中華小館

Open Now

Now Closed

今日約咗啲姊妹仔嚟呢度聚會。舖頭裝修係復古中式風格，可以品嚐到傳統酒樓嘅味道，店員服務態度好好，服務好貼心周到～片皮燒鵝腸 ⭐️⭐️⭐️⭐️⭐️鵝腸真係好耐無食過，外皮燒得好脆，鵝腸都好滑嫩潤口，點埋醬汁一齊食，咬落去燒鵝嘅肉香味同醬料嘅香味喺口中四溢碧綠淮山雲耳炒百合 ⭐️⭐️⭐️⭐️比較清新又營養嘅小炒。百合嘅清甜➕翠肉瓜嘅爽口 正呀～脆皮燒腩仔 ⭐️⭐️⭐️⭐️⭐️呢個真係好好食！對我嚟講係全場嘅MVP！份量俾得好足，完全唔會油膩，配埋黃芥茉醬會仲好食！功夫湯 ⭐️⭐️⭐️⭐️用嘅係赤肉熬煮嘅，可以感受到店家用心熬煮咗幾個鐘嘅味道，湯底好濃郁，啲料又鮮甜，最緊要係完全唔會有腥味！家庭聚會或者同朋友聚餐都好啱。地方好大又乾淨企理，最緊要梗係！啲嘢食！好！好！食！👍

俾人介紹嚟中華小館，食完覺得好驚喜！天氣雖然有少少熱心，但係呢度既裝修、環境同埋餐具都好舒適，淨係一走入去就感覺到好放鬆。而且呢度好方便，就系灣仔地鐵站附近，一路慢慢行過嚟就到喇。前菜 八味一口豆腐|這款豆腐配搭不同既材料，各有各既特色，而且完全融合到一體，口感滑潤，食落口舒服得嚟。口水雞心分量剛好，雞肉鮮嫩，微辣的口感好適合搭配呢個天氣。我食咗一口，就感到百口不厭，真系係口水直流咁。厚切叉燒皇 - 叉燒肉質鮮美，而且厚度剛好，肥瘦均勻，每一口都食得好過癮，真系好惹味～片皮鴨 - 鴨皮酥脆，內裡既肉味濃厚，好合我口味。每一口都話俾我知，好食無得輸。翅裙邊湯，湯頭鮮美，內有脆口既翅裙，味道鹹淡適中，好崎呢個天氣飲。食完之後仲有好多位可以打卡，好適合影相。所以如果你鍾意影相嘅話，就一定要嚟試下中華小館喇

諗起中菜館，中華小館就係其中一個必提嘅存在 🎋。今日冇咩野做，就係想黎一間好嘅中菜館食好食，於是我地揀左呢間位於灣仔的「中華小館」🍛我嚟介紹下我地食咗啲咩。呢到既菜式講求原汁原味，體現咗真正嘅中華烹飪嘅藝術。我地揀左 XO醬炒花姿片,碧綠淮山雲耳炒百合,脆皮燒腩仔, 鮮胡椒牛肋骨同埋麻香惹味鳳爪，每一樣都令 我地食唔停口嫁🍄🍖🍗首先，XO醬炒花姿片，呢碟菜真係令人驚喜。花姿片炒得剛剛好，咬落去爽口，再配埋 XO 醬香 辣嘅味道，簡直係畫龍點睛之作!🌶️🍤再嚟，就係碧綠淮山雲耳炒百合，呢個菜式可以話係重口味嘅最佳平衡，簡單嘅淮山雲耳炒百合 ，清淡而不失營養，尤其吃過幾款重口味嘅菜後，食嚟正正好🥙麻香惹味鳳爪作為開胃小食係做得好好，超開胃，又麻又香，真係好鍾意阿!!!鮮胡椒牛肋骨個胡椒味夠晒香口，呢個係我好欣賞，本身又好鍾意食牛，呢個牛味又好夠出色~~脆皮燒腩仔都好出色，夠晒脆阿d皮!!下次會再黎，因為真係好好味~~~

朋友介紹中華小館食粵菜，話嗰度嘅食物多樣化，味道又好食，於是我哋兩口子就去試吓。我哋點咗XO醬炒花姿片，花枝片帶有脆脆嘅口感，搭配辣椒嘅微辣同爆香嘅蒜米，味道瞬間提升咗唔少，特別清新香脆，食得特別過癮！另外叫咗脆皮燒腩仔，外皮酥脆，咬起嚟咔滋咔滋，特別悅耳！搭配醬料更加滋味無窮，每一口都係味蕾嘅享受。我哋仲點咗麻辣惹味鳳爪，鳳爪軟嫩，搭配濃郁嘅麻辣味，特別開胃，我哋兩個食到停唔到口。仲有我最愛嘅湯水，功夫湯非常新奇，以紫砂壺熬煮，十分清甜可口，入面仲有太子參燉赤肉，每一啖都能飲到濃郁嘅肉香味，非常推薦大家去品嚐！我哋兩個都食得非常飽亦都好滿足，服務員嘅態度非常友善，仲樂意推薦幾道熱銷美食畀我哋！我哋都好滿意呢次嘅美食體驗，下次仲想再嚟探索新菜品。

