SABROSA

Open Now

Now Closed

餐廳位於銅鑼灣旺區摟上商廈，一進入餐廳，昏暗的環境配上中間擺放的玫瑰大花束，彷彿沉浸於浪漫空氣之中。餐廳主打正宗的西班牙菜，每道美食都有著高水準的製作，價格也相當合理。餐前麵包都幾鬆軟。炸西班牙青椒仔 $98青椒口感軟中帶脆，沒有青澀和辣味，灑了海鹽和孜然粉，小食惹味開胃的前菜。傳統西班牙烤乳豬(細) $278烤乳豬外皮薄而脆口，沒有多餘的油脂，肉質軟嫩。搭配酸甜的慢煮蘋果蓉和脆炸的羽衣甘藍，令人滿足。西班牙海鮮飯 $298熱辣辣上枱香噴噴，海鮮飯上滿滿的海鮮，包括海蜆、青口、魷魚和大蝦，每一口都充滿了鮮美的味道。米飯粒粒分明，調味恰到好處，值得一試。自家製西班牙油條 $98此甜品作結最好不過，油條酥脆，表面潵了糖霜，再沾上朱古力醬，加點雲尼拿雪糕，完美至極。

SABROSA自從上次同朋友去完呢間西班牙餐廳之後，一直念念不忘，今年又約朋友黎呢度喇我當日去嘅時候店員特別介紹餐廳返咗幾款新鮮海鮮，不同貝殼類海鮮，例如Mussels, Clams，仲有魚，同埋特別啲嘅Crab Yolk - 飯上面鋪咗蟹膏，等等，店員話當日有幾條半隻手臂咁長嘅海鱸魚，我地就留左條今次嗌咗兩個Tapas - 辣味香蒜虎蝦、炸西班牙青椒仔佢哋嘅炸西班牙青椒仔我係highly recommend，焦脆外皮再灑上海鹽，送酒一流，今次仲試左上次冇試嘅辣味香蒜虎蝦，彈牙虎蝦配上蒜油同埋蒜酥好香，不過就唔算辣Burrata cheese salad新鮮奶香味濃嘅Burrata cheese on top, 底下有rocket同埋cheery tomato mixed saladToday’s special - seabass上枱時發現真係有半隻手臂咁長嘅海鱸魚原條上，魚中間放咗檸檬片，減低魚嘅腥味，魚兩面燒到有grill mark，香味撲面而來，在係面加上檸檬汁，好鮮味嘅魚香煎西班牙走地黃油春雞上次嚟嘅時候都有叫呢個main，又去食過返尋味，今次要encore，雞肉仍然都係鮮嫩

朋友知道我超鍾意食西班牙菜🇪🇸，所以推介我試吓位於銅鑼灣嘅「SABROSA」。餐廳人氣好高，我哋星期日夜晚六點半去到已經接近全場爆滿👏。呢度環境幾靚，燈光偏昏暗，情調一流，特別係窗邊位。餐廳菜式選擇繁多🍽，店員並樂意向我哋作詳細介紹。佢有齊各式西班牙小食Tapas，另外亦有肉扒同澱粉質主菜，傳統以及新派款式一應俱全。同時，我認為餐廳定價算合理，話晒喺銅鑼灣嘛，而且食物真係有質素。味噌蟹膏西班牙飯($198)，呢個係期間限定菜式，造型與味道同樣吸引。🦀佢類似日式味噌甲羅燒，以蟹殼做器皿，入面裝住蟹膏飯，成個組合簡直係無懈可擊。蟹膏濃郁鮮甜，再加上爆漿魚籽，每啖飯都滋味無窮。再者，配飯食嘅好處就係有中和嘅作用🍚，因為有時就咁食蟹膏，我會覺得好熱氣、有喉嚨痛嘅感覺。蟹飯份量適中，啱啱好兩人份，另外飯粒分明亦係抵讚嘅地方。自家製煙燻三文魚($148)，🐟 呢碟煙三文魚儀式感十足，佢登場嘅時候用個蓋冚住，打開時就類似乾冰噴煙嘅效果，並散發出濃濃煙燻香氣。煙三文魚片較超市買到嘅厚身兼有口感，鹹味得宜。同時，三文魚仲配以紫洋蔥、酸豆同雜果粒等調味，既色彩繽紛，亦能豐富味道🌈。炸西班牙青椒仔($68)

