誠昌飯店

營業中

休息中

我同老公第一次去誠昌飯店, 開頭見到菜牌, 覺得好小餸; 根住我哋是低叫咗個水蟹粥, 黃金大蝦同咖哩炒糕蟹.1) 水蟹粥 (mop 98) - 我哋叫咗細碗, 大都好多蟹糕係啲粥到; 另外, 啲蟹煲咗粥, 仲好有蟹味, 好正.2) 黃金大蝦 (4 隻) - 好流, 好多咸蛋黃同蝦糕, 我覺得都好咸, 唔可以食得太多.3) 咖哩炒糕蟹 - 我唔食過咁多蟹糕嘅咖哩炒糕蟹, 一般都係得蟹蓋有. 但今次係多到食唔完, 我同老公食得好開心. 今次之後, 我去親澳門都會去再食........P.S. - 我老公係一個食蟹族, 但佢都話 " GOOD ! GOOD ! GOOD ! "...

一行6人來試下新野講真$$$$唔係特別平但OK好味水蟹粥出名咪試下, 但嗰人覺得一般但炸田雞,炸墨魚丸好好味炸田雞好大只金沙大蝦好好食同抵食around $50/只, 但香港有D地方要過百因SIZE OK大只overall 唔錯,會再來食炸田雞 & 金沙大蝦

um.... 兩口子去食之前一次試過水crab 粥~ 麻麻~ 所以今次唔食lu ~ 叫左個炸田雞 ( 其實係味精炸田雞law ..) 一定唔會再食同埋叫左個炸墨魚丸~ 都幾好食~ 不過兩個人都食到好飽應該因為我地都細食啦~如果我下次去~ 會try 炸零魚球

由於上午 我同 honey已吃了很多小食, 有 d 飽, 想吃清一點, 於是晚餐決定 去食水蟹粥,在 openrice 見到 誠昌飯店 的 水蟹粥很出名, 門外也貼了 明星相: 左麟右李. 我同 honey叫了細的水蟹粥($95), 第1次試水蟹粥, 感覺吾錯, 粥底香滑又有蟹膏 ,而且蟹味幾濃, 蟹粥 連 蟹蓋和蟹身都被我們食清了.

之前聽人講同睇食評話呢度d水蟹粥好味，今次去macau 終有一試。一行4人，叫了個大水蟹粥、墨魚丸拼鯪魚球、酥炸田雞腿、炒花甲同鮑貝西蘭花。水蟹粥好稀，但就足一隻蟹，食兩隻蟹鉗，蟹肉ok，唔會梅，但就唔夠鮮。墨魚丸拼鯪魚球係預先炸起，有人叫時先再翻炸...真係唔得，肉本身係靚，彈牙，但因為翻炸，搞到個皮好韌，上時又唔係特別熱。炒花甲：呢個幾好，花甲大隻無沙，如果再炒得入味d會更好。酥炸田雞腿呢個係即炸，上時熱辣辣，田雞腿多肉，炸得好香口。鮑貝西蘭花一般貨色啦，都係整定ge~大部分食物都係整定，所以落單後2mins 即上。服務態度惡劣，個個伙記都好似唔憂做，反而個老闆娘(i guess)就較落力。有點名不符實的感覺。

上星期日同朋友一行五人光顧此店,門口登記時該服務員態度已非常悔氣不禮貌,但因時間不早,朋友們不想再找別處,就屈就試一試 ! 我們點了水蟹粥,炸凌魚球,北菇蒸走地雞及炒菜. 心想全部都是招牌菜,一定冇錯 !! 點知 --- 水蟹粥冇蟹味,凌魚球要問先附蜆介,雞蒸到乾憎憎... 好失望 !!!

第一次來試誠昌的馳名水蟹粥，果然是名不虛傳...正值午饍時間，雖然是非假日，但仍見人山人海，可見其江湖地位是也。雖然人多，由點菜到上菜也只需約十分鐘。粥底夠綿，蟹味入粥，非常鮮甜；配合得宜。其他小炒也不賴，豆豉雞、椒鹽鮮魷、炒時菜，都很有水準。地方裝修雖然不太講究，尚算整潔，只是淺窄一點；服務也算合格。如果下次可以再去，一定要試蒸大饍...看其他枱的客食得怪陶醉的。

