一鳴屋台料理

Open Now

Now Closed

一鳴屋台料理📍上水馬會道180號地舖今日難得放假🏖️於是約埋媽咪去屋企附近呢間一鳴屋台料理初嘗佢嘅午市～採用傳統日式居酒屋嘅裝修設計，設有木製嘅吧枱同長凳，環境寬敞舒適，絕對係家人朋友聚餐同打卡之選😍我哋order 咗1️⃣雜菌松露醬油豬骨濃湯拉麵🍜💰78（追加配菜：櫻花蝦💰15、溏心蛋💰10）豬骨湯底鮮甜，麵條彈牙，配有爽口嘅木耳、質地有嚼勁嘅豬軟骨、醬油味濃郁嘅溏心蛋同埋鮮味十足嘅櫻花蝦，味道好有層次、好好味！份量非常多，幸福感滿滿😍2️⃣三色Mix丼定食💰128三色Mix丼有吞拿魚蓉、三文魚子和海膽三種食材。吞拿魚蓉質地細軟，口感順滑；鮭魚子帶有淡淡嘅鹹香；海膽好似奶油咁滑順、好鮮甜，三者食材嘅味道、口感好有層次。完全冇腥味，好高質🤩小鉢同漬物分別係薯仔雞蛋沙律同泡菜，味道清新解膩；麵豉湯亦唔會好粉、好鹹👍3️⃣追加小食：唐揚豆腐（3件）💰18豆腐外層炸得金黃酥脆、帶有微微鹹味，裹面非常嫩滑柔軟，令人忍唔住一啖又一啖，回味無窮😌4️⃣追加小食：炸雞🍗(3件）💰18一上枱個陣嚇親，冇諗過一件咁大粒🤤外層炸得香脆、冇咩粉漿味，裹面嘅雞肉依然保持滑嫩juicy ，又唔會太油👍小插曲：唔小心漏咗把遮喺舖頭

一鳴屋台料理📍上水馬會道180號地舖味道：😋😋😋😋😋😋😋😋😋環境：🎑🎑🎑🎑🎑🎑🎑🎑🎑服務：😏😏😏😏😏😏😏😏😏呢排成日心思思想食日本野，老公收工之後帶咗我去屋企附近嘅一鳴屋台料理，估唔到環境舒服之餘，啲嘢食都好有驚喜💖去到門口，柔和嘅燈光同埋佈置都好有日本居酒屋🏮嘅感覺🇯🇵入到去，座位都幾闊落，分咗卡位同吧枱，無論係一個人黎或者三五知己一齊👨‍👩‍👧‍👧💓食都好適合✨店員好細心，有禮貌，有需要都會即時服務👍🏻👍🏻加分‼️我哋order 咗1️⃣章魚御好燒🐙💰68成個章魚御好燒除咗章魚，仲有蔬菜、蔥花、紅薑等材料，再加埋大阪燒醬汁、沙律醬、紫菜等調味料，份量真係夠足啊！🐙 呢個燒得好啱好，章魚筋啱啱好嚟嘅彈牙口感，同埋啲蔬菜嘅鮮甜都好夾味。而且佢嘅醬汁同調味料都恰到好處，令味道更加豐富。每一口都好滿足！整體黎講，呢個章魚御好燒真係物超所值，值得一試！👌食完之後真係開心到笑咗出黎！😍2️⃣燒一口甜薯（日本產）💰32呢個日本甜番薯真係好吸引！🍠😍佢嘅外皮啱啱好，一口咬落去就有啲糖嘅香脆口感。而且番薯嘅質地好綿密，好濕潤，甜味又夠夠地，真係好好食呀！🤤食落去，甜甜嘅味道充滿口腔，好過癮！而且佢都好健康，營

