澳門氹仔林記燒烤

營業中

休息中

果日男朋友成日都未食野一坐低即刻叫個蒜蓉包同咖喱牛腩比男朋友食住先個牛腩煮到好淋 加埋大量onion 聞落好香 送飯真係一流鬼佬男朋友就唔係好岩食.. 仲好 我可以食多D跟住我地再叫左爽拿蝦, 薯皮焗帶子, 葡式豬肋骨 個蝦炸到好香口 可以連埋個殼食 （必定再翻食）薯皮焗帶子唔錯 男朋友好鍾意 豬肋骨就真係麻麻地 好乾好UN 又冇咩味~~我叫左佢地桔仔冰都OK 我覺得甜左少少JE 依家知道佢地有自家車場 咁我地又可以隨時去～PS. 果日坐左係佢地D房度 咁岩D人講野大聲到對面街都聽到成餐飯同男朋友都冇咩點傾偈... 因為一講野要勁大聲佢先聽到

餐牌好色彩繽紛同時都好多食物簡分得好清楚唔同既肉類，小食，一目了然。咖哩崩沙腩，好多份量既牛腩＄６８大大碗真係超值薯仔夠淋牛腩又嫩又入味，筋位就更加彈牙有咬口嚼勁！件件都好出色，個汁又夠哂香濃又唔太辣唔係稀既咖哩汁，會食到用左唔同材料打碎一齊煮先會有咁既口感用黎點烘豬仔包食真係食唔停食得咁熱氣好需要冰凍清熱既飲品老闆推介馬來西亞既桔仔冰。好懷念依種飲品，估唔到無啦啦係澳門飲得到仲記得係沙巴旅行時日日都會飲又平又清甜降火依到仲好貼心桔仔係幫你出哂味唔使自己督督督喇哈哈 羊架有兩味香草及芥茉燒羊架，另一邊係黑椒汁細細件好嫩肉，佢既肉仲係有少少血唔會燒得老香草及芥茉果隻會攻鼻但唔會覺得太重味香草味同芥茉好夾成個咀一食會充滿哂果兩隻味久久唔散黑椒汁果隻羊味就會出Ｄ，惹味Ｄ，骨位就更加香脆自制炸墨魚球食得出係手製因為真係好彈牙外脆，唔會係好厚既炸槳葡式乳豬釀飯乳豬真係做得好出色好食上到黎仲係辣口，岩岩整好咁多件有肥有瘦個皮超脆同時好咸香，肉質又保持到唔會過熟但係個飯就好似唔係釀飯一齊煮佢唔熱加冇乳豬既香味只係好普通既炒飯，有點失色但整體黎講真係又抵又有水準既一餐！相信其他食物一樣好食！下次會再黎

到澳門開完會, 難得晚上無事幹, 順道約些朋友見見面, 吃吃地道餐廳。有時到澳門不是不想去些地道區份, 吃吃他們心目中的好東西, 可是一來上到的士都不知應去哪裡, 二來去到附近又不知從哪巷入, 三來到了也不知應試什麼。找這麼多藉口都是想找多些人一齊吃開心開心一下。他們如常的提出選擇給我, 但今次我也有心水, 這裡我知大名鼎鼎, 亦是很多澳門人喜歡的地道食店。老實說, 只知名字及在黑沙環區, 但它確實的座標哪裡, 我沒有多印象。幸好跟他們一起去, 不用東奔西跑。而這裡原來好在有泊車位置, 只要在車場外開閘後通知餐廳, 他會領你到他們的車位。可是車場九曲十三彎, 陷阱頗多, 駕車人士需特別留意。這餐廳鋪頭其實有兩間, 這樣所示是他們的舊鋪, 在海濱花園車場的入口處, 而其實他們的正鋪已改到從舊鋪拐個彎內巷的新鋪。七時多, 房間無人, 以為時間尚早。可是未幾, 房間, 原來連樓下大廳也坐無虛席, 只是我們早了一步而已。朋友們相繼點上喜愛的, 每樣都很期待, 看這澳門街上的經典表現如何。凍蝦, 是這裡熱點的一名菜, 冷盤食法。灼過的蝦, 拖爽口, 拌上白醋, 蒜同洋蔥。味清香而令人追著進食的感

