三多 (Closed)

I remembered it opens till 1am Me and my boy popped in for feasting after a long day of workThe deep fried chicken thigh is nice and the stir fried instant noodle with chicken is ok tooo the noodle is a bit too soft not al dente hahahaxdxd You can also order some local drinks like黑牛which a scoop of chocolate ice cream added in cola!

今日放工嘅時候返到大埔， 時間尚早未可以食得飯， 忍唔住就行咗去三多搵嘢食。呢間細舖頭出名就係人都知， 喺大埔發蹟嘅鋪頭， 個炸雞髀真係冇得輸， 只係叫左bb辣， 都已經好正 。 第一次食梗係覺得30蚊隻炸雞髀好貴， 但當你見到佢想接嘅時候大隻到嗰個地步， 然後放埋落口 佢嘅調味同埋隻雞嘅滑嘅程度， 你就會明白點解佢賣30蚊。再加埋都好出名嘅辣肉碎腸粉， 真係辣到噴火， 一路辣一路就覺得好好食， 唔止手工正， 條腸粉嘅質地都幾好當你忍唔到嘅時候就會叫杯嘢飲。 當然要叫金牛啦。 良心小店光時51。

友人特登黎大埔搵我食宵夜，梗係要帶佢去三多見識下啦！我地叫左兩隻炸脾、香辣肉碎炒腸粉、雞排炒公仔麵。飲品叫左爆檸同黑牛。炸髀我地叫左一隻bb辣一隻唔辣，照舊都係熱辣辣，啲肉好滑，個炸皮唔會太厚，啱啱好！不過友人就覺得bb辣就辣左少少。友人未食dinner所以就叫左個炒公仔麵，我都試左啖。啲都炒得啱啱好，唔會太濕或太乾，都好夠味。呢個真係每次三多必食，香香辣辣好惹味，每舊腸粉都係比啲汁包住，芽菜都好爽口！原來爆檸係超多檸檬加爆珠，因為我好中意食爆珠所以幾好食！要讚一讚個朱古力雪糕，係帶苦苦地既味，好好食！雖然呢個宵夜好邪惡，但真係好滿足！

係大埔冇可能冇食過三多雞髀嘅🤪星期六放假又見冇人排隊，入去食返隻雞髀都好🤣🤣雖然我知好多人都鍾意食炸髀，但太熱氣啦，都係油髀岩我多啲。成雞髀都好有份量嫁，成隻碟咁大隻。佢嘅味道比較偏甜，似瑞士汁多過滷水。都幾好味既。

同朋友仔去大埔踩完單車, 做完運動之後特別肚餓...就去咗三多食小食<炸髀沙律>黎到三多, 點可以唔食佢嘅三多炸肶炸肶熱辣辣、脆卜卜, 上高仲曬上咗好多嘅辣粉, 食落非常惹味, 而且邪惡兩球嘅沙律都幾唔錯, 但份量唔係好多...<鹵髀意粉>滷水雞髀都幾好食, 但係食到中間嘅時候會覺得有少少柴, 同埋佢嘅鹵髀未算係非常之入味但係意粉就係出乎意料嘅好食, 酸酸甜甜幾開胃<香辣肉碎炒腸粉>香辣肉碎炒腸粉上枱嘅時候真係冒曬煙㗎, 未到係鹹辣鹹辣, 好惹味

三多通常都係晏就先會開，一開就會開到夜晚12點半或者零晨1點半，大家千奇唔好白行一趟丫～講起三多，如果你有聽過呢間食店既名都一定有聽埋佢既炸雞髀！個個都話佢既炸雞髀好食，但我自己個人認為佢既滷水雞髀更好食～滷水講求啲咩呢？一定係要入味！三多響呢方面做得非常好，雞髀非常之入味，雞肉亦都夠嫩！唯一差少少既地方就係隻雞髀唔夠大隻，$3x蚊先食到一隻雞髀真係有少少肉赤！不過好食係最緊要～尤其最邪惡果塊雞皮大大塊而且又索哂滷水味，諗起都流口水！

日期：9月1日人數：3人三多已經開咗好多年，亦都有唔少分店。幾年前有一排我都經常幫襯旺角嗰間，滷水雞髀同埋香辣肉碎炒腸粉都好好食，但後來好少去了。兩個禮拜前周末，帶我屋企人去試吓。由於大埔總站未開門，所以改去太和呢間分店。位置有啲偏僻，要行一行先搵到。三個人叫咗一隻炸雞髀，一隻滷水雞髀，一份小食拼盤，同埋一杯爆檸（檸檬茶加爆珠）。炸雞髀同滷水雞髀都好好食，雞髀大大隻，其中炸雞髀好脆口，裏面雞肉好滑。滷水雞髀就好入味。食雞髀嗰陣都有食埋雞皮嘅衝動，但最後自己理智制止咗，只係食咗少少。雞髀係可以配飯、意粉、或者薯菜，但我哋唔肚餓，所以冇加到。小食拼盤入面，最好食都係炸魚旦，其他都係正常水準。爆檸夠晒凍，透心涼。店內環境一般，衛生環境正常。餐廳入面有洗手間，算幾好。堂食設有最低消費，每位$29，即係每人最少食一隻雞髀。

漏單叫一隻炸脾追左兩次都唔黎等左足足三個字第一次追就話整緊等到連杯黑牛都溶晒最嬲係佢地整之後竟然上俾其他遲黎既人客先第二次追問先問我地要咩辣勁嬲以後唔會再幫襯太和呢間三多

