十和田總本店

Open Now

Now Closed

「十和田總本店」一直俾我嘅印象，係 peak hour 唔排隊冇可能入座！呢次去到「十和田」，peak hour 竟然有空位隨時入座，令我哋嚇咗一跳！心諗，「十和田」係咪發生咗咩事被食客放棄，差啲選擇唔幫襯。不過，由於實在要遏止日本嘢口癮，還是光顧「十和田」。 今次用餐經驗，一如以往，刺身食材新鮮、份量不吝嗇，叫人吃得滋味；壽司刺身與醋飯比例適中，而醋飯調味易入口；wasabi 和其他拌餐小食，質素並不馬虎。「十和田」仍是尖沙咀的日本料理好去處。「十和田」壽司拼盤性價比似乎高過單點壽司，喺店務員唔太能夠詳細介紹不同壽司拼盤同異情況下，我哋 order 了「超特選壽司拼盤（配湯、蛋）」。一大片鰻魚，吃得好滿足！各樣刺身，新鮮，無異味。由於二人食量唔算大，多次光顧為咗避免叫太多飯類，一直冇試過「十和田」嘅「三色丼」。是晚胃口不錯，終於一試！色彩繽紛，刺身食材，多吸引！刺身食材在飯上，堆成小山丘。翻開盛載海膽的葉片，可見醋飯面有幾片海苔。下次再來！

位於尖沙咀的壽司店十和田總本店，由擁有20多年經驗既日籍壽司師傅主理。餐廳主打刺身、壽司、丼飯同燒物，人氣同性價比好高。餐廳係採用tablet落單，每款食物都附實物圖，非常方便易明。🥢超特選壽司拼盤壽司飯加咗赤醋，特別好味，比一般既白米醋飯有更柔和既酸度、味道更香醇濃郁。配上油脂豐富的魚生，味道更有層次感。魚生非常新鮮特別係牡丹蝦同拖羅。🥢三色丼三色係指松葉蟹肉蟹膏丼、香蔥吞拿魚腩蓉丼同海膽丼，將三款撈埋一齊食就最鮮味，味道更豐富。

今日約左朋友食飯，突然之間想食日本野，就去左十和田喇。呢度嘅落單程序係用電話scan QR code睇menu然後再自己係電話落單。<超特選壽司拼盤（配湯，蛋），$298>首先先嚟左個麵豉湯，朋友話略嫌太鹹。之後就有呢個茶碗蒸蛋，個蛋都算蒸得幾滑。呢個壽司set一共有十一款壽司，壽司飯好特別，好似溝左豉油咁。
十一款壽司分別係中吞拿魚、油甘魚、吞拿魚 、象拔蚌、三文魚子、生松葉蟹腳、蛋、甜蝦、海膽、海鰻同碎吞拿魚腩卷。海鰻係最有驚喜最好食，好大條之餘又無骨，好好食！象拔蚌同海膽都唔錯，象拔蚌好爽口，海膽都幾creamy而且唔會好腥。油甘魚幾好食一啲都唔腥。甜蝦比一般嘅大條，都幾鮮甜。個蛋唔會好嚡好老。中吞拿魚好好食，又係一啲都唔腥！三文魚子鹹咗少少。生松葉蟹腳都好鮮甜。呢個碎吞拿魚腩卷好足料！

