養心殿台式養生鍋 (Closed)

又食養心殿喇🤣真係食極都唔覺得厭既餐廳。美女BB第一次黎，平時細食嘅佢，都激發佢嘅戰鬥力，密密食😋自助醬油區，不過基本上都唔需要點醬。我地再次叫左寧神養心鍋，因為實在不能忘記由川芎，白芷，天麻，當歸，鮮雞，豬肉加20斤鮮魚精餚而成，鮮甜非常嘅味道。用黎打邊爐仲可以突顯到食物既原汁原味。雜錦蔬菜盤， 色彩豐富，有生菜，冬菇，粟米，仲有秋葵。材料新鮮， 秋葵好爽唔會潺。蝦滑起曬膠，夠晒爽口彈牙。老油條，台灣炸豆皮同午餐肉，幾脆 。手工丸類拼盤，已經有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸，六款口味每種兩粒，可以一次過試晒所有特色丸類，丸類頗高質，有特色之餘咬落質感彈牙，個人推介芝士牛肉丸和黑松露蝦丸。餃子拼盤，入面有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，其中台灣水蓮餃嘅水蓮爽脆，味道清新。而鮮蝦雲吞有大大隻鮮蝦，爽口彈牙，值得推介。極上雪花肥牛，牛肉雪花都幾靚，食落一啲都唔老，好有牛味。雖然烏龍麵本身冇咩太特別，但係我地最期待嘅食物，因為配埋個湯底，d麵吸晒個湯底既味，味道勁好。FB page like左就送一杯飲品，正呀👍自製杞子菊

養心殿，建成於明朝嘉靖十六年以前，曾作明神宗的寢宮。清朝初年，曾作為宮中造辦處的作坊，專製作宮廷用品。養心殿可見是中國古代皇朝的重要建築，亦象徵是皇朝權力的核心之一。幾友好友日前與我慶祝生日，說是來一次高級的火鍋，並不是一般的火鍋放題。當晚來到店前，看到這個店名，相信是很有中國特式的食店。進入店內，果然是很有中國味道，從間隔或吊燈，都是濃厚的中國色彩。就連調味品上的器皿、枱上的茶杯、茶壺、碗筷，都是帶著濃厚的中國色彩。在這種環境下吃火鍋，有點帝皇式的享受。店員為我們送上熱茶，火鍋食料的餐牌等，說先要選上火鍋湯底，因要較多時間準備，我們先選擇了美人鍋，再仔細看看有什麼火鍋食料。在我們選擇好火鍋食料之時，店員已經送上大大的湯鍋。美人鍋，這個鍋本身已經很有特色，所謂紅銅色，花紋雅致，很有中國色彩。打開看看，中央一隻份量頗大的烏雞，以及多種藥材，大家見到也很意外，想不到是一整隻烏雞送上。店員建議我們先品嚐這個美人鍋的湯底，稍後會給我們添上上湯作火鍋。談了一小段，湯底也煮熱，打開了鍋蓋，那陣清香的烏雞湯，已經在空氣中洋溢。濃厚而清甜的烏雞湯底，雞味濃濃，烏雞獨有的清香，再配上多種藥材，可是藥材味

自問幾鍾意打邊爐，係香港亦試過頗多間，至今都無咩話真係好得我歡心既火鍋店🤤不過呢日黎到養心殿，我敢寫包單話佢係全香港頭三好食既火鍋店之一，人地開到咁多間分店都唔係無原因既🤪而且發現係某啲非旺區既分店七點前埋單會有半價，佐敦分店就係其中一間，好味得黎又抵食🧐▪️ 寧神養心鍋（8.5/10）、美人鍋（9/10）💲168、188人總係貪心想試多幾款，所以要咗個鴛鴦鍋，會計算較貴嘅鍋底價錢☺️呢度嘅鍋底真材實料，飲咗好多碗都唔會話有味精口渴🤭寧神養心鍋係由川芎、白芷、天麻、當歸、鮮雞、豬肉、鮮魚熬製四個鐘而成，咁多種中藥加埋一齊，飲落都果然係偏重藥材味，但係有個煎香左既魚頭，當中又會帶微微既鮮甜😳一山還有一山高，個人覺得美人鍋更勝一籌，有原隻烏雞、金華火腿、桃膠、杞子、南棗，滋陰養顏尤其適合女士們😏呢個有香濃嘅雞味，烏雞一直煲住都依然嫩滑，相比之下呢個用黎打邊爐更為適合，夠曬入味😍▪️ 極上雪花肥牛（8/10）💲188肥牛嘅大理石花紋好靚，當中帶點油花但又唔會好肥，食落肉質鮮嫩牛味濃郁🐮雖則一碟望落得好少，但係其實每卷入面都有兩片，不過牛魔王既我地當然會係食完再叫🤓▪️ 即炸脆響鈴（7.5/10）💲6

