米走雞 (太子藍馬之城)

Open Now

Now Closed

今日行開太子，突然想吃雞煲，諗起呢度附近有間米走雞就去食喇。麻辣雞煲吃得多，今日就試一下呢度岀名嘅芝士雞煲。我地點了一份細的，但份量其實亦不少。芝士嘅份量可選至激量，配有大量洋蔥，和芝士很夾，啱晒芝士控。粒粒基本上都是雞脾肉，肉質嫩滑不嚡口，沾滿濃濃的芝士汁，芝士拉絲，望上去已十分邪惡。蔬菜新鮮清甜，幾翠綠。哈哈蝦中寶 $118大大件, 爽口兼彈牙，咸咸地，內裏包著一隻蝦咖，果然係蝦中寶。鮮製四拼餃 $88餃子粒粒脹卜卜，餡料十足又新鮮，食落爽口。打邊爐又點少得了響鈴呢！金黃脆卜卜，淥三幾秒就食得，正我再點了杯咸檸七，下火又解渴

今日放工同幾個同事去食飯,去左米走雞食芝士火鍋先落左D醬料先之後就點左個黃金芝士雞煲,手切新鮮牛頸脊,日本廣島蠔,稻庭烏冬,白鱔片,鮮製四拼餃,鵝腸,翡翠苗,鮮炸響鈴,清熱銀菊露黃金芝士雞煲--芝士入晒D雞度,雞都好夠味手切新鮮牛頸脊--肥瘦好平均咬落好重牛味,好香的牛味道又唔會好肥日本廣島蠔--好好味蠔味十足稻庭烏冬--爽口彈牙白鱔片--新鮮爽口.好有鱔的味道鮮製四拼餃--餃幾足料,咬落都好好食鵝腸--唔會好肥,爽爽地幾得意翡翠苗--幾新鮮,快浸兩下就食得,好新鮮的味道鮮炸響鈴--浸左湯有芝士味,浸兩秒就食,好好食清熱銀菊露--唔算太甜,都唔錯可以清下熱

有時去開旺角一帶，上呢度搵下附近有乜餐廳，經常search到呢間店，它的名稱真的很容易記，咪走雞。今晚又黎旺角，突然間我和太太都想食雞煲，便第一時間想起呢間，就黎試試。我們大約6點半便到，由於時間倘早，仲未有好多人，一上到去就可以入座。但座低後大約15分鐘，全店爆滿，所以如果下次黎，最好book位先。睇一下個餐牌，見到有2種鍋底："黃金芝士" 和 "火焰麻辣"，由於我們都喜歡辣多過芝士，所以選了"火焰麻辣"鍋底，3辣度。跟住再點左太太喜歡的牛栢葉、蟹柳，而我就選了雪花肥牛、手打五寶丸拼盤、鮮製四拼餃。另外我們都點了咸檸七，去降下火。不用等好久，雞煲已上，應該係點完後，厨師收到Order，即時放好雞、材料、醬汁，便上枱，再等枱上的電爐煮熟。不過我覺得d雞應該有炒過一下的，否則要等好久才能開蓋食。點知煮左一會，有個waiter過來，開蓋，倒一盤液體入去，再點火！全個鍋即時燒出火焰，哦！原來火焰麻辣就係指呢個火焰！意想不到！再過多一會，又有waiter過來為我們加醬汁入去攪拌，即時嗅到一陣陣麻辣味。試完d麻辣雞之後，覺得個味道好特別，跟以前食過的麻辣味有點不同，但都非常好味。而且這裡雞煲裡的

天氣凍了自然又想打邊爐，今晚又同朋友黎邊爐食雞煲我鍾意去米走雞，因為有時打邊爐好怕每款食物一下子份量太多，咁又會食唔曬。呢度可以叫半份，咁又可以試多幾款有多款不同配料 慢慢選擇一黎先點了一個細的黃金芝士雞煲先，之後再慢慢決定想點什麼火鍋配料芝士雞十分吸引，芝士香味濃郁而上面鋪滿了大量配料，芝士，洋蔥。。令整個菜式充滿香氣加熱後加以拌勻，每件雞都沾滿了芝士十分滋味而且雞件大大件又嫩滑，一試真的會愛上之後會加入了芝士湯開始打邊爐啦上菜速度很快很快所有食物已鋪滿檯上了食材十分新鮮吸引，而且又大件點了多款食物另外我都想重點介紹幾款我很喜歡的食物有水餃、牛餃、雲吞、韭菜水餃每粒都大大隻，而且彈牙。入面料又多滋味多汁最欣賞是不易散開及變成粉團真的不錯。響鈴十分夠份量又大件脆卜卜，當浸了湯後，會緊緊鎖住湯汁於響鈴內，咬起來彈牙多汁十分夠份量蜂巢豆腐都是能緊緊鎖著湯汁，十分滋味而且厚切大片，咬起來會十分多汁，不像一般豆腐般易散及碎。菜都是打邊爐不能缺少的食材，菜十分新鮮及大棵不錯呢最後配上一個出前一丁作結。是晚十分滿足了

