大公館

Open Now

Now Closed

北上搵食成為大趨勢, 真係影響到香港好多食肆！平時要喺大公館假期前book到位食飯都幾難, 但今晚去到大公館見到只有四五枱客, 個心有啲酸！我哋真係自己book枱, 自費食評！今晚叫咗尊貴套餐, 其實每位都只係788蚊, 唔算好貴！頭盤有黑毛豬叉燒、黑魚子花雕醉南非鮑魚加麻香涼拌萵筍。叉燒好冧好好食； 個鮑魚真係不得了, 彈牙得嚟又好冧, 花雕味剛剛好😋；萵筍有淡淡嘅嘅麻辣味, 醒胃！魚汁白玉金勾花膠湯湯底好甜, 花膠真材實料！法國藍腳菇炒蘇格蘭蟶子皇啲菇炒得好香, 豉汁味亦都調教得啱啱好, 可惜只得一條聖子, 有啲意猶未盡！芙蓉豆酥蒸銀鱈魚球舊銀鱈魚好滑, 下面嘅芙蓉蛋白蒸得好Q彈😍鳳梨脆皮京都骨造型好可愛, 特製醬汁紅色好搶眼, 裏面舊豬扒其實係冇骨嘅而且好鬆化👍🏼, 下面嘅菠蘿用火燒過, 甜味大增！豆漿杞子黑腐竹浸時菜同埋金瑤櫻花蝦蛋白炒飯同樣高質素！見隔離嗰枱個啫啫雞煲好香, 我哋都忍唔住叫咗個🤪味道正常, 啲雞係雞柳, 唔係新鮮雞, 不過真係好香！甜品有造型可愛嘅南瓜金球, 唔係好甜, 煎堆皮亦都做得好靚！仲有童年回憶「菲林桶」金箔懷舊芝麻卷, 可惜啲芝麻味唔係好重！整體嚟講

第二次黎大公館，依然出色！賣相精緻，入口魚質鮮美，食落有濃郁煙燻味，很好吃，反而龍井吾太出。山藥切成丁方，容易入口，散發出淡淡話梅味，清新爽口，胃口大增！香甜酥脆嘅蝦仁，齋睇已經好吸引，吃落真係嘩嘩聲！色澤均勻，入口肥美香口😋，帶小小蜜糖味。皮脆肉嫩，雞皮薄薄，脂肪極小，入口淡淡蒜香味。廚師推介既菜式之一！中式合璧既一道菜！採用西班牙黑毛豬，米皇用米漿打成芡汁，娃娃菜完全吸收晒咸香嘅黑毛豬精華😌，琥珀雖然無咩味，但提升左視覺效果，女士養顏最愛！🙆🏻‍♀️第一次食山渣制成既甜品，加左金箔係面，即刻成個upgrade哂！💫變成矜貴嘅糕點，味道都唔錯！環境優雅，食物水準高的食府！👍

連續兩日都嚟大公館食晏, 原因為同區樓酒嚟講最高質係佢, 二來中午同客食飯要係荔枝角區搵間座得舒服食物質數又有返咁上下嘅, 佢係其中一間。今日係嚟食晏, 講吓我哋食咗啲乜野先：蝦餃好食, 中蝦爽口, 有少少筍絲加添清爽感燒賣食味一般, 與坊間酒樓無異, 可以唔係到試黑毛豬叉燒依個好食, 應該係低温慢煮, 肉質係好淋, 又多汁, 真正半肥瘦位, 有燋邊, 邊位咬落脆口, 有香濃蜜牙糖味, 好食。叉燒包賣相吸引, 食落皮薄煙韌, 包內蜜汁叉燒甜度適中, 其包底有一層燒過的米衣, 添加脆皮口感, 食落更加有層次, 好吃。木瓜雪耳湯幾好飲, 飲落知道煲咗應該都幾耐, 有啲黏口, 好甜, 瘦肉係切粒方便食。鹹水角賣相吸引, 但皮較厚, 食味一般, 無驚喜。脆皮皇妃雞雞皮脆口, 雞有雞味, 鹹味適中。櫻花蝦蛋白炒飯成碟飯都好乾身, 飯粒質地好好, 炒得分別, 但櫻花蝦乾身, 飯粒乾身, 如加回一嘅肉粒油份, 食味會更好。蝦醬通菜煲蝦醬味濃, 熱吃好吃, 凍了就沒蝦醬味變臭就不好吃了。鼓油王炒麵唔會好油, 食到鼓油味, 麵都叫乾身手制椰汁山渣榚山渣酸味與椰汁味好平行, 彼此唔會太嗆芝麻卷食落好香芝麻

