莆田 (荃灣廣場)

Open Now

Now Closed

兔🐰年大年初二開年，搵位食晏都好難🤯，由海之戀行去如心再行去荃灣廣場，去咗10幾間都滿，攞飛等幾十張枱，難得莆田有位，但門口冇侍應，等咗10分鐘有人得閒，點知我後面有阿嬸走去我前面大聲嗌7個，我同佢講我先，阿嬸反而話係佢先，我讓佢😅，我9人變咗第二張大枱，等前面埋單就入，等多10分鐘，係門口轉右兩張4人方枱拍埋。不過我班親戚行得慢，多次俾侍應問幾時到，話有大量客等緊，態度麻麻😅新年被開年。上枱係菊花茶，幾清。仲有4碟前菜，可惜我唔食酸嘢。驚俾侍應話，唯有叫住兩個小食頂住先：九轉小腸同家常豬蹄凍1.九轉小腸：好爽口，入味，有個蠟燭🕯️暖住，正2.家常豬蹄凍，似食啫喱第二轉親戚仲未嚟，我再叫福建紅菇海鮮鹵面、興化炒米粉、芥蘭豆皮同脆皮蒜香雞。3.福建紅菇海鮮鹵面（小），個樣睇落頹，但食落好好味😋，紅色湯底話係天然福建紅菇，鹵面感覺似燴面，冇乜湯唔算湯面，但又濕濕地咁，海鮮都多，有蜆同海蠣4.芥蘭豆皮，芥蘭爽脆，豆皮幾好咬口5.興化炒米粉（小），炒得幾乾身，好多料，好食😋親戚嚟到就再加單，侍應警告⚠️我地唔好分咁多次落單，所以要諗清楚。6.莆田荔枝肉，本人唔食酸嘢，似咕嚕肉，有粒荔枝7.酥炒芋芯

Weekday嚟呢間食過幾次，中午個Set真係幾好食同好抵，尤其係介推鹵麵。星期六大佬嚟接我放工，我決定嚟食晏。疫情影響下當日入席率30%左右，唔洗訂位一入去就可以安排座位。座位距離都算寬闊。餐前小食有醃製酸青木瓜-味道食落好似啲醃酸蘿蔔，不過比較硬，所以可能係咁先切成一片片，比起蘿蔔冇咁juicy。當日點咗：1. 扁肉湯-細細碗，湯清得嚟啖啖餘香，扁肉望落似雲吞仔，不過個皮都係用肉打成，唔係一般嘅雲吞皮。食落肉香滿溢，配上湯內嘅微酸紫菜，真係刺激味蕾。2. 九轉小腸-一碟份量唔多，仲會用有蠟燭喺碟底保暖。呢個食落有少少失望，鹵水味道一食落時幾香，唔太咸，咀嚼落去就有啲啲咁多，好似八角嘅苦味。口感都尚算可以，淋得嚟有咬口，不過未至於彈牙。我試一試一小啖浸住豬腸嘅鹵水汁，都係好香唔油膩同味道啱啱好，反而個鹵汁又冇苦味。3. 海蠣煎米粉-其實係蠔仔蛋煎米粉，蛋煎米粉食落香口少少焦脆，唔會太乾。蠔仔味道濃郁，細細粒口感creamy，配上佢哋嘅辣椒醬（其實食落似食泰式生蝦嘅辣醬），酸酸辣辣，加上蒜味，好開胃。4. 荔枝肉-類似咕嚕肉嘅味道，比較冇咁酸，荔枝味就唔突出，面仲有啲啲脆，即係新鮮炸好

三個女仔食量吾大，又想坐得舒服傾下計，於是決定去食一向都幾中意既餐廳-《莆田》叫左5道餸，吾係話超飽，但份量剛好！前菜叫左「九轉小腸」見到好似個個都叫，黎到有小蠟燭保持溫度，味道，將豬腸多層捲起，咬起黎有口感但份量略少，偏貴。第二道餸叫左個炒米粉不過不失，餸嘅份量適量，米粉量不夠入味。之後仲叫咗兩碟蟶子味道吾錯，朋友們力讚花雕蒸蟶子😆帶有陣陣花雕香味酥炒竽芯甜甜地帶咸炒得外層香脆👍🏻都係我既推薦整體上菜快，菜式能保持水準，環境舒適，推薦！

