個皮又薄又淋, 好似唔新鮮咁...當時客人唔多, 叫多次才有人落order, 服務好差

因為係平日 所以三點幾去到唔洗排隊就買到兩個呀姐態度好友善豬扒包($19)好好味! 個包又熱又鬆軟 外脆內軟 同塊豬扒簡直係prefect match!一定會繼續支持佢地!

也不只一次光顧此家豬扒飽, 但這次感覺扣分, 而且像是不憂做的態度令人失望.首先, 喜歡嚐新的我當然想試試別的食物啦! 當我要求餐牌時, 服務員說: "隔離枱有, 自己攞啦!" 吓? 要自己去攞? ok, 有幸鄰坐帥哥為我把餐牌送到我手上, 真的感謝! 待點食物時, 服務員又說:" 自己去買就得喇!" 我第二次"吓".今天沒有再嚐豬扒飽, 反而點了菠蘿豬扒飽, 但飽身冷而皮不鬆脆, 沒有香港菠蘿飽的水準, 可豬扒仍入味, 腍腍的, 還可以吧!當我想點飲品, 再問服務員誰人可以為我寫單時, 服務員竟答: "我可以, 不過我依家唔得閒.", 我即是目瞪口呆!!! 就算有再出色的食品又怎能再吸引食客呢?

已經過了三個多月才寫評語，不過跟大部分食客差不多，此店言過其實，旅遊指南未免褒獎得有點過分。當日颱風，天氣甚差，下午離開新濠天地開始下細雨，之後到官也街行完捷不到的士，乾脆到附近的"大利來"吃點東西。並非專誠光顧，所以沒期望，既然得知其豬扒包出名，姑且一試。點了招牌豬扒包、葡式奶茶、豬扒湯米 及 汽水一支。豬扒味道略咸，似乎企圖用濃味調味蓋過不太鮮味的肉質，面包本身很硬不夠鬆軟，豬扒也不見得出色，沒有醫汁 / 蔬菜配料令面包及豬扒變得穿單調 (個人感覺)，而且兩者皆掌握得不好，所以說旅遊指南把其褒獎得過分。豬扒湯米，湯米則完全被豬扒的油薄薄蓋上，把本身尚算合格的豬扒 及 湯米互相減分了。 至於奶茶，如圖所示是奶、茶分明，自己加茶，口感不滑而且有渣，飲慣港式奶茶的朋友肯定失望而回。既然一場到官也街附近，可當作感受地道街坊茶餐風味，但不要抱任何期望。

本身上openrice見到劣評咁多 都唔想食呢間點知行行下就行左泥 又餓餓地 就算啦食左佢啦 !泥到澳門 點都要試下個豬扒飽啦哇 個飽皮好硬 ......... 最後同食晒入面塊扒 食剩d飽$18 一個豬扒飽 會唔會貴左小小 ....真係抵食嗎 ?