影片
電話號碼
34262700
62233404
特色
飲o野傾計
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關餐廳
餐廳告示
客人如需訂座中午時段，歡迎致電 或 WhatsApp訂座!
2024-11-08
有關獎賞計劃
相關文章
朋友幫襯了這家餐廳好幾次了， 據說食物出品可以，價錢合理，重點是地方寬敞舒適。知道它下午茶時段比較靜，我們便相約到這裏聚會。因為已經吃過午飯，我們二人就點了兩個下午茶餐，分别是芝士蛋糕和麻薯tiramisu。麻薯tiramisu竟然帶給我意外驚喜， 麻薯做得很柔軟，跟蛋糕很夾， 做到豐富的層次感， 加上不太甜，是現代人想要的甜品口味 ，估不到這家越南小店，竟然有出色的自家製甜品。但是芝士蛋糕就非常一般。特别推介餐飲，加15元轉flat White， 咖啡配甜品， 加上兩口子暢談了一個下午，非常享受。
繼續閱讀
裕民坊YM²有好多餐廳🍴今次去左食呢間簡約風西餐～佢有個精選2人餐$458都幾抵，就決定食佢啦😆我簡左兩個湯，酸忌廉煙肉薯條，龍蝦汁波士頓龍蝦意大利飯，炭燒澳洲肉眼牛扒，開心果心太軟&紐約芝士蛋糕意大利飯有半隻龍蝦係上面，好打卡able，一上枱就聞到好香，龍蝦肉好大好彈牙，飯粒軟硬適中，粒粒都充滿龍蝦汁肉眼牛扒好大塊，肉質鮮嫩，仲保留到好多汁好juicy芝士蛋糕好香滑，開心果心太軟一切開就流出好香既開心果醬，食落好重開心果味，但又唔會好甜好膩，好讚😍
繼續閱讀
上個月尾朋友生日🎂而且佢又住在觀塘附近～諗住搵間靚靚哋西餐廳慶祝🍾經開裕民坊嗰頭見到間餐廳唔錯👍就去左試🙃當日我哋叫左個$458/2人餐～人均$2xx🤩價$合理😝相當抵食前菜日式天婦羅魷魚～經過油炸，形成金黃色的酥脆😗再搭配沙律醬😇味道更佳😛龍蝦汁波士頓龍蝦意大利飯龍蝦肉質鮮嫩，搭配龍蝦汁，帶來濃郁的海鮮香氣和甜味🙂↔️飯粒吸收了龍蝦汁，變得滑順且有奶香味道👅口感柔和🫠主菜法國燒春雞雞肉內部保持多汁，肉質柔軟😬呈現金黃色，酥脆可口😬配薯條🍟更加美味🤤是日甜品日式芝士餅～餅皮好鬆軟😬食落去有種濃厚的奶香味😐開心果麻糬心太軟配雪糕新鮮焗起～麻糬口感柔韌🤤彈性十足😈開心果帶有堅果的香氣🤡切開時候～開心果醬慢慢流出🤡好有驚喜😻餐湯南瓜湯～飲落去好Creamy😐飲品配朱古力咖啡冰果茶整體嚟講～餐廳菜式多樣化😇簡簡單單裝潢～坐得好舒適🙂↔️
繼續閱讀
裕民坊坐得幾舒服嘅餐廳，主要食扒類、意粉等西式餐點，亦有小食、蛋糕同咖啡☕️嚟食正餐或下午茶都好唔錯🎈西班牙黑毛豬鞍豬鞍無過多肥肉，肉質依然軟嫩有肉汁，加甜甜哋嘅蘋果蓉🍏多一份清新感覺伴碟有焗薯🥔及沙律，焗薯口感軟綿，簡單加上蛋黃醬已經好好味，仲有份量唔少嘅沙律🥗飽肚得嚟無負擔，成個感覺好豐富🎈南瓜湯套餐包括餐湯，今日款式係南瓜湯，口感濃郁🎈帶子沙律跟餐特價加配，帶子煎得好香口鮮味十足
繼續閱讀
