霸嗎拉麵 (金巴利道)

Open Now

Now Closed

今日一個人在尖沙咀買東西回家，途經這個霸嗎拉麵店，突然想起之前和朋友來過這裡吃過拉麵都頗喜歡，心想自己還未吃過午飯，但因為疫情關係，食店都要限兩人一枱，還要有適當距離，所以變相店裡的座位減少，如想堂食都要排一排隊了，一個人我就不打算排隊了，見這裡的拉麵也可以外賣，倒不如外賣回家吃，一來又不用同人爭位，二來又不用大熱天排隊，回家開著冷氣吃還舒服吧！我點了一個特盛炙燒豚肉拉麵和一客羽根燒餃子回家，他們說已將湯和麵隔開，還有餃子的汁也齊全，真的很細心。回到家，看見他們好整齊咁分開晒所以食物，不會雜亂，好在回到家後湯都還算熱，我再用微波爐稍為叮熱一點湯已經變回熱騰騰的湯，再放入豚肉和拉麵，就變回一碗熱騰騰的拉麵，份量和堂食一樣的多，特盛炙燒豚肉拉麵裡面有四件炙燒豚肉，份量很大，每一件都很厚身，吃上來啖啖肉，他們的烹調令到那麼厚的豚肉吃上去也不會覺得肥膩，拉麵我選了適中的硬度，麵質有點煙靱，不會覺得佢太腍，加上豬骨湯一起吃，非常美味。四件豚肉非常豐富，適合一些高大男士選擇。羽根燒餃子，樣子不錯，雖然回到家後，沒有在堂食的那麼脆，但仍然很香，加上餃子汁，吃上去都非常可口，裡面的饀料很豐富，一客六件

果日睇完台灣大胃王食拉麵既片，就好想食拉麵！點知原來佢食果間香港都有，於是就試下啦！因為我地四點幾黎食，都唔算多人，唔使等位！可惜下午茶係星期一至五先有！🥺附上英文菜單，in case有外國朋友想試下！仲有期間限定～我地一共嗌左四樣野～1️⃣ 辛辣炙燒豚肉味玉拉麵 ($93；中辣、硬身）只有一塊叉燒，有點失望！但湯底濃，亦都好欣賞個麵真係煮到我理想既硬度！中辣唔算好辣，如果嗜辣者可以再試大辣。最最欣賞係個流心蛋，真係煮得岩岩好！🤤🤤🤤2️⃣特盛炙燒豚肉拉麵 ($118; 麵正常）原來特盛有四塊叉燒！ 😨 仲要塊塊都好厚身，唔算得上半肥瘦，反而似1/4肥；3/4瘦，睇你中意食肥定瘦多啲！肉味濃，再加上呢個號稱最強湯底，雖然湯濃到飲唔哂，但絕對會食得哂啲麵！我地仲額外加左$10要多粒流心蛋🥰3️⃣小食 (唐揚炸雞) ($35)炸雞咬開都熱，同平時出面食開差唔多，可嗌可不嗌，睇你果日想唔想食炸雞。4️⃣小食 (羽根燒餃子 $35–> $15!!!!)講下點解$15先！只要scan枱上既QR code download 個app，登記做會員就會送返張$15既餃子兌換券！嗌完野食先發現都唔緊要，職員會幫

沒有令我失望的特式拉麵！分別是在恆常餐牌裡就可以點到的＜特盛炙燒豚肉拉麵＞，和期間限定的＜極上原隻龍蝦味玉拉麵＞。為了可以品嘗一下這兩款拉麵，我分別和朋友每人點了一款拉麵跟兩款小食。當拉麵一端上枱面，只看賣相就知道不會令我失望，而且份糧比心目中還要大呢！首先，＜特盛炙燒豚肉拉麵＞的炙燒豚肉真的十分之美味，它是特厚的燒豚肉，但不會令人吃到膩的，而且越吃會越想吃！一啖豚肉，一啖拉麵，令人十分滿足。而＜極上原隻龍蝦味玉拉麵＞，真的嚇了我一跳，真的是原隻龍蝦放在我的拉麵當中。而那濃濃的蝦湯，加上彈牙的龍蝦，真的超滿足。而現在每逢點＜極上原隻龍蝦味玉拉麵＞一客，會送雪糕一杯。

