樂天客棧 (Closed)

很慶幸平安夜選擇了吃南洋菜，不用排長龍，舒舒服服同朋友飯聚。前菜内的栗子又香又甜，加上花茶的清香，令人有種優閒的感覺。我和朋友都喜歡這扣肉包，很好吃！鐵板豆腐也是材料多多，沒想到有蛋在豆腐下面，味道不俗。海蜇是意想不到的麻辣。最奇怪是酸辣湯有些藥味，我們覺得不夾。爉味飯很濃味，份量很多！整體是味道很濃，應該淺嘗，我們雖然只選了最少的份量，仍然吃不完，有點浪費。

「大角咀」唔係因為什麼特別原因，都冇咩機會經過。約左一班朋友，旺角、尖沙咀、銅鑼灣、灣仔⋯⋯食下食下都唔知食咩好，最可惜開始越來越冇驚喜。記得有朋友推介過 樂天客棧，睇個客冇咩特別 ja，大角咀小去，即管就試一試。南洋菜真係冇咩情況機會接觸過，大角咀、南洋菜，好新鮮下wo!!一打開Menu，有小小驚喜wo（食物相影得唔錯，選擇都幾多），即刻睇下食家們有咩好介紹，試左D好野留個好印象先，再留意一下，原來有分大、中、小 分量選擇，好貼心！欣賞！我地3男3女，好多食物都點 中 分量岩哂我地。好吸引、櫻花蝦份量好足、四季豆好爽，如果配啤酒一流！久遺了嘅銀針粉，外表平凡，食落真係欣賞！好濃郁嘅咖啡味，可惜雞件過大，冇左食完想再食嘅感覺唔怕肥嘅朋友，真心推介一食！包皮、生菜、芫茜嘅配合，令到岩岩好，大滿足！蝦夠大隻，咸蛋醬包裹著，咬落口感同味道都一流熱辣辣嘅鐵板，味道豐富嘅炸菜碎肉醬淋上清淡嘅豆腐面，中和左兩者，一齊放入口岩岩好，配白飯就更正唔知係唔係其他食物好有驚喜，令蕃茄炒蛋變得冇咩特別，不過不失 3種味道，鍾意桂花、班蘭、椰汁嘅味道，合埋一齊就更加特別！每個菜式上檯到食落口都有驚喜，唔錯！值

這間已南洋風味家鄉菜為買點的餐廳，樂天客棧很適合三五知己來光顧，店家位於奧海城內十分方便，而且環境舒適天麻藥膳豬肚湯 - 天麻味香，豬肚鮮而且加上其他配料足，味道十分濃厚蒜香紅海蜇頭 - 海蜇頭十分爽脆滑口加上蒜香和醋的配合，十分醒胃招牌扣肉包 - 扣肉炆得出色人口鬆化唔油膩加上生菜和芫茜配合得十分完美手工海鮮豆腐 - 上枱的時候完全想像不到竟然係豆腐一件件排列得十分工整，一口咬下海鮮和豆腐溶為一體感覺十分新鮮椒鹽香酥鮮淮山 - 淮山啖而冇味不是人人喜歡，但經樂天以椒鹽香酥處理過後，相信冇人會再不喜歡食淮山了三色桂花班蘭糕 - 味道清新桂花十分香而且不太甜以今時今日對健康的要求來講真的恰到好處

今日放工同同事去左奧海城既樂天客棧，呢度裝潢算系幾光鮮，非常潔淨、舒適，黎到既時候我expectation都幾高下。食物可點細、中、大份，人多人少都能照顧到，價錢列明清晰。即使系細份，其實份量都唔太細份，兩三人食都絕對足夠。每件只需$20，鬆軟包底夾住大塊厚切扣肉，豬腩肉入味而且有肉香，醬汁夠曬濃郁，夾包食真系一流，加幾塊生菜仲可以無甘膩。呢道菜系其中一款店方推介既招牌菜，千其唔好以為豆腐就無咩特別，醬汁以菜甫、肉碎、冬菇等既材料煮製，鐵板底仲有蒜香煎蛋，微辣而有蠔油香，非常惹味，味道既層次相當豐富。豆腐外脆內軟，仲好幼滑，伴汁食飯確系一流。蒸肉餅雖然系家常小菜，但系去唔同餐廳都總系想試下唔同味道，總想貨比三家，睇下同屋企既有咩唔同。肉餅幼滑，唔會太鬆散亦唔會太實，恰到好處，肉餅本身唔太鹹，調味適中，但伴埋鹹魚黎食又幾有風味。有肉餅又好難唔撈食飯，但系白飯又單調左少少，所以點左個揚州炒飯，但其實菜甫汁都好惹味好岩撈飯食。炒飯飯粒分明，用料充足，當然連質素都好似比一般餐廳高左一級，簡單炒飯都整得幾好食。

