一町目日本料理 (Closed)

很久沒有來這裡食lunch，本來懷著期待的心情來這裡吃特上壽司定食及特上刺身定食，可是失望而回。這便是我地叫的特上壽司定食及特上刺身定食，價錢大概$110左右，但壽司上的魚生很薄，樣子也不太吸引，而味道也只是一般而已，比起兩年前來這裡食的定食相差很遠（沒有了三文魚子）。至於特上刺生定食，賣相也不太吸引，份量也沒有兩年前的多，但刺身的味道就比特上壽司的魚生鮮甜。到這裡食lunch的客人九成是點牛肉火鍋定食，心想如今只有牛肉火鍋定食才是這裡的 hot dishes。下圖是兩年前同樣的定食套餐，賣相及味道確是和現在差很遠。

一年前度有食過一町目, 覺得好好食, 今日又想食日本野, 決定再試入度去, 連侍應都冇個, 得個司傅衝出黎問我地幾位, 落單執枱又係佢....我地兩左兩個餐SHARE, 上餐超快, 叫完5分鐘都唔洗就上晒兩個餐....第一個上既係羊肉火鍋, 日式火鍋好多時都係甜甜地, 佢個湯係得D菜味....羊似得4-5片, 冇味的鍋入面D菜完全冇吸收過D湯, 似係就咁放D配料落去就上餐咁另一個我地叫左刺身定食, D刺身唔係大新鮮, 食落有少少"梅" 既感覺坦白講, 佢以前真係好好食, 但而家完全唔掂, 雖然唔貴, 但真係唔好食....

閒日中午12時半左右經過天后，日本定食心癮起，試試從未吃過的一町目甫進店內已差不多滿座午餐板上有拉麵、壽司、（牛肉或羊肉）鍋物等定食二話不說選了牛肉鍋定食份量很足料新鮮，鍋底有豆腐和大量蔬菜牛肉顏色粉嫰沒有瘀黑、沒有雪味，這個價位算是很好了甜甜的壽喜燒湯頭吃後不口渴味道很好只售$55 且免收加一，確是意料之外

午飯時間等候30分鐘, 終於等到一張6人枱離開, 但老闆竟因我們是4人而拒絕給我們進入, 反而叫剛抵達的5人入內.  那5人都不好意思, 想讓我們先進.  冷臉的老闆竟然話: 你地5個? 就可以進.最離譜係, 店內只有2 張2人枱, 2 張4人枱, 2 張6人枱.  即是說無論等幾耐, 都只有2張枱可以供應!懶理店內有空席,總之你係4人就一定要等那2張枱吧, 他是不會分枱的!!   連一句不好意思都沒有, 建議重新學習最基本待人的禮貌. 你可以堅持原則, 但亦應有作為服務業的禮貌! 

又到午飯時候了, 到附近找了一間近似日式料理店, 坐下叫了雞扒拉麵.  不到五分鐘, 麵來了, 点解拉麵会附上麵豉湯嘅???十萬个為什麼. 無論如何如果好味的話, 附上什麼都不重要.食拉麵先渴湯, 湯是靈魂所在. 不得了咸得咁利害嘅???似鹽水湯多過豬骨湯,麵亦有皂水味, 完全不像話. 那塊雞扒煎得比較過火,雖不至於"鞋口", 但有燒焦物浮在湯面, 食落亦有燒焦味 .  那碗麵豉湯重咸, 完全沒有麵豉味,  好失望!

又到左食午飯時間，今日去左食日本野。等左幾分鐘就有位，都幾快。入到去坐低，環境比人既感覺都幾日本既居酒屋feel。好快就叫左個牛肉火鍋，本身就跟一碗飯，不過我就加錢轉左烏冬。唔係等左好耐就有得食，呢度既牛肉火鍋個份量都算多，唔會話得好少野係個鍋入面。牛肉個味道唔錯，連埋烏冬一齊食就更加好味。鍋入面仲有其他既材料，有好多菇同埋好多菜，仲會有其他材料。烏冬就唔會煮得太過淋，有D彈性，食落口感唔錯。其他既材料都煮得幾入味，而且個湯既味道唔會太淡，成個鍋既味道都好夠，唔會淡而沒味。下次如果再食就試埋個羊肉火鍋先，因為見到人食都好似幾好味咁。

