上岸料理 (Closed)

很久没跟表妹食日本菜，知道她是食日本菜的專家。經她介绍下，得知绵登徑有間食日本菜的上岸料理餐廳。 所以约了表妺到來品嚐，這裡有各式各樣的日本菜可以選擇，大食或細胃人士也可滿足。餐廳裝潢滿有日式風格，感覺舒服，而看看餐牌也覺得收費相對合宜。我們點了一些前菜小食，刺身拼盤和格斯牛扒試試。明太子薯蓉沙律這道菜非常好味，是由蔥和明太子加薯蓉一層層組成的，再加上紫菜包着明太子薯蓉，食落有些辣，相當開胃。燒雞軟骨燒得剛剛好，口感豐富，加上檸檬汁在雞軟骨上，食落十分滋味。吉烈豚肉串吉烈豚肉串，粉皮非常薄及炸得好脆，豚肉也是薄切，香口之餘不怕油膩。刺身拼盤通常食刺身拼盤都是三文魚和吞拿鱼等等，實在有一點沉悶。特意從餐牌上點了一些未聽過的刺身試試，每樣點了2件，分别有海膽白身鱼卷，金目鲷刺身，日本红衫鱼刺身，黑鲑鱼刺身。全部都好新鮮，魚味鲜甜，而且口感好豐富，每種刺身都有自己特點。安格斯牛扒安格斯牛扒份量比想像中多，有牛味，肉質不像和牛入口即溶，而牛扒香嫩有肉汁，加上生熟度掌握得很好，調味香濃，配上照燒汁十分滋味。整體而言，這環境舒適，在尖東西鐵站傍邊，交通便利，日本菜式用料新鮮，貨真價實，店員服務周到

下星期要到印度公幹，到時應該會冇啖好食，日日食杯麵。有見及此，特意和友人來吃一餐好日本菜，為我送行。上岸料理位於尖沙咀棉登徑，從地鐵站走大約五分鐘，地點方便就腳。 這間舖頭的裝修挺有特色，掛了好多日本特色擺設，十足十日本的居酒屋。我們一行二人共點了幾道日本菜，一起互相分享。刺身拼盤(⭐⭐⭐⭐💢)吃厭了傳統的日式刺身拼盤，嚟嚟去去也是三文魚，北寄貝等等，實在有一點沉悶。於是特意從餐牌上叫一些未聽過的刺身，試一試。叫了海膽白身魚卷，黑鯥魚，連子鯛和葉血引四種。海膽白身魚卷的海膽分量十分多，鮮甜而且有海水味，配合味淡而嫩滑的白魚，層次感十足。另外的黑鯥魚和連子鯛油脂感不太重，不會像三文魚那樣，吃起來較為爽口。最後的葉血引 配上薑蓉吃起來味道清新，不會有腥味。火灸壽司(⭐⭐⭐⭐⭐)這個火炙壽司一份有五件，包括三文魚，帶子，蓮子鯛等等，海鮮被火槍輕輕燒過後吃起來更為香口。尤其喜歡三文魚和吞拿魚這兩款，火槍逼出了刺身的油脂，令人停不了口。雞骨腸(⭐⭐⭐⭐💢)這個雞骨腸燒的外皮十分香脆，但裏面依然肉汁十足。配合特製的芥末醬，吃起來十分惹味可口，送酒一流。深海池魚頭(⭐⭐⭐⭐⭐)本身朋友不太喜歡吃魚頭

