Amaroni's New York Italian Restaurant & Café (又一城)

Open Now

Now Closed

要數九龍塘又一城歷史悠久的餐廳，主打美式意菜的Amaroni's New York Italian Restaurant & Café 由1998年開業至今。內裡高樓底甚有空間感，大型雕像加上吊燈及牆上的藝術掛畫，富有格調。餐牌供應一系列傳統意大利菜，配以美國菜一貫的oversize，由即日起至2024年8月31日還有夏季限定新菜式。入座後就會奉上烘得暖暖的麵包籃，拌以黑醋和橄欖油。蕃茄芝士薄餅 $165 自家打發的餅底是簡乎超薄和厚批之間，吃起來有點像麵包般鬆軟柔韌。這款長青不敗的經典口味Margherita材料非常簡單，番茄醬配上柔軟香滑的Mozzarella馬蘇里拉芝士，灑上羅勒香草作點綴，芝士可以造出拉絲效果。經典意式芝士雞扒 $190作為一道經典的意大利菜，裹著金黃炸粉的雞扒以半溶的Mozzarella芝士舖面。大件厚肉的雞扒已經去皮去骨，沾滿酸酸甜甜的番茄醬中和炸物的膩感。現烤意式南瓜鬆餅派配雲尼拿雪糕 $80夏日限定甜品，鐵鍋上桌從頭吃到底都可保持溫熱，配上一大球焦糖醬雲尼拿雪糕，一熱一冷，衝擊味蕾。利用南瓜的保水性與濕潤度，使鬆餅組織柔軟，口感類似蛋糕，將南瓜的天然甘甜

有日阿媽問我果日去完迪士尼夜晚食咩好，我心諗出到嚟都8點幾啦，咁就上eatigo睇下咁夜有咩優惠，就俾我見到呢度食，8:30pm入座就會係50% off，簡直係good fit！就即刻book啦！去完迪士尼（果日熱到high high）帶着疲乏嘅身軀去到餐廳，個reception就話個優惠只限食物，飲品唔適用嘅，咁ok啦！同埋佢同我哋講9pm last order。望完個餐牌，諗住50% off就喪叫！4個人叫咗4樣嘢，仲要全部grande size!首先嚟咗個野莓雞肉沙律，佢滿到裝滿晒成個碟！菜呀果d都好新鮮，唯獨是個沙律醬就比較酸，會chok喉！之後嚟咗個table size pizza，個餡係辣肉腸、菠蘿同蘑菇，個pizza唔會好似pizza hut果d咁油，餡料同芝士嘅比例啱啱好，好好食再之後嚟咗個鮮蝦雞肉通粉，個白汁勁正！個長通粉都整得啱啱好！成個粉都好好味！最後臨last order嘅時候叫咗個tiramisu後上，個cream cheese好creamy，又唔算好甜，果然係signature！埋單半價咗計埋加一都只係$545，簡直抵到爛！

一般屋企人生日, 好多時都會過來又一城既Amaroni's 食晚飯, 因為依家無左晚市堂食, 唯有改為午餐, 再加上二人限聚令, 每枱只可坐兩人, 所以三個人就要分枱坐,  今次點既係晚市 2-3人既 Dinner Set, 另外再加一份大蝦凱撒沙律, 因為一向都鍾情佢地呢度既凱撒沙律, 每次來到都一定會 order, 晚餐 menu 入面都有幾樣唔同既選擇, 今次都係揀左自己喜歡既食物, 水準如一既無變, 難怪幫襯左十幾年, 之前去過旺角新世紀新既果間, 發覺始終都有又一城呢邊都係好食 D ,  因為有屋企人生日, 店舖會另外送一件小蛋糕,  而我地又另加一份甜品, 所以每次係度食完都一定會好飽咁先離開

一向熱愛西式美食的我總愛四處尋覓好味的西餐廳🍽 呢間Amaroni's位於九龍塘又一城，相比起其他西餐廳，呢間店舖嘅樓底非常高之餘面積仲好大，配上少許嘅背景音樂，令整體用餐感覺寬敞又舒服！👍🏻鐘意咩都試吓嘅我可以一個包籃有哂3款麵包，實在太好啦哈哈🥰 特別係藍莓muffin有淡淡嘅牛油香，口感鬆軟。🦐香蒜黑椒大蝦食落口嘅橄欖油香令人一食再食！蝦肉大大隻都只係$178！好欣賞呢度嘅意粉全部都可以隨便任轉做長通粉/扁意粉/意粉🍝，仲可以order少油或者少鹽🧂。意粉選擇有滿滿一版咁多之餘仲可以加上呢啲客製化嘅tailor-made元素，點都唔驚啲款唔啱食呀！🤩聽侍應介紹發現原來呢度嘅pizza有兩款，一款係長方形嘅9件/18件，一款就係呢個手拉嘅圓碌碌pizza。大家都係第一次食加上鴨梨嘅pizza，估唔到感覺都幾清新🍐 配上底下多款唔同嘅芝士🧀，香得嚟又唔會太膩，餅皮薄得嚟又有啲煙韌嘅感覺。係一個會想再食多次嘅pizza🍕。飲品方面我地嗌咗Healthy Green Smoothie，朱古力奶昔同意大利奶昔。雖然我地都唔太好酒🍾，但大家都覺得用意大利甜酒Bailey's整嘅Italy M