前幾天在婚紗展看見這間餐廳參展適逢今天在附近接兒子放學所以便第一次到這間餐廳光顧我和媽媽兩個人點了四款點心一碟叉燒結帳時一共六百多元食物質素是可以的但確實算是昂貴XO醬煎糯米雞份量算大兩個人每人一隻糯米雞煎得頗香尤其底部脆脆的刺蝟好cute 手工很好👍🏻底部有一片米網 脆脆的 很好吃蝦餃賣相一般 但味道不錯蝦非常爽招牌菜黑毛豬叉燒肉質鮮嫩而且帶炭燒味係好味既 但一碟十件 $268$26元一件 確實有點貴另外點了XO醬鳳爪忘了拍照 賣相一般 味道一般總括來說 味道是很不錯的就是貴了一點

有日喺長沙灣有野做，lunch time就搵個地方醫肚，搵間未食過嘅餐廳試下～中菜廳冇位，佢地比左西餐嗰邊我地食中菜😂西餐嗰邊比較暗，有情調，但應該中餐嗰邊座位會舒服啲。叉燒包好似生煎包咁整，所以個底係脆嘅。味道唔錯，不過呢個外表有少少令小編倒胃口😖咸水角幾好食，正常味道。取勝嘅位係佢啲野都好新鮮，呢個比人嘅感覺係新鮮炸起～呢個腸粉入面包住啲好似春卷咁嘅野，入面包住好多蝦，個皮又夠薄，幾好食個叉燒就冇乜特別，賣相唔係咁好😂 但味道就正常，都夠冧同唔乾。個飯好大碟😂 幾好食，夠濕潤，又唔會太咸或者冇味。整體黎講食物唔錯，但性價比低，唔太抵食

同朋友去左荔枝角，無乜心水食乜。一開openrice 就見到呢間大公館。咁岩朋友係會員，所以就上去食啦一入去個staff話得返西餐廳個邊有位。問我地o吾ok再帶我地入去。其實我反而覺得仲好，因為再少人再靜啲。首先叫個蜜汁黑毛豬叉燒先熱就吾係超熱，但係暖既！所以都算有温度。半肥瘦係我至愛！夠哂味！不錯！跟住就係小籠包。因為我吾食得虾，所以問左有無虾先。但是關個經理都吾知，所以佢幫我問左先。答案係無虾既！對海鮮過敏既人都可以食！佢都係暖既！我相信係特登吾整咁熱。可以俾你直接入口。一咬落去。超級juice超正！呢個推薦！呢個不得了！叫脆皮京都骨。首先佢係無骨既！但係外脆內軟既口感真係無得輸！甜甜酸酸既汁夠哂開胃！推薦！台灣魯肉飯。呢個就還好。不過不失，正常水準。

想食呢間中菜好耐，今晚終於有機會夾齊人試試，我地一行5人行完山...餓到傻，六點已經入座但都有人比我們還早入座😮；我地叫左名物黑毛豬叉燒，叉燒唔係半肥瘦，但汁既味道同燒出來既焦邊效果可補償不足，下一次再來黑毛豬叉燒都係必點菜式；另外脆米雞是全晚驚喜，以為它只是平平無奇脆皮雞，但雞不但肉質夠嫰，肉味夠香，脆雞皮加脆米相得益彰，呢隻雞另席上小妹妹非常開胃😂；整體而言，呢間中菜在區內極為少有，品質較好而且價錢亦不算貴(因為份量頗大)。

每個月都會與男朋友食一餐特別好的。今次與男朋友和他的家人一起來到大公館。見有這麼多讚，心想應該很不錯！食物雖然不是差，不過與期望有點落差。。。空間不算大，侍應服務亦一般。有一點不滿的地方是上菜太快。因為吃中菜時都希望食物是熱呼呼的，上菜太快容易令餸菜變冷，亦有少許趕客的感覺。以這價位，食物環境服務都有待改進。* 柚子凍鮑魚 *柚子略帶苦澀，鮑魚味不算重。口感可以，但味道一般。上枱時以乾冰作伴，仙氣十足！* 燕麥黃金蝦球 *雖然有燕麥，不過當然不是健康菜式。黃金香，蝦爽，算是不錯。* 黑毛豬叉燒 *較為薄切，豬味平平，有點失望。* 三杯雞 *其中一樣重味餸，伴飯一流。雞較細小，肉不多，而且骨斬得有點碎。* 海皇雜菜煲 *海皇湯底不錯，帶子算是大隻。感覺是全晚最好的一道菜。* 黑松露和牛炒飯 *黑松露味濃，不過和牛真的太少和太小。一般般。* 甜品 *山楂糕味道口感不錯。芝麻卷有點太削身，煙韌度不足。椰汁燉奶香濃滑。

