二家姐正宗原味麻辣火鍋

Open Now

Now Closed

難得天氣轉涼，當然要圍住打返個暖笠笠邊爐啦！今日黎到二家姐，聽個名都聽過好多次，今次終於有機會試下！湯底要麻辣係基本啦～正正正～夠哂惹味！又暖胃！必食午餐肉，切到一條條，好整齊又易分魚皮估唔到份量都幾多下，食極唔完，好脆口，完全停唔到口！成班滾下滾下真係好開心～呢到仲有王老吉下下火打邊爐無理由唔叫牛啦，呢到Ｄ牛真係相當新鮮而且好有牛味，值得一叫食完肉要食返Ｄ蔬菜類中和下，粟米好甜，吸哂湯汁個個都爭住食臨走點都要叫返個麵，抱住肥肚回家去！大滿足！

二家姐正宗原味麻辣火鍋轉左新工，當然要同朋友聚一聚，分享下現況，今晚揀左大家既中間點佐敦，不過呢間餐廳原來近九龍站多d。一入鋪頭已經聞到濃濃麻辣味，食指大動啊！我哋點左鴛鴦鍋，中間係普通豬骨湯，周邊圍住麻辣湯底。（不過中間果part成日都滾唔起）火鍋除左食材，醬料都好重要，呢度都算多醬料揀，而且有正宗麻辣火鍋要有既麻油同黑醋，不錯不錯。我哋點左生菜、粉皮同埋大盤牛頸脊。生菜正正路路，新鮮翠綠，食麻辣火鍋既必點配料。魚肚我哋超鐘意，吸哂麻辣湯底之餘，又保留到鮮味。粉皮呢個係超飽，建議可以2-3點一份，粉皮好QQ，好有口感，而且吸哂湯底，個人係好鐘意。牛頸脊呢個都係無得輸，亦同價錢成正比。牛肉食落好香口有肉味，而且一d都唔會痴牙，每啖都係享受啊！整體來講，地點雖然唔係最方便，但個麻辣湯底真係做得唔錯、正宗！

近排天氣開始轉涼，最開心就係身邊嘅另一半，因為佢超級鐘意火鍋，難得今日有時間，我地就去左佐敦嗰邊打邊爐！二家姐有兩間鋪，入去第一間無位，跟住過左對面，好彩！有位🕺🏿坐低首先叫咗湯底，我哋叫咗一個重慶麻辣鍋😋😋😋😋😋order左安格斯牛頸，NO.1鵝血，萵筍，竹笙、墨魚滑，娃娃菜同埋炸香芋片👍🏿👍🏿👍🏿👍🏿，佢哋嘅牛肉好新鮮👍🏿👍🏿今次推薦NO.1鵝血店員話要煮起碼15分鐘左右先食，我地由得佢煮，愈耐愈入味，好有咬口，小小煙銀👍🏿👍🏿👍🏿超級好食！炸香芋片新鮮即炸，一碟好多塊，放入火鍋煮一煮拎上來食👍🏿👍🏿👍🏿👍🏿正

二家姐我好相信如果二家姐個鋪位係方便啲的話（而家在渡船個邊）我應該會再飯堂。因為個真係好好食，我可以咁講：我辣妹食過咁多間香港麻辣鍋，二家姐的湯底係我的排行榜首位。唔係講笑。縱然係麻辣是油，是重口味，但係唔覺得好味精頸渴感，嘩！大佬，無乜幾間。二家姐個湯底方好得。我係服既。就個朋友中間食個藥膳湯中和下。個鋪頭的位置都唔算太迫，因對面都租埋做分店，好作人客分流，而我們坐既係新店木耳好大片，好係質感，爽口又降血脂，好野黎脘脆片，厚切好有肉，但因為鯇片係爽身，都好鮮，有吸味。登登登登！！！！！！！！！！！呢個配料係火鍋無敵強！！素腰花～～素料但好食過腰花（豬內臟）好鮮甜，碌落麻辣湯底到，臨左先食～～～～嘩真心宇宙級好食。我第一次叫來食。寫文前我都網上搵下有無得買。唔係講笑，黑馬之選。鵝腸就唔少得啦，二家姐清得好乾淨，開晒邊咁碌來食，一片片就唔係一條條，易食好多，唔會縮埋一舊。鬼馬油炸鬼：二家姐特色菜，用蝦滑釀入油炸鬼，可以就咁食有：香脆小食，也可以浸一浸落麻辣湯到吸一吸湯來食，係好正既。我覺得浸湯後食就提起個香口感，有啲似響鈴，但個口感再豐富啲。呢個餸我好有印象，應該再來會再食既必食菜。

