京滬村 (Closed)

我同朋友6點就去食，可能因為平日加上仲早人唔多。一去到店員都會講opening說話歡迎光臨個d，而且好有禮貌，會問你飲咩茶，非常滿意連菊花茶，鐵觀音都有，因為見人推介鐵窩飯驚熱氣所以叫左菊花降降火。職員好快就會比前菜（醃蘿蔔，青瓜）你。餐牌非常厚，好多頁，真係有好多野食，又有套餐選擇（不能盡錄。。。）我同朋友雖然上網都睇定想食石窩飯，但係望住咁多選擇原來真係唔識揀，哈哈! 如果係一班人食，呢間餐廳真係可以滿足到唔同人。本身食左下午茶，所以去到淨係叫左素翅鮮蟹粉蛋炒飯，南翔小籠包，同豆漿一杯。等左10分鐘，已經上菜，好有效率小籠包食落好新鮮豬肉味，鮮甜多汁，餡比平時既大，皮可以再薄少少就會更好食。至於個飯真係好食到冇得頂 蟹粉份量好多有蟹肉蟹膏好滿足而且唔擔心唔夠撈飯，基本上每一啖都食到。再配埋少少脆脆飯焦，正! 佢個飯仲要係炒飯底，好香蛋味，終於明點解咁多人推介! 下次要再去食!

知道新年通常食肆都會爆曬，早係兩星期前打去卜定間房（因為我地都十個人，有兩三歲大既小朋友又有大肚婆係度）。以為自己好醒架啦，早早卜定實無死。點知專登搭車出去先同我地講話無房，咁我做咩要早兩星期前卜定？真係好多嚿魚！見依間野有咁多好評，心諗點都食得過啦～～～我地叫佢地既招牌菜：扁皮鴨同小籠包。小籠包真心好食（但係我地叫三籠，佢比得一碟醋我地，叫佢比多兩碟，等左好耐都未見有影，到我地食埋曬三籠先拎黎有啲咩意思呢？）但係個扁皮鴨真心唔掂（佢地話佢地出名，所以要我早早訂定。好啦，出名一定無死啦！當見到個鴨真係好失望賣相唔靚之外，仲要刀功差！食扁皮鴨⋯隻鴨上左菜，但啲包皮未到，等又等，催完一次又一次，名正言順有得睇無得食@ @樣樣都話要等，一開始又話等半個鐘⋯半個鐘之後催單，竟然話個師博唔係度，整唔到比我地，叫我地取消！食到尾聲，到小朋友最鐘意既甜品：拔絲地瓜。我地都好清楚佢都係要我地等，無催。但我地等左成粒鐘，問下侍應睇下有無漏單啦⋯啲侍應一直話師傅整緊，已經出緊，等等！（你做到興，我地作為消費者都好興架！）結果個地瓜⋯上到枱啲地瓜出曬水，啲拔絲溶曬擺明擺左好耐⋯大家都食得唔係咁開心，除左同老

朋友聚會專登訂位留房，山長水又遠咁去呢間京滬村到食，一開頭都好有期待因為眼見好評都唔少，睇相都唔錯去到先話無房，咁訂位黎做咩 ? 無房都算，坐位濟迫人都行唔到，侍應上菜專選小朋友位置上，叫極唔聽你話佢仲覺得你有問題。野食叫左10樣野，當中片皮鴨同拔絲地瓜最唯經典…片皮鴨，隻鴨到左成個鐘有多，包皮都未到，吹左成個鐘頭終於到，但厚到好似二三塊疊埋左咁厚，咩事⋯ 鴨都係一般，好似普通酒樓咁既貨色，貴格唔好食…拔絲地瓜，又係吹左4次等左成個鐘，諗住無死點都會正常，點知黎到拔絲溶左一灘水，個d地瓜又燶又濕，完全食吾到外脆內軟，只覺得一pat嘢…個廁所好唔掂，又迫又髒。重點員工+老闆服務態度欠佳，客人有不滿，你可以意見接受態度照舊，但老闆可以講得出一句依張單我以後幾錢都唔接。好想講一句唔係你唔接，係我唔會再俾機會你 ，總括而言，有今次無下次。咁的價錢咁的態度

你呢間野啲廚房真係乾淨得好很緊要囉，我見到廚房廚師連人帶鞋企上去整餅底嗰張枱度，拎櫃頂既野，落咗地之後完全唔駛清潔，就即時再喺剛剛踩完嘅地方再去做餅底囉。現寄望今晚唔駛要入院。