朋友升職，諗住同佢食返餐慶祝下 冇咩心水餐廳之下，又去問下 ”openrice” 達人，見到呢間餐廳竟然係零負評、一於訂位去試下！~~ 餐廳走簡單路線，裝潢富有日本feel，有種親切的感覺.見佢Menu好多選擇，有刺身、壽司、爐端燒、揚物、燒物等等，真係花多眼亂！店內經理走過來推介左幾樣野俾我地，都覺得OK，就照佢意思啦熟螢光魷魚聽個名覺得好得意，而且唔係普通餐廳可以食到，第一次食，口感係滑嘟嘟但又帶點爽口，比普通魷魚鹹鮮而且體積好細，頗特別豚肉野菜沙律 豚肉薄切上，肉味濃，配上日式麻醬味道更上一層樓！沙律菜新鮮爽口，是一道唔錯的開胃菜.燒日本青椒仔BB青椒仔好迷你， 一啖一條好爽， 呢個BB青椒仔口感好爽甜，又帶點辣辣地, 好得意，配有木魚一齊食，感覺唔錯。海膽松葉蟹蒸蛋嘩~　呢個真係好 ”疏肝”，如相片所見，有好多海膽鋪面，海膽好清甜，而蛋蒸得好滑，可見師父火候控制得好好！食到底，仲有兩大條松葉蟹柳，真係好滿足！刺身拼盤我地冇咩心水，所以刺身交由店內經理幫我地發板！刺身有金目鯛，連子鯛，赤貝，紅衫魚及赤鮭魚。賣相唔錯，魚身光澤，睇得出係新鮮貨。金目鯛同連子鯛好特別，唔係間間餐廳都有

在寧靜的棉登徑路上，有一家水準日式料理店，走刺身居酒屋路綫，裝潢簡約，富家庭式之溫暖感。刺身新鮮及不乏特別款式。既然來到款式多多的店，我們的選擇亦多樣化，吃盡日菜特色。晚餐由番茄沙律多開始，厚切大片，非常多汁的新鮮生番茄配豐富的日式麻醬汁，口感酸甜醒胃，生津止渴。接著是刺身拼盤，我們挑了極肥美赤睦魚、少見有的竹簽魚、難得的紅衫魚、深海池魚及吃不厭的爽甜赤貝，全部皆非常肥美，回甘味甜。剛好合時上一道清酒煮蜆，清洗味蕾，蜆仔肥美，湯熱騰味甜，吃過刺身後暖胃的養生吃法。鵝肝多士煎得不錯，內心疑似生嫩之感而外表香脆，再加上甜美的醬油，口感非常豐富。還吃了多款燒物，雞骨腸上有緊緻的肉，明太子雞翼燒至香惹。喜出望外是炸南瓜餅，外脆內軟對比明顯，口感極佳，味道甜美香惹。最後以香蔥吞拿魚腩手卷結束，紫菜乾身米飯香，好吃。價錢合理，每人$690，捧著肚子離開，如果在附近覍食，值得考慮，我已經是重臨，依然會再來。

要搵個又坐得舒服, 又靜的餐廳, 近幾年喜歡去棉登徑, 見到呢間上岸, 好像好傳統的日本人開的居酒屋咁, 但事實,當然冇考究過啦, 裝修清新簡約,坐位不算太多,所以walk-in都要等喎,今次坐Bar枱, 感覺好特別, 係open kitchen,  望到廚師的所有工作, 好有趣, 也覺得佢地原來好忙, 又要準備成材,  見到刀功非常利害, 又要烹調, 又要將食物仔細放上碟上, 鋪得美輪美奐。先叫了士多啤梨帆立貝沙律 $108 , 好新穎的菜色, 好鮮艷的紅色士多啤梨,配上好以啫喱壯的酸汁, 好開胃, 帆立貝薄薄的, 好清涼, 重頭戲~刺身拼盤$480, 每次都不同, 當日最新鮮食刺身, 由廚師發辦,  炙燒竹籤魚, 好爽脆, 面層有點燒焦味, 未試過呢隻魚, 還有平時家常便飯成日見的紅衫魚, 原來刺身也份外鮮甜, 肉質彈牙,左口魚肝醬, 個魚肝醬好甘香,仲有吞拿魚腩同墨魚都好新鮮, 燒物,有燒白豚肉($90) , 好似五花腩咁, 燒得脆口,配埋沙律醬不會口感肥膩, 汁燒牛小排($110), 好入味, 牛的香味沒有被燒汁蓋過, 肉質好嫩滑, 另一小食, 燒青椒仔, 的的骰骰細細條, 一