一鳴屋台料理 上星期去開上水，忽然好想食拉麵，見到這間店都有排下隊就入左去試。好少見拉麵店好似車仔面咁，可以揀唔同的湯底、麵的軟硬度同不同的配料。叫左一個黑蒜油湯底、細麵同叉燒。個湯底比想像中糊質，但是非常香！叉燒都好夠味，份量剛剛好。另外再追加一個芝士明太子玉子燒，唔會太燶，味道算濃，但口感唔錯。會想再食！同行的人叫左一個三色MIX丼定食，入面有海膽、吞拿魚蓉、魚籽，味道唔錯，未到絕等鮮味，但都有基本水準。

呢日去咗上水嗰邊覓食，因為老公話之前同朋友食完幾好，今次一齊去～裝修都幾舒服，門口有啲卡位幾特別，我哋剛好就係坐嗰度🥰 同埋佢哋啲Menu插畫畫得好靚，望落好吸引😂 叫咗個 #火灸海鮮丼有齊我鍾意食嘅刺身，帆立貝、三文魚、左口魚邊同赤海蝦，中晒我鍾意嗰啲，正😍 仲跟咗兩個小食+麵豉湯，不過我老公話個湯有啲咸😂#蒲燒鰻魚滑蛋丼定食鰻魚都幾大條，但汁有啲多，有少少咸🙊滑蛋唔錯～#芫荽湯底拉麵揀咗 #太麵，我鍾意粗身嘅拉麵，口感好啲～第一啖飲落去，個湯底有好濃豬骨湯味，之後有淡淡芫荽味。個侍應聽到我哋糾結緊要唔要辣，好helpful咁話幫我哋個辣醬另上～👍👍另外叫咗個 #雞軟骨餃子 ，味道可以～食完先知原來呢間就係大埔嗰間嘅分店，大埔嗰邊之前都有食過～ 喺大埔都出名的～

喺上水踩完單車，晚飯時間經過見到好多人堂食，於是同朋友入嚟試吓呢間居酒屋，先醬燒蟹棒壽司配少少沙律醬，原條蟹柳棒啖啖肉，醬油漬小貝柱軍艦同樣入味，紫菜新鮮脆口，小貝柱味道鮮甜，好耐冇食炸芝士年糕，餡料煙韌，芝士鹹香味濃郁，口感好治癒好好食，即叫即炸而且外脆內軟，廚師有特意係上枱前吸一吸啲油份，所以我地食既時候就啱啱好，唔洗擔心會滿腔油膩，主菜點左個火炙海鮮丼，有左口魚、三文魚、帆立貝、大赤蝦，火炙豐富左壽司丼既油脂感好好味，望住魚油滲曬落粒粒壽司飯，加啲豉油同芥末就更惹味，我中意食麵就必點豬骨濃湯配自家製黑蒜油，餐廳有太麵同細麵揀，鍾意食幼面較直身嘅口感就可以點細麵，我鍾意煙好彈牙同煙韌嘅口感，就可以點攣攣哋既太麵，我哋另加太麵都只係加$15，性價比高，仲有麵豉湯同兩款小點搭配，章魚酸酸地甜甜地夠晒開胃，埋單都係$361，唔怪之得晚餐時間咁多人食，不論係一個人定係情侶定係一大班朋友都啱晒黎食，空間感十足✌️

翻工前又過左黎上水揾食，見到呢到係體育館附近，最啱就係做完運動來補充蛋白質🐟不過我未食又點會有力氣做呢😝所以都係食左先講啦。小店就係有種人情味同親切感，因為今日去到都諗左好耐唔知食乜🥹對於有選擇困難既我，店員勁nice叫我慢慢諗，又斟咗杯暖水俾我🫖另外都見到唔少街坊熟客，呢啲就可以顯示出店家既親和力🏠。🐒自選刺身丼定食💰$156👉🏻選擇三款種類或以上免費升級為丼定食套餐(小鉢，漬物，湯)✨炙燒左口魚邊(3切)$38✨珍寶赤海老(2匹)$48✨油甘魚(3切)$38✨鮭魚(3切)$32因為我揀左三揀配料以上，所以好抵咁可以免費upgrade做套餐😍好好彩咁係沙律蝦仁，好好食好開胃🍤而丼飯方面佢並唔係要用啲飯填飽你，而係俾岩岩好足夠份量既飯去搭配番我所揀既刺身🐟有得自己揀就實岩心水啦👍🏼當然佢都有搭配好既可以揀。🐒醬油漬小柱貝軍艦(2貫)💰$28🐒鰻魚玉子燒💰$88另外都嗌多左2款小食，話就話係小食，但個鰻魚玉子燒都真係可以2個人share🍳我最後食得哂店員都覺得好佩服😂