同朋友在奧海城睇完戲後,選擇中菜到~ 樂天客棧食晚飯。 地方環境舒適、寬敞、潔淨、光猛。* * *  【蒜香紅海蜇頭】 $68 海蜇頭呈黃褐色大塊,厚實肉質爽及脆口, 有酸酸辣辣蒜及醋的味, 十分開胃小食。* * *  【招牌扣肉包】 @$20 x 2份 半肥瘦扣肉口感軟腍多汁又夠味, 夾著熱熱柔綿的包及生菜一同食, 沒有油膩感。* * *  【家鄉滷元蹄】 $138 滷元蹄份量都好多, 豬手多肉口感不是太軟腍有口感, 越嚼越有滋味, 具鹹香有好重八角的香氣,十分香濃。 碗底有小小蠟燭興住,不怕餸菜涼以防油膩。* * *  【砂煲花菇西蘭花扣海参 】(小) $179 以秘汁煨過海参吸收了香濃秘汁,十分爽彈及好膠質感, 而花菇好軟綿,十足口感,而底下是爽脆西蘭花。

趁女友還在加班，作為廿四孝男友，我已經到了她公司附近霸個靚位。女友想吃中菜，於是在地方相當大的奧海城一二三期中，找來樂天客棧。以前嘗過樂天皇朝的八色小籠包，品質令人印象深刻，相信隸屬同一個集團的樂天客棧亦有類似水平吧。女友終於下班趕來了，辛勞一天過後飢腸轆轆，先吃了一個餐前小點招牌扣肉包 ($20 一片)，噢你看豬腩肉表面的光澤，令人唾涎。以中式餐包夾著扣肉與蔬菜，口感外鬆軟而內裡有扣肉的油脂香，非常均勻。聚寶海鮮豆腐鍋 ($108)，老實說賣相平平無奇，說穿了就是一磚炸豆腐，帶有海鮮打的芡汁與蝦粒和菌類，再以肉鬆舖面作點綴。可以豆腐配肉鬆，再以鮮甜海鮮芡汁作加持，真令人胃口大開！非常大膽的嘗試，咖啡脆雞 ($88)，一貫樂天集團的創作力嗎？盤子送上餐桌時，不用把鼻子湊過去經已可以聞到很濃厚的咖啡的甜香味。脆雞口感除了皮脆肉嫩恰如其分不需形容太多。咖啡汁味道入口先是苦後是甜，嚥下後口腔依然充滿了咖啡香。這是一道頗為使人耳目一新的菜式。馬來風光 ($72)，就是馬拉盞炒通菜，我們倆本身就喜歡，不多說了。古早魚香老鼠粉煲 ($96)，賣相非常住家菜的沙煲老鼠粉，上菜時侍應將蛋與汁料打進去，

去開奧運站，新開的無印分店行完，順便黎朋友推介的樂天客棧，較少食中菜的我，一向覺得硬食的茶介及小食味道麻麻，但難得這裡的小食係值得的，栗子花生煮得粉綿香軟，而香片茶也茶味清香，店員服務貼心。招牌扣肉包 $20，中式包蒸得熱辣辣又軟身，夾著五層肥瘦相間的扣肉，仲有爽脆生菜，口感豐富。扣肉夠入味，而且唔會好膩口，肥肉位入口即化開，加上瘦肉位帶點咬勁，越咬味道越出。香菜鐵板豆腐（S) $88，香菜與肉碎的味道太香太惹味，送飯一流。豆腐超級嫩滑，比平時的更嫩，滑過玉子豆腐，細問之下，得知原來餐廳自家製作豆腐，再炸脆外皮，外脆內滑好好味。荔枝咕嚕肉 （S) $86，味道偏濃，一定要送飯食。酸度較重，可能太少生果，冇咩甜度。只有一粒荔枝同2-3粒菠蘿，加多點生果會較好。青芥末蝦球 （S) $132，蝦肉好大粒，質感爽口，仲好啖啖肉，炸過的脆皮能沾到更多青芥末醬，味道不會好刺激，反而溫和得來又食到芥末味，配埋生果粒，味道又夾又清新。古早魚香老鼠粉煲 （S) $96，材料豐富，有大蝦、肉碎、冬菇、椰菜花、雞蛋、咸魚秘製醬、老鼠粉等等。上菜時，店員將特製醬料混合半生熟蛋搞勻。老鼠粉煲變得更香更濃郁，有咸