契妹要去尖沙咀攞野，急搵小肥契哥幫忙做柴可夫，見酬勞係晚飯食日本野喎，當然係收咗工即刻趕去啦 ！尖沙咀並非自己地頭，泊好車就由契妹帶路去咗棉登徑一家叫「上岸料理」o既日本餐廳。餐店門面及室內o既裝修均以木為主，簡潔企理。店內用上大小盆栽及假花裝飾 ，感覺健康正面。散座全為合併式二至多人木造枱櫈。點菜由俾錢o既契妹發辦，不過大多都係應經理姐姐推介o既菜式 。 前菜（免費贈送）：海哲青瓜爽脆惹味，少辣醒胃 。 北海道生粟米（$40）：姐姐介紹當日啱啱收到北海道新鮮運到o既粟米，屬未黎得切寫上黑板o既小食，建議生食最正。其實肥肥家族每年都好期待食生粟米，一聽到有得食小肥對眼當堂發哂光 。生粟米爽甜又多汁 ，果然冇令人失望。 松葉蟹肉海藻沙律（$34/杯）：透明杯內o既沙律層次分明。墊底o既海藻極為清脆，松葉蟹肉鮮甜幼嫩，份量又足，配上酸甜透光o既柚子醋啫喱食，分外清新開胃，$34一杯真係好超值 ！ 刺身拼盤（$480）：拼盤內含五款刺身，分別為左口魚薄切、吞拿魚腩、赤貝、火灸竹籤魚及魷魚。左口魚薄切清香輕盈。魷魚煙韌潤滑。赤貝爽脆鮮甜。吞拿魚腩溶於口中，軟滑肥美 。火

見到上岸料理，不其然被特別的名字留意了多一點，我卻被那精緻的門面吸引著，中間那個小小的玻璃窗，令人想進去一探個究竟。我們是晚的菜是廚師發板(Omakase)，廚師對自己的主打菜和食材，自然會比我們更加清楚，放心交給他們就最好了。前菜是由吞拿魚蓉混和沙律醬弄成的魚餅，帶點西式做法，魚餅軟滑而不散開，充滿魚脂的香氣。碟子的另一端是甜蛋卷著鰻魚，甜中有鹹，頗為特別，最後是濃味的醬油漬螢光魷魚，爽脆鹹香，令人留下深刻印象的前菜。堅魚沙律，堅魚有著濃厚的煙燻味，很適合地配上蔬菜做沙律，外層有胡椒的香氣，加上微微辛辣的刺激，這個菜式值得推介。刺身拼盤，刺身款式不少，視覺上己很豐富，「大拖羅」油脂馥郁，入口肥美可口，顯然是貴價貨品，金目立用火炙處理過後，油香在口中有如爆發出來似的，滿口都是金目立的味道，赤貝爽口，海膽份量非常豐富。海膽牛油果卷，做成反卷的海膽牛油果卷，上加了海膽和魚子，牛油果不太熟，還有點爽口卻還未夠香，卷在裡面，突出的稱為水菜.，水菜很特別，味道像娃娃菜般，味道較淡，只吃爽脆度。海膽蒸蛋，四片海膽放於蒸蛋上方，蒸蛋很濕潤及香滑，從而令海膽旁邊有少量的汁液，看上去更晶瑩通透、香滑似的

早前經過這條街，發現附近有很多食店，但是人流還挺少的，適合跟朋友安安靜靜地品嘗美食，又不用同人逼，漸漸愛上到這裡覓食這家間也是整天經過的，總感覺很有日式風味，這次終於可以有機會來食食看了內裡裝修簡約，很有日式小店的溫馨感覺前菜先來一小杯汁煮牛脷，牛脷煮很非常軟淋入味，很有水準另一個前菜是吞拿魚溫泉蛋沙律 (配紫菜汁)，吞拿魚刺身很鮮味，配上黃澄澄的溫泉蛋蛋黃同食，十非常清新，再加入紫菜汁更是惹味刺身一大盤上實在非常壯觀，由淡味的刺身開始食起，更能清楚食出不同刺身的鮮味三刀魚刺身：應是所有刺身中較為淡味的，雖然只有薄薄一片，但很爽口，而且亦有鮮甜的魚鮮味金目𩶘刺身：口感有點爽口，肉厚鮮味，沒有任何魚腥味紅衫魚刺身：表皮有稍微燒過，更為香口，想不到這么港式的紅衫魚也可變成如此鮮味的刺身，實在很驚喜黑松露醬配水八爪魚：說真的八爪魚刺身還真的不太敢吃，記得之前去韓國朋友都說要說生八爪魚，但我也總是拒絕，想不到在香港卻敢放進口 (可能因為在香港病了也知該怎么辦吧，始終人在外地人生路不熟，飲食還是小心為上)此款刺身用上黑松露醬，未吃進口嗅覺已先滿足了水八爪魚肉質很煙煒彈牙，配上濃郁的黑松露，全完沒

