Brick by Brick

Open Now

Now Closed

最近發掘到中環SOHO區一間主打馬來西亞菜既餐廳，無論係選材、調味、烹調上，都非常有心製作美食的一間餐廳🥹🍜新鮮海龍躉片咖哩喇沙湯麵 ($182)作為餐廳主角之一既喇沙湯麵，係每枱食客必點之物🍜香濃湯底每日新鮮製作，可按喜好選擇唔同既配料，肉類，海鮮，素菜俱全。我地就揀左每日限定🐟海龍躉片，魚片很有質感，魚皮有豐富膠質非常彈牙。湯底有濃郁椰香而不乏微微辣味，令人回味😋🦪玫瑰酒煮卜卜大蜆配蒜蓉包 ($218)粒粒漲卜卜既新鮮大蜆並非雪藏之物，鮮味十足。經烤過的金黃蒜蓉包香味四散，脆口感很讚👍🏻🥧椰絲咖椰薄餅 ($72)很喜歡Kaya的我們無猶疑地選了這個充滿東南亞風情的甜品，🥥椰絲與咖椰醬係perfect match, 甜絲絲得來不會有死甜感，每款配料都有獨特的甜香味，薄餅有軟糯感，值得一試🥹另外仲有出名既肉骨茶😋用藥材精心熬製而成，留待下次再試

放工過海去中環，嚟得蘇豪區又唔一定係去狂歡嘅其實上面都有好多低調高質餐廳，好似呢間馬拉料理，要捐窿捐罅先去到呢間嘅招牌係喇沙，而且有好多味道選擇，當中嘅大蜆海蝦味係每日限定，用料又大又豐富，一碗喇沙有勁多隻大蜆，食極都仲有咁海蝦好大料，撩吓堆積如山嘅芽菜，就會見到湯底香濃，摻摻入晒味玫瑰酒煮大蜆估唔到咁有驚喜，呢間調較醬汁嘅功力真係超班，香到可以就咁飲，隻隻大蜆多肉又鮮嫩，一咬會喺口內咇汁。蒜蓉包勁香口，咬落脆卜卜，怕嘈嘅人就要諗諗喇仲以為黑啤雞翼會係炸雞翼，但知係燴雞翼，冇諗過會有咁濃烈嘅酒香，名符其實，肉質仲好嫩滑，酒味完全入晒去最後以甜品作結，同樣係勁脆口，面頭灑滿晒椰絲同nuts碎，口感更上一層樓，搽埋獨特嘅咖央醬，更有甜絲絲嘅感覺

中環雖然地價高，舖位租金唔會平，但因為有橫街窄巷，不乏小店，當然你要懂得找，例如位於小巷內的 Brick by Brick 馬來西亞菜餐廳，在上中環行人電梯近士丹頓街前右方一巷仔內，入口隱蔽，街頭無招牌！ 去到完全是街坊小店風格，簡單的佈置，溫馨舒適的環境，播放著柔和音樂，周末中午全程只有一位女士在前台打點，也許廚房亦只有一位廚師，不過上菜有序，不需等太久，可能與食物項目不多有關。 簡而精的餐牌，喇沙及海鮮配料為主，菜式近百元起至二百幾，正常中環蘇豪區價錢。烹飪手法綜合亞洲各國之長，調至港人口味，我們覺得不失馬來傳統風格，恰到好處。我們二人胃納不少，落單四項目。 泰式斑蘭香茅薑茶（熱） $68薑茶一大杯，特色在斑蘭之香，悠久芬芳，雖然香茅被蓋過了，依然不俗 秘製馬來西亞咖喱喇沙湯麵－雜錦海鮮 $132咖喱喇沙湯麵可選擇不同餡料，豐儉由人，我點了中間價的海鮮，青口、蝦、魷魚、溫泉蛋、豆卜等頗豐富。叻沙摻摻，油麵及米粉混合；湯頭對辦。  玫瑰酒煮卜卜大蜆配蒜蓉包 $218味道偏甜，一種濃甜特別的味道，原來是 Rose 酒的功勞，加上用新鮮大蜆做汁，湯頭鮮甜醇厚，蘸吃蒜蓉包非常合拍。  椰絲

