三不館車仔麵 (廣福道)

Open Now

Now Closed

🔸粗麵，古法辣汁（中辣）揀咗清甜蘿蔔、大廚秘製咖哩齋同醬燒豬頸肉🍜 豬頸肉最好食，面頭有燒過嘅香味🤤 咖哩齋好濃好入味👍🏻 蘿蔔無渣，味道同口感都唔錯👍🏻🔸粗麵，金牌麻辣汁（中辣）揀咗滷水鮮豬大腸、蠔油冬菇同豬紅🍜 豬大腸入味又夠冧，仲要冇腥臭味👌豬紅有驚喜，好滑好嫩🤤 冬菇都好味但無麵尊咁出色😌📍#三不館車仔麵 (#大埔美食) (#荃灣美食)大埔廣福道88號地下、荃灣登發街10號地下

三不館係大埔開左無耐，我已經愛上左佢，成日心思思想食。同辦公室有一段好遠距離我都要行過嚟食，因為真係好好食，車仔面來講好高質😊早排喺荃灣開咗分店，有福了！由於我成日話(偽)減肥，食低碳水化合物，三不館車仔麵有得淨餸，就岩曬我啦~ 又好抵食。佢哋舖頭裝修方面係懷舊風格，食車仔麵都有得打卡。我通常要生菜底，魷魚、牛腩，其實好多餸都好食。湯香濃，魷魚、牛腩本來都有醬料，唔會係白烚嘅感覺，用心製作，好惹味！

大埔朋友喺大埔墟附近，除咗魚蛋粉嘅不二之選😋😀首先湯底，唔會死鹹（鮮鮮甜甜）。我個女一定揀番茄湯底，佢哋用鮮蕃茄熬阿女次次都自己食晒一碗架😃🤫蘿蔔炆得好琳，雞翼尖，鳳爪炆得好入味麻辣豬手，必食而我自己食車仔麵就一定要配油麵👏🏻我哋個個禮拜最少要食兩次囉

本土美食，車仔麵絶對可以係代表之一，雖則大埔美食何其多，但好味嘅車仔麵絶對唔多，之前幫襯開萬X，貪佢係正巴士站位夠方便之餘又平又好食，但今日癮起想食車仔面又想試下新野就嚟到位於廣福道嘅三不館，佢就長期都有人係門口等外賣同堂食，咁樣都知佢大至上係乜嘢料，一係就好食，一係就平，而車仔面檔點計都只會係平喇，點知一試原來係兩者混合。車仔麵係啲本土嘢，一入到鋪面就見到好多本土嘅裝飾，牌坊呀當鋪大押呀，連啲食物牌都係以之大牌檔啲掛牌，你就知佢係sell緊本土情懷，不單只咁，佢門口有兩隻連農豬，就知佢係一間良心餐廳啦。有乜野食就一張紙可以睇晒有啲乜野食。四餸車仔麵+金牌麻辣汁+加腩汁+多青($42) - 金牌麻辣汁就辣味明顯多過麻味，我諗都10:1嘅分別，辣味加埋腩汁令到個湯辣得嚟帶甜，唔錯。滷水鮮豬大腸 - 滷得入味，有肥膏，咬落有Q彈，有輕微豬酥味。秘制香醬鳳爪 - 香醬好惹味，鳳爪好淋同入味，有去甲，抵讚，好食。金牌麻辣豬手 - 三件，有一件唔夠淋，其餘兩件都夠淋身，麻辣入味同惹味韭菜 - 分量多，爽口有汁河粉 - 分量多，生熟剛好，唔會太淋六餸車仔麵淨餸+古法辣汁+加腩汁($54)  - 古