一直都想食米走雞好耐 聽朋友講芝士雞煲好好食 怕肥既小妹今日全日特登食少D野就為左個芝士雞煲 所以都抱住幾大期望黎試 7點鐘去到唔多人 環境俾起其他食雞煲既地方乾淨同時尚D 坐低就俾左D紙仔我地剔 我地2個女仔叫左細芝士雞煲 西班牙黑豚肉 鮮炸響羚 四拼餃同一個辛辣麵 可能習慣左任食打邊爐關係 以為咁樣叫好少野食 原來係睇得自己太大食芝士雞煲都好快黎左 賣相係幾吸引 但食落冇咩芝士味 唔知係咪唔夠熱關係 我地加大左個火 熱左D的確濃味少少 但都唔係預期中咁香芝士味 而且仲因為咁濃左少少底 不過因為佢味道唔係好似平時食開雞煲咁咸咁濃味 所以食下又一舊食下又一舊差唔多就食得晒全部雞 平時食雞煲都只係食到大半就右湯打邊爐 今次真係第一次食得晒D雞先打邊爐用左芝士湯打邊爐 諗住用返芝士湯應該可以濃味D喇 但同用清湯冇咩分別 個豚肉都幾好食 佢的確同平時食開果D靚少少 肉紮實少少 但以$188呢個價錢實在有D貴 唔覺食左咁貴既肉響羚係打邊必點既野 如果湯底好好味配埋響羚真係好滿足 可惜今次個湯底冇咩特別 不過個響羚都幾大夠 浸一浸就淋左索晒湯 的確係鮮炸不錯個餃D蝦肉都幾大粒 入面好似有D香料味

朋友生日，佢想食雞煲。即時想起米走雞。上次去了銅鑼灣店, 咁岩又係吃生日飯。今次呢班朋友喺九龍人，而且收工比較夜。今次去旺角店，方便大家，因為喺太子地鐵站附近, 非常就腳。又是先來一個火焰麻辣雞煲，辣的程度有得揀。朋友是初級組，所以㨂左BB 辣。店員會幫忙點起火焰，跟手炒番幾下，D麻辣香味四溢。食到咁上下，就加湯底打邊邊。至愛白膳片，肥美虎蝦大大隻，好鮮甜打邊邊不可以少的⋯⋯小丸子 & 餃子。選擇困難症的人縂愛拼盤。五色丸-墨魚丸、蝦丸、鯪魚丸、豬肉丸、牛丸四拼餃 - 水餃、牛餃、雲吞、韭菜餃牛魔王不可缺的肥美雪花牛肉。真的太豐富，不自控的食到抱著個肚走。太美味。

今個星期唔計星期六日，仲有兩日公眾假期， 好爽爽 家姐就嚟生日 ，趁機會去我好想去嘅米走雞我哋揀咗太子分店 ，交通方便 ，搭地鐵同火車都就腳， 因為要就齊人，book咗枱9:30， 唔緊要啦，返多一日又放假啦!估唔到咁晏仲咁多人，去到差唔多滿座， 好彩book咗枱， 仲編排我哋坐窗口卡位， 望到出面嘅街景 ，景觀唔錯 先點咗個火焰麻辣雞煲， 有四種辣度， 我哋揀咗一隻辣椒嘅辣度。 店員先用火槍點火， 然後再炒幾炒 ，雞煲充滿辣椒乾，洋蔥，唐芹，芫茜， 香氣撲鼻。其實仲有一小碗辣湯， 我哋怕辣， 店員提議唔好放湯落去先， 唔夠先落雞件好多又好滑 ，呢個辣度啱曬我哋差唔多食曬啲雞，佢哋會幫你加清湯喺個煲度，開始打邊爐啦! 我哋四個人都嗌咗唔少嘢食，火煱必叫: 特級雪花肥牛， 大大碟肥牛， 雪花夠分明 ，未淥 都已經想食秘製牛坑腩 ，應該先炆淋咗， 未試過打邊爐食牛坑腩， 好淋好味越南虎蝦 ，虎蝦大大隻， 又新鮮， 食落好爽甜手打五寶拼盤， 有五款唔同嘅手打丸， 墨丸，蝦丸，鯪魚丸，豬肉丸，牛丸， 每款兩粒 ，手打真係特別好食， 口感零舍好。仲有鮮制四拼餃， 水餃，牛餃，雲吞， 韮菜餃 ，每