呢間都係一間好好食嘅平民上海菜。嗰日突然之間好想食小籠包，咁岩經開呢頭，見到呢間，就沖左上去食啦。首先講下環境先，其實都坐得幾舒服。不過位置有少少隱蔽，所以如果第一次去，你可能都要認真啲搵吓佢哋嘅門面！上到去本身仲諗住食個片皮鴨，旦因為時間太早，所以未有得食住。而且啲姐姐都好好人，有問必答。見到個lunch Menu但係都想試吓佢其他野食，所以就散叫左呢一對野啦。食物既味道係唔錯嫁，我覺得以呢個價錢，呢間餐廳開喺呢度其實都算OK 㗎！

天寒地凍，約左個friend食飯，頂佢個肺死都要我入元朗陪佢食。大佬丫，元朗而家係北極黎架點去丫。但佢話有間好好食既中菜想帶我食。哇，用美食黎引誘我，太了解我了。咁我過去啦裝修幾別緻，乾淨企理。生煎包底部煎到靚靚既金黃色，脆卜卜好正多汁都爭啲俾佢辣爆我個嘴松子桂花魚汁唔會太杰賣相一流。酸甜個比例剛剛好。魚質鮮甜嫩滑蘿白絲酥餅我第一次見到有芝麻既蘿白酥餅。芝麻令到成個酥餅提升左香氣。酥餅炸得酥脆但一啲都唔油，蘿白絲夠幼令口感細緻，更顯廚師功架天塞地凍食到餐咁高質既晚飯，不枉我山長水遠過黎元朗丫

好耐冇食個上海野所以今日專登去雞地附近搵嘢食....時間啱啱好大約九點鐘佢有一個宵夜時段折扣優惠！7折好快手就點左幾樣野食！石煱鮮蟹粉炒飯以一個炒飯睇係好味嘅 , 蟹粉味甘香 , 反之有一陣咸魚香 。 份量就比較少 , $ 88 一碗炒飯 , 個人就認為份量可以大啲南翔小籠包做得不過不失 , 又唔會話好出色 , 就同一般小籠包差不多 。 不過值得一讚的是熱辣辣👍🏻皮薄餡靚又多汁椒鹽九肚魚炸得十分香脆可口...拍得住大排檔嘅水準😂椒鹽系列之中最鍾意就係食九肚魚佢係唯一一種好似冇骨嘅魚👍🏻高力豆沙是很巧手工的甜品...一份有四個份量十分多...紅豆唔會過甜而且十分鬆軟可口兩個人傾吓講吓好快就食左個半鐘👍🏻有折後其實都幾抵食！＄200幾蚊埋單

我係住港島區嘅，冇啦啦我係唔會去元朗這個咁遠嘅地方，但「京滬村」會係其中一個理由令我跨區食飯！😅食物推介：-石鍋鮮蟹粉蛋炒飯（$88）我好鍾意食蟹粉，而佢一d都唔吝嗇，蟹粉厚厚的鋪係已經炒底嘅飯上面🤩仲要用石鍋，可以等一陣就有脆脆飯焦，好好好好味呀！⭐️⭐️⭐️⭐️⭐️拔絲鳳梨🍍（$68）拔絲已經唔係好多地方有得食，就算有，多數都係拔絲地瓜、拔絲香蕉，而食拔絲鳳梨，我真係第一次呀！拔絲外層脆脆甜甜，裡面嘅鳯梨微酸且超多汁，都好好好好味呀！⭐️⭐️⭐️⭐️⭐️

元朗，一向都係美食聚集地。朋友介紹元朗有間樓上上海菜好值得試，今日早咗收工同同事嚟試下😆😆餐廳位置好方便，由元朗西鐵站行過嚟十分鐘就到，餐廳面積好大😯😯座位亦都寬敞舒適，裝修走簡約中式風格，未到八點已經爆晒場，人氣十足啊👍🏻👍🏻嗜辣嘅我先嚟一碟水煮牛肉😽「水煮」係四川菜嘅一種經典，要煮得夠辣又惹味絕對唔簡單😄😄餐廳用上新鮮牛肉，咬落肉質鮮嫩😋😋水煮嘅辣味認真到位👍🏻👍🏻食落又麻又辣，越食越過癮😈食完味道濃郁嘅水煮牛肉，就叫咗個清清地嘅咸肉炆津白🤤🤤咸肉份量十分多，味道咸而帶鮮，唔似坊間嘅只有重重嘅咸味，津白吸收咗咸肉同上湯嘅味道，味道新鮮，令清淡嘅津白顯得不平凡😆😆再嚟必食推介南翔小籠包😛小籠包即叫即蒸，上菜時熱辣辣，賣相極為吸引🤣🤣小籠包屬於傳統風味舊式小籠包，薄薄嘅小籠包皮包住鮮肉同肉汁，咬落口感豐富，味道一流，四個絕對唔夠我食啊！😝😝價錢大眾化，款式多，味道一流，去開元朗絕對要試下依間誠意上海菜😛😛👍🏻

