禮記魚翅海鮮酒家(新馬路總店)

營業中

休息中

3個人中午12點去到, 都幾易搵去到加埋我地只有3枱客, 可能時間尚早...想叫涷蝦同醉雞都無叫左中勾翅, 沙薑雞, 金錢蟹盒同埋肉鬆四季豆一坐低個碟酸蘿蔔幾好, 微辣開胃.之前睇左咁多食評..見d人都一致話翅好, 都好有期待. 翅黎一開奶白色既湯,有濃濃既雞香,雖然見到有火腿,但完全無火腿既香味同咸味, 淡淡地不過不失, 無其他人講到咁好金錢蟹盒其實即係好似炸蝦筒+蟹黃, 個百花餡有無蟹肉實在不得而知, 而且中間個d蟹黃實在無咩味, 唔知係太少定係雪好耐定點, 可有可無但加左就可以賣貴d, 如果無左可能就係烤百花餅沙薑雞唔同一般係香港食開個d, 沙薑味唔似香港咁有碟野點同咁濃, 切左好多粒粒芹菜蔥鋪滿雞面, 雞好滑,掂四季豆又係非常掂, 有咬口又夠乾, 正家常菜ok, 但做上湯方面就好似麻麻, 翅同鮑魚係香港食好過la, 畢竟食太貴好似水準唔掂..3個人食左480蚊, 唔食翅就可以好平la.

去年來澳，曾在禮記的官也街分店吃過飯，感覺良好，這次來澳，決定到總店再試它的馳名魚翅和其它招牌菜式。乘的士到附近路口後，遠遠便望見它的指示牌，這條營地大街雖是小街，不過順著指示行去，地方也不難找。這店的門面其實甚為普通，就像一家常見的普通海鮮菜館一樣，不過在店門口就貼了一些這裡招牌菜它的介紹，使人對它增添不少信心。也許澳門街實在太多好吃的東西了，去到的時候客人不是太多，雖是這樣，二人檯還是比較欠缺，初時我倆夫妻只被招呼坐在近洗手間的一張二人檯，經我倆要求後，終於被安排到一間只得一張細檯的房間中，整間房間變得只有我們兩個在「撐檯腳」，這次當真是歪打正著，因禍得福呢！一場來到，這裡的招牌菜「雞煲翅」當然不可不叫，我們只得夫妻兩人，所以只是要了二人份的「雞煲中勾翅」（$280）。此外，還叫了這裡半斤這裡有名的「凍蝦」（$9兩）和「鳳城炒鮮奶」（$48）。這裡的「雞煲中勾翅」不愧是店中主打的賣點，熱騰騰原煲上桌的雞煲翅，足有四碗分量，兩人吃每人可分得兩大碗。翅湯奶白鮮甜，香濃好喝！一梳梳的中勾翅也貨真價實，並無欺場。加上湯中的老雞和火腿，端的是物有所值。除了魚翅外，這裡的招牌「凍蝦」同樣帶來驚

旅程既最後一餐就聽朋友介紹黎左le間70年歷史既禮記酒家'一入到去冇哂兩個人既細台'佢地叫我坐大台'不過會好唔好意思'又驚會搭台呢'所以等左一陣'人地食完'就幾個服務員一齊汁比我地'都算幾周到既'朋友推介食凍蝦'所以冇等到服務員推介就叫凍蝦半斤'原來d蝦係新鮮捉入去+'難怪個個fd都話正'好!!之後聽服務員講d翅有咩分別'分咩價錢'睇佢地餐廳門面'又估唔到佢地都幾專業+wo'最後聽佢講海虎翅比較粗'有口感'就點左兩個紅燒海虎'女朋友唔舒服'唔食得雞'其實好想試佢地個雞煲翅'之後仲點左30頭鮑魚'蜜汁牛肋骨'一黎就上左凍蝦'上面有d冰'冰原來係有酒比落去雪+'我以為普通冰'之後點wasabi 豉油食'有d日本feel wo~之後就上魚翅'D翅好粗'淋得黎又有咬口'個底有牙菜火腿絲'配合得岩岩好'食果時見到鬲黎台落多左紅醋'搞到好似街邊碗仔翅咁'我個人認為唔落會好d'之後就到蜜汁牛肋骨'甜甜地'牛肋骨好淋好滑'唔會太熟'又唔怕生到有血'good'最後係鮑魚'足頭數'啜刀'糖心方面'還可以啦'$200幾不錯啦'餐廳環境就係比較似舊式既酒樓'但係好似話成日都有新菜'特別指定既話'唔一定剩係得中

o黎到新馬路, 就梗係要去食翅 la!!! ~~~ 之前聽朋友講過話禮記唔錯, 今次就黎試下 . . . 坐低就即刻order話要食翅, 個阿姐就介紹話中勾翅 (湯夠濃, 翅好淋好滑) 抵食, 就叫咗個la,之後佢仲猛話個凍蝦好好食, 好多人點, 先佢咁落力, 就叫咗半斤試下, 點知食咗之後覺得真係好好味!!!!!!! 好爽, 好新鮮, 而且又有酒香, 即刻再叫多半斤!!!!!如果鍾意懷舊菜ge人可以點個炒鮮奶, 佢好滑, 加埋d欖仁好香, good!!!~~~ 下次都會再黎, 仲要叫多d人, 咁先可以試多d野 ma~~~ keke