最近想食住家飯 但啊娘比較懶 唔想煮 結果多數都出街食 點知今次誤打誤撞又喺街食到屋企味喎👅-家常燒素豆腐 ($88)嘩 呢個真喺食到我唔停口 添咗幾次飯 究竟佢有咩咁利害 咪就喺佢個豆腐超級滑 再配埋茨汁 真喺好好好送飯其他蔬菜好似冬菇同四季豆又吸收哂茨汁 所以真喺會食到停唔到口😂-黃金鹹蛋蝦球 ($132)由於黃金蝦球要喺屋企整的話 實在太煩 所以我娘親多數都喺叫我出街食 唔好叫佢煮😂今次呢個黃金蝦球我都幾滿意 事關出面裹咗鹹蛋嘅醬汁 但依然食到脆口嘅感覺 而且完全發揮到鹹蛋黃嘅香氣 但又唔會太鹹 個種鹹香真喺令人好回味❤-阿婆臘腸四季豆煎蛋 ($68)呢個一上枱 就覺得喺蠔餅啲friend😂 結果食落果然好酥脆 雖然佢缺少咗蠔餅嘅鮮味 但又多咗臘腸嘅獨有香味 再加埋四季豆 又增添多少口感不過臘腸就略嫌鹹咗啲 但拎黎送飯就一流👅-招牌扣肉包 ($20/1個)首先肉 生菜 同 包三樣是分開上的 你喺要自己搭埋一齊 幾好玩 你睇下塊五花腩肥瘦幾均勻 睇到我流哂口水😭 食落似喺食緊披住叉燒醬嘅五花腩 扣肉炆得非常淋 唔洗點咬 啱哂我呢啲懶人❤ 仲有要一讚嘅喺好彩有生菜 因為生菜佢減低咗個

前菜一般比人既感覺都係餐廳用嚟收費既其中一個項目，食之無味，棄之可惜。但估唔到自己會遇到食唔停口既前菜。今晚入左一間餐廳食飯，入坐先放底前菜。平時不屑一眼既前菜，今次竟然吸引到我。由栗子同埋花生製成既前菜，咸咸濕濕，夠晒開胃，自己一個已經食晒成碟前菜。連對面既朋友都比我嚇親。食晒前菜先開始慢慢睇餐牌，餐牌上面既食物種類多。招牌扣肉包 $20/片邪惡既扣肉包，先將包同埋扣肉分開上。包新鮮熱辣，扣肉大件肥美。一定要襯熱食，因為包凍左成個感覺會差好遠。將扣肉同埋菜放入包中夾住，鬆軟既包加上肥美扣肉，口感一流。三杯鴕鳥肉煲 $106鴕鳥肉算係比較少接觸，煲上用左大量濃味既薄荷葉同埋蒜片，夾埋一齊食味道濃烈。鴕鳥肉比想像中腍身，整體上都唔辣。蒜香排骨 $88份量唔錯，起碼都有六七件，而且size都幾大。大量香蒜係排骨上面，入口蒜香味濃。排骨啖啖肉，雖然叫做排骨，但一路食都唔覺有骨。鯪魚炒油麥菜 $72成碟油麥菜香得嚟唔會咸得濟，鯪魚同油麥菜夾埋一齊食十分開胃。雖然只係揀左最細，但係份量已經好多。酸辣素羮 $42味道偏濃，酸味味好似重左d，但辣味就岩岩好，夠晒刺激。喇沙湯滑雞米線 $62喇沙湯味道

一直對樂天集團旗下的食店情有獨鍾，平常都喜歡到「樂天皇朝」吃八色小籠包。不過媽媽比較喜歡小菜的關係，決定帶她到「樂天客棧」。客棧以古代的風格融入餐館、酒樓及甜品三合一的概念。懷舊的小菜配搭高雅的環境，整個感覺都非常舒適。 時間尚早的關係，入內分別有卡位及圓檯之分；雲石的餐桌是我極為喜愛並帶了一份中國風。如「樂天皇朝」一樣以金色的水壺盛載茶，前方更有翡翠的器皿極度古色古香的味道。 餐牌上有燉湯、冷盤小吃、肉類、飯粉面及甜品等，多款選擇總有一款適合你。所有小菜都有大、中、小之分，無論2個人或一大班朋友都能夠吃到；分量可以自己調配。 每日靚湯 $42是日的靚湯:當歸燉走地雞湯，內含:鮮雞、玉竹、當歸、杞子、淮山、甘草、黨參、北耆、排骨、老雞、雞腳等；總共有10多種材料只售$42完全物超所值。利用翡翠的湯壺盛載滿滿藥材味，雞肉鮮嫩又滋味。添加了杞子更能明目、益脾潤肺及活血補氣。 招牌扣肉包 $20/片食物當中有幾款確實極度邪惡，與扣肉包是期中一環。每人單點一份淺嚐便好了，利用蒸籠放置，有一種懷舊感。鬆軟的包點中間夾有肥美的五花腩肉，真的令人又愛又恨。扣肉與包點可連成一體，第一口油份流出滋味無比

