祥記麵家

營業中

休息中

澳門既第 2 日行程開始, 呢日美食之旅既第 1 站係...麵!!!媽媽話要試下呢度出名既蝦子麵, 一行 4 人殺呀, 吼~舖仔細細, 坐滿人之餘, 仲有好多人企響度等外賣添, 真係咁好食!? 有位坐底就第 1 時間落單先： 蝦子撈麵 x1 咖哩牛腩麵 x1(好期待....) 等左 10 分鐘左右, 黎啦黎啦!!先黎 蝦子撈麵, 咦! 麵真係做得好好呀, 爽口彈牙又好咬, 讚! 再黎 咖哩牛腩麵, 先彈牛腩, 又瘦又"鞋", 絕對唔推介, 但係咖哩汁個味好香好濃, 讚! 不過碗麵既 size 都幾細, 細食既人先夠食, 而且價錢都算貴!!但係佢個麵麵真係幾出色, 難怪咁多人既

之前咁多人讚過呢間舖既虾籽麵..... 令到祈望越大失望越大唔知係咪我地唔係名人, 所以無d 特別好既虾籽麵囉..........佢又唔係話好好食... 之但係...真係普普通通唔會要我"特登"黎食啦~~

間舖頭係我澳門屋企人附近, 所以細個好多時都會去佢的麵, 炸鯪魚球都係一般, 行過試下都無妨, 特登去就唔使啦

去左幾次馬交，終於今次見唔洗點等位就入去試下，兩個人叫左超牌蝦子麵2碟，爽滑魚皮1碟，金沙炸鯪魚球一碟 + 蜆介，大可樂一支。蝦子麵 - 嘩！好迷你呀，鹹左D，可能賣點係多蝦子啦多油....魚皮 - 好淡，超迷你，爽都叫做爽ge....鯪魚球 - 幾樣之中呢個最好味，但 +蜆介要收多 $1，果碟仔得三隻蜆咋，d汁仲好似水咁，搵笨！大可樂 - 玻璃樽，有風味，好耐未飲過咁好飲ge可樂是次好味排行 ：鯪魚球 ---> 可樂 --->蝦子麵 --->魚皮如果下次無乜人唔洗點等位，先會試其他野食 lu，如果要食返蝦子麵，noway

曾幾何時祥記蝦子撈麵係我去澳門必食之物, 今次去澳門當然唔例外, 當日叫咗蝦子撈麵 (MOP20), 雲吞蝦子撈麵 (MOP28), 油菜 (MOP8), 可樂 (MOP7); 叫咗d嘢好快嚟, 但d麵已經凍咗, 蝦子亦唔夠乾身, 有d仲結咗粒粒!!! 凍麵+唔香嘅蝦子+豬油=難頂!!! 估唔到今次澳門之行第一餐就”出師不利”, 失望到宜家!

年前來祥記吃麵,在平日的下午時段,人流杳杳,但是周日中午的祥記門外,聚集了一條不短的人龍.既然老遠來到就要就範,不過流量大,等幾分鐘就有位.上次來吃過蝦子撈同魚皮,今次一定要試試其米通鯪魚球.當然亦少不了店內的名物蝦子撈麵,再加一碗淨雲吞.雲吞是傳統路線,帶點散尾,蝦肉同豬肉份量均等,雲吞皮滑溜,餡料的蝦肉爽甜,肥豬肉充滿肉香.湯底清徹鮮甜,喝罷沒有出現口乾的情況出現.幾時都話吃過最好的蝦子,是在車品品,祥記的蝦子還不及其咸香細致,但麵條入口爽勁柔韌.完全沒有一點鹼水味.就算蝦子本身條件不足,幸好,還有豬油在.假若用到車品品的蝦子,來搭祥記的麵條,誠為天作之合.在香港很少機會,吃到米通鯪魚球,祥記的米通鯪魚球.並沒有在仁慕巷"六記"的大粒,外層沾滿米通,入口香脆,鯪魚球肉質彈牙,果皮味不搶,吃到魚肉的鮮味.另外的蜆介醬,絕對不能缺少.如果吃鯪魚球走蜆介醬的話,那就失色不少了.大碌竹壓麵已日漸式微,香港所餘無幾,澳門的新一代個個想入賭場賺錢,真擔心這門傳統手藝,最終會失傳.到年老之時,味覺只能活在回憶中.