✨雜菌松露醬油豬骨濃湯拉麵$88有拉面、叉燒、海苔，糖水蛋。豬骨湯底好濃郁，黑松露香味好香，拉麵細而彈牙，拉麵吸取黑松露湯汁，對我這個喜愛黑松露的人來說，每一口都非常享受。😋✨火炙海鮮丼$148有帆立貝、鮭魚、左口魚邊、赤海老。火炙的烤焦程度恰到好處，保持了刺身的鮮嫩口感！食材非常新鮮，口感鮮嫩，味道鮮甜！✨油甘魚腩壽司（2貫）$42魚腩具有鮮美的味道，肉質豐腴而不油膩。壽司飯粒粒分明，口感彈牙，並且與魚腩相互襯托。飯的酸甜度和鹽度應該適中，提升整體的風味平衡！✨火炙壽司九點盛$138食完個火炙海鮮丼不夠，立刻多叫9件火炙壽司，海鮮真的太好吃了！男朋友幾秒清完😂PS.手機沒電，staff姐姐超好人幫我充電，服務加分🫶🏻有經過上水一定要試一下這間！味道：4/5環境：4/5服務：5/5性價比：4/5📍一鳴屋台料理 (上水)上水馬會道180號地舖

唔想離開北區，但又想食有質素嘅日本餐廳，上網做research見一鳴評價唔錯，就比次機會佢ʕ •ᴥ•ʔ☆ 魚生飯☆ 油甘魚刺身☆ 豬骨濃湯配自家製黑蒜拉麵☆ 燒河豚乾☆ 芝士明太子玉子燒☆ 海鮮什錦炒拉麵☆ 七味唐揚墨魚咀☆ 熱情果梳打朋友叫左角切魚生飯同油甘魚刺身🍣唔食得刺身嘅我只好流住淚睇佢食🥲朋友話刺身夠新鮮，估唔到街坊餐廳質素都唔差。個人最鐘意黑蒜拉麵同明太子玉子燒😍黑蒜拉麵個湯底好濃黑蒜味，勁香濃，本人十分滿意!太麵軟硬適中，豬軟骨好入味，肥瘦適中!!另外，明太子玉子燒真係好夾，甜甜地嘅玉子燒配搭少少咸嘅明太子，成件事昇華晒😍玉子夠香，夠嫩滑🥚必試熱情果梳打🍹薄荷加熱情果，成件事好fresh🌿又唔會太甜，飲晒成杯都無罪惡感😆

