一虎

Open Now

Now Closed

窩夫某星期六一個人在灣仔覓食，心血來潮想吃拉麵，想起了久違的「一虎」。窩夫很快便看中了較少見的鮪魚拉麵，蝦子餅應該會喜歡檸檬拉麵，下次帶他去吃。除了多款拉麵，還有一虎叉燒丼，見鄰座的食客吃得很乾淨呢。吃拉麵又怎少得餃子($48)，一客有六隻，一咬下去非常多汁，椰菜的甜味很突出，餃子皮薄薄的，不乾也不硬。走了香蔥和京蔥的鮪魚拉麵($108)來了，湯底清甜，感覺比香濃豬骨湯輕盈。拉麵粗幼適中，軟硬度亦控制得很好。叉燒的脂肪比例少，肉味香濃。離開時窩夫才看到「新作限定拉麵」柚子味噌拉麵，好想試呢。

灣仔區拉麵小店眾多，這間位於小巷的一虎亦是區內人氣熱店，差不多每次經過都見到人龍。這裡是小店格局，座位不多，店內設開放式廚房，坐Bar枱位置可看到師傅煮麵過程。店內食物款式不多，和大部份日本拉麵店一樣，非常專注。枱上亦放有紅姜、辣芽菜及高菜，給客人自行添加。檸檬拉麵 $106舖上五片新鮮檸檬，並以豚骨湯頭混合秘製檸檬醬，配搭嶄新，另加配料糖心蛋$10、海帶$10及爽口木耳$8。可以適度地自行將檸檬汁擠壓至湯汁中，調整至個人喜愛的酸度，當酸甜清新的果香滲進濃厚的豚骨湯時，同時將油膩感降低，特別適合炎炎夏日提起食慾。糖心蛋的軟嫩蛋白包裹著半熟晶瑩的流心蛋黃，滿溢香濃蛋味。鮪魚拉麵 $108湯頭使用鮪魚高湯的醬油風味，味道甘醇不濃俗，偏向淡麗系口味，另加配料紫菜$10。大大片的叉燒切得很薄身，脂肪不多，肉質軟嫩不死實。粗身曲麵質地爽彈帶咬口，掛湯力更強，盡吸湯底精華，即使浸久了也未有變軟。餃子 $48拉麵配餃子可說是永垂不朽的經典配搭，即點即煎，上桌時仍是熱氣騰騰。薄薄的外皮不會過厚，煎得金黃脆口，一咬開餃子餡料扎實多汁，豬肉混合蔬菜絲，令內餡豐滿鮮嫩而清爽。

咁啱去開附近做嘢 又想食拉麵就去幫襯吓🤣🤣，點知佢哋拉麵係合我口味嗰種 哈哈 ((個人鍾意食豚王多個一蘭))湯頭同木耳都係我嘅喜好👍🏻👍🏻好好味，應該之後再去開附近嘅話都會幫襯～ 好可惜嘅係…我落完單先見到佢哋期間限定係蒜頭拉麵 超想試，希望之後會抽倒時間再去試試佢🥹🥹💸💸一虎特選拉麵 $143一虎拉麵 $103爽口木耳 $8煎餃子 $48紅茶花伝檸檬茶 $17Sapporo Beer $30 📍一虎拉麵地址:灣仔廈門街23號地下

位於囍帖街旁邊嘅一虎拉麵成日都見到有人排隊，今日終於排隊一試，據說小店以豬骨湯底為主，但我卻被口味特別的檸檬拉麵吸引住🍋唯有下次先食豬骨湯底😂▪️檸檬拉麵 $106 + 糖心蛋 $10檸檬拉麵湯底要豬骨湯和自家製的檸檬醬混合而成，相對偏甜，酸酸甜甜好開胃，感覺亦好清新，想再酸啲就可以篤下湯入面嘅檸檬片，叉燒都夠淋但就冇特別驚喜，麵條軟硬度選擇左普通，軟硬適中糖心蛋幾重醬油味，夠流心▪️餃子 $48皮夠薄，咬落去都有啲肉汁爆出嚟.

🍜一虎拉麵  $98 +紫菜 $10 呢個我諗係最classic嘅豚骨拉麵， 一碗裏面有叉燒，黑木耳，糖心蛋，另外我再加左紫菜。 本身已經聽講過呢間嘅溏心蛋係好好食，食完就覺得佢的確係幾特別，比起其他舖頭嘅糖心蛋多咗啲浸類似焦糖嘅味道👍🏻👍🏻 而叉燒軟腍嘅程度就普通，湯底都算濃郁，呢碗拉麵我揀咗粗麵，比較有口感比較煙靭，整體來講佢係一間如果我挑起條筋好想食classic豚骨拉麵會諗起佢嘅舖頭，都唔差👍🏻 🍜黑虎拉麵 $96 呢個係黑蒜油拉麵，揀咗幼麵， 試過幼麵同粗麵嘅分別，更加感覺到粗麵係出色啲🤣 🥟餃子 $42 熱辣辣食嗰陣都有少少爆汁嘅效果，唔錯😋 🥤零糖可樂 $15 

