金殿堂

營業中

休息中

本季周中廚房菜色:鮑粒焗釀響螺一嚟就釀螺 好正呀!!仲好足料 釀到最入都仲有用咗塊生菜做隊尾 食到見到生菜嘅時候只要拉塊生菜出嚟就可以食晒入面d料不過都好考叉功架萬壽果燉金山勾翅原來呢隻圓圓地嘅叫夏威夷黃肉木瓜 連平時唔食木瓜嘅朋友都接受到 好清甜 嘩~幾大梳 yumyum~XO醬金銀蘆荀蝦球基本上放喺碟上面嘅嘢都食得!完全無諗過! 真係好少可去高級地方食嘢...我以為拌碟嚟架乍 嘩哈哈哈哈~應該唔係咸味麵條咁簡單卦黑松露海斑蒸蛋白比較清淡 我就OK 未必人人喜歡桂花烏龍茶時菜烏龍茶? 非也!!! 菜來的耶~~ 沖落去嗰d先係烏龍茶燒汁蒜片茴香爆奧瑪哈牛柳粒崧子瑤柱海皇炒野米飯金殿精美甜點我最鍾意食中間嘅自家薑味雪糕 正~左面係仿合桃 裏面真係有粒合桃架 鬆脆! 仲暖的!!!右面係綠茶macaroon 中間用咗杏仁味 oh no~我的唔愛...都食咗半件試味架環球鮮果碟流晒口水呢 呵呵呵~聽講最好味係d點心bo 約埋一圍枱fd去食一人都係百零蚊 就有5星級的享受間唔中豪一次都OK

對這餐係有期待的, 因為一眾朋友係相當讚賞這裡的點心. 係澳門能夠有星的, 除了之前一日吃的三星法餐, 同埋竟然入二星的那店, 剩下就係幾家酒店中餐廳. 沒有辦法全部都試, 就揀這家大家都推崇的店吧. 一早訂了位, 但其實也沒有問題, 因為係大把位.朝早吃了麵同粥, 加上只有兩個人, 就只有揀了幾樣食物. 未講食物, 先講環境, 樓底高, 但因有不少國內的客人暢所欲言, 都係相當嘈雜的. 又因沒有室內禁煙的規定, 煙味周圍都係, 不喜歡吸二手煙的如我們, 只有忍. 侍應方面大部份是國內的, 是有禮的, 但感覺上不太靈活, 像我們要改單也搞不清. 不知為何, 一開始已覺得這裡係幾國內的感覺.吊燒鵝肝金錢雞: 8分, 一客4件, 即係$22一件, 用上了鵝肝, 也要這價位. 平日吃開的金錢雞都係古法的, 即係肥叉燒, 冰肉同埋雞肝. 這個改良又或者叫比較健康版, 就沒有了冰肉, 雞肝換上了鵝肝, 鵝肝入口即溶, 都幾肥美. 叉燒也幾靚, 但就不是肥叉燒了. 如南瓜兄所言, 係肥膩感大為降低, 但吃下去總有點不足的感覺, 始終那一口都係肥肉的感覺, 又係令人又愛又恨的. 這個鵝肝金錢雞, 試

這一次挑選那些星級茶聚,作客去到澳門.地點是MGM內的一星級中菜廳"金殿堂".是早前澳門兩日一夜遊,其中之一個環節.由我們的茶局組長高達兄帶領,一行數人浩浩蕩蕩,步進這間華麗的中菜廳.上一次已經感受過此一星的力量,今次點菜之工作,大家放心交托比高達去做.未吃點心,先吃個燒腩仔同七味椒鹽田雞腿,此兩道之前吃過,是次再吃依舊高水準,燒腩仔皮脆,入口即化.燒皮下的肉,肥瘦位層次分明.入口鬆化得來,肥肉位產生出來的甘香感覺,令人回味.田雞腿用七味粉醃過之後再炸,外面金黃香脆兼惹味,田雞肉質鮮嫩,保持水份.難以抗拒.在香港常慨嘆吃不到鮮雞,一水之隔的澳門,則比我們幸運得多.一星級的炸子雞,皮脆薄如紙,肉質很嫩,而且有雞味,就算香港的三星級龍景軒,其芝麻雞也是沒甚雞味.唉,我們香港人,上至社會福利,下至食物水準,也被鄰埠後來居上之勢,別人突然有六千銀使,我們呢?其他點心也很有水準,蝦餃澄皮厚度適中,餡料爽鮮.秋葵珊瑚餃味道清新,魚肚燒賣一出,小弟便向燒賣下的魚肚虎視眈眈.高湯海鱸卷的湯底更是精彩.酥皮黑松露卷,吃落鬆化可口,更帶有濃烈的黑松露味道.甜點的芝麻卷味道香濃,入口香滑.賣相如小南瓜的甜品

去澳門，還欠MGM中菜廰未試，今次就試試，讓我集齊澳門五星級酒店中菜點心集。從賭場經過酒店大堂，轉左手面，穿過富中東色彩高樓底走廊，與大堂截然不同的裝飾，會感到佢的豪氣，我好欣賞，我們稍等一會，待應帶我們坐近流水瀑布牆的高枱位置，大大餐牌，，面對餐廳的焦點-白色龍錭柱，我們點選下列:冬蓉海棠餃 HK$32，飽滿的餡料上湯片兒東星卷HK$32，上湯好清。珍珠雞$32香煎鮮蟹肉銀蘿卷HK$32，內裏有新鮮蟹肉，皮當然薄脆。五星級酒店的中菜廰當然有一定水準。

