616牛肉火鍋專門店 (翠怡花園)

Open Now

Now Closed

天氣凍，最好就係打邊爐，一行4人夜晚去616，主打牛肉的火鍋店，因為知呢間好受歡迎一定要BOOK定位，THANKS YAN BOOK位呀>3<~!雖然BOOK左位，但仍然要等半個鐘....安排上出現左問題...算啦太想食照等wwww。店子面積頗大，木系裝潢明亮有空間感，座位闊絡，牆上的街市壁畫有地區特色。電子落單，方便，牛肉有好多款式，原來有咁多名，認識左唔少刁鑽部位wwwwww。繁忙時段用餐時間限時100分鐘，上菜都幾快手。有張圖教路推介食法(醬料)及建議各款牛肉淥幾耐時間。多款配料，每位$10。洛神玫瑰茶，$15，自家製的飲品，酸酸甜甜，開胃清爽。菊花桂圓露，$15，友人的。鴛鴦青花椒牛骨湯，$78，湯底都有好多款，要了鴛鴦湯底，青花椒湯底，微辣清香，唔太食得辣但有想食少少辣嘅人仕可挑機，牛骨湯，味道清甜，有白蘿蔔及牛肉等材料，用來配牛肉打邊爐似乎幾正。牛駝峰，$48，人氣之一，牛頸背間的部位，呢碟比較肥下...肉質軟嫩油香鮮味。匙柄，$48，匙仁下的部位，肉質柔軟帶點彈性。封門柳，$68，牛橫隔膜肌肉部位，油分比較少，牛肉味濃，口感較腍。牛朴肉，$48，人氣之一，

有番啲寒意想打邊爐, 但疫情來勢洶洶真係唔想成為打邊爐家族2.0🙈見616新推出外賣自取立即去幫襯, 呢間野好掂掂, 我唔想疫情過後食唔番呀🥺<牛舌>薄切牛舌好正, 爽口有牛味, 睇個樣都知呢條脷真係有啲肥美, 暫時香港打邊爐最好食既牛舌👅🥈<牛上肋>好肥好肥, 所以真係好香好香, 我會將佢同牛朴肉並列第二名2️⃣不過食多兩塊真係會有啲膩 <西班牙雪花胸肋>我覺得口感同牛上肋好似, 家父嫌牛上肋太肥太唔真實, 所以對雪花胸肋既評價高啲, 而我覺得牛上肋係牛油味香, 雪花胸肋係牛肉味香😋🥈<牛朴肉>其實我唔明牛朴肉點解咁好食😂肥瘦比例一半一半, 口感唔錯, 唔知點形容就係唔會食到牛既紋理個種感覺<牛駝峰>佢就係會食到牛既紋理個種口感, 碌耐左啲啲都會韌, 但呢種肉質既牛肉通常都幾重牛肉味(無奈我係牛油派🤡)🥇<滑尾龍>最滑既滑牛, 真係滑過平時食既滑牛, 肉質爽口👍🏻隻蛋打落去同牛肉撈勻肉質會再滑啲(堂食上碟已打蛋), 最後我會倒埋啲蛋落鍋🐣之前食過幾次都encore, 今次外賣毫不猶豫兩盒tha

大埔呢間616最有親切感，因為第一次食就係呢間，平日冇咩人唔使等位就入得，憑呢一點就已經完勝係旺角果啲等十世既餐廳。以前冇桔仔架，而家係其中一道醬料，一擠勁多汁出晒黎，加落牛肉汁度酸酸咸咸好開胃。醬料每人加$10，最中意都係芫茜，蔥，蒜既組合。打邊爐一定要飲下啲清涼或者解膩既野飲先冇咩負擔。洛神玫瑰茶，菊花桂圓露都係自家出，前者酸酸地有好香玫瑰味，後者甜甜哋清香既菊花味。今次保留牛骨清湯6牛肉之餘，仲試下酸菜煮烏冬，酸辣麻～稻庭烏冬口感唔會太淋，煮得剛好時帶啲彈性。係酸菜果邊滾完自帶酸辣味，加啲芫茜蔥蒜變左惹味撈面啦。四款牛之中，牛上肋第一名，雪花分明，咬落肥瘦比例剛好，嫩口多汁，牛味濃郁。新野澳洲和牛-牛胸肉，牛味冇咁濃郁但淋滑。吊龍伴，白色部分似係肋位，有啲咬落爽爽地，牛肉味濃。牛駝峰肉嫩油香，都算出色。當然唔少得用黎索油既油麥菜啦，成個盆栽咁幾得意，份量都算多又新鮮～埋單兩個女仔每人$200，又飽又滿足到食牛既慾望，傾足成晚!