📍中環 Brick By Brick老老實實喇，今次我係唔會講呢度地理位置特別優越嘅 (因為都需要少少方向感先搵到）🤏🏻 但係勝在安安靜靜 - 呢條俊榮里真係有啲似哈利波特入面嘅斜角巷咁隱秘🔏 好似仲有間隱蔽bar，下次可以研究吓🧐OK正當你以為我準備重鎚介紹海鮮喇沙嘅時候，我當然要反其道而行之啦💁🏻‍♀️唔係因為佢啲喇沙唔好食，而係因為我都肯定有好多人介紹過🤓 既然係咁，就等我講吓啲新發現啦🥳💬 甜品です❗️個椰絲咖吔薄餅真係好癲🤯(一個癲嘅甜品係咩玩法😳)印度paratha煎得香脆乾身，表面灑上清香椰絲同糖粉，最後點埋咖吔醬 - 真係唔夠佢玩呀😅 不過成份甜品食都會好飽，記得留肚😝 我會話如果你食呢間餐廳無叫過呢道甜品，真係可以話同無嚟過無分別呀🙈#一磚一瓦馬拉菜 #brickbybrick #central#中環 #中環美食 #香港中環餐廳#新餐廳 #新店介紹 #sohohk #多國菜 #香港美食 #雜錦海鮮喇沙 #玫瑰酒煮卜卜大蜆配蒜蓉包 #香滑生炒芝麻糊 #椰絲咖吔薄餅 #ohhejfoodie

位於中環嘅一間越式餐廳A La Carte
位置有少少神秘，因為個入口唔完全係喺大街兜咗個圈先搵到個入口，店𥚃面嘅環境座位都唔錯
除咗有高枱高櫈，都有梳化椅，應該都坐到6-7枱左右～
因為平時返工都係做Social Media 同寫稿，電腦幾乎「機不離手」
呢度嘅店員一上菜竟然好親切咁話做咗咁耐嘢快啲襯熱食啦～
有種意外嘅親切感～
 秘製馬來西亞咖喱喇沙湯麵 配 脆炸梅子一口雞 ＄118喇沙賣相唔錯，湯底又香又濃郁
唔會太咸之餘，摻摻（油麵同米粉都好掛湯）一口炸雞炸到金黃色，皮脆肉質熱辣辣又嫩
應該係潵咗梅子粉食落酸酸甜甜幾開胃玫瑰酒煮卜卜大蜆配蒜蓉包  ＄218卜卜大蜆非常大隻，煮得啱啱算係幾Juicy且嫩滑咀嚼時品嚐得酒精淡淡香味蒜蓉包蒜蓉味非常重，點埋玫瑰酒汁正超索汁，酒味勁濃郁～墨西哥肉米脆片配牛油果醬 莎莎醬及酸忌廉 ＄92份量非常多，幾種醬汁淋上後睇落似甜品佐酒一流，份量相當多，兩個人爭啲食唔晒日本三得利黑啤雞翼＄92賣相同味道個感覺有啲似可樂雞翼黑啤味酸中帶甜 好得意
雞肉整得好入味

店鋪都幾難搵, 建議由俊榮里入就最方便💁🏻‍♀️小店由兩夫妻經營👫🏻親力親為一腳踢, 老闆娘喺點菜同上菜都會好認真咁介紹野食, 睇得出佢哋非常用心經營, 好有hear秘製馬來西亞咖喱喇沙湯麵配料有7款咁多 (雜錦素菜/鱻魚三寶/雞絲扎肉/脆炸梅子一口雞/惹味肥牛堆/雜錦海鮮/珍寶大蜆拼海蝦) 愛食魚嘅我, 揀咗鱻魚三寶, 分別有魚蛋, 魚片, 魚腐🐟麵底係摻摻 油麵搭米粉, 加埋芽菜一齊食, 口感豐富, 仲有豆卜, 溏心蛋 配料份量都幾多 喇沙湯底有別於一般做法，用多種蔬菜熬湯, 零糖零味精, 椰奶味唔重，湯底清新輕盈同埋唔會好辣, 食唔到辣嘅朋友都可以食到作為蒜蓉包嘅粉絲, 基本上每次食飯都會點呢味😆玫瑰酒煮卜卜大蜆配蒜蓉包用玫瑰酒慢煮 蜆肉鮮甜脤卜卜 帶有淡淡酒香🍺 配埋蒜蓉包食 match😋小食方面, 點咗脆炸梅子一口雞每件都炸得好香脆, 外皮酥脆內裡肉質嫩滑，炸得岩岩好, 好juicy灑上梅子粉, 酸酸地幾開胃😁