呢間野第二次食佢野食唔差又好食、仲要有折果下正第一次去食無咩人，可能果時就落場今次去好多人先發現原來呢到都幾大今次叫咗個午餐set其實算抵因為佢42蚊唔洗加一唔洗茶芥有一大碗麵（係一大碗）仲有得簡小食同有豆漿/汽水我簡咗雞絲粉皮其實食完雞絲粉皮都飽飽地（未食麵）仲要有一壺茶比你之後叫多咗個紙火鍋小籠包第一次食紙火鍋佢小籠包有4粒原味，蟹粉，黑松露同蟲草花粒粒都正仲要員工見到都走黎同我講好似好正其實真心好飽好飽（我仲未食麵）我又唔心色咁加咗個我平時好中意食既炸饅頭但呢個我失望咗唔係我想像中咁既味道折咗埋單加埋都係一百蚊我希望下次去再試到更多野食啦

天寒地凍，入元朗搵朋友聚聚傾吓計食個飯，朋友話有間食京滬菜嘅餐廳佢之前試過錯，所以我去到嘅時候佢就係西鐵站接我一齊去嗰個餐廳，過去大概五至10分鐘到餐廳位於2樓，要行一段小樓梯上去，一入到去餐廳接地頗廣，光潔明亮，有一種令人覺得舒舒服服嘅感覺，先，好快就安排左張餐枱俾我地，兩個人坐一張四人餐枱，坐得都幾舒服。餐牌款式甚多，睇到眼花撩亂前菜南翔小籠包小籠包一上枱嘅時候熱辣辣噴曬煙咁，一夾起先知道皮真係超薄，小心翼翼咬開個頂，啲汁已經即刻多到溢出匙羹，湯頭鮮甜美味，內餡嫰滑多多汁麻辣海蜇海蜇厚身，而且爽口彈牙，麻辣汁夠麻夠辣，食落10過癮宋嫂魚羹手撕雞 呢度嘅手撕雞同我哋食開嘅手撕雞唔同，一上枱嘅時候仲以為佢上錯左，後來侍應解釋話佢哋呢個手撕雞係山東手撕雞，同我哋一般出面食開嘅係唔同嫁

​ 話說我其實幾中意京菜同上海菜，哩間野啱曬我！ 原本都係本住試下嘅心態，估佢唔到又幾岀色，茶色係色香味俱全！ 我同朋友兩個人，叫咗三樣野食，分別係浦東花雕醉雞， 水煮牛肉同埋京滬四小籠。 我地一坐底，啲服務員真係好好服侍，又送上開胃前菜，我地食唔停口！ 首先講講醉雞！雞件係超滑，而且吸收曬啲花雕酒，好入味，每一啖都滲漏啲酒味岀黎！ 好正！ 至於水煮牛肉，係超級大煲！ 原本以為我地兩個一定食唔曬，點知係咁食唔停口， 清咗一大煲哈哈😂 哩煲野係勁香，牛肉勁惹味，越咬越辣，越辣越爽😋 芽菜都好爽口，夾埋一齊食會無咁濟👏🏼 之後要講下我嘅最愛，四小籠！哩個小籠包真係好正！ 推薦大家一定要叫黎試下！ 佢有四個口味，分別係南翔小籠包，蟲草，黑松露同埋蟹粉， 四個口味各有特色，而且皮薄多汁，賣相亦好精緻！ 最得意係佢有個架浪住啲小籠包，下面有火繼續加熱啲湯，好正！ 啲湯係好好好鮮甜，我地係飲曬啲湯㗎！精華所在！ 間野環境都幾有特色，充滿中國特色，幾有feel㗎！ 哩餐食得幾滿意，而且幾有驚喜！下次要試埋佢嘅北京烤鴨！好似幾吸引😛

