Bingo & Cook (駱克駅) (Moved) New Location

我同朋友一早預約左1pm，然後好乖咁提早5分鐘到，係星期六黎既，去到只有1/3既枱係有人。然後侍應安排我地2位坐靠牆，類似自修室溫書嗰種位🤣我覺得幾好，比較有私隱！睇完餐牌就點餐，有位韓國人(佢全程講韓文)過黎幫我地落單，我同朋友仲有飲品未嗌，佢就一支箭走左😅唔洗咁趕掛，連單都無覆，重點係其實當時只有一枱新入坐既客，又未至於忙到咁🙂好喇，後尾再搵佢落埋飲品既單，依然係無覆一次單，不過無黎錯就得食物好快到。我地嗌左1. 泡菜餅2. 韓式炒年糕3. 韓式無骨炸雞(半份)4. 飲品:ADE: PEACH & GRAPEFRUIT1. 泡菜餅幾好味！唔會好辣，好有泡菜味2. 韓式炒年糕偏辣，但接受到，仲有魚糕&公仔麵3. 韓式無骨炸雞(半份)炸雞最遲黎，應該係即炸既，由內熱到外🤣唔錯，點埋醬比較好味，酸蘿蔔比較硬，得6粒，無好似韓國咁比一大碗4. 飲品:ADE: PEACH & GRAPEFRUIT我揀左桃味，黎既時候差啲以為黎錯，因為聞唔到桃味😂攪勻左之後飲又比想像中重桃味，好解渴&解膩&解辣🤣總結：嗰位韓國人侍應態度麻麻，但食物質素唔錯，比較接近韓國味道，有機會會再試其他食物！

勁耐冇食過韓國野😍個friend生日話想食炸雞～就梗係帶佢食啲正宗嘅韓國嘢！bk佐勁多間都話無位🤦🏼‍♀️好彩最後都搵到依間～一開lift門就見到勁friendly既韓國老闆娘😆.餐廳環境好寬敞🙆🏼‍♀️已經佈置左聖誕燈飾🎄二人座位嗰邊仲有唔同嘅主題～勁有心思😍毒L位即刻變得唔毒🙈仲可以打卡！餐廳最出名就係佢嘅韓式炸雞煎餅同埋豬手～.▫🍗韓式無骨炸雞 $198/12pcs😋👍🏻：👅👅👅👅.8/5分有烤雞或者炸雞可以揀，有3種口味，一份就可以簡雙併：甜辣同醬油～～(亦都可以簡半份)另外仲會配埋醃蘿蔔(開胃又可以清一清個口腔😛)同埋乳酪芥末醬(基本上都已經好夠味唔使點用)咁上🙆🏼‍♀️超大份同埋色澤好誘人😍仲要件件都好大隻，食炸雞最爽就係冇骨啖啖肉！！肉質好嫩滑之餘，個炸衣一啲都唔厚，同埋冇乜肥膏👍🏻咬落仲超juicy同熱辣辣勁酥脆🤤而甜辣醬同炸雞真係可以話係prefect match🥰甜甜地又唔會話太辣～仲會搞到你食唔停口 重點係唔會太膩！但係醬油款就相對地失色😶真係有啲鹹～依個時候配乳酪醬就可以中和返🤭(題外話: frd打包佐幾隻返屋企，翻焗之後佢媽媽話好正，正到話要我frd帶佢去食🙊).▫