一年一度冬至晚飯，今年揀咗莆田食晚飯！一開始係想食佢果黃鱔魚飯，聽人話好好食，但係點知賣晒，失望！唯有揀紫菜飯同包菜飯，但2款飯都係嘛嘛地！冇特別！啲餸都還可以，但未去到人家話好好食！不過，今餐都有啲餸我喜歡既！就係九轉小腸同埋扁肉湯，九轉小腸夠入味，扁肉湯夠鮮甜！呢兩個價錢合理！又好食！返而全餐最貴松鼠魚（酸甜魚）冇特別！不過，如果問會唔會再返莆田食，答案：都會既！希望下次食到黃花魚飯，同試下其他新野啦！

前兩個星期，和屋企的老人家來過這裡吃午飯，他們都覺這裡的中午頭等餐唔錯，抵食，之後，還說要帶埋姨媽來吃一餐，當為同佢食餐生日飯。今日真的約了姨媽來吃午飯。因為有七人吃飯，所以一個6人餐是不夠吃的，所以加了三個餸。老豆記得上次是吃了B餐，所以今次轉食C餐。加了一個九轉小腸、冰爽酒糟蟶子和蒜蓉蒸蟶子。小食、冷盤先上，分別是脆紫菜、冰鎮苦瓜、蝦苗拌頭水紫菜、阿元香草雞和九轉小腸。頭三款菜上次已講過，今次不再多講。【阿元香草雞】雞切得細細件的，皮好薄，唔肥。有香草味和酒味。【九轉小腸】原來真係有九個轉架喎，好爽彈，而且入味。【傳統扁肉湯】肉湯正。小雲吞皮薄，聽說粉皮是有用豬肉作材了，所以口感較特別。【軟煎黃花魚】三條小黃花魚的皮煎得金黃香脆，魚肉肉質幼細。不過，我們不大欣賞個茨汁。【自製滑豆腐】不愧叫作滑豆腐，果然很滑。還有就係個厚冬菇，好好食。【砂鍋紅糟雞】好重南乳味，所以唔係個個都鐘意食。之不過，雞肉其實係好嫩滑的。【馬來風光】原來係馬拉盞炒通菜。通菜炒得爽脆，馬拉盞都好多，所以好惹味。【冰爽酒糟蟶子】蟶子經煮熟後，再用花雕酒浸住。蟶子嗦了酒香，食落除了有蟶子的鮮甜味之餘，還有酒香。【蒜蓉

成日經過荃灣廣場都見到莆田好多人今晚媽媽話想試下 好啦 入去開個餐啦原來係食褔建菜 店員大部份都講普通話的坐底無耐就送上菊花菜同埋餐前小食大大粒鮮甜帶微辣嘅菜甫經過店員推介 我地叫左九轉小腸的確無介紹錯 好好味 豬大腸嘅朋友 好乾淨加埋湯底 丄齊食 有口感之餘味道唔錯百味黃花魚 魚湯好鮮甜 黃花魚煮得非常嫩滑 輕化米粉 用上超幼米粉 係小妹至愛個米粉好多料 有蜆。腸。花生。紫菜。豬肉看似平淡 但又好好味 好快清晒最後一人一客扁肉湯 好好味嘅餃子 啖啖肉配埋上湯 完全大滿足

路過六點鐘，竟然冇人排隊，終於可以一試呢一間成日都聽到好多人話好食嘅福建菜價錢好相宜嘅，一啲都唔貴食物質素仲要好OK除咗個素鵝覺得太煎咋外，其餘所有食物嘅感覺都好好冇乜味精值得一試

莆田（褔建菜）米之蓮一星餐廳囪水自製豆腐$52豆腐吸曬d汁👍🏻九轉小腸$79我不吃內臟、試了一口沒有'壓'味，朋友說好吃興化炒米粉$78配埋辣媽辣油得香口、米粉幼細不錯芋香鴨$96芋容很綿可惜鴨肉太大塊好韌䀋焗豬潤$59我也沒吃😅風味松鼠魚$249酸汁味道恰當酥炸冰心榴槤$42榴槤心太硬👎🏻👎🏻👎🏻沒有影相的菜式馬來風光$79即係馬拉盞炒菜炒得有火喉冰磚楊梅水$32有驚喜的梅水總結：下次一定會去銅鑼灣試下、呢間都滿意