去左上水同新界牛慶祝生日🎂好難想像原來上水都有一間咁有風味嘅居酒屋🏮雖然當日串燒都賣哂🥲🥲不過menu都仲有好多選擇我地4個人都唔嗌得到太多嘢好可惜😢舖頭入面環境好正紅色裝飾再配木系傢俬好似小丸子爸爸成日流連嘅地方👨🏻個menu都好靚好有心思有插畫啲插畫同個食物成品都好似樣無違反商品說明條例🤣我地叫咗豬骨濃湯配自家製黑蒜油豬軟骨拉麵🍜成個拉麵賣相已令人垂涎欲滴🤤個湯黑蚊蚊好濃好鮮麵質軟硬適中(而其實佢都會俾你選擇返自己想要嘅口感)如果唔係要留肚食其他嘢我會飲晒啲湯粒粒海鮮丼定食刺身海鮮一點都不吝嗇而且最怕啲壽司飯加好多醋好酸佢的飯就無呢個問題如果唔係我會扣分💯然之後仲有個明太子芝士玉子燒🍳芝士拉絲明太子少少辣好幸福蛋呢樣食物真係上帝所賜令人開心嘅食物又可以煎炒蒸焗炸烚整蛋糕整麵包整布丁整甜品整玉子燒又可以增肌補充蛋白質我真係好鍾意食蛋🥰驚唔夠飽叫埋雜錦海鮮炒拉麵同埋少少小食燒雞泡魚乾永遠唔會失手炸墨魚咀粉漿薄脆一粒粒唔係好多地方有得食墨魚咀所以一定要叫同埋佢嘅飲品都好有特色有酒精類同埋非酒精類我哋叫咗兩杯白桃一千零一夜同埋菠蘿一千零一夜個名聽到令人覺得好心曠神怡梳打水底加果汁青檸薄荷葉

月尾出咗糧，決定做孝順仔請呀媽食飯！今次嚟到上水嘅一鳴屋台料理，喺上水站行5分鐘左右就到！餐廳播住輕快嘅日文歌，燈光柔和，好有feel，真係好似去咗日本咁！我哋叫咗4樣嘢食，關西風炸雞球丼定食($78)、雜菌松露醬油豬骨濃湯豬豬軟骨拉麵($88)、芝士明太子玉子燒($88)同埋明太子櫻花蝦軟殼蟹御好燒($88)關西風炸雞球丼定食雞球炸得好脆好香口，肉質嫩滑，而且一啲都唔油膩。加埋沙律菜一齊食，超級惹味！雜菌松露醬油豬骨濃湯豬軟骨拉麵拉麵有6種湯底揀，我哋今次揀咗雜菌松露醬油豬骨濃湯，仲有得揀辣度、麵條、麵質、蔥同木耳嘅份量，超級貼心！如果唔鍾意食豬軟骨，仲可以揀叉燒，總有一款啱你食。豬軟骨肉質軟嫩，索曬松露湯底，超級香濃！芝士明太子玉子燒外層有焦香，入面半熟嫰滑，而且啖啖芝士拉絲，超正！明太子櫻花蝦軟殼蟹御好燒好足料！有大大嚿軟殼蟹，炸得好香，上面鋪滿晒明太子，下層御好燒勁香，菜同肉嘅比例啱啱好，好好食！食到勁飽，飽到行唔郁！三個字總結：有驚喜！一定會再幫襯！

在上水這個美食荒漠下，居然找到這樣出色的日本定食，價錢大約是80多元，魚生是很出色的 ， 粒粒刺身都很新鮮， 不像是放了很多天的，配上的味噌湯，亦不會太鹹味道適中。魚生飯的份量亦不會太少，一個女士 是足夠飽的。 我一個女生食完後，都覺得很足夠。 不過由於是小店關係，環境不是坐得很舒服， 座位有點擠迫， 不過店內服務員的服務態度很好，這樣的質素在上水來說已經很高質的。 是一間性價比很高的餐廳。

