住家菜 (已結業)

今日第一次同同事嚟住家菜食LUNCH~一直住家菜標榜係不油不膩,今天終於一嘗喇~LUNCH 時間好多人呀~ 我吔訂咗位都要等~吃咗四SET ($38) 午餐, 首先一碗大湯,好味呀....1. 乜乜丁排骨~ 味道有點兒似鎮江骨,有少少凍咗,但味道OK架2. 魚肉蒸豆付 ~ 普通嘢3. 肉鬆炒豆角~ 都OK 好味既~4. 薯仔炆雞~ 呢個最好味呀~弣送白飯,加糖水(花生粥)午市無加一架~

好耐冇去住家菜, 上次禮拜日晚去, 原來佢Sunday Off, 失望! 禮拜六晚通常又好多人.....終於喺啱啱個禮拜六晚又再幫襯, 因為我同boyfriend六點前去, 所以一到六點就有枱, 而且佢原來食埋隔離個鋪位, 地方大咗一倍, 我估下次六點後嚟都應該唔駛等. 唔知而家會唔會開埋禮拜日呢?雖然我哋得兩個人, 但我哋都叫咗兩碗老火湯(蜜瓜响螺豬骨湯)同三個餸:茄子肉蕃茄蛋白蝦球瑟琶豆腐個湯一Ｄ都唔油, 好清甜, D骨煲完仲好有肉味, D餸全部都好味, 尤其係個蝦球, 好茄好開胃, D蝦雖然只係中size, 但鮮到不得了, 一入口已經覺得好正, 蝦味勁濃, 真係蝦有蝦味, 係Ｄ雪蝦同梳打粉蝦無得比嘅, 呢一點希望佢哋可以keep住.份量仲唔細, 唔大食嘅四個人都夠食, 我咁大食都覺得超飽.其實我已經放棄咗好多酒樓嘅中菜, 因為絕大部份係勁油、勁味精、死咸、料唔得, 除非去Ｄ星級食肆比星級價錢啦, 如果想經濟價錢食好嘢, 住家菜絕對係我嘅推介!

吾家的不成文家訓之中, 有這麼一條: 「出街食飯, 不得排隊等位, 落柯打後 5 分鐘之內必須上菜」 (後面那句是我媽親口說過的), 所以住家菜一直未嘗在我家飯堂名單上出現是有原因的。事緣有一次本人欲挑戰家母之尺度, 膽敢訂下謝斐道總店與家人吃晚飯, 點知準時齊人到達店方還是說要繼續等 (好像有半小時吧), 老媽自然大為不悅, 即刻率眾走人。於是, 要吃的話, 就只好在中午絕早時份, 人都唔多個的時候, 單槍匹馬走上來了。這裡的環境比印象中的總店要好, 起碼地方比較寬敞, 裝修也相當雅致。坐都未坐低, 服務生已即刻放下餐牌, 當我發現有低至 $38 的午餐的時候, 實在大喜過望 (另有更多款式選擇的商務套餐, 售 $55)。$38 午餐有四款小菜選擇, 其中一款還是蒸魚呢, 不過我一個人吃不完, 也怕鯁骨, 只好選另一款 - 梅子蒸排骨。屋企靚湯 蕃茄薯仔黃豆湯 - 一上桌便知是好嘢, 鮮艷的橙紅色來自蕃茄, 入口濃甜鮮味, 應是老火之作; 薯仔大多已融於湯中, 加埋已成軟身的黃豆, 是營養與美味兼備。另兩大件煲湯骨好好「輪」, 這個套餐的價錢, 在街外只能買到一包雪藏湯咋, 所以只了

住家菜有句'口號': "屋企feel無味精 清淡少油 住家靚湯"平常少喝湯的我,每次惠顧都會叫住家靚湯. 今次介紹多兩款菜式給大家參考. 咕嚕雞球無論是咕嚕雞或咕嚕肉,都是用鮮什果一起煮.什果有提子,菠蘿和奇異果等.朋友覺得好奇怪,我卻把生果吃清光. 用生果來煮,感覺很健康啊!味道我覺得恰到好處,不會太甜或太酸.隔鄰桌的人剛坐下來,看見我們叫的咕嚕雞,也叫了咕嚕肉. 咸魚茸煎肉餅份量好像很多,幸好很薄,不易飽.朋友說好鹹,我說咸魚當然鹹. 薄薄的肉餅,感覺像吃媽媽煎的薄片午餐肉.的確鹹,一定要連飯一起吃.喜歡它薄,切了小片易入口.味道可以啦! 叫了一煲住家靚湯 (送的)好像逢星期五都是老黃瓜豬骨湯.很好味! 馬蹄露又好像逢星期五的甜品都是馬蹄露.朋友不吃,我一人吃兩碗.不太甜的蛋花馬蹄露,我覺得ok.這餐吃得很飽.