我地六人專登位去試,聽講呢間食翅出名,我訂左一煲6-8位中勾翅,菜片鴿崧,骨香大亦倉1斤半,重有凍蝦,價錢唔平,單係4樣餸要仟伍銀,不過,食得好開心,出品好獨特,翅$820比想像中多,湯底好足料,菜片鴿崧$160,用生菜包住食,記得加甜醬,好野味,倉魚$360起肉炒片,‧骨炸左脆嘅一件件砌番魚嗰樣出嚟,有台型,不過淡左Ｄ,凍蝦$144一斤好爽,有Ｄ雪在面上買相好得意,用日本芥辣食,呀仲有水煮花甲$50好大只,要食得辣先好試呀!!!!!!!

上年生日都係黎禮記食，上次食左個二人餐$888，有吉品鮑兩隻，中勾翅，一條唔記得咩魚，半隻雞，太飽太飽﹗﹗所以今次淨係叫兩樣，凍蝦同一煲二人份既海虎翅，留D位再戰下場﹗凍蝦$72半斤-----好香酒味，肉有D實，我唔識咩叫新唔新鮮，總之就幾好食海虎翅$388----好濃味雞湯底，翅都OK粗，有得咬下咬下，一煲每人有兩碗環境就一般舊酒樓咁，全個地都好滑，我食既時候有個女人P左一野，嚇親人﹗一定要小心﹗﹗

本來諗住去禮記食雪糕, 點知去錯咗另一間禮記, 個名一樣, 不過係食中菜 ge~~~ = =諗住走ge時候, 知道食雪糕間野都幾遠, 而且就黎收, 所以諗一場黎到, 就試下la~~~因為無plan到黎呢到食, 所以唔知叫咩好, 就問個哥仔有咩好介紹,佢第一樣話ge竟然係凍蝦, 唔係翅(雖然佢之後都有介紹返), 心諗應該會唔錯,而且睇圖賣相不俗, 就叫咗呢樣~~~ 因為唔餓, 所以試埋佢地ge招牌中勾翅就算la,諗住兩百幾, 唔算好貴ma~~~~ 個凍蝦真係無得頂, 夠晒新鮮同埋彈牙, 又有少少酒香, 雖然半斤差唔多要一百蚊,不過都係值得ge~~~ 之後係中勾翅, 招牌即係招牌, d湯夠香濃, 而且仲奶白色添,好正ar~~~ d翅都算煲得幾淋, 都幾易入口~~~overall 唔錯~~~ 下次有機會都會再黎試下其他野~~~ 好似話有個叫咩蟹盒同芥蘭吊片牛肉都幾唔錯, 幾多人叫ge~~~ 下次諗下先~~~

剛過去復活節一家8大1細去禮記食晚飯，因怕無位已於10日前訂位，而接電話嗰位先生表示特別菜式須要預留，經嗰位先生介紹下我就預留足8-10位用雞煲中勾翅$1,100及芋鴨$2XX。點知當晚7點05分去到(我預約時間係7點30分)，坐低之後因為家人不十分餓，所以就問下可唔可以將個翅改細D(6-8位用)，但係侍應問完回覆我哋個翅已經整咗無得改，咁我就算啦! 點多幾個小菜叫佢上菜，點知等咗45分鐘都無嘢食，我就問個女部長又話個翅整好咗點解重未上菜，於是佢話追下廚房，我哋再等咗10分鐘，再追佢涷蝦應該已經一早整定架，點解等咁耐都唔比我呢?佢先上比我哋，第二碟上菜，我係叫蒜茸炒菜芯，嚟到係清炒菜芯(蒜茸都搵唔到粒)，都算哪!退返比佢都唔知幾時至有得食，之後再上奶油津白同、蟹盒(賣相差同涷又係一早整定)，無耐有個侍應同我哋講，我哋一早叫嘅醉雞賣晒，我哋都無話佢改禮記小炒皇，再跟住上左碟炸物，細問之下佢話係芋茸卷，我同佢講我係訂芋鴨叫佢拎走，跟住個女部長過嚟佢話係跟柯打做唔會錯(我都唔知有呢道菜有咩可能我會識預留最重要係呢個又唔係咩特別菜式點會須要預留呀!離譜到無嘢話佢!) ，結果芋鴨無得食都算! 叫

黎到呢度一定係食翅ge。我地叫左個紅燒大鮑翅$338。跟住介蘭炒臘味,金錢蟹盒,鳳城炒鮮奶,翅都好大碟..翅好多,,味道好鮮甜!338..底食個菜.炒得都ok..個蟹盒好鬆化..入邊有d蟹肉..唔錯炒鮮奶就最特別啦..因為我都未試過d鮮奶可以炒ge..同飲鮮奶好唔同。結帳:540$$ 價錢岩岩好下次我會再去試下佢ge雞煲中勾翅!