每次去台灣都一樣會食無老鍋,台式火鍋真係於別不同,重點係湯底選擇多,有D仲要好養生!前排朋友話無人陪佢打邊爐,反正我又好耐無食台式火鍋,一於試下呢間睇下佢還原度高唔高先！首先佢個裝潢的確幾精緻，古色古香，佢最好係座位寬闊，兩人座位闊到可以作4個,檯底仲有個籃畀你放袋,都幾貼心酸菜白肉鍋　$128本身我都想叫鴛鴦鍋,但因為病病地,所以唔敢亂食野,見到酸菜白肉鍋裡面仲有寬面條(寬條面?),覺得幾抵就叫左呢個湯底,原來佢仲會免費追加酸菜白肉,淨係個湯底都已經好多野食,不過我想講佢D酸菜真係好厲害,落少少已經有好強烈酸菜味,咁都好嘅,D野食食落無咁油膩嘛極上雪花肥牛 $188打邊爐一定要牛肉~雪花肥牛係我最愛嘅牛肉,所以我地就叫左一碟,佢咁樣卷埋方便大家夾落去淥,後尾我先發現原來每卷係有2塊XDD 咁都幾好wor,唔使食完一塊等咁耐,雪花肥牛牛味好濃郁而且入口好快就溶於口中,脂肪唔算多,點少少醬汁食已經好好味~開頭以為佢好細碟,但食極都仲有,好厲害!千層凍豆腐 $48因為係凍豆腐,所以比較耐淥,放落去由佢浮沉一段時間,等佢索夠汁先撈上黎食,呢個時候舊豆腐依然好有咬口唔會散開!佢豆味都幾突出,不

男友十分喜歡打邊爐，聽幾個朋友都話養心殿高質，今日有興致就一於食下佢！.環境真係幾好，幾有feel.Omg就係為左依個麻辣鍋而來，好香亦好重料！仲有好多好多鴨血係個鍋入面，令人蠢蠢欲動.依個酒香白肉係成餐性價比最高的，酒味好香，肉都好新鮮，就算放左落個湯度煮完都完全冇蓋過個酒味，岀色！.蔬菜新鮮，依個蔬菜盤仲好多菇類，正常.寬粉，係另一個主角！個粉易熟，唔會好難咬，同外面既不同，又吸左個湯，真係必叫！.霜降肉眼肥牛，好有鮮牛味，食左依個先知自己平時食果d雪藏牛差幾遠，果然一分錢 一分貨.依個餃就冇乜太大驚喜，可能本身個湯已經係辣，所以不太食到辣味，但牛肉都係新鮮，好香.芋絲同豆腐都係拆包裝的，不過芋絲有好多，都幾抵，兩個人真係食唔曬.總括環境好舒適，服務比好多餐廳都好，坐幾耐就幾耐，又闊落，加上用料好，難怪平日都滿座要訂位！冬天再來吧

上次朋友試左一次養生鍋，就念念不忘，要再去過。好啦，今次同你去第二間先。位於佐敦嘅養心殿台式養生鍋，裝潢同其他分店一樣，雅緻特別，放置屏風散發濃濃嘅古典氣息。環境比較昏暗，幾好情調，最重要係企理乾淨☺自助醬料區，醬料擺放整潔，隨便自由斟。點左個美人鍋，係由烏雞加上唔同藥材，有桃膠，紅棗，烏雞，黨參等，滋陰養顏，味道清甜，朋友飲左幾碗。雜錦蔬菜盤，無菜不歡嘅豬立即叫左個蔬菜拼盤放落去，吸收下湯嘅精華先。拼盤有金菇、粟米、雜菇、娃娃菜、生菜等，種類豐富，健康爽口又清甜！打邊爐當然要點肥牛，要左極上雪花肥牛，牛肉既顏色唔錯，而且都幾大片，濃濃嘅牛肉味，由於我地想最後先食牛，所以豬飽飽都留左個位置俾靚靚肥牛。什丸拼盤，有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，相當彈牙，手打丸果然係好食好多，其中蝦丸味道比想像之中突出，再加上黑松露，兩者非常配。另外值得試嘅係梅菜豬肉丸，好juicy,味道岩岩好，唔會鹹。芝士牛肉丸，愛好芝士嘅豬對呢個非常期望，可惜芝士味唔係好出，同牛肉丸唔係好夾。餃子拼盤，皮薄餡靚，有自家製水餃，鮮蝦雲吞，麻辣牛肉餃，韭菜餃， 水蓮餃

