神虎麺商店

Open Now

Now Closed

灣仔必食拉麵🍜要咗餃子🥟，餃子係點醋，今次有埋黑椒、胡椒，所以令到餃子更加野味拉麵- 本身麵質中等，有咬口，不是平時軟林林的拉麵，讚👍🏻黑毛豬-其實食唔出係黑毛豬，都係普通豬肉味，比較喜歡麵質同湯底湯底- 要咗神虎湯底，濃厚豬骨湯味，好重骨膠原，最緊要係拉麵本身有掛湯，成件事好夾！總結：兩個人要$200多，兩個拉麵一個餃子，性價比算正常，不過食物質素係讚，絕對可以回頭！

話說有兩個朋友都好鍾意食拉麵，佢哋推薦我食呢一間拉麵話好好食，咁我就懷着好奇嘅心比佢哋帶嚟呢度試吓啦咁我梗係試佢最原本嗰個啦，要咗個神虎拉麵，原諒我唔係一個鍾意食正宗拉麵嘅人，我走咗香蔥同埋紫洋蔥，搞到碗麵望落去好似好齋咁但係其實真係好好食，尤其是嗰個豚肉丸真係有驚喜，好少見到有肉丸食嘅拉麵，湯底味濃不過呢一間呢座位多數都係單人或者雙人位，我哋三個人就淨係可以坐門口嗰張，偏偏門口嗰個位啲風吹埋嚟好凍，不過店員姐姐好貼心咁樣為我奉上「我專用」嘅熱茶，我啲朋友就飲冰水，服務態度值得一讚。

午餐時間經過見到十個人門口排隊，我又排埋一份. 係等待時間上OpenRice 睇先知原來咁出名雖然等左半個鐘，變相食得有啲趕. 但我都覺得值得. 因為想食豬骨湯味，所以點原味，（我走左蔥，不過頌有紫洋蔥絲）而且有溏心蛋，係拉麵一定要配！對我黎講好似畫龍點睛咁. 湯底我覺得真係值得讚下，因為佢係真係濃味夠味，但食完我無特別口渇，唔會不停飲水. 另外就係口感，佢入口嘅口感都係好濃好厚身，但唔會飲完個口好似有野漿住左咁. 我好鐘意拉麵拉麵嘅粗幼岩我喜好. 唔係幼身個種亦唔係粗扁個種. 咬起上黎有少少彈牙 不會太淋/太硬溏心蛋生熟程度係控制得不錯，蛋黃未到全生，我唔鐘意太生嘅原因係因為太生就食唔到個蛋黃，會流晒出黎豚肉丸+片佢個肉丸係令我驚喜嘅點. 因為開頭覺得睇落有啲乾咁，但食落係唔乾，入面有少少爽口嘅口感肉片大薄片，唔會太多油脂，又唔會變左豬肉乾咁都ok佢餐牌有另一款係大份量，多一款肉. 如果胃口好嘅可以試下. 黎款我食完有少少飽左啲. 超滿足！ 成為我拉麵店名單第一位🍜👍🏻同埋佢好多小食 有啲係星期五，六，日限定. 想試嘅就留意日子頌有想讚下佢環境. 首先温度好適中，食拉麵過程無熱到流晒

疫情關係成年都冇得去日本，但又心思思想食日本野......見到網上話依間係日本過江龍，所以決定來試一試！依次係平日夜晚食，唔洗排隊就有位～拉麵一到，最吸引嘅就係依個拉麵配搭豬肉丸，好多其他拉麵店都係得叉燒，依款又有叉燒又有豬肉丸，滿足兩個願望！個豬骨湯底非常濃郁，配上青蔥同紫洋蔥會降低油膩感，慢慢都飲得晒成個湯。不得不提嘅就係炸雞，熱辣辣又夠多汁，掛住趁熱食都唔記得咗影相，同friend一齊嚟絕對值得一試。整體來說，神虎麵商店都適合喜歡較濃湯底的拉麵fans

咁岩去到灣仔做野，朋友介紹食呢一間神虎拉麵。一去到雖然店細細，但坐得舒服。第一次食，當然點選佢地推介拉麵神虎拉麵 ( 配蛋)豬骨湯底+肉丸+肉片+雲耳整體味道適中，份量足。只是感覺偏油~黑虎拉麵味道濃，份量足，其實啲餸同神虎拉麵一樣只是湯底不一樣。如果下次會食黑虎，喜好濃味!炸雞塊呢一個真是要讚! 很好食!炸完件雞好多汁!有啲食店炸完啲肉類好乾身，呢個就唔同!真是好好食!外脆內軟~味道夠!!推介之一