難得有好幾天假期，當然不會白待在香港，24/12晚就出發去澳門玩番個四日三夜﹗一路船放下行李，第一時間就係飛的去林記﹗有睇開我既食評都知林記係我每次澳門必到食店之一﹗佢既燒烤出品真係唔差架﹗呢個就係我地朝思暮想既林記葡式凍蝦，大量洋蔥加上橄欖油白醋等醃蝦，惹味無窮﹗自己整都硬係整唔到佢咁好味﹗呢個孜然和牛粒，成百蚊碟不過真係好好味﹗食完一碟想來多碟啊﹗今天是我倆的五十六月天，當然飲多杯啦﹗呢晚同食家兩個人飲左成六支大啤，乾魷魚都叫左幾塊，佐酒佳品﹗法式炒大花甲，未吃已聞到極重牛油香，加上洋蔥辣椒等，個汁真係PERFECT﹗

上次黎已經係上年既事啦, 試過之後真係念念不忘, 成日心思思想黎食. 所以往後每次黎澳門都必定黎哩度encore, 已經成為晚餐既指定動作之一. 但想黎既朋友記得最好訂定位先, 以免要等位 (尤其是假日, 實爆場的). 今晚我地book 左6點半, 但係我地早左半個鐘黎, 六點已經到了, 老闆都好好照比我地坐低, 不過7點半就要交番枱比佢, 咁我地4個都覺得冇問題啦, 1個鐘實夠哂啦. 雖然老闆好似唔休做咁, 但其實佢都幾nice 的. 等左10分鐘倒d 食物就開始上枱嚕!有咩好食? 必叫之一 - 咖喱牛腩! 牛腩同牛筋紋得好淋, 咖喱超惹味, 連唔太食得得辣既朋友都話正. 暫時味搵到有邊度既咖喱正過哩度~! 叫得咖喱, 一定配埋佢個即焗製既豬仔包, 一絕...!! 而家睇番相已經想再去食過!必叫之二~~羊架, 左邊係燒, 右邊係芥末香草焗, 燒既比較 juicy; 焗既比較香口, 芥末又唔太攻鼻, 非常正斗新嘗試既蜜糖咸豬手, 燒得唔夠脆皮, 又唔醃得唔夠入味 (定係專登唔醃呢?), 所以一般, 不會再encore.估唔到沙甸魚燒得幾好~~ 肉質都唔錯, 可惜已經好飽, 朋友們你地食

我們每一年總會去澳門覓食一次。林記本來不在我們的Check-list當中，不過同事極力推介，所以決定一試。甫落船馬上前往林記，由於肚餓難當，看到餐牌上盡是美食，除了腦海裡的羊十一，實在不知如何是好，就請侍應姐姐發板。她介紹了咖哩坑腩、法式炒花甲皇和炒雜菜。因為餐牌選擇太多，我們什麼都想試，她隨即叫停我們，說這些應該夠我們吃了，這種態度實在不錯，體貼之餘又環保，雖然會少賺一兩碟菜的錢，但是肯定會賺回我們將來會再光顧的心。豬仔包外脆內嫰，無論配搭咖哩吃，或者是齋吃，都是一流。香草燒和芥茉燒各半份，芥茉的非常出色，芥辣雖然攻鼻，但很輕微，亦略帶甜味。香草燒也不錯，生熟程度剛好。咖哩坑腩我尤其喜愛。牛筋很「淋」，咖哩汁很不錯，當時只恨肚皮沒有多餘空間去盛載多一碗白飯，眼見當地居民都會打包咖哩汁回家，十分羨慕。算吧，作為遊客的我們，難道帶回香港作手信嗎？花甲很飽滿，絕對新鮮。這個汁也不錯，略帶酒味和牛油香。咸牛脷聽說是必吃的，不過本人對於牛脷印象一般，但我相信這種烹調手法對於牛脷來說是很合適的。兩個人吃的種類一定有限，眼見隔離枱的凍蝦和其他燒物，我相信一定會有下一次！