最近都比較少機會食到韓國菜🤨所以喺銅鑼灣上完堂就同朋友搵咗間樓上嘅韓國餐廳，當去咗轉韓國旅行咁一解鄉愁🥲 上到嚟餐廳一打開lift門已經見到入面decorate咗好多聖誕節嘅裝飾🤩仲有一棵迷你聖誕樹🎄勁有氣氛🤣成個感覺即刻昇華咗🥳座位都好闊落唔會要客人坐到好迫我哋兩個人食都可以有張四人窗邊大枱😌一心上嚟就係想食最具韓國特色同埋最代表到韓國嘅食物之一——泡菜餅😍😍一打開Menu見到佢哋有幾個套餐都好吸引🤓不過最後驚兩個女仔食唔晒(因為見隔離枱有叫都幾大份好抵食)所以淨係叫咗一份泡菜餅，一份韓式無骨烤雞，一份炸薯條同埋兩杯飲品就算🤭不過如果有多啲男仔就可以叫埋佢哋嘅炒飯同埋麵試試👍🏻泡菜餅比我哋想像中大份同埋足料😯唔會好似其他有啲餐廳咁泡菜得少少麵粉就勁多😂除此之外，佢仲配咗一個醬汁俾我哋點🧐本身以為係普通豉油，但係食落先知原來係鹹鹹地甜甜地嘅🤨再加埋泡菜餅本身嘅辣味成個感覺竟然係好夾😭😭👍🏻之後份炸薯條嚟到都俾我哋諗嘅多同埋厚身👍🏻以為只係一個好普通嘅side dish，但係食食吓先發覺佢真係成個籃都塞滿左薯條食極都仲有咁😂😂🍟如果有朋友驚淨係叫主食唔夠，我覺得可以叫埋佢個薯條就一定夠飽

第二次食Bingo & Cook!! 真韓國人主理既韓國餐廳🇰🇷 個韓國老闆好Nice，好韓仔同埋都幾靚仔 😂 A handsome Korean boss😍😍 最鐘意佢哋個韓國泡菜煎餅 $120，超級脆，誇張到可以成為我系香港食過最脆最好味既韓國煎餅，好有泡菜味又煎得好好😆哩個蜂蜜黃油炸雞half $130/ full $190，估唔到half都咁大份😍 好抵食，重點系又系好脆卜卜好香口，究竟佢哋點樣炸先炸到咁出色🤔 加埋d蜂蜜粉，甜甜地😋😋 再配埋兩個醬，芥末同千島醬，多重口感😚 配左黑啤，啤酒加炸雞真系襯到絕💙💚原隻炸魷魚彈彈面 $140，以為彈彈面只系改個名好聽d，通常都系韓國公仔面，點知哩個面似好粗粉絲之餘系好彈牙，煙um😂 個面好特別又好有驚喜😝 個魷魚真系原隻!! 好脆好足料🦑豬肉火鍋 $230，韓國靚仔老闆會幫我地撈一撈個火鍋先，然後靜待大概10分鐘後再食，中途佢哋會自己過嚟幫我地調下火同再撈均勻d，服務👍🏻👍🏻👍🏻 d豬肉好入味，好嫩滑，咬口都唔錯😋 加埋d配菜冬天食真系特別窩心❤️Grapefruit Coronarita💕 好大杯又好有西柚味，類似Cocktail既

銅鑼灣食店超級多 今日就去到呢間樓上嘅Bingo&Cook雖然係樓上舖 但超多人食呢一出𨋢就已經見到廚房同座位喇樓底幾高裝飾幾靚 不過啲位就逼咗啲除咗韓食之外 亦都有好多菜式加咗西式元素Follow佢哋ig或者出post仲有野送添呢罐可樂就係follow後嘅贈品喇✨泡菜餅 $120泡菜餅煎得好香好乾身足料配埋個微辣嘅汁好好味上面仲有啲炸魷魚點綴下添✨忌廉芝士炒年糕 $190呢個份量非常大有年糕 麵 魚糕 同雞肉除咗年糕比較唔入味之外 其他材料都超入味又creamy又濃芝士味 真係啱晒芝士迷筆者直頭想要多個麵嚟撈個汁😆😆😆✨韓式原味烤雞 $178炸雞就食得多喇 烤雞就真係比較少見烤雞又嫩滑又多汁 配埋個蜜糖芥末醬非常好味😋✨西柚梳打西柚味清香 無乜化學味飲到食咁多肥野飲杯西柚梳打清下幾好整體嚟講 雖然坐位係有啲逼但食物份量同質素都幾好幾適合一班fd嚟嗌多幾款野食邊食邊傾😙