其實由“米走雞“在長沙灣開業時已經知道此餐廳，但我害怕芝士雞煲加湯後芝味盡失，所一直都沒勇氣嘗試。直到男友跟同事吃過後覺得我非吃不可，就在星期日晚帶了我來這裡。事後，我完全改觀了。七點進去還有很多位置。舖面頗大，有軟皮坐椅，感覺舒適。我們只有兩人，點的菜不能太多，所以就點了我們認為跟芝士最合襯的食材~請看下面menu~只消一會就上菜了。先待滾起再調保溫免黏鍋。由於我們點了激量芝士碎的關係，拉絲的效果明顯，賞心悅目。然後就直接飲湯汁了(笑)。湯汁杰身，有濃郁芝士香味和味道，微鹹(正常的芝士鹹味)，。我在吃雞前已飲了十匙... 這鍋是小的，但雞件比我想像多和大件，很足料，不是給你骨頭啊! 雞肉嫩滑，跟芝士相襯。店員一都在巡邏，所以完全不怕沒人理會。我們想搞動鍋底時店員說不需要，還幫我們調校火力呢。吃雞後到了我最緊張的加湯環節。上圖是加了芝士湯後的樣子，仍然保持原有色調，芝士味更沒有減退啊!!! 因為加的是芝士湯非清湯，所以芝士滋味仍能保持。再飲了多匙湯...鮮製四拼餃，可一次試完店內所有餃子。個人特別喜好鮮蝦雲吞和鳳城水餃。前者的蝦又大件又爽口彈牙，味道鮮美，後者的肉配木耳絲也是多重口感。

一年一次既聖誕節我地幾個女仔總會約出黎慶祝同聚舊。今次我地想打邊爐，有朋友提議呢間餐廳，大家見到芝士煱覺得好吸引同埋d食評吾錯，所以試下。點好食物，先黎竟然係打邊爐食物先，個雞煲等左好耐先上。終於等到芝士雞煲，d雞肉係雞脾肉，都好軟肉，但佢d芝士其實我地點選激量芝士 但食落並吾係想像中咁，食吾到芝士味同埋好水狀，我地幾個女仔每人食左1,2舊已經吾想食，想快d打邊爐。食完雞煲加水打邊爐。佢d打邊爐食物都吾錯。 一分錢 一分貨。不過，食完雞煲再打邊爐真係好飽。打邊爐食物建議點手打五寶丸拼盤同鮮製四拼餃 幾好食總括黎話試一次就夠，對於女仔黎講食完雞煲如果再打邊爐會好滯好飽，所以就吾好點太多食物。走個陣成陣味，勁臭。

知道米走雞不論是大熱天時或是天寒地凍也經常座無虛席。這天晚上未夠七時來到，已有很多食客已忙於烚下烚下。雖然是忙不開交的時段，難得侍應人手十分充足，而每位服務也周到有禮，笑容可恭，值得—讚。 原本約了朋友吃雞煲，但這天喉嚨有點不適，唯有放棄而選了皮蛋芫茜湯底 $68。湯底啲皮蛋大大隻 又大又靚，沒有餲味。湯底内還有四件清甜嘅粟米，十分清熱。日本廣島蠔 $78，蠔味既香且濃，非常鮮甜。花膠 $88，份量不少，在頭段先放入花膠，至尾段才吃，還有點爽口 ，不會滾致稔爛狀態。 手切新鮮牛頸脊(小)$208，肉質新鮮有咬口，牛肉味重，味道鮮甜。黑松露蟹子魚麵 $138，魚麵唧出來粗粗的，軟彈的，蟹子不時在口中爆開，很有趣。鮮製四拼餃 $88，黑椒鮮牛肉餃肉香又爽。韮菜餃有韮菜香，菜餡有點過稔。雲吞和水餃内的蝦肉爽甜，餡料新鮮。山藥 $42 ，即鮮准山，熟後沒有發大和滑潺潺，質地粉軟不淰口。生菜 $40，新鲜嫩綠，清甜有菜味。Floris Honey比利時手工啤，$48，有重重的蜜糖味，味道特別，有驚喜，合女士口味，配火鍋很配搭。飯後來再支烏龍茶，解滯燒脂。這頓火鍋感覺滿足！滿意！見鄰坐的芝士或火焰