食日本菜同拉麵一向都好難搵素食鐘意食拉麵又鐘意食素嘅朋友應該都會聽過一虎拉麵 ，因為香港可以食到素拉麵嘅舖頭真係十隻手指數得曬一虎座位唔多而且好旺場 要等左半個鐘先入座第一次黎 我就嗌左素拉麵 嗌完先知一虎仲有幫客人分蛋純同純素 真係好貼心如果揀左要純素嘅話除左會無左隻溫泉蛋外 麵底都會轉成素麵好多餸 賣相都非常吸引麵質有啲似上海麵 純肉口感好 調味都唔錯 最抵讚係個湯底 純素但竟然做到好有蛋白質嘅味道 好濃厚鮪魚拉麵湯底清味道鮮，拉麵彈牙餃子皮薄脆，餡料豐富店員態度友善 服務唔錯

𝑰𝒄𝒉𝒊𝒕𝒐𝒓𝒂 一虎-🍜 一虎拉麵 🥟 餃子位於灣仔囍帖街旁邊，日日都大排長龍( ･᷄ὢ･᷅ )拉麵分2種粗幼，粗拉麵比較煙韌彈牙，而幼麵就爽少少！但幼麵另一特點係含水量較少，所以小麥味較重(⁎⁍̴̛ᴗ⁍̴̛⁎) 2款都好掛湯！出色既拉麵除左湯底，麵質重要，但湯既溫度都好重要！因為食拉麵一定要一啖麵一啖湯既比例！太熱根本咩都感受唔到（苦笑）但一虎既自製豬骨湯底出色，而且湯底溫度可以容易入口，食晒成碗拉麵都keep到個溫度，太出色(๑˃̵ᴗ˂̵) 令人難忘嘅就係佢既蛋， 十分流心！蛋味濃，醃得好入味，完全溏心！高水準！( ̀⌄ ́) 新鮮餃子，皮薄餡靚！煎到脆卜卜，中規中矩，正常發揮( ͡° ͜ʖ ͡°)總括嚟講，當你好肚餓嘅時候就唔使諗可以食到一虎！但始終一日你都要試吓佢嘅一虎拉麵，特別係佢嘅湯底，一試難忘(⁎⁍̴̛ᴗ⁍̴̛⁎)📍 23 Amoy St, Wan Chai#jcfoodgasm @ichitora_ramen_wanchai

細細間舖頭，平日夜晚七點幾都十幾個人係門口排隊，同隔離幾間舖頭好大對比，期望值上升🔝 餃子（六隻）- 一般既日式煎餃，不過小心好熱，我就辣親條脷🙈檸檬拉麵 - 本身想像唔到係咩味道，食完後覺得呢個湯底係我食過最好味既拉麵湯底，都有可能係我食得少拉麵，檸檬中和左湯底嘅油膩，湯底帶有少少檸檬香味同酸味，真係好正一虎 - 豬骨湯底濃厚，食到後面會覺得有啲苦同埋濟，到最後食淨左啲，我相信如果食檸檬湯底就唔會有呢個結果😂 另外，叉燒有啲柴，同埋溏心蛋唔係食開既醬油味，而係好重酒味，似醉蛋多啲。雖然係甘，但我會為左檸檬湯底再黎見到有個素豬骨拉麵啱哂素食嘅朋友，香港素食既選擇真係唔多，要讚👍🏻

臨時約左朋友去港島區食飯，未決定食啲乜嘢， 所以上OpenRice睇吓有咩餐廳推介。見到呢間日式拉麵店係openrice灣仔區嘅評分都幾高，所以決定約埋朋友一齊去食。嗰日七點幾到，間鋪唔係好多人，一去唔使等位已經安排左我哋坐低。我就揀咗下面呢款一虎拉麵 $88可以見到碗拉麵放咗好多木耳絲同埋蔥花, 將啲木耳同湯一齊食，超級好味👍🏻👍🏻。佢個湯底應該係用好多種嘅蔬菜再加豬骨去煮嘅，冇平時嗰啲豬骨湯咁油膩。😋😋碗拉麵除左有兩大片叉燒之外，仲有一隻糖心蛋。係香港食拉麵通常都唔會比糖心蛋你，要咋外加錢先有所以佢話$88一碗拉麵真心唔係貴。我朋友就揀咗呢款期間限定嘅檸檬拉麵$92檸檬拉麵其實同上面嗰碗一虎拉麵分別唔大😂，只不過係多咗幾片檸檬🍋同冇左隻糖心蛋。貪新鮮嘅可以一試，但如果之後再黎食我會揀返一虎拉麵😅之後我哋仲叫多咗一碟餃子$42一碟有5隻，餃子皮薄肉汁多😋😋最重要嘅係佢攞到嚟嘅時候仲係熱嘅👍🏻👍🏻