約左幾個朋友響銅鑼灣見面，有朋友提議食韓國野，我地見到呢間好地點好方便，地鐵一出就係，見到野食幾吸引。入到餐廳職員好nice安排左窗口位置比我地坐，地方都寬敞，所以三五知己坐低食飯傾計都幾舒服。食物方面，我地叫左海鮮嫩豆腐火鍋，海鮮有青口，鮮蛤蠣，八爪魚，豆腐，材料新鮮，豆腐都好滑嫩，加上韓國粉絲一起煮，味道都鮮甜。韓式無骨炸雞，個人覺得系必食的，好juicy，皮夠脆又唔會太厚粉，配上甜辣醬/沙律醬更加可口，不會感覺油膩，可以再食多幾塊。韓式炒年糕，有好多不同的材料，年糕，公仔麵，雞蛋，魚糕，蔬菜，感覺好豐富，不錯。喜歡食辣的朋友應該會好鍾意，因為有點辣辣地。食得炸雞又點少的飲品，我地叫左四杯飲品，大家評價都好高。黑巧克力世濤，亦即系黑啤，上面有一層系好香滑的cream，配上黑巧克力黑啤，原來都好好味道，沒有搶走黑啤的原味，朋友的飲後感系可以形容呢杯野系一個有故事的女人仍懷著一顆少女的心。推薦啊！彩虹乳酪奶昔，非常少女的飲品，不會太甜，都不會有藥水味道，非常不錯！奧利奧奶昔，大人小孩都喜歡的飲品，奧利奧味道好濃郁！值得一試！

尋日喺公司附近同朋友一齊lunch。搵咗一間韓式餐廳，入面嘅裝修擺設好有Cafe格調，播住流行嘅歐美音樂，係繁忙的工作中Relax一下。喺餐廳可以直接睇到廚師下廚嘅情況，安全又放心。首先點咗一個部隊鍋，入面嘅食材都好新鮮,再加上美味嘅韓式大醬。隨住熱度升溫，噗噗的水氣散發住濃郁嘅部隊鍋味道，令人垂涎三尺。我唔客氣啦。跟住上碟嘅係泡菜餅。咬一啖，係韓式原味！煙煙韌韌，加上酥炸的魷魚鬚，真係人間美食！本人好鍾意食魷魚，所以嗌多個彈彈麵。有少少似番茄🍅義大利麵，但它的汁係辣辣哋，好開胃。魷魚炸到香酥鬆脆，配埋彈牙的面，口感新鮮。不得不提佢嘅貼心服務，因為杯水比較熱，佢會遞上一杯冰俾你，方便你較返啱自己合適的溫度，值得一讚👍🏼最後，見好多食評都有點呢個Oreo Smoothie所以友人就身先士卒試一試。佢話真係好好味，甜度適中，夾雜住濃濃嘅朱古力曲奇餅味道。我自己就點左一杯西柚酸碳水。有好多西柚肉，夠冰涼😊

男朋友同我慶祝生日，知我鍾意食韓國嘢，所以就揀咗呢間餐廳試吓呢間餐廳平時都好多人，如果想食一定要book位豬腳非常嫩滑，而且非常入味。配埋啲生菜同埋啲配菜和醬汁一齊食就冇咁油，而且味道好夾作為佐酒小菜一流！係我食過咁多間煮得最好食嘅泡菜餅！泡菜份量好多，而且好夠味，夠酸夠辣，十足韓國風味一樣而且煎得夠脆，好香口炸雞就不過不失啦，夠惹味，不過稍嫌味道太濃，用嚟佐酒就啱晒呢個海鮮豆腐就麻麻哋，湯底係普通豉油湯同埋辣椒醬嘅味。不過海鮮份量都唔少，但係由於點得太多所以最後食唔晒雖然呢間價錢中上，而且有限時食，不過食物質素真係唔錯，食完一次成日心思思想食第二次