身為一個澳門人，在很久很久以前，都把這一間食店當成飯堂。但一切的改變來的太快....自從xx 蘇介紹完之後，除了要等位外，食物質素和價錢都變了....燒羊架 記得以前係 98 蚊一份, 前幾日去係 110 蚊...咁都算了, wasabi 味都可以保持水準，但燒汁果d 除左燒唔乾之外，仲燒唔熟，大佬，羊排係不能生吃的.....同以前的精心製作真係差天共地....燒鹹牛脷厚切個人覺得 d 牛脷好腥，好似d 血水未清乾淨咁...咖喱牛腩(大)以前的咖喱牛腩叫大的話係用一個好大的盤裝的, 差唔多係 4 人份...而家用一個碗仔去裝, 兩人份. 咖喱淡而無味, 講話牛腩就90% 都係牛筋, 而且仲未煮林...但價錢仲貴左....以前的咖喱牛腩好用心機去煮的，但而家周街都煮得好過佢 又平過佢炸墨魚丸可能係最好食的一味, 但幾10 粒定 8 粒, 好貴而且好熱氣總結:澳門仲有好多大件夾抵食的舖頭, 除非有改善,否則留返錢去x益或者師x仔好過。用一句xx 蘇的說話: no good (x)

如果不是多得我丈夫的在澳門上班的姨丈介紹, 我地都唔知有咁正斗美食(因為黑沙環有點兒遠)全程姨丈點菜及請客(多謝)蝦雖然不至於爽脆但配生洋葱菜油也很清新。花甲皇又厚肉又大隻, 白酒汁及生洋葱連硬豬包一起吃, 是我的至愛！鹽燒很入味, 連鮮味也帶了出來。羊架帶血燒得嫩,芥末甜不辣。可是黑椒汁就異常辣兼與羊架的味道唔襯。牛尾湯精華盡在不言中。

地點：隔涉 & 偏僻 (一點都唔起眼的位置)時間：晚上 7:30左右 (食飯時間)人氣：無人﹐只有一位疑似職員的人在行來行去 (但其他的食店是有客人的)裝修：烏燈黑火 & 睇上去唔係咁清潔結果：同男朋友再三商量後﹐返左氹仔食。(完全浪費時間)

林記啲位置對於遊客黎講有少少偏僻，可能自己好少去到黑沙環果邊，由拱北關閘打的都要成20幾蚊，不過為左搵野食…冇計啦~咁吊腳啲地方D人都要黎，一定有原因啲~ 店內啲環境非常街坊，近乎冇乜裝修，分兩層，下層較少地方，上層就好較大，仲有細廳房。不過可能可以玩骰盅啲關係，就令到餐廳裡面好嘈，而且店內用啲枱櫈都係好普通嘅摺檯同背椅啲…好一間室內啲大牌檔!話到明係勁食之旅，當然又要勁order啦，我同Cobi爸都係食得啲人，不過心唸要留肚食宵夜，唔可以亂黎…不過2個人都叫左5樣餸。葡式凍蝦Cobi爸係玻璃肚，少少野唔對路就會肚仔痛，一見到我order凍蝦就”er…”哂，仲以為係生食…經我一番唇舌之後最終回我一句「死就死啦」! 唔洗下嘛…上枱時個樣以為平平冇奇，毫不起眼，不過就聞到陣陣啲洋蔥香味，一入口就覺得呢個菜式非常惹味，係用左去殼啲中蝦，加上大量啲生洋蔥、黑椒、芫茜、橄欖油、少量啲檸檬汁醃製而成，真係好好味，D生洋蔥完全唔覺佢辣，唔係好鍾意芫茜啲我都冇理咁多，就連D洋蔥都唔放過，全碟食清光!果然係招牌菜!燒羊架 (孜然粉+wasabi)響網上已經得知可以order半份，而半份又可以order

