影片
更多
2016-03-02
9457 瀏覽
專程帶男朋友由香港黎食個生日午餐不過預約都要提早兩星期左右。如果想星期五六日黎就要更早預約定啦！由於香港致電澳門電話要收費所以選擇左上新萄京既官網訂座。佢地每晚都會有人回覆吾算麻煩。然後要填好一張form再send番比佢要填寫信用卡資料。因為如果兩日內冇取消booking而又冇出現佢都會係信用卡扣取200-300作為訂金。餐廳位於新萄京43樓。要先到39樓走過通道再轉lift直達餐廳。一開電梯門已經有服務生問候招待及帶位。外面既光線照入餐廳非常舒服。不過我地當日坐既位置吾係好好。望出去只見到大廈既煙通不停噴煙望吾到澳門既全景。有點可惜🙁一坐低服務員會先問你需要咩飲品。由於我地兩個都吾飲酒所以只點了兩杯暖水。服務員會推牛油車到枱旁再分牛油給每枱客人。一款係有鹽另一款係無鹽。而麵包種類亦頗多。相信好難試得哂咁多隻個人比較喜歡當中既芝士包。所以叫作refill左一次..但其實你鐘意所有麵包都可以不停refill。餐牌比一年前黎既時候大部分菜色都吾同左。我地兩個都揀哂頭盤同湯。其中一個要左兩個主菜。 所有餐都配有開胃菜。依個粟米湯伴棉花球及煙燻鴨胸。粟米味好濃郁。棉花糖入口已經融化只帶
餐廳位於新萄京43樓。要先到39樓走過通道再轉lift直達餐廳。一開電梯門已經有服務生問候招待及帶位。外面既光線照入餐廳非常舒服。不過我地當日坐既位置吾係好好。望出去只見到大廈既煙通不停噴煙望吾到澳門既全景。有點可惜🙁一坐低服務員會先問你需要咩飲品。由於我地兩個都吾飲酒所以只點了兩杯暖水。
服務員會推牛油車到枱旁再分牛油給每枱客人。一款係有鹽另一款係無鹽。而麵包種類亦頗多。相信好難試得哂咁多隻個人比較喜歡當中既芝士包。所以叫作refill左一次..但其實你鐘意所有麵包都可以不停refill。
餐牌比一年前黎既時候大部分菜色都吾同左。我地兩個都揀哂頭盤同湯。其中一個要左兩個主菜。
所有餐都配有開胃菜。依個粟米湯伴棉花球及煙燻鴨胸。粟米味好濃郁。棉花糖入口已經融化只帶有少少甜味。正好同帶點咸既煙燻鴨胸有個對比。
我選既頭盤係脆炸煮蛋配忌廉菠菜及芝士忌廉汁。一切開蛋黃已經湧哂出黎。 再加上外面脆炸過既蛋粉。口感吾錯。鐘意食流心蛋既人不防一試。
男朋友點左生油甘魚薄片伴海膽及香酥鬆餅。賣相特別。男朋友話佢依個既用料比我既頭盤更值錢不過由於我吾食魚生所以冇試到佢果個
慢慢食完個頭盤等左5-10mins左右湯就送上。服務員會先上一隻空碗再係你面前張湯倒到碗中。法式海鮮濃湯佐香脆蝦。好鐘意飲d夠熱既湯👍🏻仲有新鮮既龍蝦肉。不過我男朋友果碗有4-5粒我果碗只有1粒😐除左海鮮味仲帶左少少辣既味道。不過吾食得辣既都會接受到
第一個主菜。緬英龍蝦意粉拌海鮮風味醬汁（需另外附加$90）。可能因為剛飲完個味道偏濃既海鮮湯，感覺依道菜既味道偏淡。不過淨係見到d龍蝦肉都明白點解要加$90。
另外一個主菜係日本和牛及香煎鵝肝迷你漢堡伴焦糖燒燈籠椒及薯仔梳孚厘。依道菜亦係需要另加$90。最初會以為漢堡份量太細男朋友會吾夠飽。但佢食左一個已經有種飽濟感。因為和牛同鵝肝都會令人有種好溜既感覺。所以吾洗擔心食完會吾夠。我只係試左一小片和牛已經食到好強烈既鵝肝味道。
而我就點左香烤鱈魚配伊比利風味蘿勒蔬菜湯。口感比較清新。不過佢面頭果塊皮只食到有粉味又吸收吾到蔬菜湯個味道。個人吾太喜歡所以冇再食到。魚肉好滑份量都岩岩好食得哂。食完個主菜吾經吾覺原來我地都已經食左兩個半小時。
服務員準備上甜品前就將生日蛋糕送上先😳大家如果想要寫特別既字係隻碟度都可以係預約時候講左先。餐廳就會送番個免費既拿破侖做生日蛋糕。我地好好彩果陣咁岩有琴師演奏緊。所以蛋糕送上既時候仲伴隨住現場演奏既生日歌。不過冇人生日都吾緊要。服務員會推架甜品車係你面前比你隨意揀。當中亦包括拿破侖。對上一次黎既時候有限定每人揀兩款。不過今日又冇。只要你想又認為食得落既都可以點☺️
服務員會將生日蛋糕分好我就揀左個咖啡泡芙同檸檬撻。本身想試埋個蘋果撻但實在覺得太飽食吾落😂檸檬撻味道清新又吾會太酸👍🏻咖啡泡芙亦相當好味👍🏻外皮吾會過淋而且咖啡味都好出
男朋友就揀左朱古力撻同opera蛋糕。朱古力撻撻底佔得較少朱古力比例較多所以有種溜既感覺。但鐘意朱古力既朋友絕對岩食😬除左甜品車既甜品外仲有雪糕可以揀。當中比較特別既係栗子味。我地就分別叫左朱古力味同香草味。香草味睇到成個雪糕都有好多雲尼拿籽。食落特別香滑。食完甜品慢慢飲埋杯餐茶。服務員又會推另一架車出黎比客人揀一d小曲奇同朱古力糖果。全餐飯食左3個半小時。亦會有服務員歡送你到電梯口離開。好滿足地完結😊
順帶一提。依度既服務員態度好好。保持親切既笑容。係你用餐既時候又會稍為行得開d。到你有任何需要都會即時行埋黎。要係香港食到d有咁既服務水準既餐廳確係幾難🤔下次有機會絕對會再黎👍🏻
張貼
