食物體驗 今次再訪氹仔嘅呢間魚翅湯飯店，叫咗魚翅湯飯、魚翅撈麵同魚翅球(五件)，整體味道仍然滿意。魚翅湯加入金華火腿，味道非常濃郁，湯頭有魚翅獨特嘅甘香味，真係會令人食完仲想再飲多幾口，呢個湯係值得推介嘅。不過，比起幾年前，魚翅嘅份量確實少咗，可能同澳門經濟有關，魚翅依家畀人感覺係奢侈品，可能減咗份量想更易接受吧。 至於魚翅撈麵呢，個撈麵濕濕地嘅感覺，加埋個黑色辣醬去撈都已經好惹味。配埋魚翅湯飲一口清香甘甜，反而魚翅球嘅部份，就有啲雞肋，外觀似鯪魚球，內餡魚翅成份唔多，食落同平時炸魚蛋冇太大分別，但勝在即叫即炸，熱辣辣，呢個可以當小食試吓，不過唔算必點。 服務體驗 服務方面，呢度真係唔錯！一坐低就有位親切嘅姐姐推介魚翅撈麵，仲解釋撈麵分開湯之後魚翅會多啲，呢個貼心介紹真係加分。不過要留意價錢上撈麵係比湯飯或湯麵貴$18，大家可以視乎自己需要嚟點。 結論 整體來講，呢間氹仔魚翅湯飯店仍然保有一定水準，味道濃郁足料，但魚翅份量縮水係事實。如果係想懷舊感受一下氹仔地道滋味，呢度就係唔錯嘅選擇。

其實澳門除左葡國菜之外，中菜都其實幾出色，今次就黎到皇朝區的天潮，試下佢個佛跳牆二人餐。二人餐都幾豐富，包括有兩盅迷你佛跳牆、潮式海味煲、西蘭花燴黑豆腐同埋黃金翡翠炒飯。 <迷你佛跳牆>
佛跳牆湯底好清甜，應該已經吸收晒啲精華，材料都好豐富，包括有鮑魚、海參、花膠、翅、雞肉、瑤柱同杞子等，飲完都飽左一半。 <潮式海味煲>
海味煲首先要讚係份量極多，包括好多土魷同埋蝦乾，仲有花膠添同唔同種類的雜菇。而醬汁係蠔油底夠濃稠，所以可以掛汁包住晒係啲海味身上，令到味道層次更加豐富。 <西蘭花燴黑金玉子豆腐>
黑豆腐豆味特別濃，仲有少少焦香味，好似食緊芝麻糊咁，玉子豆腐質感亦夠滑，配埋瑤柱金菇芡令整個餸菜味道昇華。份量極多，基本上兩個人係食唔晒。 <黃金翡翠炒飯>
炒飯粒粒分明夠乾身，味道都幾香口。 整體黎講，地方環境都好舒適，餸菜味道又唔錯，又夠足料。雖然今次食左二人餐，其實份量之多三個人食都夠，性價比唔錯。

坐在Sky 21頂層露天區，遠眺澳門的海景，彷彿世界都變得靜止了。這裡的服務人員不會催促你離開，所以可以悠閒地坐在這裡，欣賞美景，享受美食。 首先要介紹的是他們的海鮮拼盤。這裡的海鮮種類多，新鮮程度更是無可挑剔。生蠔鮮嫩滑口，滿溢著海水的味道，加上一點檸檬汁，就已經足夠美味。龍蝦肉質豐富，新鮮到只需要檸檬汁就能提升鮮味。蝦肉充滿膏腴，配上海鮮醬和泰式辣醬，更是惹味無比。鮑魚和螺肉爽脆，我選擇了wasabi和日式豉油作為調料。最後的扇貝和青口，我嘗試了各種醬汁，每款都有不同的風味。 之後就係英式下午茶。第一層主要是酥皮小食，酥皮香脆，充滿牛油香氣，甜而不膩，選擇分別有香辣吞拿魚撻、三文魚撻、番茄他他撻同蟹子蟹肉撻，味道搭配得恰到好處。
第二層是各種口味的甜品，奶凍唔太甜，配上草莓醬，非常開胃。馬卡龍和吉士撻保持了脆身，最驚喜是朱古力撻使用的是高濃度黑朱古力，朱古力份量十足，一口咬下，满口都是香濃可可的味道。
第三層是鬆餅，外皮酥脆。他們選擇了藍莓醬和柚子醬作為配料，新鮮且清爽，讓人耳目一新。
處身係Sky 21，你可以享受到美食的同時，也能欣賞到美景，真是一種極致的享受。