好耐好耐無食過呢間晚晚麵排長龍既拉麵店啦，今晚突然好想食，於是同友人一齊排隊！人龍看似好長，但其實排左10分鐘已經可以入座了！座低後侍應禮貌地遞上餐牌，而我係門口排隊果陣見到佢呢期既限定拉麵好似好特別，於是就叫了！仲加左餃子、枝豆、味玉同埋味筍！而友人今晚一定係好肚餓，竟然叫左個特盛拉麵黎食點餐後好快就上菜啦！羽根燒餃子，熱辣辣，仲有脆卜卜既薄片，餃子內裡非常juicy！辛辣檸檬豚肉拉麵，是限定版拉麵，這個麵有一塊半肥半瘦既豚肉、西蘭花、木耳絲同櫻花蝦，還有三片檸檬！食落好特別，湯底酸酸辣辣，就好似食緊日版既酸辣湯麵，好開胃！豚肉因為半肥半瘦，所以唔會太乾，配埋呢個湯一齊食，不會太油膩，而西蘭花索哂湯既味道，特別惹味，木耳絲連埋拉麵一齊食很爽口，口感很豐富！加錢點了味筍同味玉，味筍份量很多，配埋落個麵到食非常惹味！而味玉係流心蛋，一個字，正！唔會好似其他拉麵店做唔到流心的效果！特盛炙燒豚肉拉麵，嘩！有4大塊好厚身既豚肉，脂肪較多，但食落去口感很鬆軟，出奇地好食，而湯底味道較濃，所以友人好快就飽啦！但味道係唔錯既！枝豆，鹽的份量適中，唔會太咸或者冇味！總括黎講，明白點解會係晚晚排長龍既拉

尖沙咀間霸嗎拉麵基本上由朝到晚都要排隊等候，今日下午終於忍不住排隊都要試試！等了二十分鐘左右，就入到去了。樓底超高，而且坐位都幾寬敞，即刻飲杯冰凍檸檬水解渴。我繼續點了最出名的豬骨湯底，由於上次覺得炙燒肥叉燒超好吃，啖啖肉，脂肪的焦香非常惹味，所以點了特盛炙燒豚肉拉麵，加埋味玉！湯底幾濃，厚重脂香，油而不膩，配合軟身幼麵條好夾。不過非肉食大王就不要點，吃完兩塊厚叉燒，已經飽了一大半。男朋友今次另一出名的醬燜雞叉燒味玉拉麵，雞湯味非常濃厚，認真難得，他整碗湯都喝光，不過我就覺得雞肉不夠炙燒叉燒惹味，始終偏瘦，但和雞湯吃都不錯。小吃的沙拉野菜炸餃子🥟饀是肉汁多，味道亦幾濃，不過始終煎餃子香口和皮薄口感正啲，可惜我睇錯了以為這個是煎餃子。霸嗎拉麵真是好正，要食勻每間分店！

落雨都無減我地去食霸嗎拉麵嘅興致，除左我地，仲有好多人同我地一齊排排企等位。我地今晚9點幾先食野，雖然過左晚餐時間，但人潮好似都無遞減，不過好快就可以入座！（可能真係太好食太受歡迎）辛辣拉麵湯底好過癮，好惹味，雞湯湯底相對較清淡，兩者加埋又係另一番風味。拉麵好入味，麵身硬度適中，好喜歡這拉麵。炙燒豚肉極級肥美，盡顯霸氣！4大塊豚肉，鋪滿成碗拉麵，肥肉同瘦肉的比例剛好，肥瘦參半，肥而不膩，口感一流！

