E Molto Buono (Closed)

12月的幸福寶寶又被請客了～今日朋友帶咗我嚟呢間意法fine dining嘅餐廳，叫✨E Molto Buono ~ 真係冇諗過~ 係滿滿嘅surprise ☺️ 每一道菜都咁精緻好味！呢度晚餐係包咗6道菜Deluxe Set~我哋每人都揀咗唔同款式，咁就可以share試多啲啦~ 正式上菜之前先送上麵包籃～ 好香呀！3款麵包分別係意式包、芝麻竹炭包同芝士脆片～ 再配上經典油醋、辣肉腸南瓜同茄子醬~ 😋 全部都好好味呀！🔹Starter🔸 Spanish Carabinero Tartare 西班牙紅蝦他他賣相真係好靚😍頂層有三文魚籽、透明薄片啫喱用白酒製成，🦐中層係紅蝦蝦膠，底層係🍎蘋果加西芹及Wasabi蛋黃醬mix成的沙律~ 配上有子🍊柑桔醋製成嘅泡沫～ 層次豐富、清新好味！🔸 Pan Fried Hokkaido Scallop Black Truffle Mousse with Green Apple Quinoa Crab Meat Salad 煎北海道刺身帶子，黑松露蛋黃慕絲配青蘋果藜麥蟹肉沙律以大玻璃碗盛載，內裏以魚籽醬罐裝著整道菜～ 賣相又係滿分💯！ 沙律清新開胃～

🇭🇰E Molto Buono·Deluxe Set Menu $928佢呢個set真係超級多野食 我地係由7點半無間斷食到11點幾 飽到傻左🤣🤣🤣之後佢嘢食嘅擺盤都好靚 幾精緻 不過我建議大家真係要早啲嚟食 如果唔係會食到好夜😆·麵包籃 l 香煎北海道帶子配蟹肉沙律 l 西班牙紅蝦他他佢個麵包籃都幾有驚喜 佢全部都係暖嘅 而且好鬆軟 我尤其鍾意佢個辣肉醬dip 呢個超惹味 我地最後係食曬成籃麵包🍞之後佢個帶子都煎到岩岩好 中間好嫩 下面個蟹肉沙律都好多蟹肉 不過我就略嫌佢多忌廉咗少少🦀️之後個紅蝦他他我地就覺得冇帶子嗰個咁好食 因為佢下面嗰個蘋果西芹沙律感覺上冇咁夾🦐·法式龍蝦湯 l 意大利雜菜湯 l 香脆蝸牛薯蓉球 l 香煎鵝肝 l 番石榴雪葩湯方面我地就揀左一樣一個 佢個龍蝦湯都幾濃龍蝦味🦞個雜菜湯就清啲 香草味多啲 不過入邊都好多蔬菜😎之後嚟到呢個位其實我哋已經少少飽 但係佢仲有兩個小食🤣🤣佢個蝸牛薯蓉波熱辣辣 幾好食嘅 但係就比較薯 真係有啲飽🥔之後佢個鵝肝好大舊 不過唔知係咪太大舊 我覺得呢個有啲膩 反而冇蝸牛薯蓉波咁好食🫢😂最後係食主菜之前佢仲有個番石榴雪葩俾你清清個口再開

生日月，一連串飯局開始，不過我無乜心機寫，出住一篇先，多謝各位咁有心機睇到尾，感激🙏E molto buono 👅食物：❤❤❤❤(不包括甜品)大部份野都幾好食，最值得食既個人嚟講係啲麵包，真係好脆又夠熱，可能岩岩整起既原固，好好味。半隻龍蝦，雪芭，龍蝦湯都好滿意，甜品麻麻，有餐茶但我另外叫咗咖啡，因為頭兩樣之後就係咁要等，等到好眼瞓所以叫，咖啡一般。份量：❤❤❤正常份量，但有兩個前菜(半隻龍蝦同蟹肉Tartare)，麵包仲另外叫咗生蠔，所以都幾夠飽，加上食完龍蝦後每道菜都等20分鐘，等到好眼瞓，超飽。環境：❤❤❤❤幾舒服，餐廳入面擺得幾靚，燈光暗暗地，音樂幾好，氣氛幾好，所以更加眼瞓，不過全店滿座，所以上菜較慢，其實其他地方可以既，3個鐘食一餐好多法國菜都係，只係香港步伐太快，我每日工作太攰，環境配合得太好所以啲攰走出嚟啫。抵食：❤呢樣無辦法，臨近情人節邊度食西餐都貴，不過我比多200-300可以去五星酒店Fine dinning，不過都係要食3個鐘。。。。服務：❤❤❤❤幾好，侍應好有禮貌，有個好有笑容問我哋邊樣好，有咩意見，又解釋下點解佢哋咁做，好有耐性。👍#emoltobuono