今晚嚟到咗灣仔的中華小館，呢度係體驗傳統中餐菜式的最佳去處😌。呢度環境簡潔舒適，無論係家庭聚餐或者朋友聚會都非常適合👍。下面我就為大家詳細介紹下我最喜歡的幾款菜式：🔹酸薑糖心皮蛋：皮蛋的口感綿密柔滑，搭配上酸薑的酸辣回味，真係開胃呀！特別是糖心部分，咬一口，滿口的酸甜和皮蛋的獨特香味，簡直無法抵擋！😋🥚🔹酥脆百花球(酸甜醬)：百花球外酥內腍，配合酸甜醬汁，吃在口中感覺酥香而有層次。即使是一口咬下去，酸甜的滋味也能立刻充滿整個口腔，好吃又過癮！🍤😃🔹脆皮燒肉：烤得恰到好處的燒肉皮非常酥脆，為其增添了無數風味。肥瘦相間的燒肉肉味濃郁，不油膩，口感令人驚艷，每一口都讓人回味無窮！🍖👌🔹野菌炆伊麵：採用新鮮而又多款式的野菌，搭配綿滑的伊麵，湯底濃郁，伊麵的彈牙口感，再配上新鮮的野菌，味道更顯豐富！🥢🍜喺中華小館吃過飯後，都覺得每一道菜都走心，用料足夠，真心推薦比大家嚟試！我哋下次再見！👋如果你喜歡道地香港中菜館，咁你一定唔可以錯過中華小館！

😉今日就帶埋老公一齊嚟灣仔享受呢一道傳統又創新嘅中式午餐。唔係成日有嘅時間可以同老公一齊食到dinner，因為我地兩個都各有份工作要忙嘛，但係今日真係幸運之日，兩位都喺附近見客，所以得閒可以一齊食飯飯lu：）呢度嘅XO醬炒花姿片🍲，每食一啖都會係口入面留下香滑而鮮美嘅味道，炒花姿片爽脆，恰到好處嘅炒工更顯美味👍🏻伴上XO醬嘅微辣滋味，俾人一種惹味既感覺。再黎一道片皮燒鵝皇🍗，皮脆肉汁又大爆發，咁講你都心動吧？脆口之下配上細膩嘅燒鵝皇，令人一試難忘，每一口都令人感到滿足！仲試埋碧綠淮山雲耳炒百合，本身唔鍾意食呢d健康野，但佢又炒得好夠鍋氣好惹味喎，同埋香香嘅麻香惹味鳳爪，一隻接一隻，麻味好香濃！揀到呢間中菜館，唔止係一般嘅晚餐，更加係一場浪漫又美味既約會～

之前收工飯嚟過一次覺得好好食，今日再帶埋媽媽過嚟，慶祝佢嘅生日🎉食物：☀️☀️☀️☀️☀️環境：☀️☀️☀️☀️☀️服務：☀️☀️☀️☀️碧綠雲耳炒百合，翠肉瓜同雲耳嘅配搭令人回味無窮。特別係翠肉瓜，口感豐富而且好清香，帶父母嚟食呢味一定無錯👍！卜卜脆燒腩仔一定要試吓！啖啖卜卜脆...脆皮仲脆過薯片添😭肥瘦相間嘅燒肉入口即溶完全唔會膩！再配埋自家制醬汁好惹味！醬氣香味十足嘅麻香鳳爪😍外皮好煙韌，食落軟糯軟糯嘅，好食唔膩，入口一吸就脫骨！加上麻香味好香，啖啖都係骨膠原！甜品再嚟一碗冰涼嘅水蜜桃糖水🤤食完飯食呢個真係太幸福🥰大大舊嘅水蜜桃果肉，果肉好鬆軟綿密，糖水都唔會太甜，媽媽一啖就食晒😆最後我哋兩個人都食得好飽，每一道菜都好送飯尤其係我最愛嘅燒腩仔😘