🇲🇴澳門MGM藝術盛宴🦁 澳門美高梅 - Rossio 盛事 走進花園裏品嚐葡國菜 喺巨型玻璃天幕底下 食傳統葡國菜 飲番杯Sparkling Sangria 呢度嘅菜式都係好有名堂 而且好好味 其中非洲雞絕對係我食過最好食嘅 濃香嘅椰汁令成個sauce好濃郁 而且雞肉好嫩滑 真係食唔停🤭 另外呢度嘅木糠布甸 亦都非常值得一試 我已經約定咗姊妹嚟下午茶 因為實在太夢幻 啱晒我哋鍾意影靚相❤️ 啤酒蝦 葡式酸汁燴牛柳 非洲雞 香煎石班魚柳 木糠布甸 葡式香橙卷 桂香冰綠 📍澳門美高梅一樓 #Rossio #MGMMACU#MGMCOTAI #MGM #MGMDining #美高梅 #美獅美高梅#盛事

-餐前麵包 餐前麵包外脆內軟，搭配橄欖油同牛油一流 -蘆筍湯 蘆筍湯質地綿密，湯呈綠色，味道鮮甜，畫上樹葉花紋，賣相好吸引 -葡式蛋撻 葡撻外皮酥脆，內餡濃滑，蛋味濃郁，感覺好正宗，值得推薦。 -葡式牛肉串燒 牛肉大大塊，燒得恰到好處，肉質鮮嫩，配上特製醬汁，味道豐富。 -白酒蒜茸炒蝦 蝦超級大隻，蒜茸味濃郁，香氣誘人，蝦肉鮮甜，白酒味道獨特，絕對是海鮮愛好者的最愛。 -葡國雞 雞肉新鮮，肉質嫩滑，除了雞肉還搭配了雞蛋，蛋白質豐富，醬汁拌飯一流 -朱古力蛋糕 朱古力蛋糕口感細膩，朱古力味道濃郁之餘不會過甜，是一道完美的結尾甜點。 葡景軒以豐富多樣的葡國料理聞名，每道菜色都展現了廚師的用心和技術，環境舒適，服務親切，值得一試。

葡式什錦海鮮扁麵，麵食細扁麵，厚實麵體能吸附醬汁，搭配多種海鮮與香蒜、白酒及櫻桃番茄拌炒，而且有濃鬱的大海鹹香鮮味，好鮮甜!葡式傳統薯蓉青菜湯，無論材料和味道，簡單的做法都做得好吃，最主要材料就是薯仔和清水，甚至不加雞湯或高湯都好好食! 芝司火腿拼盤，這份拼盤有不同芝士口味，裡面都是新鮮Mozzarella起司。 外層裹的火腿有三種我食到有 Pepperoni（意大利辣香腸）、Prosciutto（意大利生火腿），仲有其他好食的正宗葡國雞，葡式牛肉串燒，餐前麵包，朱古力蛋糕等等