與朋友逛完利東街，欣賞那特色的街頭佈置後，就行過隔一條的大王東街食拉麵。我們去的是日本大阪知名的豚骨湯拉麵店，名字叫神虎麵商店，在大阪有五間分店，近年到香港及國內的湖南長沙各設一店，而且派日本師傅駐場。店內標明全場的豬肉產品包括义燒及餃子餡都是選用西班牙豬烹調出豚腩肉及豚肩肉，基本的神虎湯底就融合博多豬骨湯及關西上湯，用豚骨、野菜及魚介熬上超過十小時而成，所以湯底濃郁得來帶清甜。其他麵款就另外加配不同材料，如黑虎就加了黑蒜油，赤虎就加了辣椒粉，而香港限定的海老虎就加了櫻花蝦乾及蝦油。各麵款如果加$32就可以轉為精選，配料的薄切义燒就會升級成極义燒(豚腩肉)，另外會有味付溏心蛋、味付筍及紫菜。朋友要了招牌的神虎拉麵($98)及神虎餃子($42)，我就要了精選海老虎拉麵($98+$32)。平常食的餃子總會覺得餡肉較實及嚡口，但這個神虎餃子的肉竟然腍滑鮮甜，據店長介紹，餡肉除了用西班牙豬肉外，還有蓮藕、椰菜及蔥。餃子煎得外面金黃香脆，裡面則腍滑鮮甜帶些肉汁，好食。朋友叫的神虎拉麵給我試一啖湯，非常清甜，平常食的拉麵通常都帶味噌的濃味，很難會有這種豚骨豚肉的清甜味道。湯麵裡的配料有义燒、豬肉丸

一個人在灣仔開完會已近七點，是日屋企無人煮飯就o係附近搵間拉麵店醫肚！朋友圈子有幾位拉麵達人，聽罷我的要求就介紹了來自大阪的「神虎麵商店」！店子主打濃而不鹹嘅豚骨湯底，幾o岩忽然想食清淡d o既姐！揀好拉麵，細心的侍應介紹兩款追加小食，包括有炸雞及餃子，因為見到隔離炸雞份量都幾多（件件都有小朋友拳頭咁大），加上侍應說神虎餃子（＄42）是每日店家新鮮包製，不是一般急凍貨，因為咁我又試下，反正一客也只是5件而已～神虎餃子（＄42），外皮煎得金黃香脆，望著已覺得好對版，一咬開餃子肉汁豐富，豬肉混合白菜絲，不會很膩反而帶幾分清爽，的確是出色。拉麵我選了神虎拉麵 ($98) ，因為比元虎多一隻閃令令嘅溏心蛋，食拉麵我覺得要有溏心蛋才是o岩數的！奶白色的湯底以大量豚骨加蔬菜熬製，再由日本空運到港，豚骨味超濃厚而不油膩，仲有少少清甜感，不能不提湯底的溫度也控制得不錯，吃到尾聲都仲熱的！拉麵除了基本叉燒外，仲有少見的手打丸子、木耳等配料。自己幾喜歡他們的溏心蛋，生熟度控制得不錯，咬開蛋黃呈軟滑流心狀，好靚亦好入味！兩粒丸子看似格格不入，但食落卻口感鬆化，肉味鮮甜食到蓮藕的爽口，幾特別！豬肩肉係用西班牙

去朋友家看世界盃前，當然要去吃飽飽，否則半夜看到中途肚餓時就會很掃興，而昨晚我們就去了灣仔新開業的神虎麺商店。這裡的叉燒都非常吸引我，全都採用西班牙黑毛豬，一定很美味。和一般拉麵店一樣，食客可以先看餐牌，然後在下單紙自行填上自己想吃的東西。這裡有吧枱可坐，不過我喜歡跟朋友面對面吃飯，所以都是坐普通桌子好。拉麵配餃子，絕對是我最愛的組合。神虎餃子酥脆金黃的餃皮，光是視覺已贏了。接著一口咬下餃子，才咬到一半餃子湯汁就噴出來。餃子肉餡飽滿扎實，調味也剛剛好，鹹度適中，就算不沾醬汁也十分夠味，口中殘留滿滿的肉香。嘴饞的我當然想吃遍所有的拉麵配菜，所以包羅萬有的神虎精選拉麵自然是我首選。神虎精選拉麵包括味付筍，肉丸，味付糖心蛋，紫菜，木耳，蔥花，極叉燒及叉燒，用料豐富，拉麵更有140g之多，對於大吃的我來說份量剛好。神虎精選拉麵嚴選西班牙豚腩肉，肥瘦比例五比五，西班牙豬比較豐腴，油脂也比較多，符合肥美叉燒的味道。豚腩肉足足有2至3cm厚，無庸置疑真的很誘人。豚腩肉炙燒一下，入口後肥而不膩，油脂的部分在嘴裡慢慢化開，相當滑嫩。豚肩肉包保不會令人失望，光是尺寸已有我的手掌那麼大，儘管豚肩肉屬瘦肉部份

我喜歡到不同的拉麵店吃拉麵, 因為我自己覺得每一間拉麵店也會做出不同味道和風味的拉麵。即使是同一款拉麵湯底, 不同的拉麵店也會做出不同的味道, 這要視乎他們選用的材料和烹調技巧。 我們點了一碗蝦味湯底拉麵和神虎拉麵。另外, 再點了一碟煎餃子吃。海老虎拉麵是香港限定的, 湯底是櫻花蝦味噌味。拉麵上有味付溏心蛋、木耳、櫻花蝦、豚肉、蔥等等。 湯底比較杰身, 它的鮮蝦味很突出、鮮味濃, 拉麵充分吸收到鮮蝦的味道。我要推介這裏的味付溏心蛋! 味付溏心蛋非常嫩滑, 入面的蛋黃是呈半流心狀態的, 非常好吃!!神虎拉麵的湯底是豚肉湯底, 味道也很香濃, 拉麵亦充分吸收到豚肉的味道, 湯底濃而不膩。煎餃子是他們自己包的, 所以皮薄多餡, 煎餃子的皮帶少少脆口的質感。