呢間拉麵鋪晚飯時間永遠排滿人，所以下午茶時間經過開尖沙咀，見佢仲有啲單人位，決定一個人去試下。店面企理，好有日本拉麵店既feel，好似去左日本咁~就算單人位都唔覺迫今日太趕忙，連早餐都無食到，所以決定叫多啲。先黎一碗特盛炙燒豚肉拉麵。佢點餐紙有得選擇麵既硬度，少油，走葱之類，夠貼心。個人揀左適中硬度，少油。一上枱個刻，呆左。因為佢既豚肉真係好好好大塊，特盛係有四大塊，而且每塊都好厚身。肉味濃，同個湯好夾味。大大塊，啱晒我呢種食肉獸拉麵既硬度啱啱好。以日本拉麵黎計，$118有咁大碗真係好抵。因為唔知拉麵有咁大碗，一早叫埋雞叉燒試下。佢既雞叉燒係配白湯拉麵，先蒸後煎，雞肉嫩滑。雞皮好薄，唔會太肥。$48又係四大塊，飽到我上心口最後我仲叫左個紅豆綠茶雪糕，綠茶味濃，值得推介。真心覺得呢間拉麵唔錯，無論價錢，份量，質素都做得好好，難怪平日下午茶時間都會咁多人。而且店員好友善喎

好想食拉麵，所以約咗幾個朋友一齊食。大概19:00 多D到。排隊人數唔算多，大約6-8個人左右。我哋等咗15分鐘就有位。我哋總共4個人，比咗張4人檯。裡面唔算大，但喺我哋坐得幾鬆動。4個人總共食咗$450多D，唔算貴。如果喜歡食農味湯底嘅拉麵朋友就要試試啦！記得要叫玉個款，隻蛋好正，流心得剛好，正呀！

同朋友夜晚9點幾去到餐廳門口排隊, 條隊都去到街尾,大約等左半個鐘到就入得, 比我想像中快餐廳面積都算大同埋空曠, 座位擺放亦唔算太迫,所以坐落都算舒服, 櫈底都有足夠既位可以放到男仔既背包自助式斟水及餐具, 基本拉面店配置基本上除左底層既焦焦位之外, 同普通餃子冇分別, 有少少雪藏既感覺, 不過覺得佢個焦焦位幾得意, 一試無妨兩個男人各自叫左一個特盛炙燒豚肉拉麵, 湯底偏咸偏重口味(我鐘意), 但面質適中. 叉燒共四片, 其中兩片油脂平均亦香口, 另外兩片奇怪地特別"鞋". 所以只係比四星, 有一星扣左係"鞋"果兩塊上面.總括黎講呢間拉面店唔錯, 空間大, 服務OK, 食物幾岩口味, 只係差在其中兩塊叉燒出奇地"鞋", 鐘意食拉面既朋友可以一試

友人知道尖沙咀新開了間霸嗎拉麵。今日相約一起去試試。 放工時間,已經有人在門口排隊. 在門口已經見到了個Banner ,見到拉麵的買相相當吸引,價錢也很合理.等了約10分鐘,就安排了進內,裏面佈置頗像日本的拉麵店。每張枱上都把放了調味品及醬油碟.但坐位比較密,有些少擠迫。餐牌圖文並茂,令到食慾大增。這裏有豚肉及雞肉拉麵,還有石燒飯,炸雞和其他小食。而點餐紙,有中,英版,湯麵有分軟,適中及硬三種,更可選少油,少葱及走葱.我和友人當然叫了拉麵~~特盛炙燒豚肉拉麵,雞叉燒味玉白湯拉麵,還叫了兩款小食~~羽根燒餃子和沙拉唐揚炸雞特盛炙燒豚肉拉麵,麵的硬度選了適中,和多葱.燒肉有3大件,還有很多的荀,炙燒肉果然有炙燒的感覺,咬下去有很香的燒肉味,有些少肥,但可能因燒過,脂肪已分解晒,並唔覺口裏有肥油,麵的硬度剛好,份量也很夠.湯底比較濃,麵夾雜了湯一起吃,很好味.雞叉燒味玉白湯拉麵,雞件做到好似叉燒一樣.雖然只得兩件雞叉燒,但多了木耳及玉白,份量都很足夠.這個湯底比較清,配合返雞肉.  玉白半生熟,蛋黃顏色很橙紅,很香蛋味.  雞叉燒,有些少燶,肉質有點林,但有一定的厚度,所以都很有趙口.同友人