SABROSA朋友話去Spanish date night, location 就係位於銅鑼灣嘅呢間SABROSA, 店員安排左個好舒服嘅位置俾我哋，環境舒服，難怪閒日都full houseSoup & Appetiser當日嘅精選凍湯係cold beet soup，好新鮮嘅紅菜頭濃湯，面頭有忌廉同埋杏仁片，酸酸地開胃我地仲叫咗個炸西班牙青椒仔，西班牙青椒仔係當地傳統道地嘅Tapas，比平時嘅青椒細隻，唔辣嘅，佢哋用咗炸嘅方式去煮，再grind啲salt and Pepper, 濃濃嘅青椒味🫑同埋一份Caesar salad，新鮮雜菜加酸椰菜絲，配埋63度溫泉蛋+煙三文魚，好fresh到今晚嘅Main course喇～香煎西班牙走地黃油春雞Staff向我地推介佢地嘅黃油春雞係先smoke過後再下一步烹調，食落又真係皮脆肉嫩，春雞肉質嫩滑、香得來又唔肥膩，另外仲配左sides，同埋三款唔同嘅醬汁，Gravy, 黑蒜, 紅椒黑毛豬肋條肉燴西班牙飯成個鐵鍋上嘅西班牙飯配上豬肋條肉，米飯中嘅香料味道好豐富，on top仲有啲椒絲加mustard作點綴，兩個main course都做得好出色最後

話說上年去西班牙一直念念不忘西班牙鍋飯😆❤️今次黎SABROSA就係睇中佢嗰黑毛豬肋條肉燴西班牙飯🐷同媽咪一入去就見到一大束真玫瑰花🌹，氣氛浪漫💕有塊藍色綢緞蓋牆，昏暗間每檯有個燈仔，燭光晚餐咁款西班牙餐廳點少得吧檯，後方擺住種類齊全嘅酒品，就知今晚又可以嗌酒飲我地兩母女一個想影酒一個唔想影酒～🍷西班牙最有代表性嘅水果Sangria媽咪見到話一大杯紅榴色好靚呀^_^紅酒做base，青黃檸檬中和白蘭地，酒味唔算重，輕輕果汁味加少少氣泡感覺，冷藏之後加上冰塊，冰冰涼涼，女仔都容易入口！一大杯一個人飲晒冇難度Lemonade🍋呢杯檸檬水比我喺西班牙飲嗰杯更合我心意！檸檬香氣尤其清新🍋加上薄荷葉，冷藏後上加冰塊🧊所以特別冰爽，適合炎熱天氣～炸西班牙青椒仔🫑西班牙教路，一食西班牙餐廳知TAPAS出色，就知間餐廳一定唔差。青椒仔表皮灑啲鹽，炸得好軟熟香口，油分控制啱啱好所以keep到油溫，暖暖地辣辣地，好正😆💓紅菜頭凍湯凍湯對香港人好新鮮，我自己去exchange試過cold beet soup都好鍾意💓佢地一樣會加yogurt, butter甚至sour cream入去～所以我聽到係紅菜頭就好開心

節日當然食下西餐慶祝一下，今次就特別D去食西班牙菜，今次叫左 精選凍湯($68)、炸西班牙青椒仔($68)、蒜味虎蝦($128)、自家製煙燻三文魚配酸麵包($88)、傳統西班牙烤乳豬(S)($178)、巴斯克焦香芝士蛋糕($68)、Sangria、Lemonade內裡環境裝修幾有格調，令成餐用餐氣氛都好好👍🏻先送上餐包，點一點黑醋同橄欖油黎食，味道幾香😁Sangria、Lemonade：食西班牙菜當然唔少得叫返杯Sangria飲下😜呢到嘅Lemonade都幾清新好飲炸西班牙青椒仔：朋友平時比較抗拒食青椒，但今次佢都話呢碟TAPAS整得唔錯，青椒仔炸過後更為香口😁蒜味虎蝦：虎蝦份量唔少，大大隻兼且彈牙，最正係D蝦用蒜呀辣椒等黎調味，調得好惹味😋精選凍湯：今日係紅菜頭湯配香桃乳酪，飲之前先將佢攪勻，紅菜頭凍湯好足料，質感濃稠有口感，飲落唔會好重草味，帶點乳酪嘅香甜自家製煙燻三文魚配酸麵包：上菜時用蓋蓋住，一打開蓋就勁多白煙飄出黎，視覺效果幾正😍食落去個煙燻味比一般嘅重，因為經煙燻處理過後味道更為濃郁，最適合配埋酸麵包食😉先補張合照🤩傳統西班牙烤乳豬：我地得2個人食所以點左細份，如果多人食嘅