今年約朋友用餐，十成九大家都提議日本餐，猜想個個都太掛住家鄉日本🥺 今晚來到這間在我”待食”list上留了頗長時間的餐廳 - 十和田。餐廳裝潢日式，外面看竟有一絲絲日本街頭的餐廳😂 •餐廳用上電子menu，碰上我電話用光data的日子，只能緩緩的把每版選項load出來😅•超特選壽司拼盤 $298 🍣 壽司味道不錯 單看那大大條的鰻魚就已令人唾唌鰻魚新鮮，冇骨啖啖肉！海膽大件新鮮，滿足！明明單看每件壽司都不錯，怎麼拼在一起反而失色了？擺盤有進步空間🙈•平成卷$148 賣相吸引，六件壽司用上木板上枱，打卡一流！📸 壽司飯並不是白米 味道獨特 特別有口感 層次豐富 吞拿魚海膽魚子滿滿的材料食落口感十足 材料新鮮 推介•火炙左口魚邊 $32 左口魚是近期的大愛點了一件自私食😂 魚油十足 鮮油感在口中蔓延 肉質鮮嫩 好食！•火炙三文魚 $15 三文魚塊頗厚 味道不過不失頗鮮味 •燉蛋 $28 濃香蛋味！猜想是用上了日本蛋 滑溜溜入口即溶 滿足。•特別一讚這餐廳服務有禮周到，加水加得好密，留意到客人的需要，上枱速度頗快•As usual, menu for ref:-

又黎到十和田食野喇！今次都係充滿住期待同信心，因為呢間算係我經常回頭食既日本菜呀😍店內既環境與裝潢，同日本既壽司店大同小異，用上米黃色作為主調，比人舒適用餐既感覺。😇坐底左，店員服務好好，叫我哋將隨身物品，放係椅子下面嘅箱到，好貼心呢。之後就可以用好方便既ipad點餐，所有菜式一目了然～☺️壽司方面：「超特選壽司拼盤$298」除左一共12件壽司，仲配埋湯、同埋茶碗蒸。先試海膽同魚籽，海膽好鮮甜；魚籽晶凝通透，肥美爆汁，有陣陣既海水味流出，味覺的享受🤪 鰻魚壽司，好大條，烤得好入味！其他刺身壽司都好新鮮，食出陣陣鮮甜味🥳「火焰魚生飯秋季限定$138」唔知點解夏天，都仲有秋季限定可以食；魚生好新鮮；半熟帶子大大粒又彈牙；塊三文魚燒過，咬落好滑有啲啲入口即融；海蝦同魷魚爽口唔硬，好耐無食過咁好食既魚生飯喇，連d飯都粒粒分明好好食😇「燒明太子雞翼$38」燒至金黃色又香噴噴既雞翼，入邊釀左明太子醬，甜味撞埋咸味，兩者配合得岩岩好😝十和田食物好有水準，拍得住日本食既感覺，係香港每人三百蚊到，食到呢個質素真係算幾抵！💓

不難發現尖沙咀金馬倫道的這家日本餐廳經常大排長龍，主打優質壽司，更由日藉師傅主理。今日做完facial後還要等朋友收工，所以決定邊排邊等，差不多二十分鐘就被安排入座。內部裝修甚有日式風格，吧檯位置還可以看到師傅做壽司。除了一般壽司主食外，餐廳門前有列出廚師推介菜式，以海膽為重點。【燒明太子雞翼 $38】雞翼經過去骨處理，裡面釀了滿滿的明太子，讓雞肉完整吸收了明太子的鮮味。炸過的雞翼外皮焦脆，肉質嫩滑多汁，口感豐富，值得一試。【火炙壽司拼盤 $98】拼盤一客有5件指定壽司，分別有芝士蝦，魷魚，吞拿魚，左口魚，三文魚。其中最突出的包括三文魚和左口魚邊。火炙三文魚豐膄嫩滑，經火炙燒至半熟，魚味更香。左口魚邊火炙後油香四溢，甚為肥美。【火炙牛肉湯烏冬 $88】安格斯牛肉有三大片，經過炙燒後多了一份焦香。烏冬質地彈牙，加上湯地清甜，若除了壽司外想多點一個熱食，這烏冬也是不錯的選擇。【超特選壽司拼盤 $288】一共有十款壽司，拖羅、魚子、松葉蟹腳、牡丹蝦、海膽、星鰻等等不同種類，還有吞拿魚蓉卷，應有盡有，適合2人份。另外壽司拼盤還配上茶碗蒸和味噌湯，非常豐富。【三色丼 $168】三色丼的大小跟茶碗

