正宗上海生煎皇 (Closed)

相對於其他分店，這家的員工特別隨意，可以左手拿着電話在講，右手去遞餐，也太忙了吧？再者便是一邊在行走，同時在咳嗽，而且不捂嘴，很衛生。其實也是偶然發現在這裏有「生煎皇」的分店，正中下午茶的時間，便進店去了。店內地方不大，但環境很暗，可能是燈光問題，有點死氣沉沉感。地方狹窄，檯面有黏物，不太乾淨。唯一可取便是下午茶時段的價錢相當便宜，食物味道也可以，只是賣相有點差，有點求其。豆漿味道濃郁，甜度剛好，很不錯的飲品。整體上食物的質素是可以的，但是店面的衛生及員工的管理真的要小心留意一下，不要太隨意，始終香港的餐廳是講求服務質素和衛生的。這店內的環境及衛生的確是令人有卻步的感覺，以後會再光顧，但是不會是這家分店。

係旺角行行街有啲肚餓，見到有生煎包又幾吸引喎朋友話佢之前食冇睇指示，大淡咬左落去，入面啲汁爆晒出黎所以食之前記得睇佢教點樣食呀我已經好小心翼翼咬左一細淡入面啲湯吸極都仲有 好誇張! 入面啲湯熱辣辣 食個陣真係要小心啲 唔係好易比啲湯辣親食到最後一淡過連埋肉同湯同皮一齊食佢個包面係硬硬地同埋入面淨底既湯 融合埋一齊令到個包面變到脆脆地不過環境就有啲迫 食個陣冇晒坐位 唯有企係到企位條走廊有啲迫 多人出出入入 有啲狠狽如果你拎住好多野既話好彩都係好快食完就走

我好鐘意食上海菜，上海生煎皇算係價錢合理，而且食物質素又可以接受嘅餐廳～食物選擇幾多元化：每次黎都會點生煎包或者小籠包：上海生煎包（$32）生煎包同小籠包都即叫即蒸，所以每次都熱辣辣，多人嘅話有機會等成20分鐘🙈個底比較硬，但覺得幾好味👍🏻.灌湯小籠包（$33）最梗要係個皮唔厚唔硬～呢度嘅小籠包都唔差，間唔中會食到啲冇湯嘅，不過好彩唔係成日發生。其實冇加一又有位坐都算幾抵～呢個價錢黎講，我對食物質素都好滿意。

這裡的生煎包的確做得很好！單看外貌已跟我之前在上海吃過的某某生煎包店吃過的超級相似～外皮不太厚，而底下更煎得脆脆的，內裡的湯汁超多，熱辣辣的，咬一口已想溢出來了。小籠包亦沒有令我失望！同樣是熱辣辣的，湯汁份量剛好，也可以整口吃，非常滋味～雞絲粉皮勝在麻醬夠多，粉皮煮得晶瑩剔透，彈牙～五彩冷麵的芝麻醬同樣夠多，加入青瓜雞絲等夠清涼，如加些蛋絲就更好了。菜飯內菜和白飯的比例好，不會太少菜。但豬扒就有點油了，我和朋友都覺得似叉燒。炸醬麵的麵很多，但炸醬的味道有點奇怪，不夠香辣也不夠醬料。最後一提，這家的價格以上海生煎包來說其實有點貴，但若跟香港的一般上海菜比，實是平民價，值得推介～