喺Soho飲嘢前，想搵個地方打打底，難得喺中上環地區搵到間馬來西亞餐廳，就黎一試。餐廳入口有啲小隱蔽，係行上去Pure Fitness，轉個彎就係。🍲火熱砂煲香濃肉骨茶 (配白飯、油炸鬼加手工蒜香米餅) - 長期馬來西亞式肉骨茶擁躉，所以一坐低就叫呢個。新加坡同馬來西亞嘅肉骨茶嘅分別，主要係新加坡派肉骨茶有較重胡椒味，而馬來西亞福建派肉骨茶就較重藥材味作主料。同店主傾開偈，呢一煲肉骨茶，用咗好多對女性好嘅中藥喺入面，所以女仔絕對值得叫黎食😁個肉骨茶，除咗肉骨茶通常都伴有嘅白飯之外，仲配埋油炸鬼同一個手工蒜香米餅同自家製蒜泥醬黎食，好食又特別！🌹玫瑰酒煮卜卜大蜆配蒜蓉包 - 蜆大大隻玫瑰酒又帶出個蜆嘅鮮味，而且份量都唔少，強烈推介要叫嘅一個菜！飲品就叫咗House Prosecco $62 同Pineapple Carrageen & Sea Salt Soda $72 兩杯都係為之後嘅飲嘢揭開序幕😌餐廳食物好食，而且餐廳內擺住唔同風格嘅藝術品，有相、有畫、有video。明明係馬來西亞菜餐廳，但就有幾幀日本匠人照片，好奇一問下，原來係店主同攝影師合作，俾攝影師放佢嘅作品喺度展覽。傾談間，

大家對蘇豪區嘅認識應該都剩係得酒吧夜店 竟然估唔到入面有間酒吧餐廳主打馬來西亞仲要款款有特色❣️玫瑰酒煮卜卜大蜆配蒜蓉包 $188店員極力推薦話好多生客熟客都專程過嚟食呢個 用Rosé煮成嘅醬汁 濃稠得嚟又唔會話重口味 加上辣椒🌶片提升海鮮香味 鮮甜蜆肉放喺香脆蒜蓉包上面一齊 再淋上醬汁 香香辣辣超級惹味❣️秘製馬來西亞咖喱喇沙湯麵 配 惹味肥牛堆 $108老闆秘製喇沙湯底 以辣為主淡淡咖喱味 肥牛堆好似座⛰咁高 兩片超吸湯豆卜同埋糖心蛋 撈落湯底令湯底更濃郁 麵底係正宗摻摻做法 混合油麵米粉 油麵掛湯米粉吸湯加上吸滿又辣又濃湯底嘅肥牛 滿足感to the max ❣️招牌喇沙烤雞 $228烤雞但唔係乾嘅特色做法 真係呢到先食到將雞肉先烤熟再淋上秘製喇沙醬 平時烤雞係甜甜地 但呢個有椰香咖喱少少辣 仲有薯仔 車厘茄 翠玉瓜 洋蔥 伴碟 吱啲青檸汁酸酸地更有層次

放工喺中環見完客，約了附近返工嘅朋友順道晚飯，介紹來到中環士丹頓街的 Brick by Brick 食馬拉菜。轉了一個圈原來在俊榮里嗰邊入先見到門口。好神秘，好容易會Miss咗個入口。😃😅好期待品嚐這款「秘製馬來西亞咖喱喇沙湯麵」。Topping 選了鑫魚三寶😍賣相唔錯，香噴噴嘅湯底。店員特別介紹湯底有別於坊間喇沙較重口味，這湯底用上多種香料，蔬菜肉類熬煮而成，無添加味精。入口果然清甜不膩，冇一般喇沙咁濃味稠身，吃畢也不覺口渴！豆腐卜吸滿湯汁，魚丸超彈牙，魚蛋角有魚味😋 牙菜爽脆多汁!火熱馬拉砂煲肉骨茶$148同時點了另一款馬拉名菜~🌟以砂煲上別有風味。有淡淡的藥材香，唔會好重蒜味，店家精心熬煮，同樣冇落任何添加劑味精等，養生滋補，飲完真係好似精神咗😋附設蒜泥，想再濃味一點可以加入肉骨茶裏面。湯料選取豬軟骨而非一字骨，更加啖啖肉更滋味！👍🏻😋還有脆卜卜油炸鬼和炸米餅，放入肉骨茶同吃可口美味😋👍🏻玫瑰酒煮卜卜大蜆配蒜蓉包$188 每日新鮮入貨，揀選最大隻嘅海蜆，肥美嫩口，鮮味十足。玫瑰酒煮出嚟嘅醬汁配合大蜆的鮮甜精華，味道有層次，再配合焗得香脆有蒜香所蒜蓉包同吃，味道超讚！👍🏻👍🏻❣️店家