林記燒烤 (因為呢個林記燒烤先至做 OPENRICE 既會員,請不要以為係好嘢,執到錢都唔會再食)六月份老婆大人生曰, 一行六人到澳門食野放假.晚上 6:45 到了亞蘇介紹的林記燒烤吃晚餐及看世界盃, 我們己經問過老闆,他說是有波睇的, 俾咗一張冇冷氣及只有三人可睇到電視機的枱, 打側坐即刻俾亞姐鬧話不可以, (俾人鬧真冇瘾, 嚟食嘢要睇人面色) 到 7:30 都未轉台, 叫亞姐轉台她說老闆話晚飯時段不播波, 後來有少少爭坳才有得睇, 真嬲死. 前言不對後語(顧客不是至上)至於食物來說真是有點過份, 我們叫了一支 MOP 90 白酒, 但飲來就好像一支汽水的物体,價錢又不平, 真嬲, 後期全程轉飲 BEER 算了, 叫了一份乳豬海鮮煲, 價錢 MOP 250 但是材料又少又不新鮮,我同老細投訴很少乳豬, 他的態度就不大好之下回應(你同我諗下成本問題) 我就即刻諗到, 原來佢食水好深架.乳豬 5件, 甩頭蝦 5隻, 蜆 4隻, 青口 4隻, 尤魚 3片, 以上材料值不值 MOP 250 元 ?各位請計一計啦 ! 重有孜然牛粒, MOP 100 貴得來又不甚好食, 沒有牛味, 乾身無肉汁,

預早兩曰由香港打电話留位，留位時老細已經再三吩咐不要遲到否則會冇位。心想係唔係真的咁旺，鋪頭開6:00pm,book 位6:30pm 準時到達,一去到樓上樓下已經坐滿晒客,聽到老細接電話留位已經要去到10:30pm真張。 開始叫食物我地一行六人叫左7個餸 一個炒麵,豬仔飽同白飯。乳豬：1/4隻皮就夠脆但肉就好肥下次可以唔叫。羊架兩味唔so佢需然係燒但D肉好嫩。炸墨魚丸好彈牙同埋唔會油淋淋正！燒鹹牛利好香好唸。肉絲炒麵一心以為同香港一樣係炸左個麵然後有個九王汁係上面点知係豉油王 炒 ,但出其地好食而且係麵下面無多餘既油。全晚我哋覺得做得最出色就係咖喱雞香而不辣超正。真係值得一試但記住訂位！後記從未見過茶餐廳清明節要加20%但係澳門就有一間嘞！咁有特色嘅餐廳就係氹仔嘅大利來記食朱扒飽果間。

呢間野係個trip中我最期待食既一餐,o係下午做左2間野既last customer後,我地住bus黎到林記,一入就有位....wow,好在我地得2個人啫因為想試d唔同野,都係細細份咁嗌啦嗌左個烤羊排 (1件$20)都幾大件,食落幾滑,有d似食牛架成日食羊既我都覺得真係唔錯一份牛 (10安士,好似係45)嗌左5成,不過應該唔足5成,不過味道係okay的,唔係太夠牛味有個汁另上切開左後睇得出應該唔係好靚既牛,不過咁既價錢,我收貨的2份蜜味chicken wing ($12份,2隻)燒得好香,不過唔夠脆口,肉都有dd太salty燒牛舌 ($45)一份有5件,不過真係唔錯的,如果飲酒食佢真係一流一碗咖哩牛腩($40/$45,唔係太記得)因為只係得2個人,只好嗌一份細的了,不過都唔細份架跟住用黎點包食,雖然個汁都幾辣,但真係好惹味的一隻豬仔包係就係好食,不過因為碗curry好耐至上,開始淋了一份蒜蓉包呢份係食食下curry嗌,香,脆,好味,可惜唔夠位再嗌一份2*coke, 1* zero見佢地真係好忙,但係服務仍然係okay的,冇話黑面o個d野食真係好好,全場爆晒都可以做到水準,呢間野,我一定