有一些食店，食物不太出色，但卻充滿回憶，如這裡。坦白說，我來過幾次，都是與母親同來的。選這裡不為這裡的食物出色，而是家母想吃水蟹粥。這裡的水蟹粥出色嗎？也不，只不過她的雀友說這裡好吃，就每次都來。而來誠昌吃水蟹粥，也往往是來澳門的第一個活動。這裡的餐牌簡單，可以叫的食物，其實不多。除了水蟹粥，炸鯪魚球、豆豉雞、豉油王炒麵也都會叫。這裡的水蟹粥當然不算正宗，說到底，真的用水蟹來煲粥的澳門店子也已不多。這裡的吃起來算幾鮮味，也是用上原隻蟹去煲的，當然，也有下味精；炸鯪魚球算是幾有水準，但一直都說，吃鯪魚球的精緒是在蜆芥而非鯪魚球，這裡雖然只用上包裝貨色，但吃起來幾鮮味的，要叫多一碟來伴吃；豆豉炆雞一般水準，芡汁厚又不香；豉油王炒麵反而幾夠乾身，在澳門的廚師，大都有一定的基本功的。80蚊葡幣一位左右，幾便宜的。給「笑面」，是因為美好的回憶。媽媽走了之後，我也沒有來過了。

如果有睇開旅遊特輯，都會聽過呢間係 氹仔至出名既食店，佢地最有名既係水蟹粥同炸墨魚丸鯪魚球。小妹第一次食水蟹粥，見度成隻蟹浸係窩粥度真係幾得意！粥身唔算綿，清清地好易入口，蟹膏都落入粥度，幾有咬口。而蟹肉雖然唔多，只有一隻蟹既份量，但肉質好鮮甜，一啲都唔腥，係要拆蟹殼麻煩啲即！正當我地猶豫食墨魚丸好定鯪魚球好時，侍應阿姐好細心咁提議我地叫一碟雙拼，咁就可以一次過滿足兩種口味喇！魚鯪球新鮮熱辣，而且超彈牙，冇骨又唔腥，而墨魚丸用料十足，係有少少硬，但食得出係鮮墨魚打出來的！不可不試！呢度一窩細水蟹粥要成九十五蚊，係有啲貴，但人一世物一世都要試下既！食完仲可以過對面鉅記買手信哩！

水蟹粥很出名,滿心期待,可是叫了細的,蟹蓋都沒有,而且蟹味不濃,失望之後有墨魚丸拼鯪魚球,墨魚丸好味,鯪魚球一般,記住可以問佢要蜆蚧那個食物升降機很有趣

五月廿五日(星期日)好多人都知道,呢度出名既食品係炸鯪魚球同水蟹粥…對於我地兩個不太好蟹,所以改叫左炸田雞…因為去到時不太人多,所以不需等太久餸就來了,炸鯪魚球非常彈牙,好有咬勁,佢地上菜時只會給豉油,記得叫侍應俾蜆芥作調味(免費的).佢比香港羅富記仲大粒,仲有好感而我地好耐無食過既炸田雞就較為一般,可能係炸既關係,就算係田雞肶都唔係太多肉,而且略咸,一大碟好不容易才吃完食得炸野多未免會有點口渴,如果唔想飲熱茶,可以一試這裡的蔗汁,不過應該加左糖水,但飲略都幾解渴同清涼…

好多人都話這裡的水蟹粥好好食, 我一向都好鍾意食蟹的, 所以去到氹仔一定要來試啦!我們一行4人叫了一窩大的水蟹粥, 鯪魚球拼墨魚丸, 西蘭花炒鮮尤。 雖然水蟹粥唔係想像中咁好食, 但粥底都幾好同埋隻蟹都幾甜, 咁都ok啦; 鯪魚球好彈牙, 墨魚丸都幾好食, 唔會一口粉都感覺; 至於西蘭花就好普通啦。環境都幾迫, 而且都好多人等位, 所以嗱嗱聲食完就要走, 唔坐得耐。

小弟吃過兩次誠昌第一次係同親戚一齊過黎食果日完全係美食之旅 一過到馬交就去食葡國餐 之後再過黎食誠昌下午茶一黎叫左招牌水蟹粥, 炸田雞, 炸鯪魚球水蟹粥 - 水蟹雖然無乜肉 但係要黎煲粥真係非常清甜 真係食過翻尋味炸田雞 - 小弟一向好怕呢D小動物, 田雞粥都一向唔敢食, 但因為誠昌而食我既第一口, 據小弟既知識, 知道外國人一向唔食雞中翼, 但香港人對雞中翼情有獨中, 就係因為貪佢D肉夠滑, 但係食過田雞之後 先發覺田雞既肉比起雞中翼要滑數倍以上炸鯪魚球 - 小弟一向既最愛, 平時係香港都食唔少 誠昌既香口爽脆彈牙囉小弟第二次去誠昌係係去國內大學交流時放假落馬交玩既時候食既誠昌係小弟係馬交既必蒲點

水蟹粥- 粥既甜味仲勁過D蟹既鮮味...喂老友...似味精味多過海鮮味喎...|||而且仲唔係完隻蟹煲，問待應點解我地果窩冇蟹蓋，佢話唔一定窩窩有，如果冇既會俾多舊蟹你...咁即係話只係將一大窩材料煲埋然後"筆"俾你鯪魚球- 等勁耐會出到黎係凍既!! 凍既!!

一定要食水蟹粥,正!好多糕及好鮮味!