好幾次都想去大公館吃，但總找不到飯腳。今次終於搵到有心人，可以償我心願~~大門係一隻重甸甸有門環，我按下門鐘，餐廳職員推開大門，好彩我不是企得太貼; 否則先食門餅 ^_^”””雖然飯店係招待會員，但也會接受非會員光顧，咁價錢就會貴d 及要收加一。這裏可能檔次高一點，沒有其他飯店的喧嘩，幾舒服。餐廳職員很勤快及有禮。我地一行5人，但想試的菜式太多了。若散叫有點不划算，所以決定叫6人套餐。果度晚市得2個套餐: 1個係個人尊貴餐，1個係6人餐。1) 麻香萵筍: d 萵筍扭咗花紋，賣相已吸引我。味道一樣出眾，有麻辣，但輕輕的，正~~2) 黃金豆腐粒: 細細粒，粉漿夠薄5散開，豆腐夠滑3) 黑毛豬叉燒: 望個樣似“鞋”，但竟然係腍!!!! 又香口~~4) 松茸菌竹笙雞片清湯: 呢個真係好香又清甜。菌味勁濃，雞片。。。我覺得似點綴d5) 砵酒生蠔: 勁大隻，真係好好好味!!!!! d 汁沒有蓋過蠔味，2者都好夾!!!! 怪不得散叫，非會員價要 $88/隻6) 露筍明蝦球: 露筍爽及入味，蝦球又係大大隻7) 燒汁黑豚肉眼: 睇樣真係估5到係豚肉，片片長方形，薄身。一咬。。。嘩!!!!! juicy

呢間粵菜，主打精緻料理，上次見到雜誌介紹已經好想去，今日有機會食到佢喺荔枝角D2出口對面馬路D2 place10樓，原來要喺寫字樓大堂搭lift的，大堂好modern，一到10樓就搵到，門面好摩登中菜feel平時以為荔枝角工業區，晚上應該唔多人，但原來都7至8成滿，坐位寛敞，係難得傾到計既粵菜都幾啱工作飯局魚蓉羹，好濃既魚湯，好有特色，菜同腐皮都切到比1mm更幼既絲，刀功好勁黑毛豬叉燒，招牌菜，厚切好有質感，外層有微脆邊，好香，上面有薄薄蜜汁，口感唔錯。川味口水竹絲雞，推介，好特別，沒有骨的，一層層拆左肉既竹絲雞肉，好似水晶肴肉咁整成一片，再加麻辣口水雞汁，花生碎，蒜蓉，芫荽。竹絲雞肉好霖滑，口水雞汁微麻辣，好醒胃，出面未食過但好滿意既前菜清香柚子凍鮑魚，柚子肉配鮑魚都係第一次，原來都夾架喎，鮑魚唔韌，好霖又帶點口感，而且加埋柚子肉感覺好清新。豆漿鮮腐竹杞子娃娃菜，娃娃菜同腐皮一向索汁，配豆漿汁食，清淡得宜花雕蛋白蒸蟹鉗蟹鉗好厚肉肥大，上檯已經聞到微微酒香。蟹鉗好新鮮，d肉一梳梳，爽口，好滿足蒸蛋白食落都feel到有酒味，滑滑地，配蟹肉食都幾好。燕麥金沙蝦球，平時有d驚蛋黃蝦好膩，但呢

我早前已寫過幾間位於荔枝角D2 Place商場的食店，不過，原來除了樓上商場幾層外，樓上的商廈樓層也有餐廳的，而且像卧虎藏龍般，真的估你唔到的，就好像這晚吃餐的「大公館」，不少名人也來幫襯，屬高級中菜廳。並行會員制，入會費要$6888，暫時非會員也可以光顧，只是食物價錢較會員價貴大約百份之二十幾。大公館又不只是普通中菜酒家咁簡單，是一個結合餐飲、藝術和音樂的地方。來這裡，最重要還是食物。大公館的總廚甚有來頭，皆因曾効力澳門米芝蓮三星級中菜廳 「8」，令我甚有期望。先來點前菜，川味口水竹絲雞，經典川菜，郤用上了較爽口的竹絲雞，加上麻辣和頗為大份量的蒜蓉，確實給我一種刺激又有層次的味覺，而麻辣程度屬中級，是大眾可接受的辣。清香柚子凍鮑魚端上時煙霧瀰漫，有種仙境的氣氛，放在鮑魚上，更顯得高貴。加了柚子肉的凍鮑肉，不但爽脆彈牙，而且有微微酸甜，更突顯鮑魚的鮮甜。黑毛豬叉燒不算是特別的賣點，現在頗多酒家都有，但有些郤背離了粵式叉燒應有的味道和質感，我認為無論是否用黑毛豬，叉燒應該要半肥瘦，還要有油香的，才算好，這碟就做得不錯。明爐燒鵝，能做到脆皮、油香、肉滑又熱騰騰，這隻燒鵝合格有餘，沒有什麼可