今天到灣仔修頓，剛好小米發現旁邊的大型住宅區商場，小米看到商場華麗的佈置，以為這是豪宅。這裡呎價是二三萬左右，只看價格，當然是豪宅啦！不過內裡間格就～哈！哈！哈！哈！一路走來，順便在商場羅馬柱出口附近的街道午餐。小米想食拉麵，所以大家就在這裡午餐。還未到正午，餐廳己滿座，我倆要在店門稍等一下。在二人枱就坐，快快下單，然後倒杯清水，細看枱面各款調味配料，慢慢等待拉麵的來臨。一虎拉麵  Ichitora Ramen　 小米不吃黑色的食物，不吃辣，不吃蝦，剩下就只有一虎，白虎和一虎特選拉麵。剛好小米胃口不大，食量不多，又剔走多款配料的一虎特選。一虎材料最簡單，應該是最正常的味道。在價格上，一虎88比白虎78多一隻糖心蛋，只是貴十元，比較化算，所以點選一虎給小米。一虎上來了！先以小碗取走一部份拉麵和糖心蛋，其餘留給小米處理。現在才發現這碗一虎顏色很單調，没有蔥花和黑木耳。原來小米選擇走蔥走木耳。早知就要小米保留這二款配料，然後放在自己的黑虎拉麵。千算萬算！偏偏算漏小米不食蔥！黑虎拉麵  Black Tora Ramen (w/ Garlic Oil) 餐牌表示，這個黑虎是＜濃縮豬骨湯配合（特）

今日就個朋友出左灣仔食晚飯😀想食清啲，唔想食辣又唔想食炸野，所以揀左拉麵🙈朋友係灣仔返工已經試左好多間拉麵店，佢話呢間幾好所以就翻兜😂我地7點就到左，等左幾分鐘就有位啦座位唔多，大約有十幾個位係L形咁對住廚師坐，另外好似有兩張獨立既檯～我叫左個一虎，朋友叫左黑虎，另外仲加左個餃子同白飯😅一虎嘅湯底有好濃郁嘅豬骨味，有兩三塊叉燒，粒溏心蛋真係整得好溏心😮 我揀咗粗麵， 因為我食拉麵唔鍾意配太幼嘅面😅個麵底都唔算少，口感彈牙，唔錯😁😁黑虎我試咗一啖，香味重啲同甜啲啲， 朋友之後加咗芝麻就更加香😋餃子個形比平時食開嘅日本煎餃好似肥啲同短啲😂 外層脆，裡面多汁， 而個餃子汁有微微嘅辣，唔錯👏感覺幾正宗，服務幾好，仲唔使加一，下次可以再去食😁

今日同阿媽7:30要上堂，所以出咗灣仔食晚餐。夏天最好食濕濕地又開胃的野。 黎到這間在廈門街囍帖街對面的一虎拉麵。門面都好似日本的拉麵店一樣。地方唔算大，簡單木製椅子，在bar枱同2-6坐枱位選擇！另外播放著日本歌曲，感覺唔錯我們叫了一虎特選拉麵及煎餃子1. 一虎特選拉麵好大碗好多材料喔！好抵食又香味濃郁！好吸引哦湯底是豬骨湯，好香濃但唔會咸，飲完唔會口渴；配麵食好夾好味道叉燒肥瘦剛好，一層層的，好腍又薄身，好易咬！正喔（有6大大塊）木耳好爽脆又健康（通血管）、味付筍好爽好有口感；蔥花好清新又夾麵食；糖心蛋好靚好正，剛剛好的半生熟，好香好滑喔（因為同媽媽分享，所以有了幼麵）好多麵，幼麵好滑但又彈牙，好好食，我喜歡同湯汁一同吃，吸收了湯汁的味道2. 餃子餃子煎得好香又熱辣辣，即叫即煎！皮薄又軟滑、內餡豐富，有香濃肉質、九菜粒，好香喔！配上餃子汁更香更出色！推介喔枱上有凍檸檬水、調味料（芝麻、五味粉）、配料（紅薑、辣豆芽菜、咸香菜）讓客人自家調味！服務員好主動又勤快，不錯的拉麵店

之前朋友帶我黎食過一次嫁喇，但我覺得真係太好食喇，所以一係灣仔就好自然想黎呢間餐廳食飯。哈哈，一如既往我都係叫我既摯愛 - 海老虎拉麵。個湯底非常濃郁，蝦味好出，但又唔會腥。不過如果怕太重口味既朋友可能唔太岩，因爲呢個拉麵真係我食過最濃郁既蝦湯底拉麵。個麵上面仲要鋪滿櫻花蝦，係多到見唔到其他料，所以個湯底可謂十分足料。而且麵條非常彈牙，吸埋d汁簡直一流。朋友果個係黑虎拉麵，黎到已經聞到好強烈既黑蒜味。食落並無聞落咁重黑蒜味，但都同其他拉麵一樣，湯底依舊係好濃郁。麵條朋友揀左幼麵，所以麵條容易吸到d汁多d，大家可以根據自己既喜好揀選返自己鍾意既麵質。另外我地仲叫左碟餃子，可能因爲係自家製，所以比一般餃子多餡，非常足料。最後都係要重提海老虎拉麵，因爲實在太愛佢，哈哈。