超愛呢間養生鍋，因為湯底夠曬滋補，而且食物用料靚所以間中又要黎醒一醒去打一打邊爐是晚約了三五知己到佐敦分店。一入座先醒我地幾杯沙冰醒下胃先有柑桔有青檸味，又冰凍又開胃點了鴛鴦鍋，一款是美人鍋，入面有大量桃膠、准山、烏雞，夠曬滋補另一款是養生鍋，大量人蔘、鴨血、紅棗，正拼盤丸子，有多款口味，每款有兩粒粒粒都彈牙，而且款式又多，同朋友每人幾粒咁，可以食到幾款唔同口味餃子都是點了拼盤，每款有兩粒，大大粒好足料，好鍾意食雲吞，大粒又彈牙一流，每一款都有獨特的驚喜肉類好靚，看到脂肪分佈得好平均肥瘦適中最鍾意佢薄薄地，一放到鍋內很快就熟透可以進食羊肉卷羊肉味很香喜歡吃羊肉的都要一試，一涮就可以放到口中打邊爐點少得霜降牛肉質好靚，牛肉味又重，而且入口即溶一片又一片咁，肉類都好快被我地一一掃光呢款炸豆皮，之前食完一次便愛上因為很厚切，而且很大片，所以吃的時候好緊緊鎖到湯的湯汁，每一啖咬下都很惹味外軟內又帶點點脆，而且仲好似湯包咁，好正點了一份蔬菜盤又係貪咩野都有點，唔洗心大心細咁諗想點邊一款菜類，所以我都幾鍾意呢間餐廳有拼盤，因為咩都有點，咩野都可以試到少少入面有菇、粟米、金菇、生菜、椰菜等等新鮮呢款

已經不止一次品嚐養生店的火鍋呢！今次試試佐敦店點了火鍋湯底和配料後，侍應送上飯前飲品給我們。酸酸的涼涼的， 火鍋前飲幾口確不錯。今次點了美人鍋拼養生鍋美人鍋還附上原隻烏雞。 烏雞肉質鮮味，我們差不多食哂！養生鍋配上各樣藥材，散發濃濃的花旗參味手切牛肉切得薄薄的， 滾幾下已經可以入口，肉質鮮味。日本蠔清洗得很乾淨鴨血爽滑什錦蔬菜盤$68有粟米金菇， 大冬菇，油麥菜。種類都算多， 抵！即炸響鈴$68嘩！ 好大件，滾大概5 秒開始淋， 但又唔會散哂！ 鵝肝墨魚丸，黑松露蝦丸，水餃，魚皮餃水餃脹卜卜，裏面的蝦又新鮮，又大隻。 脆炸午餐肉可以即食，應該一煎好即上，所以小心辣親咀仔蟹捧無特別標名是來自日本， 但質素本人覺得似日本蟹捧埋單後，待應為我們送上甜品。係我最愛既黑糖芋圓。 超讚的一餐無論環境， 服務，食材一定會再來。

家庭聚會日，揀左去養生打邊爐，齊齊來養養生之前去過旺角分店，食物質素好高，今次又試下佐敦分店先！上次豬左唔識叫併鍋！今次醒喇，叫左酸菜白肉鍋併養生鍋養生鍋真係好足料！個湯底好重人參味！只係飲淡湯已經覺得好正酸菜白肉鍋 本身個鍋內已經有好多酸菜同白肉，餐廳仲會另上一碟俾我地自己加落個鍋度首先白肉切成薄片，半肥瘦我鐘意！個湯底好夠酸又開胃，我超鐘意！霜降肉眼肥牛脂肪分佈平均，牛味重，薄切但大大片，淥幾淥就食得，又方便又好食！手工丸類併盤有齊鵝肝墨魚丸、黑松露蝦丸、芝士牛肉丸、墨魚丸、蝦丸同埋梅菜豬肉丸。其實佢啲丸全部都好爽口彈牙，真係幾好味！不過我最鐘意既係黑松露蝦丸，因為真係好重黑松露味，又唔會cover左陣蝦味，真係唔錯！即炸脆嚮鈴上枱時熱辣辣，真係即炸架！同埋好脆就咁食既話，脆到卜卜聲放落個鍋度吸收晒酸菜啲味同樣咁正老油條上枱時又係熱辣辣好脆口，放落去個養生鍋度，又有參味又有油條味，正正！雜錦蔬菜盤呢個蔬菜盤唔只得蔬菜，仲有好多菇類，食左咁多肉食返啲菜同菇都幾好架！食到尾段，員店仲送上甜品好多料呀！個甜品唔係好甜，剛好中和剛才啲鹹味！臨走時仲見到，原來餐廳做緊promotion，7點