因小妹中學系附近就讀，對天后唔多唔少都有特別情感（幾多回憶下），但之後有幾年未踏足過這片土地。終於因友人既提議下重遊舊地 ，特別選擇了一町目食晚飯。有五年冇去過，居然同以前一模一樣，好懷念 ，一般情況下都五洗點等位既，但假日最好打電話book定會好的，因店面都五系好大，有sushi bar 臺！佢地既set dinner幾出名，因為之前次次都食牛肉火鍋，今次就試下個刺身定食啦！他們會配以白飯，沙律，味增湯，蒸蛋。我幾中意個沙律，個汁酸酸甜甜好開胃，但味增湯麻麻，偏咸，我唔太喜歡。好快蒸蛋就到！本人超喜愛蛋料理，這個蒸蛋認真不錯！味道剛好，好滑，入面例牌有菇，雞肉，新鮮蒸好上菜，確保熱辣辣！吃完前菜冇耐，正餐就來了分量唔多，但加埋飯食，都幾飽肚。刺身件件都好新鮮，冇腥味，不俗！ 另外友人叫了銀鱈魚定食，一樣有白飯，沙律，味增湯，蒸蛋。鱈魚燒得剛剛好外脆內軟，淋上燒汁，加上豐富既油脂，食落去簡直一流啊 ！碟邊附上蛋黃醬，食落又系另一種感覺，正！另外我們叫了燒牛舌牛舌有兩串，每串有3塊，每塊都幾厚下 ，五次其他店切到好薄.....碟邊附上黃芥末，令厚燒牛舌更加有層次！就甘食又得（表

今天中午, 跟同事不知吃什麼之時, 在等候過馬路同時, 看到一町目, 商量過後, 於是嘗試吃, 門口看看, 價錢不是很昂貴, 就入去試試, 問過店內侍應, 壽司定食有沒細烏冬跟餐, 因為有的小店是沒有的或另加價錢才有, 高興的是有, 於是原本選擇吃烏冬套餐的同事亦轉吃壽司定食, 真的沒選擇錯誤, 小烏冬的質感很滑, 可惜湯底內的紫菜有點"硬", 而壽司共有九件, SIZE不大不細, 其中一件是熟蛋, 我平時不太愛吃的, 但是今日吃的是暖身, 可以接受, 整體來說, OK, 下次可以再嘗試其他的套餐, 餐後送上一粒雪米滋, 如需要另加汽水只需加HK$2, 沒有另加一服務費, 超值, YEAH! 

先預約,無須等位,可惜入到去原來很細,剛巧假期有兩枱比較噪,焗Ｄ聲好吾舒服,食物一般,價錢一般,服務一般.但我不會再去~~叫了一個曼魚飯$50令男人飽肚,非常普通幸好係日本飯.寿司尚万,但手卷居然吾係三角包而是平包不太尊業.2百幾畋埋單,沒有興趣為食物影相,因為好悶沒什麼驚喜!

一間稱得上走漏眼的食店, 今日亦是由友人引路到此開餐 店內陳設簡單不花巧, 明確地針對街坊路線雜錦剌身: 包括了白肉豚; 劍魚腩, 甘蝦, 三文魚, 靖魚等各款也新鮮好味, 其中白肉豚不是經常口吃到, 其油脂豐富魚油香味不俗, 是推介的魚類。壽司併盤: 大致上是比較大路的種類, 但壽司飯拿捏得恰到好處, 鬆軟度剛好, 整體還是不錯的 。 天婦羅: 其中選了紅蘿蔔和南瓜吃, 炸醬做得蠻薄的, 沒有油膩的感覺。 焗金菇牛油帶子: 帶子比較細隻, 味道可以接受, 只是牛油分佈不平均的小問題而已。燒銀雪魚: 皮香肉嫩, 魚油被燒得揮發出來, 非常惹味可口。最後付上兩粒港式糯米糍, 亦是最敗筆的地方。