我哋今次嚟試大家都盛讚嘅高質Fusion菜，果然真係好好味呀🤤 成餐飯我哋嘅對話係「嗯，好好食呀🤤」「真係好好食」🤣🤣🤣直程想開返個吃播俾大家睇我哋清枱🤣我哋今次試咗～🌹玫瑰酒煮卜卜大蜆配蒜蓉包🥖勁。好。食！少見卜卜蜆有咁大隻，唔止嫰，仲鮮甜多汁，炒到香甜嘅洋蔥，蒜香牛油，配埋玫瑰酒，清甜得嚟creamy嘅味道，令我哋搶住食，就算加咗辣椒都唔會覺辣👍🏻 ✨ 特別係個汁，我哋覺得基本上夾咩都襯😂 本先老闆娘係介紹我哋沾嚟食，到之後我哋浸嚟食，到最後用嚟撈飯，完美清碟😂😂😂 我哋將肉骨茶嘅米餅同油條都拎咗去浸🤣好誇張，不過好好食🤣同埋蒜蓉牛油包，又香又脆，蒜香牛油勁足料，就算成塊拎去浸，吸滿汁都仲有啲脆口✨🥘 秘製馬來西亞咖喱喇沙湯麵 x 珍寶大蜆併海蝦🦐湯底係正宗馬來西亞喇沙風味，全部用天然材料炮製而成，絕無味精，連馬來西亞嘅朋友都會嚟訂✨ 而正宗嘅馬來西亞喇沙係唔會死辣，只有輕輕㷫口，連老人家同小朋友都岩食👍🏻 而且蔬菜甜味，配埋淡淡嘅椰香，大家都唔爭味，好平均好夾👍🏻老闆娘話所有海鮮都係當日買新鮮海鮮✨特別係海蝦🦐，大隻，鮮甜，彈牙❤️蜆同卜卜蜆嘅係一樣🤤有6大隻咁多✨啲豆卜吸滿湯嘅味

Brick By Brick係一間主打東南亞fusion菜嘅酒吧 ，位於中環SOHO區，實際位置都有少許偏僻～ 最印象深刻嘅係侍應非常之熱情，好主動咁介紹佢哋嘅食物，佢話喇沙同肉骨茶都無落味精，可以飲晒啲湯～ 佢發現我同朋友畀蚊咬，仲專登借咗枝蚊怕水畀我哋噴，非常貼心🥰•🥢 秘製馬來西亞咖喱喇沙湯麵 $128佢哋嘅喇沙湯麵可以配唔同嘅餸，有7款可以揀～ 我同朋友就揀咗配珍寶大蜆拼海蝦🦐🐚 呢款亦都係侍應最推薦嘅一款～喇沙湯真係比平時食嘅鮮甜啲，而且帶微辣，真係幾惹味🤤 好鍾意食喇沙嘅我真係忍唔住係咁飲佢個湯，無落味精所以飲咗好多都唔會好口乾🫢 海蝦幾彈牙，大蜆好新鮮又無沙，不過可能我期望過高，覺得佢啲「珍寶大蜆」有啲細粒🤣 麵底係米粉+油麵，但佢哋落湯前無撈勻2款麵，所以有少少做唔到一啖食到2種口感😬•🥢 火熱馬拉砂煲肉骨茶 $148 砂煲肉骨茶一上枱嗰陣係滾住咁上，非常「火熱」🔥 配咗油炸鬼、手工蒜香米餅同埋白飯🍚肉骨茶湯睇落好清澈，侍應話係因為佢哋喺煮完之後會「撇」晒啲油先～ 飲落都幾有藥材味，但唔算係食過最重藥材味嘅肉骨茶～平時食嘅肉骨茶都係配一字骨/排骨，呢到嘅係配豬軟骨，都煮

忙咗咁多日終於到weekend喇，朋友喺中環番工，建議不如近近哋到中環chill chill，放咗工終於可以放鬆吓🤤佢話士丹頓街戈頭開咗間fusion菜，fusion菜又系吾知幾耐冇食。本身去到餐廳環境點都會expect係就咁食西餐，點會諗到係同馬來西亞菜crossover🤓菜式選擇吾少，比較出名嘅應該係喇沙，另外仲有海鮮、肉類、小食等等，西餐同馬來西亞菜fusion好有特色。第一道菜式就梗係試招牌喇沙湯麵，揀咗脆炸梅子一口雞，真係炸得好食，唔會好油膩，肉質嫩滑，新鮮熱辣辣😋係冇諗到炸雞會配喇沙湯麵😂喇沙椰香味濃郁🥥唔會太辣，適合我哋唔食得辣。仲有諗吾到系摻摻，即係油麵加米粉，同時試到兩種粉類。炸豬扒就食得多，米蘭炸豬扒真系第一次食😳豬扒偏向薄身，仍不失口感，加埋系新鮮豬肉，香脆可口。椰菜沙律清甜解膩，配以豬扒確實不錯。素來中意食海鮮，揀咗玫瑰酒煮卜卜大蜆🌹蜆肉好新鮮，職員話一定要試吓個汁，因為索曬蜆肉精華，再加埋玫瑰酒好清甜👍🏼👍🏼每一口都食到淡淡酒香。P.s. 服務員態度十分友善💁🏻會簡單介紹菜式 亦樂於同客人交談☺️