作為半個大埔人，就梗係要係大埔搵食啦，今次就搵埋朋友黎試呢一間有好多古靈精怪牛肉部位既616啦入到鋪頭個裝潢都幾特別架，幾幅牆都畫左Ｄ懷舊既香港特色，而且位置單排又恰當，唔會太過迫，而最重要呢到無咩打邊爐既”臭味”，所以坐得好舒服呀因為小妹有Ｄ咳，所以無叫其他特別既湯底試啦，只係叫左最傳統既豬骨＋沙嗲湯，只可以講豬骨湯好清甜，幾舊票米更令到個湯更正，而沙嗲呢就非常足料，濃濃既花生醬味迎面撲鼻滑蛋尾龍 $48呢一個牛肉好特別，係連一個鑊仔送上黎，上面仲打左隻生雞蛋。我初初仲以為係要成個拎上個電子爐到煎，但原來唔係，問番職員先知個牛已經調左味，食之前將雞單打散，建議係清湯到６。入口個口味好似食滑牛咁，牛味加雞蛋既味道都好得意牛駝峰 $48呢個牛肉就好似肥牛咁充滿雪花，輕輕咁6一6己經食得，牛味好濃，口感有Ｄ彈牙。唔會入口即散，味道就梗係好味過普通肥牛啦！羽衣甘籃呢種菜真係係西餐到成日聽啦，但香港就真係好小有機會食到，難得今次有得食就梗係要試下啦，又係簡單燙一燙，入口爽脆帶點甘甜。聽講羽衣甘籃有抗癌作用，食多Ｄ先！其實當然成餐飯唔只叫左咁小野啦，仲有其他唔同部分既牛都有叫到，但我個人就覺得以

以前在元朗探親朋時試過的616, 竟然在大埔都開左分店今夜去食時間比較遲, 所以唔駛等左好耐就已經有位, 但要留意唔駛等位, 有某D大熱牛牛可能俾人搶購一空...先揀湯底, 記得之前溶岩沙o爹係正到無譜, 所以一於番叮你睇下個響鈴, 就知道呢個湯底有幾咁好食, 而個響鈴仲卜卜脆點左必食<牛駝峰>, 姐係牛頸脊伸延既位置, 你試諗下好似駱駝駝峰個位, 油脂就比牛頸脊少, 但勝在外層包圍牛筋, 所以牛肉味更濃另一個我無法忘記既係<匙柄>, 入選潮汕牛肉火鍋必食七肉之一, 屬於肩腹肉既一部分，姐係肩胛小排個個部位, 中間突別會見到一條非常明顯既肉筋紋路, 就好似鑰匙柄一樣, 入口柔軟係到要提提大家, 因為牛唔同部分都軟硬不一, 所以放入去滾既時間都好唔同, 店主希望客人吃牛有最好既效果, 有晒提示俾大家 如果唔夠, 整多個烏冬, 烏冬吸收晒溶岩湯味, 成為平凡中的極惡美食支持小店, 係小區經營, 薄利多銷, 616的高性價比牛就一定係表表者