久仰正宗上海生煎皇的大名，早前不少明星推介此店，這次也是慕名而來。我和家人很喜歡吃上海菜，特別是一些地區的上海小店，總會帶給我們滿足的驚喜。不知是否懷著對正宗上海生煎皇的過份期待，今次的午餐我們是蠻失望的！食物談不上是好吃，價錢中規中矩，有點名過其實的感覺。這店的翻枱速度很快，即使是星期六下午，店舖裡滿是食客，我們也不用等位。二話不說點了些我們慣常會吃的，食物上枱速度一般，幸好我們不太餓。先吃雞絲粉皮，份量很多，看來很抵吃，但吃一口已感覺到有伏味，竟然用了日式麻醬作調味醬料，而不是中式的．．．有點欺場的感覺。雖然是比較開胃而且有新鮮感，但並不是我們想要的。此店最出名的是生煎包，我們當然要試試！枱面上貼了生煎包的正確吃法，很有心思呢。此店的生煎包的賣相一般，以為它作為招牌菜會是比較受重視的。上枱是包只有微熱，一啖咬下去沒有爆汁感，感覺只是一個頗普通的肉餡包子，不明白為什麼這會受吹捧。反而，我們對沒有特別期待的灌湯小籠包有好感。上枱時是熱騰騰的，外皮非常薄，有通透感，一不小心就會刺穿外皮，便會浪費了裡面的上湯。我們先小心翼翼的把外皮咬開才吸吮上湯，再慢慢品嚐肉餡，味道不錯，非常抵食

路過豉油街被正宗上海生煎飽吸引，終於入去試左個下午茶餐！呢個係下午茶餐menu，包埋飲品，價錢都ok！話明正宗上海生煎包，當然要試下佢地嘅招牌菜 — 生煎包，我依住佢地嘅生煎包四步曲食！賣面一般，食落發現生煎飽冇想像中甘熱辣辣，飽既外皮酥脆但稍為有少少乾，但都食到入面既肉汁，但不得不讚既係 — 餡料好香！（*ps 每次食生煎飽都小心，唔好比入面嘅湯燙親）呢個土匪雞翼菜飯入面，土匪雞翼有驚喜！平時食譚仔食得多，呢個土匪雞蛋外皮望落唔同d，但又唔乾身，好juicy之餘，而且佢既香料幾入味！整體而言係惹味既菜飯中既飯係我最中意既珍珠米！口感岩岩好，每粒飯都清晰可見！

黎到旺角最好就係周圍覓食，今日就黎左呢度試下生煎包同排骨上海麵呢度嘅上菜速度好快，落完單後2分鐘已經有得食唔知點解一個生煎包有蔥但另一個就完全無包嘅size比較細，食兩個都唔會太飽肚; 個包煎得幾脆同埋唔太油膩，食落夠香口雖然包入面都有肉汁，但係比較少肉同埋唔夠入味，整體黎計不過不失啦呢個上海炸排骨同平時食嘅唔同，唔係炸嘅食落係肥叉燒黎不過都算好食嘅至於上海麵個湯底都係無咩味，要落辣醬調味先好啲，辣醬都係一般貨色另外飲左杯凍豆漿 ($9) 都係大路口味，無咩豆味得甜味，總括而言: 味道一般，價錢偏高

總係久不久就會有小籠包癮發作 但係係香港周圍試左好多間都係失望而回 呢間都唔例外… 芝士鮮肉小籠包 ($34)芝士！？？？？仲有小鮮肉？！！！小籠包皮算薄 但係唔滑 個皮比較粉；入面都有湯汁肉汁 不過賣點既芝士就冇乜 鮮肉味道一d都唔鮮 所以味道很一般 ；更重要既係佢唔夠熱 唔熱既小籠包係點都唔會好食 我覺得真係冇其他人講既咁好食呀四川擔擔麵🍜 ($39)花生味偏淡 反而辣油味更出 麵上面既醬有d似炸醬？！係辣醬加豆瓣醬既味道 再有d肉碎咁；麵既彈性同蛋味亦都一般 不太掛湯 所以整體屬普通貨色 .上海生煎包 ($17/2)叫得上海生煎皇 生煎包先係賣點 ~~外皮金黃 有少許脆口 而包就鬆軟 內裡仲保持到有肉汁 肉既調味亦係剛剛好；可惜呢個世界係有比較既 食過之前介紹過既祥興記之後 呢個係明顯遜色好多 相對黎講 佢既外皮唔夠祥興記香脆 入面既肉同湯汁亦少好多 所以生煎包都係祥興記最正土匪雞翼 ($28)佢既孜然味唔多濃 所以比較似食緊唔太入味既黑椒雞翼 其實佢都煎得幾香脆既 但佢唔係土匪雞翼囉😂 都係食番譚仔三哥最正