朋友生日揀左間上樓的韓國餐廳，格局西化，環境不錯，但我們5人座細圓台有點迫。店內服務生都是韓國人，感覺去到韓國。食物種類不多，但炸雞好好味！由於朋友生日，我們帶了cake, 店員細心地在場內播上生日歌，我們也與店員開玩笑要求她親自唱

等了好耐想食的韓國餐，今日星期4，7點多來到，已經要等位。 店舖不算大，但坐到滿一滿。其實在來之前已經鎖定了韓式煎餅，年糕及炸雞。見餐牌上，以上幾款都有幾種口味，實在選擇困難，樣樣都想食。最後叫了甜辣醬炸雞，韓式炒年糕，泡菜煎餅。炸雞有全份或半份選擇，我一行兩人，叫了個半份。炸雞好脆，最怕係油而膩，但今次炸雞好乾爽，不會成口都係油。雞肉方面，肥瘦適中，亦吾會炸到乾蒸蒸。 邊食邊吹水，不錯不錯。今次是甜辣醬炸雞，辣辣地好開胃。其實都想試蜂蜜炸雞，下次可能會試下。年糕，曾經在宮廷炒年糕定韓式年糕想了好耐，最後都是韓式年糕。配上辛辣麵，韓式魚糕，蛋等配料。雖然自己平常都有嘗試煮類似的，但就是煮不到這種味。整鍋都係韓國常吃食材。煎餅，這個超級值得推介，眾多煎餅，曾經想過叫海鮮煎餅，但最後都是泡菜煎餅。因為泡菜是韓國食品。煎餅是薄身而脆，它不油，中間夾左少量洋蔥，食落第一層是脆皮，然後就是泡菜和洋蔥粒相當有咬口，配上幾件魷魚，有個小醬汁提供，沾了就較濃味。飲品朋友叫了個西柚碳酸水，冰凍酸酸地，正好中和下，我就叫左個檸檬薑汁。 食完好飽，大滿足，癸準備肥多幾磅了。

難得人妻🐷終於可以早點放工💻，當然不能錯過接老公🍋放工的機會✨！忙了一整天的老公🍋早己餓瘋了☠️，馬上在附近找點吃的吧🍽。餐牌上的選項也蠻全面的🧐，更有多款特色拼盤供選擇🍱。店內空間感十足😳，牆上以投影播放著不同的短片📽。🔹韓式無骨烤雞(甜辣味)🐤 $168雞肉肉質幼嫩😋，肉汁豐富👍🏽，配上了微辣帶甜的醬汁🌶，吃起來更為醒胃🎉。🔹魷魚追加🦑 $40烤雞更可追加不同的選項📝，我倆則點了魷魚🐙，薄薄的炸漿🥳，口感更為酥脆😍，加上爽嫩的肉質🤤，如果怕膩的話不妨像人妻🐷一樣點上他他醬汁💦，入口更為清新👌🏽。🔹泡菜餅🍕 $100老公🍋點的泡菜餅終於上場🌟！上面更放了魷魚作伴🦑，味道酸酸辣辣😋，入口油而不膩💝。🔹Max Draft Beer🍻 $78最後當然不能少了啤酒了😆，一口烤雞再一口啤酒的🍗，簡直是滋味大升級💖！💭總結感覺很不錯的一家店👍🏽，加上位於地鐵站附近🚉，絕對是享盡了地埋上的優勢💯。

