拉麵天王

Open Now

Now Closed

查地圖以為黃埔 B 出口過馬路對面好方便，實情我打埋電話問都係要搵咗陣至去到，不過可以試到想食嘅都無乜所謂，況且嚟呢度係因為要等麵包舖關門收麵包，第一次嚟做義工心情特別，雖然三號風球不過風平浪靜。是日星期五，嚟食麵嘅人都唔少，一家三口、單身男女、仲有我和同事等，不同嘅組合都有，好受歡迎。睇識揀介紹一定食嘅限定天王，原來係胡椒拉麵，心諗可能會辣，點知相反碗面勁多芝士，湯夠熱，麵更軟，紫菜味蛋叉燒都無得彈，可惜趕時間無飲埋碗湯，睇吓個碗底有無獎，我配咗支波子汽水，埋單價錢唔貴，完全勁

身處幾隱蔽既窄巷竟然係間黃色拉麵店，點可以唔入去一試雖然今日放假，但好好彩地唔使等位就有得食😍枱面有晒自助凍檸檬水同調味料落單係以自己填紙仔方式既，揀返想食既拉麵、口味、蔥同麵既軟硬度等。有個限定天王係根據唔同月份唔同季節而搜羅最合適既食材，而今期既限定天王 ($95) 胡椒大王好似幾吸引，咁就一於叫呢個，另外叫左個赤天王 ($85)。 由於驚濃口味既赤天王好辣，所以只係叫左普通口味，反而就唔係好辣，真係唔濃郁。揀左硬麵既我覺得好好食叉燒半肥瘦啱啱好仲有半隻溏心蛋好正，不過拉麵加啲椰菜好似怪怪地咁 另外就係胡椒大王！胡椒味唔算濃郁。不過鐘意佢有芝士喺面，比熱湯慢慢溶到可以拉絲，雖然芝士味就唔係好重，但係味道特別，仲加左個味付竹筍 ($7) 夾埋一齊食添。

叫左兩碗限定，男朋友食魚介沾麵，我食胡椒天王，我地加左叉燒，黑木耳，蛋胡椒天王係豚骨湯底加好重的胡椒，仲有d 芝士添，本人都中諗飲胡椒豬肚湯，所以都接受到呢個湯底，因為真係好重胡椒味，啲芝士會俾啲湯整到半溶既狀態，但係其實又唔覺得好食到有芝士味，叉燒都唔錯，有燒過的魚介沾面，個汁唔會太咸，好中意個味道，木魚定鰹魚個d 味我都好中意的，男朋友平時唔太好拉麵都表示意外地覺得好好食限定拉麵會幾個月轉一次，會再黎食呀！

朋友話紅磡有間拉麵小店好食，一於去試下佢除左有白，紅，黑天王之外重有限定天王呢期的限定天王係魚介沾麵同胡椒天王，我今次揀左胡椒天王胡椒天王湯底係濃厚的豬骨湯加上好重的胡椒味，飲完喉嚨會有點熱，但係又唔會覺得好辣，拉麵上面加上的芝士有中和作用，幾特別因為湯好濃，所以飲埋d湯好飽

宜家疫情嚴峻，有得揀我平時都盡量買外賣返公司食。不過呢食拉麵我就覺得要坐響店內食，配合埋個環境同氣氛。呢間拉麵天王店內調味料，水壺，連個菜單選項感覺都似足豚王，不過價錢比較相宜。第一次食試左兩款限定天王 $92 胡椒天王香濃胡椒豬骨湯底加芝士，雖然有點膩但忍唔住不停飲湯。配料有粟米粒，蔥粒，半隻溏心蛋，賣相幾豐富，叉燒唔夠厚身，但半肥瘦都唔錯。力二天王係螃蟹油結合豬骨湯底，都幾香濃，但我比較喜歡胡椒湯底。兩隻松葉蟹鉗，肉少口感一般，實在有點失望。不過配料有椰菜，筍片，洋蔥粒及蔥粒，加埋溏心蛋同叉燒都非常足料。另外塊蟹形紫菜都算係有心思。兩款小食響食完碗麵之後先到，我差點以為漏單預備埋單取消。烤餃子 $30 少少脆皮，餃子餡幾多。炸雞 $38 外形有點似麥樂雞，但咬落都食得出係雞肉。

拉麵天王係幾出名嘅拉麵店，拉麵控梗係要試下。上餐好快，唔使10分鐘。胡椒芝士，聞起嚟好香胡椒味，好吸引，即刻試，意外地好食！原本仲諗過芝士喺湯會唔會有啲怪，點知一啲違和感都冇！大部分芝士係融咗喺叉燒上，正！胡椒湯係用黑胡椒提鍊出嚟嘅胡椒油同天王豬骨湯，好濃但唔算好辣，每啖都好重胡椒味，幾好，不過有啲「杰」，我食到一半就覺得好「濟」食唔落；而白天王係一般嘅豬骨湯底，都係好濃味但唔會「濟」，唔錯。講完湯底，講下兩碗天王嘅拉麵同主菜啦，拉麵偏幼身，口感冇乜特別，（我自己唔太鍾意好幼嘅拉麵）睇個人喜好吧；溏心蛋，一啖食哂，有水準；叉燒三片，薄身半肥瘦，一般（我比較鍾意肥厚型）。比較失望嘅係份芝士年糕，唔夠熱，又冇芝士味。胡椒天王白天王芝士年糕