話說，係同事閒聊間，講起宜家雞煲潮已經過气！想食返啲“正”嘅火鍋店，然后有同事話大圍有間616專食牛嘅火鍋店，我喱個牛魔皇，無牛不歡，一聴到緊係即刻揾料，原來佢有好多分店，佢係大埔都有，我住大埔緊係食返大埔分店啦～二話不說，先book 左枱7點，放工飛奔過去都得！7點左右到，都差不多坐滿，生意不錯！鋪面以街市背景為設計，别有一番風味！員工分别介绍左幾種湯底，但我最想食就係個牛雜喎～個牛雜湯底，估佢唔到咁多料，有大量牛肚，牛腸，牛膀，夢白，大葱…個湯底好正，多料之餘，湯底好夠牛味！店員推介嘅牛肉餃，好大隻，個餡好實，好多牛肉，如果入面加啲香葱會仲正！牛札肉，好食好嫩，有油脂嘅味道。牛駝峰，濃郁嘅牛肉味，有啲煙韌，好咀嚼感。匙柄，喱個好軟滑，味道又夠濃牛味，喱個值得再order腩頭，牛味重，帶一點油脂，提升肉嘅香味，好有咀嚼感。店員推介嘅616手工啤，有果香味餘韻，酒味唔算太濃，好飲，不妨一試皇帝菜，個盤好特别，好嫩四式雜菇，好特别，啲菇平時無食過！炸响玲，係我飛佛，每次打爐都會點616真系專為啲喜愛食牛嘅人而設，勁多款唔同嘅牛，好細心咁有文字提示，每款牛都有唔同嘅煮熟時間！避免煮太耐，而

一行4人入到太和打邊爐，好在有幾架車岩岩走，如果唔係又要等位…可能夜晚9:00關係，唔洗點等就入。全電腦點菜，好易操作，唔會太花巧。鴛鴦沙牛湯底，沙爹湯勁正！好濃郁既沙爹香味，一路食到尾都仲有沙爹味。冰麻牛，好似潭囝個尖椒皮蛋，少少辣，食落唔會麻得太緊要。牛柏葉，整得好細舊好碎，煮完之後更加縮水。牛肉餃子，好少鋪用牛肉做餃子，而且入面無芹菜白菜嗰啲，味道一流。慢煮牛腩，食落似日本叉燒，啲汁浸到牛腩好入味。牛雜，小弟就無食，但朋友話味道唔差，只係腸比較多。匙柄，肉質有少許韌，但牛味幾重。吊龍伴煮完好淋，食落有雪白油花既甘香。牛陀峰肉質軟，肥瘦均勻，之後都再叫左轉。

尋晩我哋兩公婆都放假，而且又係兒童節，緊係出去擦餐勁～我哋先上一上openrice 做個research. 就決定左試616。因爲訓晏覺訓得晏得濟原因，我地8點先出門，我哋8：30左右先到左616，企係門口已經閒到啲火鍋香～ 一入鋪，待應已經招呼我哋坐梳化位，又問我哋要唔要BB櫈，喱間啲服務好好(唔駛問先有)。一開波，就問我哋係咪第一次食？(係)，然後，佢好詳細咁解释點樣落餐，有乜推介，食個陣要注意啲乜……(點解伙記要教我點落餐，原因係→→宜家已經乜都電子化)伙計首先推介左個好優惠湯底俾我哋知，就係『川味酸菜湯底』，佢做緊promo加$1，就可以有喱個湯底，只因要就囝囝食唔辣所以就放棄左！經過伙計推介左另一個湯底&啲牛，我已經急不及待去爭住點餐！首先，老公話想食個牛雜湯底。老公都讚好！佢話又唔貴，又有咁多料！出面食碗牛雜嘅價錢都得兩三夠！然後繼續落餐，點左啲推介牛，由於我哋到太晏到，所以熱門嘅牛已經售罄。我哋都點左成5-6款牛！(期待中)，上碟嗱…首先…第一碟係頭腩！好香牛味，完全唔韌唔鞋！第二碟係牛朴肉！我老公勁like ， 好滑第三碟係牛駝峰！好重牛味，濃郁牛汁，完全唔韌之餘仲好口