放工搵食時間，想食辣就諗起三不館呢間店嘅菜單清晰明瞭2餸$34 三餸$42 四餸$50有好多款配餸可以揀，仲有辣度同麵條可以自選very good🤣而且個個店員姐姐都好nice又有禮貌，讚讚👍🏻今次男朋友叫咗醬燒豬頸肉+清甜蘿蔔+河粉+小辣古法辣汁平時叫開油麵，今次轉做河粉都唔錯醬燒豬頸肉好軟熟入味，只有三片實在唔夠喉🤣我就叫咗咖哩魷魚+炸支竹+油麵+中辣金牌麻辣汁咖哩魷魚同平時喺酒樓食嗰啲一樣～好好味好爽口而且好夾個辣汁而炸支竹食嗰陣會夾埋辣汁食到sss聲🤣呢兩款餸份量都OK嘅另外單點咗個滷水豬大腸，份量都OK，可以一試😋

突發奇想想食豬手，我地上openrice搵到附近有一間車仔麵有豬手食就立即出發，估唔到有意外驚喜。三不館舖面唔大，但係裝修有心思，望落新淨。我地雖然要搭枱，但係有膠板隔住，地方都算闊，坐得舒服。腩汁湯底食唔出有味精。麵質彈牙。豬頸肉又淋又入味。流心蛋香滑濃稠。酸齋就太淡口無味。重頭戲嘅豬手好彈牙軟腍，但係對我黎講太辣，朋友就話好好食。對面情侶話蝦卷好食，下次可以一試。好食又唔咸嘅車仔麵可遇不可求。今次誤打誤撞搵到新食堂，坐低先知道係地區本店，下次黎大埔一定會再食。

公司午餐買外賣，我地訂左呢間。之前開張去過個度食過兩次，味道好味，呢間既湯式有好多款選擇，我最鐘意麻辣，會選咖喱魷魚和雞翼，餸價錢一樣價錢，好入味。😎😎😜😜

大埔既三不館係我同男朋友既必食車仔麵黎，我地都好鐘意食雖然成日都好多人，要排隊呢到有懷舊香港既裝修，座位亦都舒適，唔會好似一般茶記咁好逼。呢到車仔麵最吸引我地既係麻辣豬手，每次都會點。豬手入口唔會好重油膩感，塊皮係緊緻同有彈性既豬手有分麻辣同沙薑味，我平時唔會食辣，但呢到既麻辣好惹味，所以我黎到都會嗌麻辣味豬手蝦條卷有兩大條，彈牙，水準還可以，不過外皮唔脆身。牛腩少嗌啲，但原來咁大舊，牛腩唔會韌，還可以但唔算太驚喜。辣度有分幾級，我之前會嗌最低級既小小小辣，但呢排去食都覺得太辣，有機會係夾雜埋麻辣豬手既麻辣汁，令到佢辣左食唔到辣既朋友可能要注意啦另外聽聞冬菇好出名，但每次黎都係售馨仲未有機會試到男朋友今次就嗌左同我一樣既麻辣豬手，仲有豬紅同陳皮魚蛋。豬紅唔會好淋字字，有咬口，有4大粒都好抵食魚蛋既陳皮味都幾突出，有5粒份量黎講真係好抵食，另外所有車仔麵都有生菜配上，飲品方面有懷舊枝裝可樂，忌廉等，亦有豆漿解辣用總括而言，係一間有質素既車仔麵$40三餸，有豬手有牛腩，價錢公道抵食評分:環境 ⭐️⭐️⭐️⭐️味道 ⭐️⭐️⭐️⭐️舒適 ⭐️⭐️⭐️優閒 ⭐️⭐️⭐️回頭 ⭐️⭐️⭐️⭐️

呢間車仔麵舖好出名，經常見到好多人喺門口，今日晚餐時間經過就賣咗外賣試試佢。第一次食，我揀哂佢地打星星嘅配料。豬頸肉入味，好淋，呢個好食；麻辣豬手唔係太食到麻辣，可能係我湯底都加咗麻辣汁關係？口感正常，但味道唔太啱我口味，下次唔會嗌；豬腸超入味，處理乾淨冇異味，但可惜佢唔係有層肥膏嗰種豬腸，有少少失望，不過都可以照encore；韮菜超多，不過淥韮菜嘅湯定水似乎太淡，一啖食落去冇乜味；湯底加咗麻辣汁，係真係有麻有辣，呢個幾驚喜；鮮製油麵太淋，可能係我外賣關係？仲有一點覺得要改進嘅地方係而家好多車仔麵/麵食店嗌外賣都會自動分湯，呢間咁多人嗌外賣反而冇，好彩多口問一句，如果唔係啲麵拎到返屋企一定會糊哂🤦🏻‍♀️overall覺得唔係真係咁特別，經過食吓ok，特登嚟食就不了。