和朋友逛累了，隨意走進一家葡式餐廳，沒想到意外的驚喜，盲點的幾道菜都好好食！ 🦆正宗葡式焗鴨飯好入味！鴨肉美味多汁，拌飯一起吃又濃又香！ 🔥炙燒葡式香腸：太有特色了吧！在你旁邊現烤現吃，滋滋滋的冒著香氣，一人吃完一大根！ 🥩葡式里脊牛扒配太陽蛋、煙燻火腿伴馬鈴薯：招牌牛扒肉質肥美，蘸著特製醬汁，肥而不膩，量好足！兩個人可以share吃 🧆綜合葡式小食拼盤：一盤集合四種不同小食，吃到爽！炸至金色，外酥裡嫩，香脆可口，一定要試試！ 🍤白酒蒜蓉炒蝦：蝦肉好嫩呀，用白酒烹製過後酒香回味，更加甘甜！ 🍰葡式木糠蛋糕：最後來一份健康低糖的木糠蛋糕，入口即化的綿密口感，超滿足的一頓！

🇲🇴本地朋友帶我來食這家她經常來的葡國菜！量足擺盤也好靚😍 🔥手工乳豬鹹派➕精選芝士&冷肉拼盤 精緻開胃前菜！cheese好濃郁，餐前麵包沾醬吃，咸中帶香～拼盤有四種小食，和🍷葡萄牙水果酒/葡富軒特調絕配！葡萄牙特色下酒菜，太適合小酌了🍷 🍽️主菜 炒豬肉配葡蜆伴馬鈴薯 葡萄牙直送伊比利亞黑毛豬 黑毛豬葡萄牙新鮮直送，肉質鮮美很juicy，入口好嫩，緊緻細膩的口感！葡蜆還是第一次吃，肉質更飽滿，新鮮現煮甘甜可口，用自製的醬料爆炒後相當入味！ 🍮甜點 葡式脆皮焦糖雞蛋布蕾 朱古力蛋糕 一定要試試這家的甜點！好鍾意焦糖布蕾，火炙後表皮脆脆，敲開後裡面是嫩滑的雞蛋，又香又滑嫩～朱古力蛋糕甜而不膩🍫好香濃！

最近同朋友黎澳門玩，無意中發現呢間葡國菜，試完果然無失望！ 葡式傳統薯蓉青菜湯 薯蓉滑順，口感非常細膩，青菜嘅清香味非常突出 葡萄牙八爪魚沙律 呢個沙律清新又健康，八爪魚鮮嫩，搭配橄欖油、醋同甜椒，味道好平衡，洋蔥嘅脆口感為整道菜添咗層次 炙燒葡式香腸 由侍應在桌邊燒，香氣四溢！外層焦香，內裡肉質鮮嫩👍 蟹肉釀蟹蓋 蟹肉鮮甜，搭配得好好，食落去每一口都充滿驚喜，非常推介！ #葡式里脊牛扒配太陽蛋 呢個牛扒肉質鮮嫩，搭配流心嘅太陽蛋，醬汁入味，肉食者一定要試，真係唔會失望！ 葡式脆皮焦糖雞蛋布丁🍮 由侍應喺桌邊點火，外層焦糖香脆，內裡滑嫩，甜而唔膩，超正🤩 總括來講，葡景軒每道菜式都展現咗葡萄牙料理嘅獨特魅力，無論係開胃菜、主菜定甜品都好好味👍👍

🐣紫菜肉鬆雞蛋仔 終於同大家沖出香港，第一次介紹澳門既小食。首先口味選擇超級多！今次就簡左自己最愛既紫菜肉鬆。本人覺得佢最吸引嘅係料超爆滿，粒粒都包左勁多肉鬆！而每一粒都係咁多！如果要挑剔既係，如果再脆多少少就更好食啦。

門口望入去環境唔錯，坐低叫咗A套餐，前菜到甜品都有齊嗮，仲包杯🍷，唔錯😍 🍴前菜 白酒忌廉煮蜆 葡萄牙煙燻火腿 | 葡萄牙直送 白酒既香氣與蜆既鮮味完全融合～打開咗味蕾先 🍽️主菜 烤乳豬配薯條及沙律 | 葡萄牙直送 清爽既沙律平衡乳豬既口感，乳豬皮脆脆咁好好吃🤤加埋薯條超飽 葡式白酒風味什錦海鮮扁麵 海鮮份量好足，每啖都可以吃到唔同既海鮮，正～ 🍮甜點 主廚自製手工義式雪糕 葡式經典木糠蛋糕 層次分明既木糠蛋糕唔會甜膩，口感鬆軟～自自然然咁收尾 🍷 葡萄牙水果酒 /葡富軒特調 全餐都可以搭配到，顏值好高😆 真系好貴飽～覺得幾抵吃又坐得舒服😌