知道呢度好多人食翅,星期日晚,超多人,,叫左最平的中勾翅280, 炒鮮奶,牛肋骨,乾煎大蝦,菜遠吊片,中勾翅係全店之宝,湯ok,翅都可以,好味炒鮮奶好嫰滑,水牛奶,金華火腿,崧子仁,絕配,大蝦抵食,120/3只,不過唔係太大只味道平平,中肋骨燒蜜汁,惹味,菜遠吊片鑊氣夠,餸飯一流,埋單600有找,我覺得超值.

我地一行8人,叫左雞煲海虎翅$1088,翅ok多,翅都幾粗,一注一注,湯都好濃,白色,雞肉,金華火腿,分左差不多14碗,每人都有差不多2碗 金錢蟹盒$80,8件,炸嘢,都○Ｋ脆 花雕雞煲$80半只,過不失. 個人值得推介

睇開飯網食評口碑不錯咪黎試試，我地一家三口星期六晚唔到６點就行入去，因為想早少少食完唔使咁夜返香港，入到去我地係當晚第一檯客．其實仲未肚餓不過都要盡力，點了：雞煲中勾翅（ＭＯＰ５６０）－　沒有想像中好，翅的份量勉強合格，不過明顯未煲夠淋，湯頭也沒翅味．蝦醬蒸腩肉（ＭＯＰ４８）－　味道不錯，蝦醬夠鹹鮮．可惜腩肉太肥，如果瘦少少就更加理想．椒鹽白飯魚（ＭＯＰ４２）－　做法似避風塘，很多炸蒜粒很香口，白飯魚也炸得很脆但內裡唔乾，好食牛肉吊片炒芥蘭（ＭＯＰ７５）－　炒得夠鑊氣，用料味道也對路，食得過整體來說廚房功夫不俗，反而出名的魚翅麻麻，可以不叫． 地方比想像中還要地一點，奇怪有人肯花幾千蚊落黎食飯．服務算ＯＫ，阿姐有"提議蒸條魚"，不過冇hard sell．自己覺得"六棉"食中菜比較好一些．

吃完劉記到了碼頭取回程的船票，再上賭場車出發，本來諗住行下市政廳食下小食，但最後是陪友人去左新葡京再博殺﹗有運係唔同0的，聽友人說從未戰勝過的新葡京也能輕取幾千，豪人豪事，當然請食飯，最後一餐請食翅。地點是營地大街的禮記，細細個已聽過佢個名，食還是第一次﹗時值六點左右，我地七點要到碼頭，都懶得細想，一於叫個六人餐最划算方便。六人餐的翅是海虎翅，最先品嚐，六個人分一人大約只有碗半左右，相當矜貴，湯頭極之濃稠，呈奶白色，雞味濃甜，翅針一條條的晶瑩剔透，睇番餐牌原來就咁叫個六人海虎翅要$688一煲，貴野確係唔同，正﹗蜜汁豬頸肉吃落蜜餞甜美，唯切得比較薄身，未及原汁原味的燒頸肉香口﹗金錢蟹盒香脆，入面吃落應是肥豬肉、蟹肉及冬菇蓉等，味道未算好獨特，只似一般普通炸物，平平無奇﹗蒸海班仔我就唔識食，不過友人說魚蒸得老了也不夠新鮮，帶腥味，肉實得好緊要，最後是食剩大半條。豉油王大蝦蝦夠大隻，可惜個汁味道唔夠，淡淡的唔鹹唔甜，浪費了幾隻爽甜好蝦﹗西蘭花帶子清清地，健康的一味餸菜。最後一味是鹵水豉油雞，成隻上份量十足，肉質偏韌不過都幾好肉，鹵水亦算入味，我吃了不少﹗老實說整體我只覺得個翅最有水準，其餘食

我同老婆落澳門玩.! 晚飯就簡左間禮記酒家.. 因為我都有聽朋友講.. 澳門禮記酒定d翅幾出名..! 然後我係開飯網又睇到d反應幾熱烈. 就親身去試下.. 1去到第1時間整煲368大鮑翅試下.. d湯滾熱辣。 d湯奶白色帶有小小咸味.! d翅好大圈.. 入口有種喜悅ge感覺.. 因為可以1次放好多落口.. 連湯食就最可帶出湯同翅ge味. 1人有兩大碗 食完都飽飽地.. 的確唔錯. 值得品嚐

這店的鷄煲大鮑翅(４位736),是我食過的最好,還有沙羗鷄,Ｘ○桂花蚌,都○Ｋ,價錢合理,值得推介