我偶爾會收到試食的邀請；不知是否餐飲零售業進入寒冬的緣故，收到邀請的密度由以前的好幾天一個 (心想很正常呀，以我的「不活躍度」，該沒有很大影響力吧)，暴增至近月的每日好幾個！我的一貫應對是不接受邀請的，主要是希望毫無拘束地分享飲食經驗。好的要說，不夠好的更要說，食肆才會有改善的資訊來源和動力。願意誠懇面對和克服問題，最終受惠的會是自己。然而，這回收到的邀請，叫我真的考慮良久。這來自星洲的過江龍，在利舞台的一家店人氣居高不下，也給了我和同伴愜意的用餐體驗 (請參閱：http://www.openrice.com/zh/hongkong/review/%E9%8A%85%E9%91%BC%E7%81%A3-%E6%A8%82%E5%A4%A9%E7%9A%87%E6%9C%9D/2385684?tc=MYOR&con=rvw)，所以對「客棧」這新意念，的確是躍躍欲「試」的。於是，我回覆了，並得知與其他邀請有一樣的「安排」後，我禮貌地回絕了。「也請你來吧，就試一試也可以呀。」既然可以取消「安排」，我也沒有再推辭的理由。這傍晚，終於來「投棧」了。較窄的門面，原來裡面是別有洞天的寬敞。裝修不像利

提到樂天就自然會想到色彩豐富的小籠包，銅鑼灣的樂天皇朝。開業兩個多月的樂天客棧卻又是另一個故事，別具一格的概念。主打的是南洋風味，跟前者的距離甚遠，更沒有小籠包供應。不過也不代表是各不相干，因為這兒的南洋滋味正正就是混合了中式意念。　　難得家人平日休息，已有一段時間沒有去過奧運那頭，記得有數家服飾店。近來也要周圍選購衣飾，剛剛好，逛街之間就在午市時段一訪客棧，歇歇腳。環境不像樂天皇朝般以沉色為主，反而是配以木色及藍調，感覺清新舒適。午飯時段人流意外地多，似是在附近工作的上班一族午間聚頭了。原盅藥材燉雞湯　$158　　隨手翻看餐牌，看到教人頓時雙眼發光的一頁－－燉湯。雖說今年冬天根本談不上乾燥冷洌，但時冷時熱的天氣也叫人難受。清清楚楚列明用料及功效，每款各有特色，我們還是點了說益脾潤肺，活血補氣的這款。一盅只計湯都會有五六碗左右，不過你知道外食碗子不算大，當三四人份好了。用到鮮雞、玉竹、當歸、杞子、淮山、甘草、黨參、北芪、排骨、老雞及雞腳，可見足料豐盛，而小盅之內也攜來了些少稔綿無膩的雞肉伴食。湯品味濃，但顯然的不是味精味，油份不多，不苦之餘更是略帶甜意。未正式「食」之前，先喝喝暖胃益湯

對你而言，家的味道是什麼？是平日裡的吵吵鬧鬧，家人一不在就冷清得不習慣？是冬日裡冷颼颼地歸家，馬上接到一碗熱氣騰騰地靚湯？不需要花俏，家的味道就是少不了但那一種溫暖人心。近來家裡沒人，朋友帶了y來吃新開的樂天客棧，這裏確是有些家的影子客棧這名字取得巧，南洋也好香港也罷，多的是漂泊的異客，多的是想找點家的溫暖的浪子南洋家鄉菜，中國菜中融點東南亞，別具一格但也倍顯親切大冷天點了道燉湯來喝 －乾貝菜膽燉竹笙燉湯湯料很足，吃得到大塊竹笙，湯頭非常清澈，味道也十分清甜一邊喝，胃暖暖的，也讓y想起不在家的爸媽上的第二道菜居然是家鄉海鮮炒麵線（上菜之快速令人咋舌）本來預想它晚點再來的說...y的鄉下在福建，小時候喜歡吃擺酒時才有的炒麵線，但這個南洋麵線還是略有分別的粗麵線，配上鮮蝦、魷魚等海鮮配料，不錯吃，但如果能連舖在上頭的菜絲一同炒炒，應該會更得y的歡心，哈哈椒鹽香酥鮮淮山這個好吃欸！（不怕熱氣的話...)淮山的椒鹽外殼很酥脆，咬下是略帶黏性的新鮮淮山細細咀嚼能品嚐到淮山獨有的淡淡香氣招牌扣肉包，人少少吃不了招牌的元蹄，當然還是要吃點別的招牌咯扣肉包其實很多地方都有，福建啦台灣啦，做法都是大同小