已經很久沒花時間寫過食評了，但這間餐廳實在值得我坐下來介紹秉承生日一向要吃火鍋的傳統，在網上左挑右選，竟然讓我找到這間牛肉火鍋專門店，便在Openrice預訂了18:00兩位。（不然要21:00才有位）當日滂沱大雨，因害怕交通擠塞所以早點來，17:45到達的時候還沒有開店，門外沒有簷蓬可供擋雨，便膽粗粗問店員可否提早入座，雖然他們還在準備中，但還是先打開所有燈再安排我們入內就座，店員都非常有禮貌，值得一讚。入座後店員細心解釋優惠，原來6月份正在做66折優惠，即時讚好和分享他們的Facebook專頁，還可以額外獲得優惠劵，但要到七月份才適用，還要等喔！這裏居然有牛雜鍋當然要一試，端上來已經聞到朕朕牛肉香味，鍋底大概有一碗牛雜份量，亦算足料。佐料區有基本的 蒜蓉、炸蒜、蔥、芫荽可能本人太愛吃肥肉，這碟不太討我歡心，吃了一塊便全塞給男朋友了（是他點的，當然要負責) 就是這個牛扑肉讓我一試回味，肉質牛味以至口感都極佳！值得推介的牛駝峰，牛肉味非常濃！當晚點了五碟牛、牛滑、烏冬、兩隻雞蛋、栗米、兩罐飲品，連佐料每位$10，原本$460，66折優惠價後$303，我覺得好划算，非常心滿意足。P.S.

身為牛魔王嘅我，第一次食牛食到咁PRO。呢度有好多刁鑽嘅部位，莫講話食，聽都係第一次聽，今次真係「學到好多野」!!。呢個火鍋專門店有四間分店 - 今晚喺位於翠怡花園大埔嘅總店食。雖然位置比較僻(唔係對住大馬路)，喺橫巷入面，但夜晚依然坐無虛席。點菜係用平板電腦，方便快捷。呢一頁係"616限點限量"，係牛隻食材中比較珍貴嘅部位，唔係日日有，而且每兩人只限點一碟。恕我孤陋寡聞，呢啲位真係第一次聽，或者對食潮汕牛肉有少少研究嘅就應該會識，不過唔駛擔心，click入去就會有簡介講返係屬於邊個部位，同埋口感味道如何。當日就叫左一碟"吊龍伴"，店員話一個月得一兩日有，梗係要try try。店員推介我地食呢個全牛拼盤套餐，套餐包括醬料、牛板拼盤、湯底、稻庭烏冬、蔬菜籃、汽水兩罐(可以加$3換支裝竹蔗茅根海底椰，更健康)。攞醬料先~醬料吧乾凈整潔。有多款醬料選擇。仲有比較少餐廳會提供嘅青檸。牛骨清湯 - 套餐個湯底係牛骨清湯，因為清湯唔怕會遮蓋咗牛肉鮮味。大大舊牛骨淆製而成，有香淡牛骨味。蔬菜籃 - 當日有油麥菜、娃娃菜、菜心、豆卜。啲蔬菜食得出新鮮，份量嚟講兩個人食剛剛好。牛牛駕到，不同部位放返喺牛

今日老公出差回港，叫我係大埔搵地方食飯，我梗係又搵open rice apps幫手，打開apps 發現大埔新開一間616牛肉火鍋專門店，門口以全牛每部分的分佈圖作招來客，火鍋肥牛食得多，一般都係雪花肥牛、安格斯牛等等。但呢間特別的地方是將全牛分部位來做賣點﹐睇見餐牌時真係5知邊部分打邊部分，店員推薦餐牌上全牛拼盤套餐$338包2杯飲品及醬料，但我想清楚品嚐牛每部分的味道及口感，所以決定重點選了幾個部位比較一下5同部位口感及味道有咩分別？order 左有：封門柳、牛朴肉、牛駝峰、牛骨髓、胸口膀、匙柄呢6款不同部位另還加了熟牛腩、牛肉餃及稻庭烏冬﹐落完單個服務員攞個計時器放係枱﹐話拍心口保證20分鐘有得食喎！品嚐完6款5同部位﹐款款都好好味﹐但都5記得邊部分打邊部分﹐不過最深刻是匙柄及胸口膀﹐因為這間店介紹食法將2款合併一起食﹐口感同味覺係真好的﹐所以特別試一下﹐果然不錯﹐而牛肉餃也不錯﹐老公話要再多一個添！呢餐真係好满意﹐老公話一定會再來的。