老公生日想喺觀塘地鐵站附近揾間西餐廳慶祝，上openrice見呢間喺裕民坊YM² 嘅Plato Cafe好似唔錯就提前打電話book位慶祝。嚟到YM²上平台層，原來好多餐廳，同埋都環境都幾舒服，下次有機會試埋YM² 其他餐廳先得！講返正題，嘅間餐廳環境舒適，卡位又舒服，坐低我地就叫咗個至尊二人套餐$546，配是日餐湯同另一碗加咗$38升級做法式蟹肉龍蝦湯：法式蟹肉龍蝦湯 +$38呢碗法式蟹肉龍蝦湯畀想像中大碗，成碗湯嘅顏色係深橙色，一放低已經聞到一陣濃郁嘅鮮味，飲落去真係堅有龍蝦&蟹肉味，口感算豐富，鮮甜！湯仲加咗d香草調味，提升咗層次，大大碗，一碗都已經足夠我地兩個人飲，唔錯！風乾火腿伴哈蜜瓜沙律：呢個沙律前菜賣相勁吸引。首先，風乾火腿切成薄片，色澤紅潤有光澤。哈蜜瓜切成大大件厚件，夠新鮮。沙律中包括咗沙律菜、生菜、黃瓜片、紫洋蔥絲同埋番茄仔等等，色彩繽紛，擺盤勁靚，睇到都好開胃。風乾火腿嘅鹹香同哈蜜瓜嘅爽甜係絕妙嘅對比，每一啖都充滿咗層次感，淋喺面嘅汁濃郁而不搶味，為整體風味增添咗一層細膩嘅味道。呢碟「風乾火腿伴哈蜜瓜沙律」唔單止喺味覺上令人滿足，視覺上亦非常吸引，係一道非常值得推薦嘅前菜，勁有誠意!澳洲肉眼牛扒： 肉眼扒我地叫咗五成熟，牛扒上枱嘅外表呈現出金黃色嘅燒烤紋理，睇落吸引。切開後睇到內部係粉紅色嘅，正正係五成熟嘅完美狀態。牛扒肉質鮮嫩，燒烤得恰到好處，配上濃郁嘅汁，味道更加豐富，每一口都能感受到肉眼扒嘅柔嫩！呢塊扒無論係視覺or味覺上都令人滿足！另好欣賞佢地每道主菜旁邊都配有大量沙律，沙律菜新鮮爽口，為整道菜增加咗一層清新嘅口感同可以分解油膩！仲有一個用錫紙包住嘅焗薯，加埋d蛋黃醬同啲香料，唔錯同幾可以飽肚。西班牙黑毛豬鞍：呢道黑毛豬賣相都樣好吸引，一樣係豬鞍烤到金黃色同埋表面有香脆感。旁邊有樣配上大量色彩繽紛嘅沙律菜同焗薯，我鍾意！而西班牙黑毛豬鞍肉質都算嫩，表面煎得香脆，內裡唔鞋口，豬鞍肉有少少豬香，豬鞍底仲配咗d 蘋果蓉，再夾埋豬鞍肉一齊食又解膩又可以吊出豬鞍肉嘅好味，不錯！牛角窩夫伴雪糕 + $28我地加咗$28升級咗其中一個甜品做呢道甜牛角窩夫伴雪糕 ，真係又睇得即又食得。因為老公生日，一早book位時通知咗餐廳幫我喺甜品碟上寫字，點知又驚喜有埋蠟燭送上，店員又好醒，最後神秘地送上甜品到我老公眼前，有心思！牛角窩夫嘅質感外脆酥軟，應該就係牛角包壓為窩夫，每一口都係脆卜卜，好味過普通傳統嘅窩夫。雪糕嘅冰涼同窩夫嘅暖熱產生咗一種獨特嘅口感對比，加埋士多啤梨醬嘅酸甜味形成咗完美嘅對比，我地食完一口又一口，一分鐘清咗呢個甜品，讚讚讚也，無論係味道定賣相都令人好滿意，推！芝士蛋糕：而跟餐嘅芝士蛋糕賣相都吸引，芝士蛋糕味道唔太濃，有奶香，紅色嘅微酸果醬平衡咗芝士肥膩，同碎果仁同d 卜卜脆粒一齊食增加咗一層脆口嘅感覺！另餐飲叫咗冰果茶 & 熱嘅抹茶鮮奶就結束嘅個豐富嘅晚餐啦。總括嚟講，餐廳環境舒適，員工服務態度勁好之餘仲又勁有禮貌，而食物價錢都性價比高，喺觀塘絕對係一個唔錯嘅選擇，下次會同其他朋友再嚟食👍🏼👍🏼👍🏼👍🏼
繼續閱讀