之前每次行過呢間餐廳都會見到有人排隊食，跟住每次我都會話我都想試下，所以今晚友人就話帶我黎呢間餐廳試下。餐廳好有日式壽司店的風格，有bar枱也有其他2-4人枱，環境整潔，俾人一種高級的感覺。餐廳點餐是用平板電腦，看到什麼想吃便點就可以了!超特選壽司拼盤($298)，這個壽司拼盤有12件壽司，還包了蒸蛋和面豉湯。壽司方面12款都是不同的款式，包括鰻魚、吞拿魚蓉卷物、海膽、蟹腳、玉子、牡丹蝦、三文魚籽、拖羅、間八、吞拿魚同埋赤貝。這裡的壽司飯份量唔會好多，刺身會好大份，唔怕食唔到刺身的鮮味。鰻魚是很長的一片，唔會好油，有鰻魚的香味。海膽鮮甜，唔會有苦味。蟹腳好鮮甜，而且食得出好新鮮，唔會係急凍過的。牡丹蝦鮮甜彈牙，蝦頭都有蝦膏。吞拿魚好新鮮，魚味好濃。赤貝食落爽口彈牙，味道非常鮮!整體來說整份壽司拼盤都夠新鮮，而且份量十足，好多刺身都係厚切!蒸蛋，壽司拼盤附有蒸蛋，這裡的蒸蛋都幾滑，內裡有魚蛋、雞肉和蟹柳。面豉湯味道剛剛好，唔會太濃或太淡。平成卷($138)，這裡的卷物都有很多不同款式，而今次揀選了這款比較特別的。平成卷用上海膽、吞拿魚蓉同埋三文魚籽製成，海膽的鮮甜加上吞拿魚的魚味，再配上

呢間十和田，有好多like! 之前就想試，今日男友突然話不如去食，好呀，等我去攞位！六點去到，餐廳仍然準備中，未入得。到六點半，我又再喺門口等。。門口個牌仲係「準備中」，但店員見到我，就開門迎來我這晚市第一位客人😀其後陸陸續續，客人都入座眼見有七成都係walk in, 3成有訂枱七點半前，已full house了但翻枱算快，未見有人排隊前菜，點了一客枝豆，雖然$38,但份量多得誇張！上枱時，仲係熱lat lat的！好鐘意！枝豆上面灑上了少少鹽，其實幾好味超特選壽司拼盤$288 （配麵豉湯同蒸蛋）蒸蛋ok海膽好新鮮。吞拿魚卷好好味，但嫌紫菜已淋，完全不爽脆。鰻魚好好味。松葉蟹口感好，但無乜蟹嘅鮮味。魚子好咸，咬落無嗰種好爽脆爆炸嘅感覺。紫菜同樣已淋，好難咬開。甜蛋硬左啲。其他都可以。火炙壽司拼盤$98呢碟火炙系列，當中最好味係左口魚群邊中間嗰舊吞拿魚overcook左，燒得太熟喇😩另外芝士蝦。。簡直唔想食，好乾。。鯛魚湯$38雖然細細碗，但鯛魚味好香好濃，又夠熱男友讚口不絕，大家都可以試下！😀👍🏻三色吞拿魚$98中間嗰款最好味，肥瘦得宜，有吞拿魚同魚脂香最右嗰款雖然香，但真係太肥太”漏”