食完雅憩回酒店休息一陣，大家分發好抽到的XMAS禮物，再收拾行裝，去四季酒店行下﹗錢就無賭，不過四季有樣好就係賭場入面可以叫生啤飲，睇住友人賭錢我就有野飲，唔錯唔錯﹗友人小勝而回，又再出發去下一站食宵夜，地點係國慶食完的林記﹗地點在黑沙環，四季打的去大約七十蚊左右。一入門口就見到張老闆，佢同友人在開XMAS PARTY，我地只係食過一次當然唔會認得我地，不過都走埋黎同我地SOCIAL一番，認真親切﹗來呢度當然大口大口啤酒，$11支青島抵飲又順喉，最緊要是叫多六隻骰盅，一路玩一路食最有氣氛。先來的是上次吃過超好味的葡式凍蝦，以大量洋蔥加入芫茜橄欖油醃製而成，蝦是已去殼的中蝦大大隻，與一大羹配料同吃，惹味非比尋常，一客有八隻，我最至鍾意食0的臭口野，食完蝦都仲要剷0的洋蔥來吃，好好味啊﹗再來是川味花螺，花螺夠多配上杰撻撻既川汁，辣度十足，花螺雖然細隻不過很爽口新鮮，辣汁是辣中有麻，香港很多地方的辣酒螺辣度未及佢一半，友人吃到成頭汗，可知一二﹗紙包銀鱈魚，味道就比較淡，亦也許我地岩岩吃完兩個濃味食物，吃不出其應有味道﹗炸墨魚球外脆內軟，咬入裡面仲有不少墨魚小粒，吃落就知是手打的，口感煙韌彈牙

難得十一有國慶假期，當然出外走走，呢晚就同老友二人到澳門玩番日﹗ 到酒店放低行理出發，這夜我們到黑沙環的林記燒烤食飯﹗ 難得放假梗係玩大佢啦﹗一於飲大﹗生力十蚊大支裝，相當抵飲﹗ 先來一個招牌凍蝦，用欖油、大量洋蔥、黑椒、芫茜等醃成﹗我唔食芫茜的人都覺得超好味﹗呢味真係招牌菜﹗ 川辣煮花螺，螺細隻左少少，個汁較得幾惹味夠濃可惜不夠辣﹗ 孜然牛粒﹗成100蚊碟，老闆張生走出來同我地吹水，話呢碟賣咁貴主因係佢地用美國的雪花牛切粒做的，來貨價錢也絕不便宜﹗牛粒入口真的軟糯有肉汁，孜然味吊起牛本身味道，係貴，不過好好食﹗ 燒羊架可以半份叫，我又無份不過佢地話肉汁夠多，燒得岩岩好羊味濃而嫩滑﹗ 呢間林記真係好岩我地﹗啤酒唔貴又有骰仔玩，見好多宵夜客仲帶埋啤牌來玩添﹗絕對無人理你做咩，正﹗我想究其原因都應該係張老闆本身份人都十分愛玩，見佢同我地吹水係咁講自己0的猜妹威水史就知咩事﹗(佢話自己猜妹在馬交無人能敵﹗) 咖哩雞，咖哩較得比平日吃到的辣，雞肉是雪藏貨不過入味嫩滑﹗咖哩的好朋友除了白飯外仲有蒜蓉包﹗ 燒花甲王味道好淡，老闆話佢來遲左，如佢早到一定介紹我地食咩西班牙汁花甲，佢話正好多﹗ 豬頸肉