好多年前試過佢既限定蝦味噌限定天王，已經覺得好好食。之後每次嚟都會食黑天王。最近呢半年出左限定嘅胡椒天王，真心覺得係世界級。豚骨湯濃厚，加埋好重嘅胡椒味，同車打芝士碎，咁港女嘅配搭，竟然係出奇地香。一聞同埋飲第一啖已經覺得不得了，好想飲晒成個湯。湯底好厚好杰，令到成個麵即使係細麵都好掛湯。麵底係直身細麵，個人鐘意食偏硬口感，師傳煮得剛剛好啱我合味。半熟溏心蛋出色，無得輸。叉燒夠肥，未夠入口既溶，但合格有突。配菜用咗椰菜，中和左拉麵既油膩感覺。成間舖格局都係乾淨企理，師傅店員有禮貌，枱面有齊日本拉麵店必備嘅冰檸水，拉麵胡椒同芝麻冇假期去日本都可以黎坐下，當自己去左日本。區內有間咁正嘅拉麵，其實真係唔想話比人知呀！我敢講我食過晒香港嘅米芝蓮推介/ 有名氣嘅拉麵，都冇呢間咁出色。多謝老闆撤出中國市場，專心為香港人煮好呢碗拉麵。

原來哩間野已經開左幾年 今日先有機會試我同男朋友都各自叫左限定拉麵🍜分別係胡椒拉麵同櫻海老拉麵胡椒拉麵topping會伴隨啲芝士芝士同湯混爲一體後更惹味胡椒湯好暖胃 味道比一般拉麵來得特別 櫻海老湯底係豬骨湯餃子略嫌少少硬芝士年糕夠熱 好軟熟

Day off 男友返工前陪我食個lunch至返工，近近地去黃埔食，天氣開始轉涼想食返d熱野，就決定食拉麵，一路都未試過呢間。發現現時好多拉麵店都係以呢個形式做菜單，基本都係3款選擇再加一個限定款。佢今期限定就係胡椒天王。男友一貫都係選擇左赤天王，而我就很貪新鮮地試下個限定天王先。我選擇左*淡*香油、*普通*濃度、走蔥、*硬*麵。一落枱第一時間當然嘗下個湯底先，咁先係食拉麵架嘛😂胡椒味唔算太出，比期望中唔夠辛，不過佢加左d芝士味道幾夾既，令味道無咁寡，但其實整體味道係偏咸既。🤔而麵底方面，做到*硬*麵，但都屬一般。叉燒算係做得比較好，鍾意佢係肥叉，淋身得黎有口感，又油香。男友呢個辛辣味都出到，但都係偏咸。試左木耳絲煮得唔夠淋。相對黎講，小食做出比較出色。呢個豚角煮燒得香噴噴，肉質彈牙肉味濃。另外，餃子皮薄脆口，內餡肉鮮多汁，也是不錯。味蛋都幾欣賞，做到溏心剛剛好，味道正好點點咸香，唔會無味或太over。芝士年糕本人就比較少見燒既，比炸的好食，感覺更軟綿綿，口感good。今日剛好有六折，係抵食既～

繼續拉麵之旅，今晚收工和男朋友來到紅磡，為了試食拉麵天王。位置在google map有點不準確，是對面街的位置再轉入橫巷。店內都有20個座位。今期的限定天王是櫻海老和胡椒。胡椒天王鋪了一層日式芝士，湯底胡椒粉咪勁重，芝士溶了味道就不見了，黏在麵條上和粟米一起吃又不錯，整體味道有點像西式的黑椒芝士。招牌赤天王非常出色，湯底雖辣但不嗆，刺激味蕾，而且仍嚐到豬骨湯味！半熟蛋，甜而香滑。建議選偏遠麵條，非常夾赤湯底。豚角煮厚脂重，微焦更令肥肉香味四溢，必點小吃！另外這裡的芽菜亦好開胃，比赤湯底更辣，但令人愈食愈上癮！下次要回來試白天王和黑天王。

最近搬到出名多食店的紅磡區，就打算吃遍紅磡。那天中午肚子餓又不想煮東西吃，就出門隨便找間店吃。恰好是3pm-4pm，有半價優惠喔！這裡環境不錯，很有日本的味道，那天人也不多。這裡的拉麵有4種口味，還有一個限定口味。當天我吃的胡椒天王味道濃郁，上面的芝士還可以拉絲！👍要注意的是胡椒天王等「限定天王」是沒優惠的，正價92元。一進門接侍的女店員不知怎地黑臉了，緊皺眉頭，說話口氣像我欠了她錢，但對另一男店員聊天是就笑容滿臉。最後吃完其實我想把拉麵湯喝完的，但她立即就過來把碗收走了。可能她心情不好吧？也可能因為我是單獨食客她覺得消費不夠多？雖然麵很好吃，但吃飯心情和環境很重要，我又不是吃茶餐廳.....除非拉麵癮起，以後不會常去。