作為街坊，介紹下街坊美食先﹗發覺而家好多車仔麵都越嚟越hea，不過「三不館」令我重拾車仔麵嘅熱情﹗佢個湯底真係寧捨唔同，會飲得出唔係求其嘅湯底，真係有諗過個味同配搭，即使清湯底都唔會淡口，仲係「美顏湯底」，飲落唔似有味精，雖然冇得求證效果啦，起碼飲落好飲唔咸又會想一飲再飲好似食拉麵有靚湯底咁兩餸車仔麵 $32三餸車仔麵 $40四餸車仔麵 $48推介嘅餸有：大腸：感覺清得幾乾淨，而且滷得好入味，食過其他大腸有啲入面有夠「肥/油」喺到，但呢到內外都啱啱好，咬落易咬唔會韌，唔會好似橡筋咁，讚﹗蘿白：清甜冇筋，有索湯味，唔會死甜，合格有餘豬頸肉：爽口彈牙，唔會lam patpat或者好細舊，厚薄適中，接近泰國燒豬頸肉嘅質素推介推介﹗蝦捲：就同平時嗰啲差不多最後想讚吓，類面啲姐姐又貼心又好人，見我揹住個大袋主動俾櫈我叫我放低袋唔使咁辛苦加分﹗

不會再去的車仔麵店(大埔)三不館1. 同檯食客同時間入單，佢d麵到咗，我等多15分鐘於是同職員講，佢竟然答我煮緊！仲要等多5分鐘先出到麵比  我，d單跟到亂晒籠！出麵個職員手腳慢到不知所謂！2. 座位空間超窄，好似坐在紙箱入面咁！3. 食物質素不好，沙薑豬手完全冇沙薑味、牛腩太硬、古法辣汁係用雜貨店買到的沙茶醬，毫無誠意！大家無謂排隊食到一肚氣啦！其他地方美食多的是！

已經食到連自己都數唔到咁多次啦,首先淨係睇裝修都已經好吸引好有懷舊既感覺.今次叫左雞翼尖,咖哩魷魚,羅白,米粉而湯底就金牌麻辣汁.車仔麵必食既雞翼尖佢經已滷到非常淋身同入味,咖哩魷魚就爽口彈牙,羅白更加係冇渣清甜配埋個新穎既麻辣汁簡直冇得頂呀

無論堂食，外賣；爆唔爆場，水準依然平時食開 腩汁/茄湯/清湯都唔會太咸/太淡，唔會口乾舖頭裝修復古感覺乾淨$3x / 兩餸一麵以咁穩定好味，非常超值希望會推出優惠一人份量小食可以試多d 款式～

車仔麵叫左豬腸，鳳爪，牛腩，蝦卷條腸滷得非常入味，每款餸都好多，不過叫左油麵，就碎濕濕嘅個湯非常好飲，好似煲出嚟嘅湯咁，淨係個湯底都有80分！！值得再次幫襯👍👍👍

今日去左大埔呢頭踩單車，踩完好肚餓好肚餓！！見到呢間好懷舊嘅車仔麵檔，好特別，好有特色呀！忍唔住入左去試下見左兩碗車仔麵✨大腸+陳皮魚旦油麵大腸好入味，好淋！值得試😝陳皮魚旦好彈牙！好耐冇食！！油麵好新鮮，好彈牙好正✨牛腩+辣魷魚油麵牛腩都炆得好淋，但有啲乾身辣魷魚都好足料，好有咬口！推薦☺️醬汁兩配都叫左麻辣汁！小辣都已經好辣如果唔食得辣，可以叫小小小辣仲叫咗個小食💗荽茜皮蛋皮蛋好新鮮 好彈牙！配埋辣汁，好野味！