由小到對蝦子麵的感覺都不太好,可能自己不太能接受腥味食物的關係吧!但這蝦子麵又是澳門美食的推介,一場來到又沒有不吃的道理嘛幸運的我們來到時不是太多人等位,加上地方淺窄大家吃完都快快走,所以等了一會就有位了先來個馳名蝦子麵和炸鯪魚球蝦子麵有吃到點點的蝦子鮮味,不過要是一上桌的時候立即吃才感覺得到友人就是遲了吃就已感覺不到了!麵十分爽口彈牙,香港的梘水麵根本就不能比不過除了點點名蝦子味之外其他味略為欠缺了,咸一點應該更為惹味自從小時候在中山吃過某家鯪魚球之後就覺得沒哪家店可跟其相比了而祥記的炸鯪魚球就可以讓我找回那美味的感覺熬辣辣新鮮炸起的鯪魚球再配上蜆介真是無得彈!表皮炸得金黃香脆,內面又香又軟,都令人吃到不想停口了!最後還是為食之過看到別人叫豬手來吃我們又跟著叫感覺味道麻麻,不太入味,而且沒肉也沒油香就當是個另類小食吧!反正平時也不會叫來吃的大致上都覺得還可以其實我們一開始的目標是去另一家馳名蝦子麵的,但最後還是因不懂去而放棄下次來的時候還是希望有機會試以作個比較吧!

來到澳門的第二天，第一次要排隊食東西，不過排了好一會就到了店內不大,不華麗...但確塞滿了人!我終於可以一試這裡出名的祥記蝦子麵,的確是有水準的!2人行點了三個餸蝦子麵 - 可能自己少食，在香港只食過好旺角麵家，份量就間間都差不多，都是頗少的!食落感覺這裡的麵條比較彈牙，雖然食不到蝦味鯪魚球 - 呢個我要大賺!!!因為真的是非常正~係我第一次食鯪魚球，覺得好味的!炸得鬆脆之餘又不會油膩，一個人食晒成碟都得阿~南乳豬手 - 本來無諗住點的，但見同檯的人食得津津有味~所以我們都後補返黎試一下，色香味俱全，但肉太少了~只食道骨頭!!!!!!哈哈哈~不過就是愛吃骨頭這一餐非常滿意，留肚繼續向其他店舖進發......................................

澳門麵店的麵質的確比香港好，而且價錢亦比香港便宜，祥記蝦子麵:麵質彈牙，蝦子份量十分，是我吃過最好的蝦子麵，在香港絕對找不到樣味道的蝦子麵。

呢間d面雖然唔係特別好食,,但我好欣賞蝦子+面 ge配合.. 咬落去好香,,1粒1粒爆ge感覺..好正..其它就一般般,..無咩太特別。 價錢尚算ok的

同事說這間店好多澳門人食, 便放心一試. 本身想試蝦子麵的, 但又覺得無肉, 便叫了水餃撈麵. 澳門麵店的麵質一般都比香港好. 此店麵質靚, 彈牙有咬口. 但主菜水餃細粒兼厚皮, 肉質又麻麻. 分量又少 (我估只有一個麵底), 一般男士起碼要食2碟. 所以$19一碟亦唔算平. 試一次就夠. 此店勝在有些食品是香港少見的, 例如海浙麵, 鳳爪麵, 魷魚麵等. 可以一試風味.

去完添發,一直行到街尾,就到左下一站,祥記麵家,又係要排隊,不過都好快有位。店子不大,座位迫迫。雙拼撈麵($27): 兩口子食了翅,不是很餓,但想多試一點食物,點了一個雙拼,招牌蝦子同鳯爪,味道還不錯。金莎炸鯪魚球($28): 即係鯪魚球外面黏米粉炸,很好味炸得外脆,又唔熱氣,入面也不會變乾,軟林林,吃完一顆再一顆,想起便想再食過。灼魚皮($14): 魚皮好爽,仲有好香麻油味,從來沒有想過魚皮是這樣的口感和味道。

最後1日係澳門,就決定要黎食!1去到.嘩..排哂隊-_-但都要排嫁啦黎到..都唔算排左好耐.6個人叫左蝦籽撈麵,陵魚球撈麵,牛腩撈麵($19)同金莎蘇炸鯪魚球($47)!蝦籽撈麵好味.雖然我唔係點食到蝦籽d味..or我根本唔知蝦籽撈麵係咩味...-v-只係覺得佢層油味好香.. d麵好ok.唔會有陣味.陵魚球撈麵最普通無咩味.牛腩撈麵比想像中好味wor!d汁甜甜的.牛腩夠林!金莎蘇炸鯪魚球好香口.好鍾意佢d炸米粉! 但佢個隻sauce唔好味.唔好點鯪魚球呀-3-影響個味.哈.個人意見.

Arrived in Macau at 8.30 in the morning. Had planned to take our breakfast at Loja Sopa Da Fita Cheong Kei (Cheong Kei Noodle House) but was let down for the shop only starts operating after 10. Well, I didn't feel dejected as I knew I could always come back during lunch hour. However, we were astonished by the long queue when we returned to the shop at 2. We joined the queue but our waiting was not too long because all the patrons were very understanding and they finished up their meals fast to

中午時間黎到!!要排隊.....叫左蝦籽撈麵,金莎鯪魚球入面都幾細!蝦籽撈麵,金莎鯪魚球呢兩樣都OK,不過不失..!比香港出名蝦籽撈麵仲好味因為冇咁咸,但OVERALL又唔係話超正不過都可以再黎,未食過要試下!