同老闆外出工作，佢話突然好想食拉麵，即搵，搵到呢間，好似好勁咁，近近哋即刻去食。原來星期一至五下午3至4點全部半價，但我哋2點已經餓到暈，原價都要食啦！胡椒天王 ($92)胡椒味超濃郁，湯底有豬骨及胡椒香味之餘，仲有胡椒嘅微辣，又唔算好油膩，非常好味。本身諗住加芝士好似會有啲奇怪，點知溶咗喺湯嘅芝士原來係咁正！飲飲吓有啲拉絲芝士，口感激好，估唔到係咁好味，好後悔叫咗少芝士！叉燒係名符其實嘅肥瘦適中，癡住肥膏嘅關係所以肉質較滑溜，肥膏輕輕炙過，條邊非常香口；麵條硬度啱啱好，湯底唔係好杰嗰種，所以都唔係掛到好多湯，但整體好味滿意黑天王 ($82) 老闆食呢款，佢話蒜嘅味道啱啱好唔會過火，麵幼身彈牙；蛋嘅熟度恰到好處，充滿蛋香烤餃子 ($30)皮薄又脆，就咁睇都已經好飽滿，入面果然係塞滿材料！芝士年糕 ($12)外煙韌入面軟滑，芝士味勁濃拉麵質素非常好，尤其是限定天王更加好有驚喜，怪不得就算冇半價都好多客人，過咗3點之後更加係坐滿晒人！

曾經有段時間常到拉麵天王吃拉麵，相隔多時實在有點久違。生蒜天王 ($92)期間限定天王拉麵定期轉換，這款則是以加入生蒜及八爪魚片刺身作為賣點，一球生蒜拌入拉麵當中蒜味不會過份濃烈，不過整體香氣則有所昇華。拉麵幼而比較直身，不算太掛湯。胡椒天王 ($92)胡椒天王絕對是不敗之選，大量芝士加上胡椒豬骨湯底，拉出絲絲芝士，雖然芝味不算突出，但口感層次豐富，惟湯底偏鹹。烤餃子 ($30)餃子烤得表皮微脆，肉餡份量並不算多但不會乾韌。豚角煮 ($25)原條豚肉煮得軟腍入味，肥而不膩。對拉麵天王的的熱情大不如前，但水準同樣四平八穩。

之前讀書經常在紅磡周圍走，今天下班跟朋友來回味一下，順道吃晚餐。這家拉麵天王在巷子中，之前沒吃過，所以就進去了。他們供應五款拉麵之多！基本上都要用豚骨湯白天王為主，再加辣成就赤天王，還有黑蒜油製的黑天王。至於限定天王會不定期更換，胡椒天王應該是定番，但雲丹天王就是最新的限定，還要是冷麵呢！吃拉麵都是喜歡熱的，所以點了黑天王和故椒天王，多叫小食和飲品好了~玻璃樽裝汽水不知為何就是較爽。桌上有水和調味料可任意使用。這是普通濃度的黑天王，相信點濃口味的話湯應該變黑色了吧？配料有蛋，椰菜，豚肉和木耳絲。他們的豚肉不會很肥，可以大口大口吃，肉嫩味香。豚骨湯底味道非常濃郁又creamy，嘴唇會黏黏的，也不會太油膩。硬的麵質相當彈牙又掛湯，正故椒天王是加了大量芝士的，看著都覺得豪華。芝士浸在湯中慢慢溶掉好邪惡啊~這邊沒有爽口木耳絲，用了清甜的粟米粒代替。半溶的芝士量好多，無論舀湯還是夾麵吃都會沾到，拉絲效果超級明顯故椒味豚骨湯濃味，配又滑又creamy的芝士味道真的好豐富呢豚角煮一上來已經聞到好香。脂肪部份不算很多，整塊吃都沒罪惡感。烤的那片烤的香軟又入味，小粒的咬下去就是爽口。餃子剛煎起熱騰騰的，

今日收工返教會，又要響紅磡搵食。我揀左食拉麵！拉麵天王，未入去已feel到陣陣和風味！舖仔細細，可坐20幾人， 坐落都幾寬！店裏和風味更濃三大天王，白赤黑，仲有限定天王限定天王，味噌同胡椒天王可揀。我同老婆係揀左限定天王各一。我食味噌天王，齋睇賣相已經要畀個個湯低好濃，但飲起上來唔會膠住個口,佩菜份量多，有兩塊大大塊的日式叉燒勁大粒帶子，如果出面食齋呢粒帶都值返30蚊！ 大滿足胡椒天王，老婆唔算好中意食拉麵，但對呢碗就讚不絕口，個湯唔算辣，但胡椒味好重，最重要係有可以拉絲的芝士。食到老婆話要encore!