炸雜錦拼盤（共24件）$55份量都算多，足夠兩個人一齊食，有魚蛋、墨丸、蝦條、咖哩角、雞塊、燒賣賣相已經好吸引，炸得好均勻，黃金色。好香口，熱辣辣食係好好味。豉油肉碎炒腸粉$32肉碎雖然比較少但都做到調味既效果，呢個腸粉整體不過不失，除左肉碎腸粉都仲有芽菜做配菜麻辣雞尖$55我自己就好中意食雞翼尖，去小食店必叫。呢到雞翼尖份量比較少，但勝在每隻既size都唔細比其他鋪頭用既雞翼尖大，食落會食到花椒八角味道，好入味，值得推介😀😀

住大埔咁耐，而家先嚟幫襯下 😆😆 淨點咗最出名嘅炸脾，我個人就覺得幾好食，不過家人就覺得個粉漿厚咗啲，佢都係 like 啲生炸雞脾，乜都唔落！我就覺得佢個外皮都 ok，同埋無生，試過太多次遇到生雞脾喇 😬我就係買外賣嘅，間舖一個人都無，行入地下癡立立，好驚，買完就出去等！希望呢樣改善下！🤦🏻‍♀️

講足廿年不要再寫脾喇，不是脾胃脾臟脾氣！從骨部的髀，雞髀鵝髀，寫肶都可以。捍衛繁體字，捍衛廣東話。試試中式小炒也不錯，經常雞牛豬撈汁快餐悶悶的。職員全新臉孔，已轉手嗎？菜牌亦有所改動，比以往精簡得多。凍檸樂，操完拳出完身汗爽爽可樂透心涼。竟然會冷清到包場，我太早到嗎？只有小貓三四隻外賣，髀全部都係髀！四眼肥妹侍應唔多願郁，懶懶沒表情，四眼後生仔侍應肯做有招呼，感覺不錯。炸雞髀大辣，食雞唔食皮，罪大惡極，浪費食物。即叫即炸，吱吱聲送到，霸氣外洩，聞得到的香脆！檢查一下，底底面面都被辣粉包到密不透風，落手夠狠毫無手軟，正合我心意非常好！原隻拿住咬才是精髓，用刀叉品嚐會破壞質感及味道，肉汁也同時流失。擘盡我的櫻桃小嘴，大大力一咬一扯，脆皮撕裂的聲音悅耳無比，使我興奮莫明。厚厚辣粉跟雞皮一齊爆開，十足食緊餅乾一樣。超辣超香，嘴仔頓時紅卜卜，激刺萬分爽到震﹗脆皮下藏著嫩滑白肉，既彈牙且結實，肉汁欲滴。連骨頭都被我損得幾乎粉碎，炸藝精采絕倫，米芝連 1 星不遠矣。滷水雞髀，巨髀份量足，雞肉滑雞皮黏，無豉油味無滷水味，冰糖味極嗆混濁，羶味強勁，味道劣極難食。滷水雞全翼，肥美彈滑微黏，一啜骨肉分離。雞

今日終於試左三多嘅炸脾真係則叫則炸有得選辣度大辣/中辣/小辣今次試下小辣先佢落左好多辣粉食食下都覺得頂唔順要加返個coca cola 飲下先雞脾加可樂真係絕陪講返隻雞脾啲肉好好味外面又好脆小辣食食下都幾辣下下次要試下食油脾先

今日黎大埔有野做，緊係要去食我好鐘意既三多炸脾啦😝由於唔係好肚餓，我地散叫左個<三多炸脾🍗>同埋<香辣肉碎炒腸粉>等左一陣就有野食😆炸脾可以簡辣同唔辣，亦可以簡辣度，我地簡左bb辣🌶炸脾熱辣辣，個皮超脆!!😋😋切開既時候係”tttttt”聲架雞肉好滑，好好味Bb辣一d都唔辣，如果大家想食到辣味，起馬要簡小辣<香辣肉碎炒腸粉>都好食，熱辣辣個醬汁好香，有好多肉碎同芽菜😍如果要彈就係炒得唔夠乾，可能係醬汁多左d相比之下大埔友既炒腸粉會炒得更乾身，同辣d價錢方面算中等雖然炸脾要$30，不過有得坐我覺得都ok啦之後會繼續黎食😆

呢間三多炸比真係冇得彈，我最鍾意就係買外賣，可以預早10至15分鐘打去留定，咁去到就唔使再等直接有得拎。佢嘅炸雞脾我係10分推介，雖然我唔係好食辣，但佢加咗辣粉真係香好多，外脆內軟肉質好滑好多汁！

今日宵夜嚟咗食炸雞比，我order左一隻炸雞比BB 辣（$30）我朋友就叫咗一隻滷水雞髀（$30），再加一罐可樂（$10）。等左大約10至15分鐘先至炸好，唔緊要證明佢係即刻炸嘅夠新鮮。雞髀比以前好似細隻咗不少，講炸雞髀先，非常之脆熱辣辣好好食入面好嫩滑，同juicy，真心推介，呢個價錢來講真係好抵食。但係滷水雞髀認真唔掂，顏色橙橙地嘅唔似出面嘅啡色滷得唔入味同埋雞好林身唔夠滑，絕對唔會再食。佢呢間野感覺好似只係得炸髀好食其他都麻麻地啦。