今日我同朋友傾完嘢之後，心思思想試下新嘅美食，決定去一間有特色嘅中菜館《中華小館》。我哋都喺Instagram見到有好多人讚好，就隨便行過去食個靚dinner。呢間餐廳喺灣仔，離地鐵站幾步嘅路程，真係方便。就算係夏天出門都唔怕會流到成身汗。一入去嗰度，我哋就兩個人share咗幾款唔同既菜色，有以下幾款菜色：我哋先來份「片皮燒鵝皇」，每一片鵝肉都燒得香口，但食落去唔會油膩，好足鵝香味。啲「脆皮燒腩仔」，每塊腩肉都皮香肉腍，個脆皮入口即化，美味。而我哋主菜嘅「鮮胡椒牛肋骨」味道醇厚，食落真係滿口都係香辣滋味， 真係好食到爆！總結嚟講，如果你想要食正宗香港風味嘅中菜，就一定要黎《中華小館》嚟試吓。食物質素優秀，價格都係公道。我哋下次再有時間, 一定會再黎!!

今日同朋友去咗灣仔食好嘢💫知道有間中菜廳，晏晝有二人套餐性價比都幾高，所以我哋就去咗一齊試吓。二人套餐$438包嘅嘢食都幾多，最尾都食唔晒🤣🌖金沙窩巴用鹹蛋黃包圍着香脆嘅鍋巴，超級惹味。⭐️滋潤燉湯初時我真係以為係功夫茶🙈但原來入面係好清甜嘅沙參玉竹燉翅群，好足料飲落去都幾濃郁但唔會太肥膩。💫燒味雙拼有叉燒同埋肥瘦相間嘅燒腩仔，燒腩仔個皮都仲係脆口。🍀翡翠炒斑球斑球份量都幾多，仲有西芹一齊炒，所以口感夠爽口有層次。🥬蒜茸炒菜苗菜苗炒完之後仲係好翠綠同埋新鮮，鍾意食菜嘅我好開心。

💬係真的好喜歡食叉燒，聽講呢度叉燒好出名，上次食唔到耿耿於懷，今次點都要去食返次。午巿套餐原來都好經濟，唔貴又豐富，有小菜點心燉湯，非常滿意，可以一試再試😊.———————————————————————————🥢蜜汁叉燒皇🐽💬堅係有料，有蜜汁嘅甜包住帶有焦燶嘅叉燒，肉質鬆軟有咬口，多汁而且賣相非常吸引，係好味嘅叉燒之一，會間中記掛住🥰.🥢金沙明蝦球🍤💬又係好出色，鹹蛋黃掛上炸咗嘅大蝦外邊，啖啖濃郁嘅味道，蝦肉超彈牙充斥味蕾🤨.🥢海味雜菜煲🍲💬呢個經典嘅廣東餸，海味粉絲雜菜砂鍋上，係懷舊嘅味道，想起兒時回憶🥲.🥢蒜片牛柳粒🐮💬蒜片香加上牛粒腍身唔韌，調味得宜有鑊氣，餸飯一流配搭😊.🥢紫砂功夫燉湯🍵💬湯要熱先好飲，紫砂茶壺🫖保溫，倒出🫗好多杯，慢慢㗳真燉湯嘅味道，非常有意思🥹

上個月就約咗朋友一齊去食呢間餐廳，以為會好多人星期六都唔洗等位！去到食左朋友必食片皮鴨！見網上大家講得咁開心，又好似好吸引咁，點可以唔叫！上菜嘅時候，個盤好特別！賣相好好，用左我地平時好少食嘅黃皮，我地試過應係加左蛋，所以變左黃色，不過食落無咩特別。可以用返白皮應該會好食啲。啲鴨簡直係失色，無鴨味，片皮鴨嘅皮，一啲都唔脆卜卜，又唔香，完全唔可以叫名菜！結論係叫錯野！之後叫左個叉燒，呢個真係好好食！即刻諗到嘅係好味到連小朋友都會鍾意食，夠林夠香夠味！呢個應該先係名菜！最後仲試左鮮胡椒牛肋骨Well，我地覺得佢同鮮胡椒炒唔上關係🙂唔可以話唔好食，但又未到好好食！總括嚟講，成餐有啲失色。仲有，間餐廳個冷氣有問題，熱到一個點，大家夏天去要留意下。