其實我比較少吃 K food. 但朋友係韓劇精, 強力推介 BONGO & COOK, 又話常常爆滿, 抱住一試無妨的心態去看看。好緊張啊。想不到招呼我們入座的是不喑廣東話的韓妹妹, 相信廚師哥哥也會是韓韓 OPPA? 先點左成日係 IG 見到的 CORONARITA, 倒轉上枱, 幾新鮮感, 我朋友當然港女上身勁打卡牛肉炒飯韓式牛肉飯比日式牛肉飯就是多了點辣及一點點的甜。少少的甜令本已十分美味的牛肉飯更香口, 讚。上面仲有炸魷魚鬚, 非常鬆脆, 跟香軟的牛肉飯形成口感上的對比。 廚師哥哥真是花了不少心思。泡菜餅令人驚豔的泡菜餅, 韓劇精朋友的最愛,  點酸辣汁, 解了膩, 又提升了風味, 一絕也  韓式無骨烤雞(甜辣醬）這個是最驚喜的, 我們選了甜辣醬, 甜是 honey mustard, 辣是海鮮醬。份量好大, 勁多雞肉, 絕對不惜工本。最正是雞肉又香又入咪, 肉仍是嫩嫩的,  仲有小薯及小粟米，新派韓食就是半西半韓的 FUSION. 用餐時韓妹妹 十分 attentive. always serve before we ask. 半隻豬的 graffiti, 很可愛。

之前已經去過Bingo &Cook吃炸雞，覺得很不錯，所以在想不到吃甚麼的情況下決定再光顧。 兩個大胃妹甚麼都想食，很貪心地叫了三樣東西: 韓式無骨烤雞、泡菜餅和豬腳。韓式無骨烤雞無骨的雞是吃起來非常方便，整塊雞 滿香甜的蜜糖味，表皮烤得香脆，連平時吃雞會去皮的我也忍不住整塊雞放進口裏，雞肉有醃過，夠入味，烤得剛剛好，非常嫩滑多汁，配菜有烤薯和玉米。泡菜餅粉漿調得好，整個餅酸酸辣辣好入味，泡菜切成粒粒有嚼勁，餅煎得金黃外酥脆內軟👍最特別是泡菜餅有配炸魷魚圈!豬腳肉質很瘦很乾，連皮以下也沒有半點肥肉，咬起來費勁，完全無肉汁，肉應該無醃過，因為無味，像是在灼豬肉一樣，我們要靠旁邊的泡菜和辣醬夾着來吃，因為肉太乾，生菜已經沒有必要用到。整體來說，Bingo & Cook是一間性價比高的韓國餐廳，份量多而且價錢不算貴，烤雞和泡菜餅水準出色，下次會再來試試其他料理。

每個月總有幾日係好想好想食韓國野，之前save左低左呢起銅鑼灣既韓國野 一於去試試佢Bingo and Cook 位置勁方便 地鐵站一出對面就係入面環境好好係open kitchen，仲可以望落去駱克道到 座位都好舒服最後叫左3樣野同飲品對我黎講 如果一間韓國餐廳最重要既係炸雞第二樣就一定係泡菜餅 呢個泡菜餅果然無令我失望，煎得岩岩好 唔會太爛/太un 入面既泡菜仲好有咬口點可以少得炸雞呢 呢個係甜辣醬既炸雞，只係叫左半份$118 真係大得好誇張 勁抵食仲要唔係得個大字 d雞炸得岩岩好，入面仲好多肉汁，每舊雞都有痴到sauce又好脆口最後就係年糕啦 一睇就知有幾足料，味道都好好 辣度岩岩好 無諗過最正係d麵因為吸晒d辣汁食炸雞唔想配啤酒 試下叫米酒都一樣正架！

今日朋友帶我食韓國菜，最喜歡食豬腳，第一道菜已叫豬腳套餐好大份，雙眼簡直發光，豬皮今次燒得老左，有待改善自由包生菜包，加少少韓國辣醬，超好味好好飲，米酒好甜不夠飲再叫一支米酒年糕彈牙，魚腐好香，肉味夠濃，麵條好入味泡菜餅今次做得不太乾，好吃炸雞炸得酥脆可口超棒座位超舒服，聽住韓國歌，好享受