元朗多野食應該好多人都知，但係由於較偏遠，所以除非住得比較近的人都好少入去。但住係屯門既我夠哂就腳，30分鐘就到了。今日黎京滬村食上海菜，其實最主要係想食小籠包。位於二樓既餐廳大部分座位都係卡位，而且十分寬闊。牆壁好有中國古典風。半開放式廚房可以睇到廚房入面。一邊食花生同酸蘿蔔一邊睇餐牌。值得一提---酸蘿蔔唔會太酸，帶有少少甜。覺得怕酸既朋友仔都可以試一試。------------------------------點餐時間～～～～～------------------------------浦東花雕醉雞($78)雖然睇落份量不多，但種質不重量嘛。好多花雕酒味，而且雞件十分嫩滑。兩層雞有雞背同雞腿，肉多，皮沒有太多肥膏痴住。但係我覺得有點兒失色，因為酒味太重，掩蓋左雞既鮮味。但至少食唔到有雪味糖醋魚塊($88)固名思義，姐係咕嚕魚。我對酸既菜式不感太大興趣，所以好少酸既野食吸引到我。魚塊都有6.7件，而且每件睇落都幾厚身。食落口不太特別，但魚肉方面都幾結實，唔鬆散。而且炸粉好脆，熱辣辣。但如果比我揀我都會揀返松子魚。小籠包，重頭戲來了。除了原味的之外都係逐隻計的。價錢一定會比較貴，但

放假當然係要悠閒啦，朋友話行完南生圍出返黎食野，叫我帶佢去，我話附近有好多餐廳，佢就揀左呢間食中菜既餐廳。黎到呢間京滬餐廳，當然要試佢地既京蔥爆牛肉啦，京蔥係炒得非常香，而牛肉炒得嫩滑之外仲將京蔥味入晒肉，野味到流晒口水呀，另外仲配埋薄餅添，包埋一齊黎食，薄餅夠薄薄地，將牛肉汁同京蔥汁包起晒，食起上黎口感更豐富。跟住又點少得小籠包呢，一籠有四隻，一夾上黎已經見到湯汁積晒係包裡面，睇落唔錯，一咬就知湯汁夠晒多，真係小心辣咀，湯汁同豬肉混合埋一齊，加上小籠包皮薄，口感一流，點埋份醋就真係岩晒啦。最後仲有雲吞擔擔麵，擔擔麵麵底夠彈牙又入味，湯底既少量辣味加上麻醬，係經典既配搭，仲有雲吞皮夠滑，肉就夠厚，食起上黎同份擔擔麵好夾，值得一試。

元朗好嘢食多係人都知 見咁耐冇食過上海菜 一於試下門口放咗好多餐牌 眼見有套餐 單點小菜 特色點心 選擇都算多元化 而且前台服務員非常殷勤 主動推銷餐廳美食 這個就是揀選京滬村嘅原因 前菜$10 ( 必需要的 )鹽焗花生及醃蘿蔔 平時唔多食前菜嘅我 對呢碟醃蘿蔔極度稱讚 酸酸甜甜 完全冇生蘿蔔嘅苦澀味 爽脆清甜$8( 每位茶價 )蟹粉小籠包 $18一隻 必須兩隻起新鮮熱辣即叫即蒸 要好小心夾 因為個皮真係 好薄 好怕整穿流曬啲精華出嚟雖然有醋跟埋 但係我覺得唔點嘅話反而可以食到小籠包嘅原汁原味小心翼翼咬開頂部 入面全部都係汁 真係好熱食嗰陣時要小心啲餡料非常豐富 中間嘅肉鬆軟滑溜 最後餘味食出蟹黃嘅甘香味道 真係想講好好味 冇得彈呀紅油抄手$38( 6粒 )上海特色嘅小雲吞 皮薄而且潤滑 湯汁微辣香濃 內含麻辣酸甜鹹香的平衡到位味道 真是讓人停不下口京蔥爆羊肉 跟薄餅$88京蔥爆羊肉熱辣辣用鐵板上 上枱時還是冒煙的 發出吱吱聲 鑊氣十足有薄餅附送 非常飽肚又暖胃 秋冬天享用最好不過把羊肉及京蔥都放在薄餅一起進食別有一番風味 若果光吃羊肉確實味道有點濃 若果包著薄餅一起吃 味道卻得以平衡