星期六跟男友走到尖沙咀行街，行到The One附近就見到之前係銅鑼灣食過的拉面店係尖沙咀開左分店！因為上次食過銅鑼灣果間味道好錯，於是晚飯就決定在這裡解決！因為午餐沒吃太飽，所以早一點去食晚餐，不用等位可以即入！店內好有日本風格，樓底好高，空間感十足！我們就坐在吧枱的位置，座位之間都有足夠的空間，不會太擠迫！先看餐牌，跟銅鑼灣的分店無異！照燒餃子（HK$38/5件）上次食原味，今次就試下其他口味～選了照燒口味！一底餃子有5件，上碟時都是一底的上，上面淋有少量照燒汁及少量芝麻作調味！餃子皮薄多汁，菜肉份量均等，不會太過油膩，照燒汁好惹味，咸到適中，不錯！特盛炙燒豚肉拉麵（HK$118）這碗特盛拉麵有4大片微濃的豚肉，視覺上好吸晴，上面有少量辣醬，還有味荀及蔥！拉麵的硬度、油量及是否要蔥都可以自行點單選擇～今次選了少油及硬麵～湯底好濃厚，因為少了油所以油膩感相對減低，唔會食到成口都係油！豚肉肉質鮮嫩易咬，表面輕微煎香，味道很惹味，有入口即溶的感覺！而拉麵份量足夠，而拉麵選了硬身，比較有口感！雞叉燒味玉雞白湯拉面（HK$88）這碗拉麵湯底比豚肉的清淡，這碗走了蔥，顏色沒之前的吸晴！除了有兩片

係尖沙咀行完街，經過The ONE對面發現勁長人龍，原來有新拉麵店開張，好拉麵的我當然要去捧場一下啦！晚飯時間有十多人排隊，不算太多人吧，但小弟獨男一個，五分鐘即可馬上入座！不得不讚拉麵店的裝修很有日本風味，高高掛起的燈籠亦充滿著一份說不出的霸氣！最強、濃厚，很適合我的重口味人士呢！孤身寡人唯有坐吧枱，可欣賞師傅準備拉麵，亦不用受到別人的騷擾⋯⋯先點個飲品，日本直送的綠茶可樂！可能期望過大吧，有點失望，綠茶味道欠奉，只是普通的有氣汽水，不過都算好飲啦！羽根煎餃子，連鑊底一起上碟，放上枱時完全看不出是餃子，感覺特別！餃子煎得香口乾身，但咬下去就是皮薄多汁，滋味非常，連鑊底一起吃更加香脆好味，正！主角－特盛炙燒豚肉拉麵，豚肉的香味非常濃郁！豚肉片燒得很靚，豚肉跟肥膏脂肪的比例均勻，吃下去既不會覺得肥膩，亦能夠感受這塊優質豚肉的口感！拉麵選了較硬，配上其濃厚沾身的豬骨湯底，吃下去就好像有掛湯、沾麵的效果！感覺超正！唯一美中不足的地方就是湯底不夠熱，略為減分了⋯⋯

平時同朋友食晚飯好小機會可以食拉面, 因為坐得唔耐同食物種類較小. 今日咁岩lunch time諗唔到食咩, Vi就提議黎食拉面!呢間拉面店o係theone對面, 地點都幾方便, 成日見有人排隊, 所以好想試下, 呢度既拉面款式算多, 除左一般既豚肉湯底之外, 仲有雞湯底, 好多見, 小食方面就有餃子同炸雞~Vi同朋友要左一碗特盛炙燒豚肉拉麵同雞叉燒味玉雞白湯拉麵, 每樣都試下, 而小食就點左醬燒餃子~先黎雞叉燒味玉雞白湯拉麵, 硬度要左硬同揀左少油, 湯底偏白色, 味道係香濃既雞湯味, 唔會太咸, 係平時食拉面少食到既味道, 幾特別, 而拉面夠硬身, 質感唔錯, 半熟蛋煮得岩岩好, 最特別係個叉燒用左雞肉做, 好林好滑, 朋友話好似入口即溶咁wo, Vi就覺得無咁誇張不過係好味道既~之後黎係特盛炙燒豚肉拉麵真係嚇左一跳, 係勁大碗!!豚肉有4大塊, 真係好誇張, 而豚肉湯底係超濃郁, 濃到有小小杰身, 味道偏咸但好香豚肉味, 油份就多左d,所以建議大家叫少油, 炙燒豚肉肥瘦適中, 燒得幾香幾林, 有d似食緊燒肉, 中意濃味既朋友應該中意豚肉拉麵多過雞白湯拉麵, 不過豚肉真係太多塊,