幾經辛苦先至book到年初二係度飲茶,係呢度做哂research先至去食我可以話比大家知,佢唔可以話好差,不過如果你少少期望你都一會失望而回香港既明閣,龍景軒,西苑,龍圃一定好食過佢最失望係個金錢雞,根本就唔係古法既金錢雞,我估太興都原創過佢田雞就味好好,不過真係好鞋,一d都唔滑蝦餃好食,d蝦好大隻咸水角同埋咩桂花牛肉角你叫左一定後梅燒腩仔個皮幾脆,不過肉質就麻麻,因為都係好鞋其他食左都唔係好記得....所以....不過服務同環境係好好好好既...因為咩野食物都可以按人頭計.所以你自己決定啦食物不值環境同服務係值可能我全家人都係為左食先至黎試不過新年流流,大家又唔想掃慶所以個個食完都冇咩批評不過心入面就決定左唔會再去

澳門一日遊, 大家說過, 有貴有平. 中午一餐, Kevin團長, 帶領眾人去探星. 穿過保安, 穿過賭場. 金殿堂, 米仔既星級午餐. 眾人非常期待.先說地方, 澳門的腐敗勝地, 在裝潢上, 勝過香港. 服務方面, 雖用上國內生, 但受過高級的Training, 有誠有禮既服務. 香港一眾睇錢服務的高檔食府, 真的要學一學. 尤其是一些見鬼才開眼的高檔食府, 想想, 食得起香港人, 才是會回頭同你賣埋口碑的客人, 老外過客, 雖一樣要服務周到, 但不要大細眼. 在金殿堂, 我們一班牛記back pack市井人士, 一樣得到高尚招待. 因為, 我們是顧客.粵菜廳的中午, 當然是以點心為主題. 中國人以茶會友, 本來不需要提茶的, 但難得讓我們一人一壺, 各選自己所好, 那當然要一提. 本人選的是六安茶, 他們的名字是 "不知年六安". 六安茶, 入口溫純, 紅茶之中又沒有像普洱那樣的極度黑化. 溫和的茶味, 如其名, 可令人六神安康.點心之前, 是兩個味部小菜, 燒腩仔 同 炸子雞. 燒腩仔, 皮香脆, 肥瘦亦適中. 一咬落, 脆卜卜的聲音整檯奏起. 曾在外國唐餐館當過侍應, 聽過老外

臨去威尼斯人之前,我們來到MGM內,剛拿取米芝蓮一星的中菜廳"金殿堂"飲午茶.飯廳環境高級華麗,但又沒有很拘謹的氣氛.我們的衣著只屬casual wear,一樣沒有對以白眼.打開餐牌一看,作為高級中菜廳,價錢當然不便宜,但事後孔明,點心水準很高,實在有權收得起這個價錢.現代人大多注重健康,很多懷舊味道已經不去碰,金錢雞是其中之一.我們吃開的是肥叉冰肉雞肝三重天.聽到別人大叫怕怕.而金殿堂就將這一味懷舊點心改良,用菌類代替冰肉,鵝肝代替雞肝,仍然保留著叉燒.整體上肥膩感大為降低,鵝肝味道不比雞肝差,但不夠後者的甘香,沒有冰肉之下,用菌類顯得輕盈.而叉燒入口偏爽.這個改良金錢雞,相信會令到本身不敢吃"古法"金錢雞的人起筷.飲茶吃蝦餃,同大多香港人吃日本菜,一定吃三文魚的道理一樣.由細到大的習慣,很難去改.無論高級酒家又好,平民茶居點心店又好,總是要吃一籠蝦餃.否則就好像欠缺了一些什麼.作為剛摘星的中菜廳,如果連蝦餃也做得不好,那就糟糕了.幸好不負所望.蝦餃的澄皮不厚不薄,餡料用上的蝦肉爽鮮,筍絲一樣地爽.大大加強了整體的口感,如果說是很高水準的蝦餃,相信也沒有人投反對票.賣相別致的秋葵珊瑚

非常喜出望外同震撼既一餐~ 經友人悉心既安排之下, 令到今次既澳門美食團可以包括呢個既 "神秘" 又 "免費" 既飯局在內, 真係可以話係 "有食神"~ 事前對金殿堂並無任何印象, 事後從友人口中才知道, 原來名廚周中師傅係該店既烹調顧問, 佢負責構思, 同另一個行政總廚合作創新菜式... 進入酒樓既時候, 見到華麗既裝修, 以為該食店只與一般高級酒樓無異, 對食物的質素放心之餘, 應該心裡有數, 誰不知每款點心既來臨, 竟然帶俾我地一浪接一浪既驚喜, 當中有數款點心, 甚至可以令我地所有人咬落去第一口既時候都不禁地 "嘩~" 左一聲出黎, 果種驚喜既程度, 絕非筆墨所能形容!!!由於頭 $800 係"免費" 既關係, 我地一行六人食到 "嚴重超標", 值得推介的有以下食品: 吊燒鵝肝金錢雞 - 用了鵝肝做餡, 是比較特別和創新的做法, 肥膩感減少了, 味道亦不錯, 但當然不及舊式酒樓的原裝版本那種懷舊感覺來得強烈吧~ 事後才知道, 原來同晚在電視節目中, 蔡先生也介紹了這道菜式, 實在失敬失敬~ 金牌脆皮燒腩仔 - 原本對我黎講呢樣只係 "例牌動作", 冇乜特別大期望, 但當我聽到

去澳門睇Cirque du Soleil嘅Zaia，但係Veneitian嗰邊都冇咩好食，所以過咗MGM嘅金殿堂。之前係第二度食過正宗用雞肝嘅金錢雞，比起傳統做法，用鵝肝鬆軟香口得多！