想想都有一些時間無食過上海食物，就想起有時在旺角食生煎包的「正宗上海生煎皇」食晚餐。「正宗上海生煎皇」在旺角的豉油街，就在新寶戲院的旁邊，就在這一條街一望都是食店，各式各樣的食店都有，選擇食東西的時間一定能提供足夠的選項給不同的食客。食店的空間真是十分之細小，廚房就在食店近門口的地方，一入到去細細的枱就放在店的兩邊，空間真是十分之細小，每一次有客人來的時間差不多都要讓位給其他人通過，而店內的燈光也不是太光亮，坐入進餐的感覺不太舒適。餐牌就是枱上旁邊的餐紙，看見有包點類、小食類、涼菜類和飯麵類，數一數食物的選擇有三十多種左右，小店來說食物的選擇都算幾多。今次進餐的選擇有涼拌青瓜海蜇、上海生煎包、上海厚切炸排骨菜飯和韭菜豬肉水餃湯麵。涼拌青瓜海蜇($24) 前菜小食就是這個涼拌青瓜海蜇，賣相看見有大量黃色的生蒜醬在小小的海蜇和大量的青瓜上面，海蜇都幾爽口，但數量太小食不出真色，青瓜的感覺也是爽口清新，而碟底也有一些的辣醬，加上了上面的生蒜醬令辣感加倍，不過食落都只是有少許的辣感，但食物的名字改成「涼拌青瓜」比較好。上海生煎包($16兩個) 這店的招牌食物，因為想食多一些不同的食物只是

灌湯小籠包 $31 (4個) 皮有太許煙韌 ，有別於一般小籠包，包皮算薄，小籠包口目測有多於18褶，要皮薄才能做到，將小籠包放在匙羹，倒小許紅醋，配上薑絲吃，先咬一口，連同湯汁一起吃，更為滋味。上海生煎包 $16 (2個) 包皮厚薄適中，外脆內軟，肉汁鮮美，咬一口，口裏湯汁四溢。芝麻醬五彩冷麵 $38 麻醬香，配以火腿絲，青瓜絲，冷麵口感有小許煙韌。紅油抄手 $28(6粒) 紅油抄手醬汁有中芹粒，蔥粒，豆瓣醬，有花生粒，辣味適中，上海雲吞肉汁鮮味，馬蹄粒爽口， 正正常常，不過不失。

剛剛去完墾丁旅行返港，因為差點兒受台北颱風影響而取消航班，幸好只是延誤半小時便順利起飛，所以返港後便決定吃點東西小小慶祝一番才回家 。搭機鐵後轉乘接駁巴士到旺角後，行下行下見到呢間正宗上海生煎皇，想想食上海野都不錯 ，便入去坐下來。選擇了一會，便點了上海生煎包、小籠包、四川擔擔麵和豆漿一杯。首先來到的是上海生煎包，生煎包應該不是即叫即整，沒有新鮮辣得燙口的感覺， 不知道是否因為差不多關門的關係， 不過個底都煎得幾香脆，皮亦不會太厚，不錯。然後我就慢慢在生煎外皮咬了個小孔，湯汁不夠充沛，感覺就像缺少了生煎包的靈魂，有點失望。但餡料都算鮮甜，份量亦足夠。然後就試試小籠包，皮不夠薄身，湯汁亦不夠，平時慢慢咬下去應該會飲到湯汁，這店不太做到，有改善的空間。最後到四川擔擔麵，呢個我覺得不錯，麵身爽口彈牙，小小辣，適合不太食得辣的我。然後加埋肉燥、蔥花點綴，增加口感，不過略嫌芝麻醬較少，如果可加多一點增加芝麻香會更好。

2個女仔成日都好想試好多野但係胃口少少的我們終於找到一間適合我地女仕們的飯店。從小對上海野都特別鍾情。今次同大家推薦此店因為每道菜份量不多價錢合理，完全岩曬我地D愛美的女仕食用。(1)$23.京汁茄子非常入味~(2)$26.川味無骨爪食得辣的朋友一定要試下，非常惹味。(3)$37.土匪雞翼菜飯.雞翼燒得不太老配上菜飯立即胃口大開、正。(4)$31.灌湯小籠包.超多灌湯流出~好味道呵~(5)$26.雞絲粉皮.上海野又點少得呢?芝麻醬配上粉皮是前菜之選。(6)$16.上海生煎包是小店的招牌菜又點會不吃呢?I Like It~ 