早前被社交媒體爭相報導的芝士雞煲今天終可來辨一辨真偽店鋪名稱頗有新意 裡外都與雞環環相扣就秉持這股「米走雞」的精神吃下去店舖位於大廈二樓 雖不隱蔽 但也不張揚沒有大型懸掛的招牌 卻還是能吸引很多人慕名而來適合一群人來的食店 旁邊還有一個小包箱能容納多人當晚我和朋友大概七點鐘到達入座率還沒有很高 只有寥寥無幾數枱人但那股香氣撲鼻而來 在店員安排入座的路上我們已急不及待跟店員點選芝士雞煲店員也不禁一笑便馬上去準備了整齊擺放的餐具 但桌子略小了一點 放了雞煲之後就有點擠了對於第一次來的客人很貼心標示了如何吃雞煲還有什麼湯底撘配什麼配料才是絕配也有一些店內主打作為點菜參考 就不怕選中「伏野」了等待雞煲的同時我們便開始勾選火鍋配料了雖然選擇不多 但應有盡有說時遲那時快雞煲已經備好 店員把它安置爐上 告知我們等芝士融化後便可食用我跟朋友都有點傻眼 因為份量一點都不少剛才我們還點了很多配料 只怕吃不完啊～我們事先不知道雞件早已煮熟 所以一直等店員會一直在場巡視 眼看我們不懂拿捏時間 店員便前來替我們把爐子調到保溫狀態並收起鍋蓋以示我們可以享用啦圖中可見雞件切割得很大塊 拉絲效果跟韓式芝士排骨已經有點

家中接二連三發生大事, 心情大為不佳. 想大吃一頓發洩, 致電3位好友, 二話不說便出來陪我, 朋友真好.  這個有個能坐10-12人的包房, 感覺不錯. 真想約一大班朋友來大吃一頓.  第一次吃芝士雞煲, 這裡採用的雞頗厚肉而且切得大塊, 由於有店員提示雞已熟, 芝士煱熱起便可吃, 雞肉的質感很滑(估計是雞件有好好的做過泡油處理). 沾上芝士汁後, 芝士的濃香與雞味配合得相當好.  接著上場的是麻辣煲, 放上枱後, 店員便點火及將雞件略炒, 香氣四溢. 店員說裡頭除香料外, 有紹酒, 米酒等. 想一想, 米走雞可能是米酒雞.  酒精燒得差不多後可以拿雞件吃, 雞件嫩滑外帶有麻香辣香, 蔥, 芫茜, 辣椒等混合成誘人香氣. 個人較喜愛麻辣多於芝士 第一樣吃的材料, 大虎蝦, $88有6隻(太興奮忘記拍照 ) 雖不是活蝦但肉質結質且價格相宜. 用麻辣湯底焯相當好吃.  級數普通的雪花肥牛, 但份量頗足. 配麻辣湯底惹味但芝士湯底更帶出牛味. 質感柔軟而爽口的竹笙配上墨魚滑, 不錯的組合. 配麻辣不錯. 四拼餃全部手制, 頗具特色. 油麥菜向來是我的至愛之一, 但今天面對翡翠

近年普教中的話題越趨白熱化，某國人更強調普通話才是正統，廣東話都是方言，沒有文化。先不要說廣東話源遠流長的歷史，在文學層面上，廣東話中多用上比喻，令說話更加傳神。如米走雞書面語就是不要走寶的意思，但用上雞去代替寶，或許是因為雞有腳可以走動，米走雞就是不要讓雞走了，更令人深深感到抓緊機會的迫切，否則就會走寶了，比單單用不要走寶來得更加生動傳神。今次光顧的米走雞，不單用了一句廣東話固有的詞語作店名，而且還大玩食字，令店名變得語帶相關，既能帶出食店以雞煲作主題的賣點，亦能引出懸念－米走甚麼雞呢？正所謂唔怕生壞命，最怕改壞名，可見一個名字取得好，絕對能影響其命運，亦因為這個富玩味的店名，我就決定一探究竟。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊米走雞有兩間分別，一間在長沙灣，另一間在太子，今次拜訪的是太子店。太子店位於旺角警署對面，距離太子港鐵站僅兩分鐘路程。食店以棕色為主調，裝潢摩登，配上舒適的梳化座，感覺像西餐廳多過雞煲店。每枱都有一張點菜紙，來得雞煲店，第一件事當然是選擇雞煲款式，這裡有黃金芝士和火焰麻辣兩款雞煲選擇，如果不吃雞煲，另外亦有四款不同火鍋湯底。火鍋料雖然