平時有機會就想食辣，今次就去了「二家姐」試下。之前已經聽朋友講食材及湯底都一流，所以很期待🥳。「二家姐」店面裝修用了古風設計，牆身貼上古代「壁畫」，再配上石紋，木紋的枱面及餐具，顯得特別有格調。今次點了鴛鴦鍋（麻辣中辣及藥膳），太辣時可以中和一下。麻辣湯香濃而不苦；藥膳湯清甜👍🏻👍🏻，我們真的用來解辣。重點是兩個湯底都沒有味精👍🏻，所以食出食物真味及不會渴。兩人去不會食太多，所以點的都是必食之選鮮牛肉（秘製）：全塊牛肉鋪滿了辣粉，似麻辣牛，食落似大汗蒙古的辣。鬼馬油炸鬼：外邊脆卜卜，𥚃面包住墨魚及蝦滑，視乎喜好可以即食或浸湯，食落好得意。小湯包：似小龍包，有肉汁係入面，不過皮厚左D，但都好正。素腰花：食落彈牙，而且入口有清甜的味道，即使放入辣湯中也掩蓋不住這個味道。如果唔食內臟的朋友，推薦這個給你們。平時食火鍋周圍都幾嘈，但這邊相較安靜，約三五好友一聚，傾計唔洗大聲🤭而且店員的服務質素都很好，好仔細，貼心。我地一定會ENCORE

這火鍋好多客人推薦話好美味又豐富又多選擇，今日同男朋友黎品嚐！環境以中國風為主，座位舒適、有大堂及獨立房間選擇，對面就有另一間分店，一定有位啦！在每張枱腳下有籃子可放袋子好貼心，服務員姐姐友善親切，落單收碟上菜都好快！1. 正宗重慶麻辣火鍋（少辣）好多紅椒、麻籽、莖蔥等，好香麻好地道！配肉類及海鮮類一流！更有鴛鴦鍋、黃酒雞鍋、香茜皮蛋湯底，好吸引！下次一定要試！2. 前菜小點（八寶豆腐）有麻辣小食及拌酒小菜前菜，好正喔！男朋友點了這個即點即炸脆卜卜的外脆內軟嫩的豆腐，咸咸香香好味道，但要小心燙口！3. 火鍋材料選擇好種類，有：海鮮、牛、豬、內臟、丸類、菇類、蔬菜、粉麵等等，包羅萬有！火鍋當然必點肥牛，牛肉都有不同部分及級數，如：頂級生牛肉、本地超級靚牛、安格斯牛脊肉、更有牛粒、牛胸爽、牛舌片等等，今次選了高級安格斯牛頸脊（大份），顏色紅紅好新鮮好吸引，紋理好靚而且口感一流，軟腍無筋口感的薄片牛肉，牛味更是濃郁！推介！另外點了爽口鮮蝦豬肉雲吞及湯包子6小粒皮滑又薄、內包著豬肉香滑及爽口大蝦好入味；點了特式湯包子，包餡湯汁滿滿、豬肉好香、包子外皮又不會硬身，不過湯汁好滿要小心太熱！推薦瀨尿

🥘重慶麻辣鍋 $128雪花肥牛 $68白鱔片 $88炸魚皮 $38瀨尿蝦墨丸 $88-1️⃣ 🥘重慶麻辣鍋⭐️⭐️⭐️⭐️招牌湯底！因為我食辣唔勁但勁中意麻，所以叫左小辣多麻，一開始見到真係同平時食重慶鍋既一樣，紅卜卜成個湯都，同都幾辣，反而煲耐左之後麻味蓋番過辣味，就岩岩好了😍/2️⃣ 瀨尿蝦墨丸［滿星］⭐️⭐️⭐️⭐️⭐️‼️墨丸包住隻小瀨尿蝦，墨丸同瀨尿蝦依個組合好新穎，估唔到好夾，墨丸彈牙，瀨尿蝦新鮮。/3️⃣ 白鱔片 ［滿星］⭐️⭐️⭐️⭐️⭐️‼️新鮮、爽口，平時岀面食既都係小骨，依個係冇骨同偏薄！-環境：7/10服務：7/10好味指數：7/10回頭率：7/10

