Rerere1001日式串燒 (Closed)

禁堂食前夕，我帶朋友去咗銅鑼灣嘅日式串燒店食晚餐。「Rerere1001日式串燒」位於亨環22樓，亦即係頂層。大廈位置係喺F出口由京華中心(前Victoria’s Secret)直行到尾，路程五分鐘內，幾方便😉。餐廳防疫做到足，店員除咗指定動作量體溫外，亦會用噴霧幫客人全身消毒👍，令人好放心。再者，廚師同店員們全程帶住口罩，環境亦好整潔衛生。一坐低第一樣吸引到我嘅事係個餐牌，因為面頭寫住我個名🆔，感覺餐廳好重視客人！原來我打電話訂枱時，店員問我個名點串係有原因。未幾店員就問我哋之前有冇食過，然後再介紹菜式，我哋一於聽店員嘅話，嗌餐廳嘅招牌菜啦😜！明太子沙律拌炸紫菜($68)，🥗明太子同炸紫菜放入一個雞尾酒杯嘅器皿內，同我想像中完全唔同🤣。因為落單時我幻想菜式係以炸紫菜做底，上面則塗上明太子醬。然而實際上明太子係以粒狀嘅形態呈現，個樣有啲似薯粒，口感超爽口，好得意，味道就微微辣，好開胃。留意番，明太子粒應該有成廿粒以上，所以我哋由頭食到尾先食得哂😎。但放喺後面嘅炸紫菜就麻麻哋，唔脆身，唔知係咪因為我哋放落咗先食？北海燒原隻帶子($68)，帶子連貝殼上，但廚師會先行將佢切粒煮熟。店員介紹正

今次搵左間係銅鑼灣既串燒店，店內氣氛好好，空間好大樓底好高，入去前仲會幫每位客人全身消毒，服務好好🤣———————坐低首先叫個頭盤試一試，牛油果加沙律醬同蟹子做嘅沙律入口好清新，味道好濃，連埋餅乾食啱啱好😋燒魷魚切得好精緻，燒得啱啱好唔會好硬，師傅淋咗少少黑椒汁令味道提升左一個層次🦑好特別嘅做法，師傅用豬頸肉包住甘筍，再加少少芥辣汁，令整個菜式辣得黎又帶點甘甜嘅感覺🐷和牛咬落去油脂味好重，一食就知係高級貨。中間包着流心蛋，食落去油脂味同蛋汁充斥着成個口，好滿足既感覺🥰師傅將免治雞肉卷燒到外脆內軟，配合香甜嘅醬汁同蛋黃，味道十分之夾雞翼燒到啱啱好，外邊咬落好脆得來入邊保留着滿滿既肉汁，食落唔會好乾身😁炸蝦餅好特別，炸皮好脆，入邊嘅餡有好重嘅忌廉味，食得出有蟹肉絲同埋細細粒嘅通心粉，配搭好有趣🙊炒雜菜好有驚喜，椰菜炒到啱啱好熟，食落好有咬口，唔會熟到冧晒，配埋什菇食一流🤓終於嚟到成晚最後一樣亦係最驚喜嘅一道菜，烏冬絕對唔係平時喺街會食到嘅貨色，食落去比一般烏冬更加彈牙，最驚奇嘅係烏冬浸咗好耐湯都唔會林，一問之下原來係師傅特登搜羅返嚟嘅烏冬，真係唔問唔知🤩🤩

最近食咗間有水準嘅日式串燒，味道一流之餘員工仲好有心機，用餐體驗好滿意☺️💛和牛蛋卷絕對係必嗌嘅～薄燒和牛包裹住半熟蛋賣相好吸引，肉質嫩有油脂香，用燒汁調味過味道更濃厚，咬落去有埋流心嘅蛋黃真係非常正！雞先定蛋先個名好趣致，其實係免治雞肉棒嚟－雞肉棒有軟骨喺入面，有咬口又唔會散開，沾上拌勻咗嘅蛋黃同燒汁好惹味！明太子釀雞翼亦係好受歡迎嘅日式小食－雞皮香脆，微辣嘅明太子餡料夠飽滿。芥辣豬頸肉夠晒特別！豬頸肉充滿油香，wasabi嘅味道隨住每一啖滲出嚟，有啲攻鼻但又幾過癮，原來依個組合都唔錯呢！見到燒魷魚筒時真係好驚喜！原條魷魚筒保留一邊冇切斷，圍成一圈再將魷魚鬚放喺中間，擺盤好靚令人印象深刻！魷魚邊燒得焦香，咬落口感依然彈牙，加左日式燒汁味道香濃，微辣帶少許甜味。牛油果撈蛋黃醬都係第一次食，味道比想像中夾，配梳打餅更加香口～炸蝦仔脆卜卜好香口，可以原隻食幾得意，食多幾隻會有少許油膩，用嚟送酒就最啱。鐵板上嘅炒雜菜亦都唔錯，加咗鰹魚碎即刻有日本嘅味道。冷烏冬麵條較粗同扁身，比平時食開嘅煙韌好多，店員話佢地試過好多款先搵到依隻佢地眼中perfect嘅手打烏冬，果然係有要求呢！食完濃味嘅串燒同佐

覓得高質黃店居酒屋💛令人垂涎嘅美味隱身係銅鑼灣嘅高樓裡面☺️和牛蛋卷同明太子沙律伴炸紫菜係最令人驚喜嘅😛和牛蛋卷以薄切和牛包裹流心蛋，牛嘅油脂混合流心蛋嘅蛋黃，堪為一絕🥰明太子沙律將切為方形嘅明太子粒粒拌入帶少許wasabi嘅沙律醬，可以放上天婦羅紫菜上一齊食😛雞先定蛋先(雞肉串)由師傅自己打同調味，帶軟骨嘅脆粒口感，沾上蛋黃醬油，咸甜咸甜咁😋燒日本魷魚筒質素好好，爽口彈牙🦑豚肉蒜芯卷以甜辣嘅蒜芯解去豚肉嘅油膩🥓鹽燒黑豚豬腩肉則配以柚子胡椒🍊香脆炸蝦仔同雞泡魚干都係一等一嘅下酒菜🍺臨尾都千其唔好miss左烏冬，大概係近黎食過最好嘅，又滑又帶咬勁👍🏻服務員都非常有禮，食物質素又高，值得一提係里度有啲outside位，飲杯酒享受下微風都不失為一樂事🥳