朋友仔敘舊，行開尖沙咀好想食壽司，又唔想食元x，朋友介紹去金馬倫道一間日式餐廳，十和田，呢間餐廳在新蒲崗都有分店，到咗七點食飯時間餐廳已經一半座滿，高科技用平板電腦落單，有圖有真相，非常方便，叫左超特選壽司拼盤配日式蒸蛋及味噌湯$288，壽司拼盤貪佢樣樣有啲，仲有超愛既海膽同大粒魚子，值得推介馬糞海膽好新鮮吾嗅，在口腔回味無窮，正，大粒魚子亦非常新鮮鮮味，不得不提新鮮蟹棒，非常鮮美，梗係要食埋火炙三味壽司$78，包括吞拿魚壽司、三文魚壽司及左口魚邊壽司，火炙壽司魚油在囗，還有燒過嘅焦香味，令一番風味，大粒魚子實在太好味，所以加趕一客三文魚子$28，赤貝刺身一隻$48，質感爽口鲜美，朋友肚餓，叫咗個海鮮丼$198，份量大，足料，有橙色馬糞海膽、大魚子、帆立貝、玉子、粉嫩吞拿魚茸、大隻牡丹蝦等，好似去咗日本嘅黑門市場咁，非常新鮮回味無窮，吉列生蠔$38，香脆可口，蠔鮮甜多汁，服務細心，而且地點方便，尖沙咀地鐵站b出口行五分鐘就到，聚腳點，今餐多到放唔晒

雖然唔算新開業，但未食過都算係試新店，一向都鍾意食日本野，所以都幾大期望！見到以木為主嘅裝修，已經即刻諗起日本餐廳～店內空間唔算好大，不過座位夠闊落，有足夠空間放野食，同朋友邊傾邊食都好舒服。近年愈來愈多餐廳用平板點餐，的確係幾方便。要讚讚店員主動講解點用而且好清晰。抹茶幾香，一唔小心都真係飲左好多杯三文魚三味壽司（$38），選三味最好當然係一次過試到唔同配搭，火灸之後油脂香出哂黎，最香口；火灸帆立貝（$28/件），夠厚身而且肉質鮮甜，輕輕灸燒表面更加增添左香味。好鍾意三式丼嘅配搭，而且比起平時食嘅丼飯，配料一定係有多冇少！吞拿魚蓉幼滑綿密，蔥香、魚香配埋飯確係正；海膽鮮甜creamy，碗細細但海膽份量一d都唔少；蟹膏蟹肉好有驚喜，唔係超市都買到嘅罐頭貨，蟹膏香濃蟹肉鮮甜，伴飯一流。壽司拼盤跟蒸蛋同味噌湯，蒸蛋蛋香味好濃雖然係拼盤但食材一d都冇馬虎，星鰻大大條，灸燒後再加燒汁味道好好；拖羅有幾分入口即融嘅感覺；松葉蟹腳壽司平時唔多見，入口鮮味。平時約朋友食飯，日本菜一定會係選擇名單入面，今餐食得豐富滿足，以後又多一間好店可以揀

週二收早，見太陽未落山，五點就約咗契妹過海，專程為家中兩位小寶貝去咗轉尖沙咀，喺韓國街度大購佢地最愛o既韓國特色零食同飲品。眼見買完野都仲未天黑，兩口子就襯歡樂時光，行咗去一家OpenRice最近報導過話CP值高o既「十和田總本店」度黎個壽司拼啤酒。壽司屋面積寬廣，間格開揚；左手邊為壽司吧，右方則為合併式散座。埋位後，友善好客o既哥哥仔先呈上熱水壺及電子餐牌，並細心解說自助落單流程。小肥就襯機先試點啤酒。餐具、醬油及綠茶粉均為自助式。好飲o既XO仔任由契妹發辦點選拼盤及小食，食物黎到先揀食乜。超特選壽司拼盤（$288）：壽司拼盤配有味噌湯及蒸蛋。細佬因皮膚敏感發作，暫時未能進食蝦蟹類，故壽司拼盤中只係食咗油韌軟潤o既間八壽司。厚而嫩脆o既帶子壽司。及香濃肥美o既吞拿肥腩壽司。火炙三味壽司（$78）：火炙三味壽司左起分別為吞拿魚壽司、三文魚壽司及左口魚邊壽司。三款均鮮濃惹味潤滑，當中個人最愛帶點脆口o既左口魚邊壽司，香口壽司送酒可謂一流。炸雞件（$38）：炸雞件皮層香脆，雞肉軟嫩又夠肉汁，！