天氣開始轉涼，咁啱同同事做完野諗住一齊食埋飯，見到有間吃火鍋就拉左我入去試下。 舖面唔算好大，但裝修都算幾靚，好有中國風既感覺。 同事好想食麻辣湯底($128)，不過都知我唔係吃得好辣，諗住問下有冇得小辣啦，又真係有喎！咁就皆大歡喜啦！ 個湯望落去好似好紅，有好多香料，原來又真係唔係好辣，不過就好香。我同事都話好正。我地點左好多野吃，先來肥牛一碟($68)，好抵吃。手打鮮蝦丸($78)，超爽，同出面街買既差好遠。 桶蠔($158)大到半隻手咁大，聖子(@$58)又成隻手咁長，好誇張。  見到隔離枱叫左碟本地牛肉($258)好靚，我地又忍唔到唔叫囉，肉質都唔錯。 最後叫左三寶丸($88)同粉皮($28)。第一次食麻辣火鍋配粉皮，估唔到個質地又幾夾喎。兩個人，吃飽飽， 雖然價錢唔算平，但都非常滿足呢!

氣溫驟降🍃，必須吃吃火鍋暖暖身子♨！朋友早已約食二家姐重慶火鍋🥘，話湯底正宗無添加；上網fact-check🦉係馳名喎⋯🥢要食！ 辣妹子如我👸🏿就當然要點麻辣湯底🌶🌶🌶，但朋友驚辣辣，就叫麻辣鴛鴦鍋🌘啦！麻辣好香，我即刻叫碟豆卜來吸🧽麻辣湯，食法瘋狂但美味🥳！清湯亦正斗，有淡淡的藥材香，沙參同紅棗已煲得好諗，🧟‍♀食埋唔放過！打邊爐當然要有雪花肥牛🥩，肥瘦適中牛味重！ 仲叫咗少有嘅牛骨髓，又軟又諗又彈牙🦷.....仲好粗呀💪🏾！而重慶特產紅薯粉好滑，夾起時🤸‍♂彈下彈下，配合麻辣鍋好夾！我覺得最出色係墨魚滑，有大大粒嘅墨魚粒🦑在內，鮮味而且口感滿分！除咗打邊爐，二家姐仲有多種佐酒小食都係🤤名物，等friend 果陣可以啤啤先🍺

最近涼涼地好想食麻辣火鍋，朋友唔食得辣所以點了鴛鴦鍋，一上枱望到啲辣椒以為會好辣，但其實bb辣都唔會好辣但又好香😍-雪花肥牛 $68對靚牛肉冇乜追求就平平地嗌呢個，浸落麻辣鍋度都好好食-手打芝士蝦丸 $88真係有蝦肉係入面，芝士量又多又流心，推介！-冰豆腐 $38索哂啲湯汁👅有好多舊好飽-墨魚滑 $68爽滑彈牙，逐啲逐啲落細細舊又入味-午餐肉 $38麻辣火鍋同午餐肉係絕配☺️一定要食-紅薯粉 $38係好粗果種，仲以為係酸辣粉果種添。不過都索哂湯汁好食

重慶麻辣鴛鴦鍋 $128一鍋兩食，麻辣鍋部份固然是邪惡之極，麻香撲鼻了。而清湯亦唔輸蝕，用上藥膳湯底，好香藥材味，補呀！火鍋醬汁尚算應有盡有，特別欣賞佢既醬油，非一般豉油，似自家製，好香好惹味。羊肉卷 $68講到麻辣就想涮羊肉了，羊肉味唔會太重，怕羶又想食羊的也可以試試。羊肉烚幾烚就食得，都幾嫰滑。西班牙黑豚肉 $68大份夾抵食，好有豬味，夠淋唔會嚡，好好食。手打鮮蝦丸 $78必食！ 好彈牙，好多蝦肉。好有蝦味，明顯日日新鮮製作。無論清湯或麻辣都好出色，一般蝦丸真係冇得比。紅薯粉 $28好少地方有呢D正宗的紅薯粉，點都要食吓。無論生熟都好滑，要夾實D呀！食落煙煙韌韌，配麻辣鍋真心辣，但又好過癮。冰豆腐 $38只敢放藥膳果邊，好索好入味，真係好得，又係必食之選。冰豆腐外表都好靚，堅好味。萵筍 $38翠綠鮮嫩，無論配麻辣定藥膳都好得。雪花啤酒 $20大枝又夠凍，價錢合理。總結 ： 鴛鴦湯底收 $128 感覺略為偏貴，但勝在火鍋配料碟碟都幾抵食，價錢又合理。所以拉勻都 可以，人多就更抵食啦。最重要用料新鮮而且湯底惹味，冷氣亦夠凍唔會食到成身汗，值得再來 ！