在香港比較少見主打福建菜的餐廳，而當中的菜式亦相對較為陌生。前陣子跟朋友行經荃灣廣場，見到一間來自新加坡，主打福建菜的中餐，裝潢優閑時尚，座位闊大舒適，細看下原來該店大有來頭，在新加坡曾多次獲米芝蓮星級推介，朋友亦聽說這店的出品不錯，遂決定一 起入去試一下。細閲餐牌，見此店新近推出了頭水紫菜系列的菜式，有涼拌，有煎蛋，有放湯，看賣相清淡得來亦頗吸引，令大家都有一嘗的衝動，一拍即合即時點了幾款試一下。根據店家提供的資料顯示，頭水紫菜為初次長成採收的紫菜，營養豐 富，矜貴程度媲美紫菜中的黃金。既然如此珍貴，就試一下有何特別 之處。蝦苗拌頭水紫菜賣相精美，以長薄青瓜片圍圈，裡面堆滿烏黑亮麗的紫菜，驟眼彷如魚子醬般吸引。紫菜拌入蝦苗、芫荽碎與酸香的醬汁，滑嫩爽口，加上蝦苗的微鮮和芫荽的清香，酸中帶微鹹，滲出淡淡海洋氣息，清中有濃，開胃怡神。九轉小腸，店員介紹為該店必點菜式之一，看上去平平無奇的一道菜 式，原來是經過千錘百煉的功夫菜。這店的師傅以傳統九摺式穿套手法，將豬腸層層摺疊穿套起來，再放入鹵水醬汁鹵製入味。小腸厚切上碟，單看賣相已見到功架所在，腸裡疊得密麻麻一層一層，感覺沒有一般腸類的鬆軟

莆田市其實係一個沿海地方🌊以漁業水產作產業，因靠近福建所以主打閩菜，這店菜色好有鄉間風味👨‍🌾而且都不錯吃<蝦苗拌頭水紫菜 > $52味帶酸汁的開胃涼菜，紫菜爽滑😋入面仲有蝦苗的微鮮<九轉小腸> $78這款小菜確是花盡心機，係把九條豬小腸清洗乾淨，再重複套上九層去烹調😈口感微爽脆，鹵水味道剛好適中<一品紫菜煎> $68兩面煎至金黃香口微焦，蛋香味都夠🍳紫菜密度幾高兼均勻<家鄉燜紫菜> $82開始有濕嘢食了，這個用燜方法去做，食落好似濃縮版紫菜湯咁🍵食到鮮嫩帶爽嘅紫菜，仲會有鹹香粒狀海味<莆田滷麵> $78這個望落似湯麵，但一夾起就比較漿身，而且味道比較清淡😔只有菜葉跟少量海鮮點綴，如果多一點鹹鮮味就好，畢竟麵身較粗🍜湯汁就算掛到上麵都唔夠味

老友生日，當然要一齊試新野喇！😁聽同事講左好耐「莆田」啲野幾好食，我問係食咩菜色㗎？同事既答案係「台灣菜」😂於是襯同老友們慶祝生日就去試下喇！結果睇openrice先知原來係新加坡集團開既福建菜😜言歸正傳，由於到達時只是6點多，所以不用排隊就有位。我地一行四人，連小食我地點左六個菜式同四道甜品（無錯，我地只係四個人啫😂）主菜包括九轉小腸、百秒黃花魚（呢個我地叫左兩份😁）、莆田荔枝肉、莆田扁肉湯、馬來風光（其實即係馬拉盞炒通菜😜）同埋興化米粉「九轉小腸」，就呢個小食已經可以令你感受到呢間食店既用心，上枱時會連爉燭底座一齊上台，用意唔洗講都知，係要保持食物既溫度喇！😁👍🏼小腸質感爽脆，鹵水味道適中，不會過鹹，而且一直keep住保溫，食到最後一粒都唔會有「琼」油既情況出現，令明明食緊邪惡內臟既你一啲都唔覺油膩，即時內疚感全消😂「百秒黃花魚」，如果你鐘意食魚，你一定要試呢個菜👍👍👍👍👍👍👍👍👍👍😁，我個人比10個LIKE，是關唔係講笑，我超鐘意食魚的（食左就慶幸我地叫左兩份😜，但其實又飽左啲，人生真係充滿矛盾😂），條魚其實份量唔算小，以砂鍋上枱，魚肉既熟成道啱啱好，一夾就已經feel到佢既滑溜