葡富軒 地址：氹仔舊城區客商街31號地舖 位於澳門氹仔舊城區都好多美食店，今日黎澳門旅遊，見到依間葡富軒四四正正，裝潢簡約舒適，行咗成日，於是就入依間咁舒服既餐廳享受一下晚餐！果然無令人失望，每樣食物都好有質素勁好味😋😋 前菜有白酒忌廉煮蜆，白酒忌廉煮蜆，醇厚的忌廉搭配清甜的蜆肉，口感滑嫩，鲜香四溢。搭配埋餐廳提供既餐包，真係令人享受！ 烤乳豬，葡式烤乳豬外皮酥脆，肉質鮮嫩多汁，散發著香草和蒜香的迷人氣息。每一啖都食到美味既肉，但又唔會感到膩，非常正呀 葡萄牙直送煙燻火腿，質地柔韌，香氣撲鼻，帶有獨特的煙熏風味。每一片都散發著濃郁的鹹香，都係用黎搭埋餐包食，中和口感👍👍👍 葡式白酒風味什錦海鮮扁麵，今晚既主食，麵條滑順，吸附了鮮美的白酒醬汁。海鮮新鮮，鮮味四溢，份量啱啱好😆 最後叫埋兩杯特飲👍帶點微醉，結束一日既旅程，值得推介

今次去到澳門搵食國這間【蟹皇撈】超推介原來澳門物價這麼便宜，這間餐廳性價比極高所以去澳門不一定要去賭場～ 我是坐金巴從港珠澳大橋到澳門，所以落車後去搵 101X巴士坐到去青洲/嘉應花園落車行4-5分鐘就到，好方便的！ 門面已經有好靚鮮艷的霓虹燈，好吸引眼球 店內環境光猛乾淨，成個人都好精神～

蟹粥不知所為、淡如白粥完全無蟹味、$128當遊客水魚！🤬湯面個湯好淡味，店家唔捨得落料，但索價好貴，一碗鲮魚球鳳爪湯面收$50，簡直搶錢，見碌麵阿姐好俾心機係咁攁啲麵攁咗好耐，但都救唔到麵鞋嘅命運，鬼咩，啲料咁渣，點救都救唔起啦，湯頭先講過，得好淡嘅魚味，唔细味都飲唔出有魚味，鲮魚球又係净鲮魚，但無味嘅，估計係街市嗰啲現成 cheap cheap 鲮魚肉。唯一可讚嘅係鳳爪，入味，夠淋，係好食嘅，但$15三隻，仲要其中一隻细到好似乳鴿爪咁。此店攞咗好多米芝蓮獎，店家似乎靠咁樣唔憂做呃遊客，食過一次做過儍仔夠了。，

離咗澳門玩，冇霖到隨便一間葡萄牙料理都幾好吃～ 🥘酥皮蘑菇忌廉湯 餐前開胃🤤塊酥皮真系冇得彈～ 🦐白酒蒜蓉炒蝦 聞到就流曬口水，蝦肉吸收咗白酒同蒜蓉好香🤤 🦆正宗葡式焗鴨飯 米飯吸收咗鴨肉既鮮香，可以感受到另類風情🤭 🥔薯絲馬介休 葡式鱈魚炒洋葱、蒜蓉、炒蛋、薯絲混合一齊口感豐富～ 🥩葡式炒牛柳粒 牛柳粒搭配特製的醬汁，味道濃郁。 🍮葡式脆皮焦糖雞蛋布丁 餐後甜品必點！焦糖的香甜與布丁的順滑為最後畫上完美的句號😋 吃完順便坐下吹下水休息下，慢慢嘆完再繼續行程～路過仲有個打卡位，下次再離～