大家諗起響夜晚嘅尖沙咀食飯應該都同我一樣，周圍都要排長龍，等等等，入到餐廳周圍嘈到恔，講句嘢都要大叫。但今次朋友竟然介紹左間充滿日本怡靜風情的正宗餐廳，超級適合三五知己聚聚。間餐廳響地鐵站N1出口，麼地道行入啲嘅棉登徑，就響新開嘅一蘭附近，非常就腳。餐廳的佈置以簡約日本裝橫為主，仿如去了日本旅行一樣，每個座位均雅致舒適，值得一讚。餐廳採用開放式廚房，可以盡情欣賞師傅製作美食。頭菜叫左道大根芝士沙律清清腸胃，啲芝士好似唔洗錢咁，食極都仲有，我尼個芝士控當然歡迎。跟住就黎左主角之一，刺身拼盤，有日本紅衫魚、煙薰嘅金槍魚、秋刀魚配上蔥同薑蓉同埋用秘製醬汁整嘅赤貝，買相相當吸引。食材相當新鮮，上菜時侍應還會主動介紹進食嘅次序，由淡入濃，簡直係味覺一大享受。連鎖日式餐廳或者放題根本無得比。跟住尼個蔥金槍魚多士都係誠意之作，金槍魚是以他他的製法，本來已極滋味，配上蒜蓉多士，口感同味道都令人再三回味，講講下而家都想即刻去食多次。尼碟吞拿魚雙色卷又係令我食到LAM LAM 脷，吞拿魚非常新鮮，加埋中間嘅他他簡直令人一食再食。尼間餐廳嘅魚生同他他質素絕對值得一讚。食左咁多魚生，係時候食飽個肚，尼個廣島蠔

又一間有質素的日式料理店在棉登徑插旗.   店內環境日式風格, 只可坐20人左右, 小店經營, 有貼心服務, 水準亦不錯!厨師發辨  :日式煎蛋蛋味香濃, 環有粒粒三文魚杍, 好味大根芝士沙律爽脆的蘿蔔絲配粒粒芝士, 清新的配搭, 可惜醬汁略為淡口磯煮鮑魚鮑魚肉質軟腍, 甜甜地的醬汁醃製出色, 滋味無窮刺身拼盤三刀魚薄薄的, 晶瑩通透的肉身, 鮮味十足, 配酸汁同樣好味紅衫魚魚皮閃閃発光, 肉質結實有彈性, 味道鮮甜, 值得推介赤貝爽口鮮美池魚原條上枱, 質感很嫩，口感豐潤帶爽，那份特別的油脂香在口中散發，令人回味吉列忌亷蟹球外脆內軟.  外層好薄, 做得非常出色, 內層綿綿口感, 忌亷不會太膩, 蟹味濃郁, 必食推介生姜燒豚肉豚肉肥瘦適中, 那醬汁非常惹味, 但姜味欠缺淺利韓風燒蜆肉粒粒飽滿, 鮮甜味夠, 那韓風醬汁, 又辣又甜, 味蕾層次豐富, 食不停口炭燒牛柳肉質比較實, 燒得過火炭燒手羽拆淨二條骨容易進食, 炸得皮脆肉嫩, 火喉恰到黑松露烏冬黑松露意大利粉就食得多, 烏冬是新嚐試. 烏冬比較腍身, 芝士又傑撻撻, 比較糊口.我本人都係比軟喜歡傳统食法啊柚子雪芭清香的味道, 粒粒