［美人鍋首選］ 過了冬春季都可以繼續打邊爐，今次同一班好同事兼隊友，齊齊邊食邊聊天，一坐就2、3小時。食了這麼多次火鍋，都有番少少心得，就是少叫少碰加工食品，主攻健康的新鮮、手打、養生食品今次尼間，連個名都夠養生。首先裝修古色有格局；再黎餐牌有6種火鍋底選擇。最後，選餐前，店員的服務夠貼心，送上柚子沙冰或熱情果沙冰黎潤口開胃幾好！今次叫了鴛鴦鍋，首先叫了一直想試的美人鍋，很適合女性。鍋內有桃膠（豐富膠原蛋白）、烏雞（滋陰又補虛）、金華火腿和杞子等。半個鍋有2-3人份量，鳥雞愈煮愈入味，真是益處多多。當然，要飲一口湯，有很大的金華火腿味，但慢慢煮開，湯就開始夠清潤夠補。另一半我們點了酸菜白肉鍋，除了銅外有酸菜和白肉，另有一小盤附送！店員更提示可以先將附送的酸菜和白肉先加入鍋，那口味會較溫和。只要於晚市時間分享FACEBOOK 和打個卡，就可以免費獲一杯咸檸７和／無酒精飲品一杯，我就叫了一杯IF椰汁。 主菜來啦牛肉是火鍋的重點美食之一，手切肥牛肉色紅潤，雪花分佈適中，細份都夠４個女生食。而且食落濃郁的肉香，是手切肥牛最誘人之處。細份的魚皮餃有４粒，魚味濃郁，但咬下去皮有些厚，但口感是不錯！

都算係養心殿熟客，朋友約食飯即刻諗起黎打邊爐。今次試佐敦分店，空間好大，幾鍾意呢度間格，好岩同朋友邊食邊傾計。位置夠闊，可以放哂D邊爐料。餐牌同其他分店一樣，但留意到有新優惠指定時間食有折，幾抵食! 先黎個沙冰，酸酸甜甜夠開胃。黎呢度最緊要當然係湯底! 今次叫左美人鍋併酸菜白肉鍋。美人鍋加左桃膠同烏雞熬，除左雞嘅鮮仲有金華火腿嘅香，唔會有好重好澀嘅藥材味，未落料打邊爐已經飲左兩碗湯酸菜白玉當然係要酸，唔會死咸好開胃! 而且多俾左一份酸菜同白肉，加完湯都唔會變淡，鍋入面本身配埋嘅寬粉條吸哂湯嘅味道，同樣好好食，不過要盡快食唔係會煮爛哂。落單後好快已經上好菜，薄切羊肉輕輕一燙就食得，羊味唔算好濃，唔會太羶。我更愛手切牛肉，叫左小份但份量都唔細，雪花分佈好靚而且新鮮，牛味濃郁之餘肉質嫩滑。每次都點嘅手工丸併盤，一次食哂唔同口味，黑松露蝦丸同芝士牛丸都係的心水，惹味又爽口。竹笙份量幾多，吸哂湯底精華之後超好食! 蔬菜盤係另一必點，菌類到栗米到菜都齊哂，放入湯度煮起好甜，又可以減輕下食肉嘅飽滯感。響鈴脆身但唔會太油，同濃郁嘅湯底真係絕配。食飽飽仲有糖水送，可以揀芋圓同雪糕，真係超滿足。雪糕有幾多

上次吃過養心殿的午餐，決定來一試它的火鍋。打邊爐不可沒飲品，facebook like 一like就有免費飲料!湯底選了酸菜白肉鍋拼美人鍋。美人鍋湯底有半隻烏雞、杞子、 紅棗、淮山、桂圓及海量桃膠，非常足料！酸菜白肉鍋有豬肉、寬粉，酸酸地很是開胃！雜錦蔬菜盤有冬菇、金菇、粟米、粟米芯、娃娃菜等。手打丸拼盤包含六款自家制手打丸; 豬肉丸混有梅菜，蝦丸爽口彈牙，蟹籽墨魚丸鮮美，黑松露蝦丸有淡淡黑松露香，芝士牛肉丸流心非常，鵝肝墨魚丸油脂濃香。霜降肉眼肥牛肉味香濃，油脂適中。黑柏葉滿滿一盤，不宜煮太久，否則會un。