之前聽到長輩介紹這間餐廳很美味今天和老婆仔在荃灣逛街經過這間餐廳雖然看起來不太像我們平時吃的東西但附近又沒有其他吸引的餐廳就試試吧!我們點了一份幸福套餐已經是二人份量了會吃得幸福嗎?冰浸苦瓜砌得就像一朵花薄薄的一片生苦瓜本以為會苦得難以入口沒想到竟然帶點清新感覺吃起來感覺口腔很舒適若怕苦還有蜜糖提供老婆仔當然不停沾著吃平時不吃苦瓜的她也承認這個苦度她也能接受九轉小腸則是豬大腸這裡的豬大腸感覺清潔得很乾淨吃起來的口感有點像普通香腸平時不吃豬大腸的我們也很享受再沾上特別的「辣媽」醬是種能吊味卻不會太辣的醬混合起來吃實在太美味了說穿了, 比起豬大腸更欣賞的是這個醬極品椒鹽豬手則是一人一隻豬手我一直笑說是老婆仔的手雖然肉不算太多但味道很濃椒鹽令香味很足加上本來的鹹味實在不錯百秒黃花魚對我們來說也是個新挑戰因為我們都不常吃魚現在還要每人吃一條慢慢小心地吃發現骨不多很容易就能吃到重點是魚肉很滑這種製法令肉質保持白滑我們都很享受地慢慢把僅剩的肉挑出來吃興化米粉是我們最喜愛的菜式這特色米粉炒得非常香看到加入了中量調味的材料才有如此香味加上米粉每條都有細滑吃上去就似是絲一般的質感非常值得推介

曾經到訪過莆田銅鑼灣店，對其莆田10醉都仲記憶猶新，因為好幾道菜都感受到師傅嘅手功細膩，卒之開到嚟荃灣，喺同老婆常到嘅區域，所以，順道過嚟食餐午飯。過江龍嘅莆田賣較冷門嘅福建菜（閩菜），但佢晌香港開業都兩年有多，所以，都變得唔會太令人陌生。簡單嚟講，福建菜就喺以新鮮、天然嘅食材，利用精細嘅手工，保留真味嘅烹調，做出反璞真味嘅菜式 。而且，晌亞洲等地已開咗多間分店，銅鑼灣店更榮獲車胎人美食推介餐廳 ！荃灣店個環境幾闊落，一邊對住商場，另一邊落地大玻璃，採光十足，份外醒神。二、四人方枱，六、八、十人大圓枱，任君選擇，多少人嚟都適合。餐枱上放咗一份「莆田新聞」，睇落去應該唔喺新近出版，不過，有啲食材資訊又幾值得睇吓。菜式嘅選擇，未計甜點，單以主餐牌計都有超過60款食物，但既然要老婆試其特色嘢，自不然向「莆田10醉」埋手，所以，未有太費思量諗食乜 。資訊上補充一句，茶水費$8位，前菜$8碟（列明多少人會收幾多碟錢），白飯$10碗，樣樣嘢清清楚楚寫低晒就最好，免爭議。仲有個溫馨提示，餐牌內嘅菜式為例盤，同時備有中份及大份供選擇，前者就1.5倍份量，後者則2倍份量，份量上就可以控制得更有彈性

同媽媽係荃灣行街，西餐，日本野，佢又麻麻，經過莆田門口見到係新加坡既福建菜，望望餐牌，媽媽話想試，今餐lunch就在此解決！原來係新台加波餐廳Top 50啊，睇店內簡介，莆田在新加坡已開業15年之多！冰浸苦瓜睇見menu圖片咁靚，就叫左來試下，結果現實與圖片一樣咁靚苦瓜片得極之薄身，可見師傅刀工精湛。除左外表靚，亦都好美味，苦瓜口感爽脆，蘸上蜂蜜同吃，甜甜的挺有趣！九轉小腸 $78見名字有趣，問問店員，佢話呢個係傳統既九摺式套腸法製作，而家好少地方有架。一咬落去彈牙有嚼勁，仲有香濃既卥汁味道極品椒鹽豬手 $39/1件外皮酥脆，肉質嫩滑，皮下既豐富骨膠原好好味啊！百秒黃花魚 $68黃花魚不大條，但肉質非常鮮甜嫩滑，魚能煮到剛剛熟很考功夫呢。興化炒米粉米粉幼細爽口，炒至條條分明卻不油膩，加入蝦，蚬，菜等材料同炒，口感豐富且味鮮