Weekend 一般都比較貪睡, 午飯時間都會推遲到tea time而今晚又有工作在身, 需要提前7點食dinner, 時間非常尷尬, 在食與唔食之間所以必須搵一間可以輕食的餐廳同老婆o係旺角兜左大半個圈, 由彌敦道走到亞皆老街, 再轉入黑布街, 突然想起上海生煎皇, 回想一下都差不多有半年冇幫襯店內食客幾近坐滿, 我地剛好排得最後一張二人檯, 唔洗同其他人搭檯 上海生煎包依然好味, 有滾燙肉汁, 個人認為比祥興記的肉餡更富鮮味, 外皮比祥興記的薄, 但煎得足夠香脆, 稱得上皮薄餡靚, 份量亦剛好涼拌青瓜海蜇夏天食D涼菜感覺特別爽。海蜇少, 青瓜多, 唔平衡啊! 青瓜海蜇都爽口, 特別係青瓜, 好新鮮, 調味頗辣, 老婆受不了而放棄, 幸好我以前出差國內, 訓練有素, 僅僅可以應付得來, 不過夏天減少少辣會比較好炸雲吞有點生煎包的話, 呢道可以唔叫, 因為肉餡同生煎包的一模一樣, 只換上雲吞皮去炸, 餡料經油炸過後水份流失, 口感死實, 絕不討好上海炸排骨菜飯份量不多, 配合輕食原則。排骨夠鬆軟, 質感似叉燒, 應該用了梅頭肉, 入口亦夠入味, 香脆甜美可口, 跟菜飯一齊食不覺油膩當然

很久以前，當店還在舊址時，已經計劃到訪。不過，礙於地方不太方便，一直未有前往。但友人告知原來「生煎皇」已進駐了新鋪，而且地點便利，故終於有機會前去拜訪。當然要點選上海生煎包，皮脆多汁，試後令人齒頰留香。小籠包皮薄多汁本來對韭菜豬肉水餃沒有太大期望，但結果令人有點喜出望外的鮮味。土匪雞翼相對下有點失色，味道不及譚仔米線的。總結，是次相當滿意。相信距離下次到訪的日子，已經不遠了。

是日FHY出動的晚上，一號颱風戒備訊號，天氣實在悶熱得很，主要節目是吃雪糕、三文治、特飲及咖啡...確實是消暑降溫的好節目不知道我是否熱得傻了豐富的一餐後，好想食辣野，不吃辣不罷休！人在旺角應該不難找到一串辣魚旦或小食，邊行邊覓食，來了上海生煎皇，門口貼著紅油抄手的相片，是的我找到了！如果大家有吃過此店出品，還記得他舊舖在旺角中心附近嗎？當時小店沒有座位，只供外賣，那時和兩三個姊妹企在門口立食，要評生煎包水準是不错，事隔搬址及擴充後又是如何？Bliss樂隊的Oscar還是親力親為去做，這晚他負責樓面的工作，態度友善。來吧落單！辣的是我選擇，生煎包是CEO的，他的至理名言，來到不吃招牌，那不是白走一趟！上海生煎包 (2個) $15送來兩個熱滕滕, 脹卜卜的生煎包，個子不大，與從前吃到的差不多，包底金黃脆口，包面香葱和芝麻又是點綴又是增加香味，咬一口是要小心燙嘴，湯汁流出，豬肉餡料鬆化，一陣豬肉香，水準依舊沒變。土匪雞翼 (4隻) $22表面香口的土匪雞翼，具麻辣風味，肉質特別嫩滑，不俗！紅油抄手 (6粒) $26紅油抄手沒有辣油浸過，只見辣醬淋在抄手上，味道是香甜辣，醬中的生蒜味強烈，C