《😋晴晴港飲港食 #misshcfoodie》好耐無食中菜，放工去咗附近醫肚🤭呢間中菜館喺地鐵站附近好方便，除咗傳統粵菜仲有唔少新派中菜令人大有驚喜😲◆燒味雙拼 $268👍呢度嘅蜜汁叉燒真係一試難忘😍 色澤誘人，選用肥瘦適中嘅腩肉，入口軟腍帶少少肥仲有焦香同蜜汁，一啖食落口超正🤤另外有脆皮燒肉，皮脆肉嫩◆紫砂功夫燉湯 $78呢個燉湯夠唒gimmick，用上紫砂茶壺同茶杯😲 飲嘅時候倒落茶杯到細細啖慢慢飲，花旗蔘加埋瘦肉非常足料，飲落味道清甜回甘◆碧綠淮山雲耳炒百合 $118翠玉瓜配爽口淮山仲有雲耳百合，健康得嚟又可以清清味蕾、減輕油膩感◆翡翠炒帶子蝦仁 $238蝦仁🍤夠唒大隻又爽口彈牙再配上香煎帶子同西芹炒得好有鑊氣人均價錢：$500味道：7.5/10環境：7/10服務：7/10回頭率：7.5/10👍=必食*所有價錢以餐廳為準#misshcfoodie_ 灣仔銅鑼灣📍 中華小館地址: 灣仔駱克道128號地舖及1樓電話: 28800112

weekend同朋友去咗整蛋糕🥰 之後勁肚餓就一齊喺附近搵啲嘢食，我哋就揀咗灣仔呢間中菜，weekend都竟然有lunch set🫶🏻二人套餐 （$438）金沙窩巴係炸米通黎，食落好香脆，仲帶陣陣嘅鹹蛋黃香😍滋潤燉湯今日係沙參玉竹燉翅群，佢用個茶壺仔嚟裝住啲湯，個賣相超精緻，個湯好鮮甜，飲落充滿膠質❤️❤️❤️燒味雙拼係叉燒同埋燒腩仔，燒腩仔仲見到五層嘅花紋，外皮香脆食落軟熟👍🏻翡翠炒斑球嗰班球其實超大塊😆 應該要斑塊先啱😍 炒得啱啱好，肉質結實🥰蒜茸炒菜苗今日係用咗小白菜，夠晒新鮮☺️

上次同姐妹喺灣仔發現咗呢間粵菜餐廳【中華小館】，只係因為時間緊迫，嚟唔切試就返屋企咗。難得今晚姐妹約咗去食飯，就隨口提咗一下，然後我哋就決定去嗰度探索美食🫰店入面人山人海，等咗一陣，終於有我哋嘅位，心入面特別期待！！我哋點咗鮮胡椒牛肋骨、麻辣惹味鳳爪、XO醬炒花姿片同埋功夫湯。🐂鮮胡椒牛肋骨牛肋骨經過長時間燉煮後，變得滑嫩好食，入口即化。再配上胡椒做調味料，成道菜嘅口感更加豐富🤤胡椒嘅微辣感同鮮甜嘅牛肋骨完美結合，令我特別開胃👍🐔麻辣惹味鳳爪麻辣惹味鳳爪係經典嘅川味小食。濃郁嘅麻辣味滲透咗每一個鳳爪，特別入味！同時鳳爪帶有嚼勁，每一啖都特別享受😋🥒XO醬炒花姿片呢道菜入面有帶子同花枝片，與XO醬翻炒後，特別香甜可口，搭配辣椒🌶️調味，微辣香甜嘅口感令人回味無窮！非常推薦畀鍾意花枝片嘅朋友們👏🥣功夫湯呢道湯品係以紫砂壺燉煮而成，湯底濃郁，帶有濃郁嘅肉甜香，特別暖胃！仲有豐富嘅材料燉煮，每一啖湯都係精華！我同姐妹都對呢度嘅菜品讚唔絕口，從主食、小食、菜品到湯品，各個味道口感極佳，特別適合我哋！非常推薦畀鍾意食粵菜嘅朋友！

今次晚餐就約咗班朋友喺灣仔嘅中菜館「中華小館」一齊食飯🤗，同朋友一齊食飯既時候真係好開心，邊食邊講笑通常都會食得更開胃啲！🌟首道先送上嚟碧綠淮山雲耳炒百合，可以話係健康又美味嘅一道菜😋，淮山雲耳百合都係滋補品種，將佢哋炒埋就變成一道滋補又美味嘅菜式💯。🌟然後就系鮮胡椒牛肋骨，鮮胡椒同牛肉嘅組合真係完美到無話說，仲有骨頭入面嘅骨髓，真係一級棒💯。胡椒既辣係好溫和既辣，食完都唔會覺得喉嚨唔舒服，反而又暖胃又香～牛肋骨好juciy阿，好鍾意嫁💯🌟個晚餐點完絕對唔可以走雞麻香惹味鳳爪，嗰個香味真的可以令人馬上就流口水，每次見到嗰個香噴噴嘅鳳爪，就無法抵擋佢嘅誘惑，一口咬落去，真系幸福感爆棚💯。就系呢間「中華小館」度享受一頓豐富嘅晚餐，選擇豐富，環境又舒適，我哋一定會再嚟嘅！🏆