表姨甥女話未試過啲上樓嘅私房西餐廳，啱啱近排從食友嘅食評所見，晌銅鑼灣有一家主打法國菜及意大利菜嘅私房餐廳，風評不俗，值得帶佢嚟見識一下。餐廳所位處嘅大廈，瑟縮晌霎西街，幢商廈門口又開得細，差啲行過籠。但入到餐廳，又喺另一個世界，走高檔格調嘅E Molto Buono，地方唔喺好大，不過，環境甚有氣氛，柔和嘅燈光，高椅背皮椅，卻有份輕鬆，唔會讓人太拘束。唯可惜喺連少少街景，都被啱啱搭建嘅竹棚擋晒。此外，生蠔又有買一送一優惠，非常抵食，蠔痴就可以盡情食個夠，不過，身體狀態未喺十足，生蠔暫時未敢掂住。晌FB讚好及分享，就即時有5%折扣，無理由唔要架。聽店員講，以前有散點菜式，不過為咗做得專啲，提高質素嘅穩定性，以及有效控制食材，所以，依家就只有6道菜嘅晚餐供應，由頭盤、湯品、小主菜、雪葩、主菜、到甜品，另奉送花茶，定價為$698或$738，視乎主菜選項，睇番啲食材配搭，頗有心思及創意。飲品方面，一大本酒品餐牌，故然有唔少餐酒、烈酒……等等，不過我哋始終都唔喺嗜酒之人，故店員介紹我哋試吓一啲嚟自「法蘭西」嘅果汁飲品。White Peach Nectar $78白桃果汁質感比較厚身，店員話如果

XO仔：「冇舞跳o既日子點算好？！」契妹：「同我冇拖拍o既日子一樣，盡情食！」***就係咁，二人就化寂寞為食量，猴年好似發咗顛咁，差不多晚晚出街食 ，地點大多都係親友介紹o既餐廳，偶像食家推介o既食肆，又或者係雜誌上睇到o既潮店。週三我地就應字母週刊推薦，尋訪一家喺灣仔新開只有半年o既高級西餐廳「E Molto Buono」。食店位置頗為隱蔽，黃昏時段穿過漆黑o既橫街窄巷，步入大廈細小o既門口卻現出一條金光閃閃o既樓梯 ，格調當堂提升不少。餐店雖選以意大利文起名，但從門外餐牌上可見，美食套餐混入咗大量法國食材及廚藝元素，明顯大廚有意將兩款歐陸菜溶合。 廳內用上木地板舖設，乾爽潔淨。散座大多為二人枱。餐桌以蠟燭照明，氣氛極度羅曼蒂克，似乎客路以情侶為主 。牆上簡單掛上食物照片，未食都已經令人流哂口水。水吧後面除咗貼出每日不同o既鮮蠔品種之外，亦寫出如何即時享用九折優惠o既詳情。契妹咁精打細算，當然係跟足指示做 ，結果埋單時成功免去加一服務費。契妹身體抱恙，唔想飲咁多酒，小肥就叫咗杯意大利汽酒襯托返自己準備叫o既海鮮菜式。為汽酒拍照時，發現到餐具柄位非常穩固，相信大肥爸爸見到

是日細周生學校聖誕表演，表演完畢一起外出吃飯。因是晚選定的餐廳比較靜，魚仔還是乖乖留在家中合適一點。E Molto Buono 開業於一商廈二樓，地方不大。餐廳以點點燭光作點綴，配合柔揚的輕音樂，用餐氣氛都算浪漫良好。 晚市設有兩套餐餐牌，一大（七道菜）一小（五道菜），食品款式差不多，可依據個人口味及胃納決定。最先送上的是麵包籃，內含法包及香草包兩種款式。暖暖的包品，最吸引之處是脆脆的外層，連細周生也覺得滿意。前菜煙三文魚凱撒沙律，羅馬生菜翠綠鮮爽，與麵包粒相映成「脆」。主角之一的煙三文魚食味亦很香濃，質素比預期佳。唯一美中不足之處是那塊脆芝士，芝香到位但脆感不足。另一前菜煙水牛芝士蕃茄凍，賣相細緻，水牛芝士味道比較清淡輕盈，吃的是那份煙韌口感。既然水牛芝士味淡，菜式給味的重點落在上下方的食材。芝士下方是蕃茄凍，紅色賣相悦目吸引，味道清新酸香。芝士上方是雜蔬粒，那些不顯眼的洋蔥竟成為味道的主泉，口味辛辣。接下來是兩道餐湯，法式龍蝦濃湯是傳統的海鮮湯，以大量蝦殼蝦肉餚製，味道頗為濃郁，面上引入份量不少的忌廉泡沫，湯質滑度明顯增加不少。建議追加龍蝦肉相信湯品更為吸引。另一湯品鮮菌蟹肉忌廉濃