我們一行2人,因好多年前同一大班朋友食過，而剛好有Apps便，所以就食這間。一入門口已經覺得裝修得幾靚，環境舒服。由於得兩個人，因一般意大利餐廳份量都比較大份，所以只能order一款主菜，一款甜品。我們只叫了一個New York Classic pizza(9 件）- pizza 味道偏咸，勝在即叫即焗，所以都夠脆，份量都好大。甜品 ： Tiramisu (見餐牌講招牌甜品）當然要試，味道唔夠濃，無乜咖啡味，手指餅唔夠濕，一心諗住意大利餐廳，招牌甜品一定掂，但覺得失望😞。整體而言：環境舒服，食物方便就一般。不用抱太大期望，但勝在不多人，服務ok

今次係又一城求其walk in左呢間野食，因為都早去所以都好多吉位唔洗等，入面裝修都幾靚中間仲有個大雕像擺設，都算幾吸睛既🤪🤪一坐低冇耐就上左個餐前麵包，仲會有專人黎吱橄欖油同黑醋，成個first impression都幾好👍🏻講番個包，方形個個係蔥油餅，圓形嗰個就偏硬，兩款包食落都不過不失，但作為餐前菜就太過油膩，感覺一般🤨🤨主菜方面就叫咗個signature既意式烤雞，一上菜係幾香既，但食落口感偏諧，唔係雞胸嘅問題，因為雞腿位都係冇話好好多，所以係隻雞煮得太老。醬汁方面就係蕃茄汁夾雜着Tabasco同香料，係就係幾香但果汁本身就太稀，隻雞又唔係好入味，overall黎講真係麻麻地🙁而主菜本身就配有意式腸同薯菜，腸就正正常常冇乜特別，薯菜我哋就加$25 upgrade咗做松露薯條。薯條份量就唔評論，但松露真係少得可憐，可能你會話25蚊唔好要求咁多，但成件事係一條薯條hi到個少少松露食落根本冇松露味，所以呢個薯條根本就出左事！不論價錢，只求好食😐跟住係第二個主菜鮮蝦雞肉通粉，一上菜個下差d以為個通粉冇焗過，好似淋汁意粉咁，同埋冇乜汁，食落都幾乾，順帶一提呢碟入面既雞仲滑過個烤雞，呢碟都

已經有幾年冇黎過, 食物水準同裝修依然keep得好好, 久遺了o既味道又重拾返, 好滿足的一個生日晚飯!1) 首先待應梗係送上好好味o既餐前麵包 (2個軟包+2塊脆餅), 因為太肚餓o既關係, 所以我同老公食晒之後再叫待應比多一份我地2) 海鮮意大利飯 - 好濃味o既海鮮湯煮出黎o既飯, 好在又夠熱, 好難o係第二度食到呢個質素o既海鮮意大利飯3) 紅酒汁牛扒 - 好香炭燒味道, 塊扒都夠肉汁, 我地好怕切開有血, 所以叫7成, 都ok, 冇血水但又唔會過熟, 又有好大個新鮮蕃茄+大pat薯蓉伴碟, 好開心!4) 菠菜炒磨菇 - 好香o既磨菇味, 配合入晒味o既菠菜, 份量又啱啱好, 係叫沙律以外o既選擇5) 因為訂枱時講明我生日, 所以餐廳送左一個麵包布甸比我, 仲插埋支蠟燭添, 不過我都唔想咁高調, 所以叫佢地唔好唱生日歌, 放低就ok喇, d待應service都好好, 同我講左句"happy birthday", 之後又主動幫我同honey影相, 好開心當晚我都見到在場起碼有5枱客生日, 我諗呢度都係慶祝生日o既熱點!

一早去半月灣..點知唔夠1個鐘就掛3號..迫人走: (BOOK定呢度同個朋友慶祝生日HEA左一個下午到夜晚9:00PM先可以食飯...食物餐前麵包: 麵包佢岩岩拎出黎,暖暖地加D黑醋/橄欖油.唔錯!凱撒沙律: D 汁好似好少咁..所以無咩味意大利雲吞: 唔鐘意意大利雲吞配茄汁燒露絲瑪莉雞: 個汁就OKAY喇..不過D雞肉真係好好好"孩"呀...好難入口白汁磨菇意大利飯: 個飯已經算係全晚最好架喇.辣肉腸PIZZA: 無咩特別Tiramisu & New York Cheese Cake: Tiramisu我個人覺得太濕,不過朋友都話OKAY...個Cheese Cake係好唔得呀..都食唔出有Cheese味..個質地仲怪怪地..太"焾",都唔似食緊Cheese CakeBread Pudding: 呢個無相,因為食左一半先記得未影相..因為有位朋友生日,依個FREE GE..我個人覺得OKAY啦..不過朋友們超唔鐘意,佢地話個味似咸肉糭布甸環境一大班人黎GE就OKAY GE..因為份量同D枱都比較上大不過呢個價錢..西餐有好多間一定好食過佢...所以唔會再黎喇..