佐敦文英街一直都好多嘢食，有串燒、有點心，但係我特別鍾情其中一間火鍋店，就係二家姐。-而家二家姐喺同一條街已經開咗第二間分店，仲可以有獨立房間， 有時要搵獨立房嘅火鍋店真係好難搵，二家姐係一個唔錯既選擇! 講返野食先，主打嘅麻辣火鍋湯底就同出面好唔同，第一佢係主張堅持無味精、冇老油，即係絕唔會返用，亦都唔會預先泡製湯包到港。可以咁講，出面我食過唔少嘅麻辣火鍋店，佢嘅湯底食完真係會好口渴，因為真係落咗唔少味精、添加劑。當然老闆想大家食得健康，個湯底係要作少少犧牲平衡，係無出面既食得咁過癮、咁刺激。食材方面都好唔錯好新鮮! 其實二家姐最有賣點嘅除咗喺火鍋湯底之外，仲有佢嘅活魚刺身，今次老板推介左我地食立魚刺身，除咗刺身講求新鮮之餘，佢嘅賣相都好有誠意。首先佢用金箔鋪喺刺身面， 然後再用「孔雀開屏」將炸過既魚骨盛起，食落真係好脆口!瀨尿蝦墨魚滑真係好少有，佢將手打墨魚釀入新鮮瀨尿蝦，口感好爽口好特別。而鬼馬油炸鬼就即叫即炸，就咁食都好脆好新鮮。另外必試素腰花亦都好有驚喜，冇諗過豆製品都可以造到咁彈牙，仲聽到隔離枱要encall😝-●驚喜菜式: 金箔立魚刺身(一味二食) 聖子皇 素腰花 瀨尿蝦

朋友介紹去二家姐食麻辣火鍋，正宗重慶麻辣，出名食完不口渴，無辣不歡的我一定要試。自稱好食得辣既我，聽完服務員建議，只選擇小辣，唔夠辣再加，叫左麻辣火鍋中間係莞茜皮蛋，落料前試試湯底，好入味。打邊爐本應多人打先可以叫得多款，但我地兩個人見到樣樣都想試，叫了8-9款火鍋料再加小食，簡直係眼闊肚窄。安格斯牛肩脊，雪花靚牛味重, 放中間清湯最適合不過。第一次見火鍋料有全隻賴尿蝦墨魚丸，好味。小湯包，也是放清湯莞茜皮蛋，湯包嘅原汁原味，有食小籠包子感覺，最愛吸入面肉汁。兩款小食麻辣黃金皮蛋以及咋豬大腸，還有響鈴、凍豆腐、黑柏葉，豬肉腸等

平時鍾意打邊爐，亦都鍾意食麻辣，今晚男朋友就帶我來到佐敦的二家姐正宗原味麻辣火鍋打邊爐。食麻辣火鍋當然係揀麻辣湯底啦，四四方方一個鍋底，原來係可以鍋底雙拼，中間一層係藥膳清湯鍋，湯底剛剛滾我就急不及待飲個藥膳湯，真係好正好補的感覺，好有屋企的味道呢。而個麻辣湯底就更不用說，望落去都覺得有返咁上下辣，不過我地點左小辣，所以都唔怕既。醬油自己配搭，話說今晚的聖子好新鮮，我們點了兩份，再點了牛頸脊粒，No.1 鵝血，黑松露墨魚滑，素腰花，娃娃菜。首先就這個麻辣湯底真係無得頂，任何菜放入去洽完都係咁好味夠野味，牛頸脊粒夠口感，素腰花真係勁係豬腰口感，好得意。我就最鍾意黑松露墨魚滑，好想黑松露味。野飲方面都點左降火的自家制山渣甘草茶，特別的口味又可以解熱，正啊。雖然沒有吃好多野，但點的菜式真係樣樣都甘好食，下次可以約多d朋友來一起食。

最近香港愈黎愈多麻辣火鍋，今次就試左呢間二家姐麻辣火鍋。原來分開左新舊店，裝修幾舒服，環境同d枱都好夠闊落，坐落舒服吾會迫！由於今次我同一個朋友去食，打邊爐吹下水咁，我地兩個都好中意食辣野，所以湯底就當然係叫左麻辣湯底叫左小辣湯底，味道不錯但比預想中無咁辣，有機會再食就試一下中辣，應該會更加好味。當晚食得非常滿足，值得一提的是呢間店每一樣野既份量都好足，我同朋友兩個人叫既野不算多，但每碟份量都好多，單單係碟魚已經有8舊，魚肉又大又厚肉。呢個黑豚肉係最令我意外，估吾到肉質好有彈性，加埋麻辣火鍋湯底，好好味道呢個魚都係好評之一，放落湯到滾下就食得，不過我朋友就覺得有骨