無味精又好味的住家菜,經常客似雲來,要早早訂. 未齊人也不能入座. 土魷蒸肉餅味道清淡,豬肉新鮮,但怎也不及媽媽蒸的肉餅好味. 粟米石班魚塊大件又新鮮,粟米汁夠多,好味! 豆豉鯪魚油麥菜新鮮翠綠的油麥菜,混合豆豉汁,十分滋味. 這樣吃豆豉鯪魚還是第一次. 挺特別啊! 竹筒飯炒飯,有蛋,有生菜,有冬菇. 好味! 炒飯不乾,好味! 這晚喝的是黃瓜湯.湯很清甜,很好味,連渣都吃光! 飯後還有甜品. (甜品每天不同)馬蹄露不太甜,都可以.整體來說,食物不油膩,又沒有味精,適合一家大小去吃.

原來晚飯時段，沒有套餐，都是散叫，小菜多由$48-$80，再加一，算起來，並不便宜。不過打了一整天冷氣書釘，弄得腰痠背痛，手腳冰凍，一坐下來，如釋重負，起來也勉強，況且未幫襯過，就試一次罷。晚上的住家菜，並沒有看人家寫下午時那麽趕忙擁擠，環境也算舒適。雙目在黃色餐單上徘徊，最後打定了西蘭花班片（58元）加一個白飯（9元）。無需多等，餸菜比想象中快來到。班片是雪藏貨，沒有特別味道，可幸蒜頭韭黃炒得香。西蘭花略硬，而且是預先煮好，排在碟邊，沒有和魚塊一起炒過，所以沾染不到任何蒜香。臨尾奉送的西米紅豆沙，沒有陳皮香，味道亦見淡薄，吃了半碗，就算了。總體來説，味道一般，晚飯不值，午時套餐，將貨就價，還可考慮。

佢係啲湯可以一讚嘅, 其他...無樣掂 首先, 每次book枱時都會問你有無朋友生日呀??? 以為有セ着數啦, 原來... 佢只係提你唔可以喺度切蛋糕! 親身去攞飛排隊仲衰, 比張纸叫你揀定餸, 一有位就即刻要入單, 趕住去死咩??? 都未算最嬲! 我煲咗一碗湯諗住帶出嚟比爸爸飲, 唔夠5秒就即刻有位呀姐衝埋嚟講一大輪廢話, 原來佢嘅意思係話唔可以帶嘢食入嚟, 我地唔係第一次出街食飯, 都未试過有人會咁講! 我地亦都唔係第一次幫襯你地, 洗唔洗咁小家呀? 如果佢地唔再檢討同改善, 相信唔洗好耐....

前晚去住家菜,這是第こ次去,最喜歡是無味精的餸菜,我們三個人叫了阿麻雞,鐵板牛柳粒,咸魚蒸肉餅,紅蘿白豬骨湯。阿麻雞的肉質好滑,其實我不吃咸魚,但我全都吃光這咸魚蒸肉餅撈飯一流。鐵板牛柳粒好嘢味,紅蘿白豬骨湯,好似阿媽屋企的老火湯。吃了差多 一個鐘,有紅豆沙送,okay la!

八月十九日, 今日返到公司, 一開笠就聞到勁臭天拿水味!!唉... 咁冇辦法啦... 反正又冇帶飯, 唯有跟班同事出街食避一避啦!其實《住家菜》唔係第一次食, 但去到利舞台呢間就第一次咋!我哋六個人, 叫咗四款加埋六個飯餐一齊食 ($38 / 一個餐), 可以配飯或粥, 啲餸有蘿白炆牛腩、口水雞、釀豆腐同鎮江小排骨, 樣樣都幾好味, 特別係個小排骨, 酸酸哋好開胃。每人仲有跟餐一大碗例湯, 今日係冬瓜湯, 清熱消暑, 正!不過我呢碗少咗啲, 叫佢舀噃多少少畀我時個男人有少少唔願咁喎...最後一碗薏米綠豆沙, 唔會好甜, 唔錯, 食完所有嘢真係好飽!! 順帶一提, 呢度係可以添飯, 唔駛加錢架! 不過我反而只食咗半碗飯, 分咗一半畀同事呢~~ 環境一般, 我哋坐咗出面走廊位就覺得幾熱.... 同埋呢度既服務感覺爭少少, 除咗之前唔多願舀噃啲湯畀我個男人, 佢哋都好趕住執走我哋食完既碗碗碟碟, 感覺似乎想我哋快啲食完就走, 好等佢哋可以做多轉客, 搞到我哋都食得有啲趕... 更詳細資料及圖片請看 : http://hk.myblog.yahoo.com/joycewai616/ar