今天和友人相約在天后吃午餐，於是友人提議這間日本餐廳。我們來到的時候大約十二點九，是繁忙時間，我們倆在門口等了五分鐘，便有位了。由於待應提議我們在等候的時候順便落單，於是我們入內不久後，食物便送上來了。我叫的是豚肉生疆燒定食，定食除了飯和豚肉外，還有一碗面豉湯和兩塊酸瓜。豚肉的份量其實算多的，肉並沒有被燒到全乾，內裏仍然有些肉汁，而肉質還算不錯，不會有過軔的情況發生。飯是採用日本米的，但並不是屬於很高級的那種，只是稍為比中國米好食。面豉湯也屬於不過不失的水平，可能是我本身對面豉湯的認識只屬一般。此外，飯後亦有味道不錯的糯米糍。總括而言，48元一個定食（不包飲品）其實在天后來說是較為便宜的，特別是相比起附近那些高級日本餐廳，所以基於性價比的考慮下，這間餐廳是抵食的。

最近好忙，差不多2個月無食曰本菜。D人唔敢食，我同朋友就唔怕。等埋個朋友收工，差不多8點到，還可以坐bar枱首先送來: 切片番茄 - 配酸汁刺身有: 大池魚、小池魚、帶子、法國生(好新鮮but not my style)、新鮮toro、新鮮牡丹蝦、海胆、油甘魚、mok皮魚、象吥蚌、唔可以唔食的 - 蛋刺身 - 正、、、、仲有好多唔記 燒物: 雞泡魚干湯: 魚湯 ( 我飲咗兩碗) 因為客人不多，差不多所有剌身(除了一些我們不好的-如和牛、、、)都可以品賞到今晚食得好滿足，好開心

小小的日本式店舖. 只係有牆上menu. 壽司定食$58, 最後都係揀左貴d0既特上壽司定食. 十件壽司, 最鍾意件拖羅, 入口即融. 暖暖的壽司飯, 加一碗烏冬. $98 冇加一, 個set雖然貴d, 但係D料係值0既. 抵食

平安夜，冇訂台，巧合地又有位。以為自己好好彩。點知，都係食得唔太開心。叫左個二人餐。海膽豆腐沙律。海膽同豆腐d味道唔夾，又同個汁唔夾。季節刺身3款。不過不失，但係好似凍左d，好似有d雪味。大根鰻魚+鐵板牛利+蝦天婦羅大根即係白羅白，索哂d汁幾好味。牛利，厚切，幾好幾好。蝦天婦羅，沒什麼驚喜，都是這樣。三文魚面豉湯鍋燒烏冬最後食得好飽，但係冇咩特別感覺。

年三十晚跟男友在維園逛完花市後他就帶我到附近的日本料理 - 一町目日本料理叫了一個 牛肉火鍋定食一個汁燒銀雪魚定食很難得晚上仍然有定食定食跟 沙律 味噌湯 蒸蛋 甜品先來前菜 沙律 及 味噌湯沙律沙律菜配酸酸的SAUCE 很開胃味噌湯一般 而且比出面的較咸 我不太喜歡蒸蛋 即叫即蒸 超滑的 加一點點的鼓油 跟裡面的配料 好吃牛肉火鍋跟珍珠飯牛肉比吉野家好吃得多了來的時候是生的過一陣子剛剛熟 很好吃蛋就不會變熟了不過可以用來拌飯一起吃還有一些配菜牛肉火鍋的湯底很棒用來拌珍珠米吃超配呀他們家的珍珠米也好吃比一般的珍珠米硬及煙UN汁燒銀雪魚雖然價錢跟牛肉火鍋一樣但對比上來較少呀可是也很好吃呀而且銀雪魚一向都比較貴銀雪魚很滑魚味較重 是新鮮貨呀最後甜品就是2粒雪米滋這就是我倆的團年飯啦 !! 開心如果有興趣的朋友想試的話一定要訂位啦我跟男友去 因為沒BOOK 位 所以到某段時間就要還枱了