影片
港鐵大圍站 A 出口, 步行約2分鐘
繼續閱讀
電話號碼
26059355
營業時間
今日營業
07:00 - 19:30
星期一至日
07:00 - 19:30
公眾假期
07:00 - 19:30
以上資料只供參考, 請與餐廳確認詳情
相關文章
大圍積福街有兩間茶記老字號✌🏻各自憑着招牌菜式在大圍名物榜上穩守多年，其中一間就是這次光顧，主打鹽焗雞的漢年茶餐廳🐔———————————————————————鹽焗雞賣相與一般燒臘店的白切雞無異🐥但入口鹽焗味道非常突出😎醃得十分入味，雞皮底下的油脂亦令雞肉充滿油香👍🏻可惜肉質方面明顯過熟🤨令雞肉尤其是雞胸位置偏韌難咬，整體來說未算太有特色🧐而炒飯水準更是令人大所失望🥲只因飯粒炒得未夠乾爽，濕潤得是用筷子都夾得起的程度🫨未能做到粒粒分明，鑊氣欠奉🙅🏻♂️而且炒飯有額外添加調味🤌🏻再配上本身已經鹹香味濃的鹽焗雞，個人認為未免太重口味🤫———————————————————————漢年的鹽焗雞飯水準普通，未算特別🤔作為街坊用餐選擇是絕對可以👌🏻但說到是大圍名物的話，本人認為未免過分誇張，有點名過其實😅
繼續閱讀
此店的鹽焗雞飯一直受網絡世界吹奏，近日見到同類youtube食評，因此特登慕名而來一試。正值星期六中午時段，門口大約排8-10人，店內快入快出，填鴨式的入座安排，造就了約5分鐘成功入座。入內眼見全場滿座，不論食物定食客都貨如輪轉，一張枱定必搭完再搭，可想而知一定係坐得又逼又唔舒服。環境方面夠晒懷舊，彷彿返到20年前食店水平。$67 鹽焗雞飯炒底(碟上) - 鹽焗雞味夠鹹，雞味欠奉，雞肉份量、質地正常。炒飯名不符實，睇相就知係一舊飯糰，基本搵唔到炒飯特質。碗同碟之間嘅分別只係份量差異，因為飯質關係，最終係冇食晒。網絡食評足以令食店自動升格，但有感過份吹奏，不會再來。
繼續閱讀
今日係大圍公幹同事就帶我來左呢間隱藏嘅小店食飯🍴鋪頭細細但人氣爆燈！晏晝飯點嚟到，門口已經排咗條龍，不過好彩翻枱速度夠快等咗15分鐘左右就有位⏰【金牌鹽焗雞飯🐔】飯可以揀 炒底或白飯底🍚 仲可以自選雞肉部位，鍾意啖啖肉嘅揀雞髀🍗驚肥就揀雞胸炒底 即係雞油蛋炒飯，用雞蛋同雞油爆香，飯粒炒得乾身香口夠鑊氣🔥雞肉鹽焗味濃郁得嚟唔會過鹹，雞皮焗到金黃微脆，咬落去肉質滑嫩得嚟帶少少彈牙，嗰層豐腴雞油滴落炒飯底度即刻昇華👏蘸埋佢哋嘅沙薑汁夠哂惹味😍超滿足👍
繼續閱讀
一直都聽講過大圍有一間鹽焗雞飯，好好味，但都冇乜機會，今日過去大圍探朋友終於有機會一試呢間鹽焗雞飯。我係叫外賣嘅去朋友屋企食，入到去叫外賣基本上每一台都係食鹽焗雞飯，原來白飯可以轉炒低，所以緊係轉啦。外賣返去盒飯都仲係暖暖哋嘅，雞嘅份量還可以，我鍾意重口味，所以加咗沙薑汁，味道更濃更重味。講返隻雞嘅味道，我覺得確實唔錯，鹽焗雞嘅味道好出色，無論雞皮或者雞肉都食得出，啲肉唔算好冧。炒飯底就偏腍，唔算粒粒分明，但味道都唔錯，飯嘅份量好大盒，對女士嚟講就好飽。總括嚟講，如果大家喺附近嘅話，呢間嘅鹽焗雞飯都值得一試
繼續閱讀
今日經過大圍，正好可以試一試鹽焗雞飯。好近火車站，行過一個街口就到，等位方面，雖然人多，但等得唔算耐，好快就有位坐。鹽焗雞飯可以揀髀飯，翼飯或者普通雞飯，我就揀左普通雞飯。另外，我見到好多人都叫「炒底」，睇落幾特別。不過我就想試下白飯底，因為我鍾意雞汁雞油滲落飯嘅味道。雞肉會食到鹽焗嘅香味，雞油味亦滲左啲落飯到，味道唔錯配埋沙薑啱啱好，肉質有咬口唔會太淋，不過咁啱我呢碟骨頭就多咗啲，整碟嘅份量都唔少，對得住價錢。如果你係唔鍾意麻煩嘅話，建議直接叫雞髀飯，啖啖肉食得過癮！總括嚟講，呢度嘅鹽焗雞飯性價比幾高，味道夠傳統，食完仲有種懷舊嘅滿足感！
繼續閱讀