同 姊妹 試完 makeup, 到 住家菜 食lunch, 順便 hea 下 …再 繼續 精采 忙碌 的 graduation　大日子！我們　要了　兩個set lunch~栗米班脯~ 班脯炸得好香脆, 栗米汁 又 濃度適中, 跟白飯同吃 好好味!梅子排骨~ 排骨偏肥了, 又吾夠梅子 的香味, 我媽咪 做得好味 d. 是日中湯~ 紅蘿蔔, 栗米, 豬骨湯~ 幾清甜, 不過好似甜得有d “假”…..是日甜品~ 冬瓜水, 我不喜歡這甜品, 只 吃 了 一口.PS: 這裡說餸菜沒有加味精, 我卻懷疑有加味精, 尤其是個中湯 ………

想食得「無添加」d, 見呢度標榜無味精, 仲有乜都有的一人份量 set lunch ($55), 0黎試試佢個梅菜蒸肉餅.「是日例湯」係粟米紅蘿蔔豬骨湯, 又真係無味精喎, 飲落清潤, 好似屋企煲0既咁; 粟米細細件, 爽爽甜甜; 連賣相「湯渣」的豬骨都好正, 「窿窿罅罅」內的肉好鬆化鮮甜, 「輪」得過癮 令人滿意的一碗住家湯, 值得試試.梅菜蒸肉餅亦係住家的味道 -- d 汁好惹味, 送白飯一流; 肉餅彈牙肥美, 不過梅菜就好多「沙」0下, 食到「霹靂啪0勒」, 可惜.仲有「是日甜品」冬瓜水 (熱食), 賣相似鹹湯多 d, 食落好清甜, 冬瓜清香味好出, 十足0係台北華西街夜市飲過0個隻「冬瓜茶」, 清熱解渴, 唔錯唔錯.環境乾淨光猛, 梳化椅已好坐; 招呼就一般.$55 飽到上心口, 好食又比出面好多餐廳健康, 抵食. 銅鑼灣食肆選擇雖然多, 但無落味精的餐廳我相信一隻手數得晒, 呢度絕對幫襯得過的.可能你會問, 既然係住家菜, 點解要出街食, 唔自己郁手煮?咁... 都要識煮先得0架!

一碗收了我8蚊的白飯成碗白飯,我地一啖都食過....掂都無掂過...插支筷子係等大家知道碗白飯有幾離譜!!我已經無再去食喇...宜家仲係唔係咁呢?

這次跟爸爸媽媽來吃, 三個人點了四個餸兩位湯 (青紅蘿蔔湯), 糖水是麥米花生, 足夠有餘:西蘭花班片($68) – 班片尚算彈牙, 但味道稍淡,適合喜歡少油清淡的人, 喜歡濃味的可算面豉豆腐班腩煲。椒絲腐乳通菜($38) – 上次在尖沙咀試過, 簡單好味。蒜茸蒸蝦($68) – 把蝦開邊蒸,上面有很多蒜茸, 連蝦,蝦膏和粉絲一起吃, 十分美味, 只是粉絲稍硬, 可能還未浸透。鐵板鳳陽豆腐($48) – 第一次吃, 本來怕是辣的, 但店員說可選辣或不辣, 我們選了不辣的, 上菜時就像吃鐵板牛肉一樣, 熱烘烘的, 還要返一返豆腐, 不然會有點焦。豆腐是煎過的, 配上洋葱和豬肉, 十分美味, 尤其是那個汁, 想不到豆腐本是味淡, 沒配上什麼特別材料, 可變成這樣香口美味的食物, 而且一向都覺得能把簡單餸菜煮得好味, 才是最難得的。

又係無啦啦落大雨既日子 好耐都無食過中菜, 我地2 個又唔興去酒樓, 於是決定黎住家菜叫左 2 個菜, 一個例湯, 2 個白飯 先黎個例湯係青紅蘿蔔豬骨湯 無味精, 不會過鮮, 易入口 斑片炒西蘭花 ($58): 全無鑊氣可言, 西蘭花明顯地只係用水”卓”過, 無回鑊炒, 斑片亦以欠鮮味, 攪咩 ? 栗子雞煲 ($58), 味道還可以, 點知食栗子就出事, 原全係生既根本無可能食 , 亦不打算叫佢換 ….. 個心只有一沉 ….同第一次食既經驗係2 回事, 埋單 $165, 個肚空空如也 應該唔會再有下次

21-06-08(六),約友人晚飯,點了以下菜:--阿麻雞1/2隻,味道唔錯,比想像仲好-南瓜排骨,南瓜好甜,"女侍應"話係日本貨,所以特別好吃,反而掛骨一般.-油墨菜,份量小,味道尚可.-蒸魚,約HKD98,名稱忘記了,<因為想點的都無>,時間掌握得好,滑滑地幾好.時間得1小時食(之前沒有講明,太趕了)