誠昌飯店

營業中

休息中

第一次慕名而來，點了最出名的水蟹粥、鯪魚球和蒸鱔。水蟹粥麻麻地，不過可能因為肚餓，所以都覺得還可以。鯪魚球的質素一般，唯獨蒸鱔的味道比較吸引，令人有一試再試的感覺。第二次只叫了水蟹粥，嘩！味道比之前還差了一大截，蟹膏多得黎有點假，面對發現非常有「口趙」口，「口趙」極都唔爛，真係呆了，而且粥水很多，有點稀爛的感覺。仲會唔會慕名而去，則各下自行判斷。

大家吾好再去了~呢間野ｄ服務好差～老板娘只會鬧客人～ｄ野食又難食過以前～我叫左個水蟹弱～無咩鮮味～大約百幾元～無它既～澳門經濟好左～生意太多了€～去個氹仔個邊都主要是港澳人士～我當日見到好多人都俾老板娘粗暴對待

明明下午已經食左豬扒包做tea夜晚都仍然要黎朝聖一下...我地10個人叫左個水蟹粥賣相好令!好香!就算已經飽到上心口都要食返一碗先收手...抵呀!!不過其他野就真係食唔食都得,冇咩特別食左幾多錢就唔記得啦~反正都唔係我埋單~一定會再黎~又好食又方便一黎官也街度買豬肉乾就已經可以黎食啦~

前幾年都算ok, 近一兩年水準下降, 粥稀味淡, 完全唔掂,加上服務態度勁差, 亞姐唔優做咁款, 睇唔起客人,仲要同客人嘈交,唉!今時今日咁ge服務態度+咁ge食物質素...等執啦

水蟹粥加了價（大窩$125、小窩$95)都算啦，冇料得返蟹殼同兩隻小蟹腳，粥底好稀無味道，人態度非常差，下次不會再去了。

一句，不知所為。一入門口，個老板娘一路啤住我和我老婆，都唔知咩事。話曬我都算半個港澳仔呀，唔係當我地係大陸遊客嗎？我叫左個不外如是的水蟹粥，一d味都冇，仲差個自己煮呀，之後仲攪笑，我叫左個椒鹽田雞，拒話可以拼炸墨丸炸咩丸等等！點知原來係二碟，又話一碟可以拼二樣，二個人三碟點食呀，叫拒cancell一碟，冇人採我，之後就叫個講普通話的待應同我講，同拒講普通話，拒又唔知頭唔知路，講廣東話拒又唔識聽，之後我好大聲叫'取消呀'先有人應我，仲要比個老板娘一包'人地都話唔要呀，仲問咩呀'。結賬仲黑口黑面，多謝都冇句。不過椒鹽田雞幾好大家可以試(加一分)

$85同$125都係得一隻蟹, 咁早知我地食$85嗰窩啦, 橫豎都係嗰d粥加一隻蟹, 又冇蟹味, 其他食物都係一般以下, 但價錢就要比中上價.奉勸大家都係唔好比門口的左麟右李吸引....

星期日去澳門(第一次), 2人同行, 為了食盡當地美食, 去到這門誠昌只叫了一窩(細)水蟹粥$85, 這個價錢並唔算抵食, 每窩有一隻水蟹, 每人可分到3碗, 但我覺得值得一試, 因為那粥十分甜美鮮味, 夠綿(比香港魚一丁的長腳蟹粥好味)

我岩岩星期六過左澳門一趟, 都係睇左d 旅遊書介紹係呢間食水蟹粥好食, 其實大部份既招牌菜係ok 架! 不過服務就真係很好差,侍應態度又差, 真係好似唔憂做咁!!

第一次黎呢間食蟹水粥，真係得d蟹水，又唔老實，服務簡直一流~差呀。佢d野食味道不是十分特出，普通酒樓都可吃到，我又何必山長水遠去幫親，再要受氣。最令我激氣就係食酥炸鯪魚球，問佢碟硯介好似佢條命咁，多碟佢差d收我錢。但我地其實要左2碟酥炸鯪魚球，比2碟都不算過份啦。不過整條官也街都差了很多，十足十搵遊客笨的食店。我一定不會再去呢間不知所謂的舖頭。

昨日去(乙水)仔幫襯呢度. 叫了田雞粥, 炸鯪魚球和生菜. 除了炸鯪魚球味道ok之外, 其他食物水準不斷下降. 生菜很油膩, 田雞粥沒有鮮味, 田雞又十分o鞋口!而且服務很差, 侍應的態度很晦氣.總之就係差, 價錢又貴了很多! 下次再去(乙水)仔也不會再幫襯!!

澳門宜家搞乜鬼，好似間間餐廳都唔知乜野叫service，同埋...唔憂做之餘仲好似差佢地錢咁。門口個阿姐d service 差到爆。下次一定一定唔會再去受人氣。水蟹粥= 蟹粥水

ｄ粥唔係話好食到要專程走去食～ｂａｓｉｃａｌｌｙ同屋企煮果ｄ冇咩分別～叫左個金沙大蝦．呢個幾"野"味d汁好味~不過懷疑macau好多place都有得食呢隻汁味~overall係食唔食都得~不過食左了左個心願

蟹粥方面，並非好食得要再幫襯，可以直接點說：睇旅遊雜誌介紹遊澳門的話，去一次都夠。田雞........除左冇左個頭，大致上都見到個形，好嚇人.....，有女士同行又勁怕蛙類的話，千萬別點此菜式。以此水準及價錢澳門還有其他選擇.....。

唔好食！最過份係水蟹粥冇水蟹！好失望！！！七年前第一次食好好味，好難忘。兩年前再試，覺得差左好多。上星期五，再來澳門，決定再俾多一次機會佢，點知失望而回。水蟹粥冇水蟹，改左用肉蟹，所以原全冇水蟹味。想叫蒸鱔，個待應話『時價』，大約二百零蚊碟，有冇攪錯，貴成咁，我地決定唔要。炸鯪魚球，連蜆介都唔俾，話佢地係跟汁，唔包蜆介！水蟹粥、炸鯪魚球、炸田雞腿、瑤柱扒生菜，四樣，食三百幾。我諗我應該不會再回去了！