話說， 6:58入到間舖頭，嗌咗三片馬刀貝，兩隻刺身蝦，加少少帶子，去到八點，佢過嚟同我講冇馬刀貝，最後我哋成張刺身單都唔要。但成個過程最有趣，同埋幽默嘅地方，係呢一個鐘發生嘅事。喺呢一個鐘頭裏面，我哋一般人都會認知，刺身應該係最先上，大概去到7:30 ，我哋追咗第一次刺身嘅單。服務員回覆我哋，話刺身整緊，叫我哋等吓，大概去到7:45 ，服務員行過嚟再講：「而家整緊你啲刺身」去到八點，佢終於將真相話俾我哋聽：「冇晒馬刀貝」嗰一刻，內心完全冇無名火，有嘅只係一種飽肚暖心嘅氣入咗我嘅胃部。咁冇辦法啦，除咗留低，就係埋單，去到櫃檯，同佢講下次如果冇馬刀貝，可以一開始同我哋講，一個鐘之後先講好似唔係幾好。佢嘅回應係：「師傅一路整緊啲單，去到最後先見到冇馬刀貝」但係我哋入去嗌嘢食嘅時候，其實得一張枱，我哋張刺身單幾乎係頭單。然後服務員再同我講：「唔係同你坳，我哋都唔想」呢個位盡顯左做服務行業嗰種嘅幽默，因為成個過程我只係俾左一個意見，就係下次冇馬刀貝，早啲話俾我哋聽，因為佢其實有一個小時嘅時間話俾我哋聽冇馬刀背，冇同佢坳一鳴拉麵我哋喺佢大埔開店嘅時候已經開始食，由淨係拉麵去到今日發展到有埋刺身丼

今日去咗呢間一鳴食晚餐，有拉麵有定食，可以自己揀自己喜歡嘅。黑蒜拉麵好香黑蒜味，揀咗粗身嘅太麵，食落有咬口，叉燒肥瘦適中，有兩塊，味道不錯自選刺身丼定食揀咗油甘魚楠、北寄貝、馬刀貝、吞拿魚蓉，刺身選擇多，新鮮，貝類都幾彈牙，不錯。小食有醃蘿蔔、牛蒡、荀，配上味僧湯，整體都係豐富飽肚唐揚墨魚嘴好大粒墨魚嘴，即叫即炸，食落口要睇熱。墨魚嘴香口彈牙，佐飲料傾偈一流。白桃一千零一夜，充滿薄荷葉，好香白桃汁味。而且好大一杯，有排飲。

同朋友一齊經過一鳴拉麵，見到佢有新餐牌，竟然有刺身丼，真係估唔到。附近有得食魚生丼嘅地方唔多，見到好似幾吸引就入去食個晚餐。一鳴創作醬炸雞🍗炸雞keep到水準，大件又juicy，配埋個醬好好食。赤辛 - 秘製地獄醬豬骨湯底🍜雖然呢個係辣嘅拉麵，但因為有得揀唐辛醬嘅份量，所以我哋今次食呢個屬於小辣程度。湯底好香濃，掛湯嘅麵條好正，好快就食晒成碗。炙燒左口魚邊丼定食🍱賣相好精緻，好吸引，上面有隻生嘅鵪鶉蛋，好得意。左口魚份量都唔少，燒過後好香，油脂好重，入口即溶。飯醋味好重，好啱我胃口。除咗個飯，定食配有前菜，麵豉湯同甜點。前菜係筍，好入味，又爽口。

餐廳裝修富日本屋台特色，木色桌椅，燈光柔和。餐牌既食物種類好多，有刺身、壽司、拉麵、前菜、小食、玉子燒、各式丼定食，仲有多款屋台料理：章魚燒、大阪燒、炒拉麵。三色凍豆腐：豆腐好嫩滑，三色分別有蔥花、木魚、櫻花蝦。煎雞軟骨棒餃子：煎到外皮酥脆，內裡既雞軟骨和豬肉完美融合，爽脆口感，點埋日式醬油，滋味無窮。章魚御好燒：除左章魚之外，仲有蔬菜、蔥花、紅薑等材料，再加上大阪燒醬汁、沙律醬、紫菜等調味料，份量十足。蒜蓉牛油雜菌：雜菌鮮甜多汁，加左勁多蒜蓉，味道好濃郁惹味。豚肉生薑燒丼定食：定食包括前菜、麵豉湯、甜品，前菜係關東煮，蘿蔔豆和腐皮煮得好腍甜；麵豉湯材料豐富，有豆腐皮、蔥花、海帶，好鮮味；甜品係黑糖蕨餅，彈牙清爽。總結，食物即叫即整，便宜又美味，值得再來品嘗。