京滬村 (Closed)

以上份量2人食岩岩好！強烈推介石鍋鮮蟹粉炒飯，雖然份量都幾細，但蟹粉味好鮮，有少量飯焦又唔會燶，因為個飯唔會太乾，所以係我罕有喜愛嘅石鍋飯。其他餸中規中矩，小籠包一般茶樓水準，津白普普通通，豆沙鍋餅細細份，冇特別，餐廳衛生情況有待改善！侍應既態度十分熱情😇人均大概$150 一d都唔平，但食物質素十分普通，除左個蟹粉炒飯外，沒甚驚喜。

琴日去左元朗同朋友睇戲，完場後朋友提議去元朗市中心行吓兼食個晚飯，行行吓見到有間叫京滬村嘅餐廳，佢嘅餐牌都幾吸引，於事我倆就決定試吓新嘢。由於比晚飯時間早些少到，未有太多人，我哋兩個人好快就揀左卡位坐低。餐廳睇落好新淨，唔知係咪新開，不過特別之處係佢哋個廚房正面係有一塊大玻璃向住餐飲區，等啲食客可以睇到廚師整嘢食嘅情況。服務員送上餐牌之餘，亦問我哋想飲啲咩茶。朋友最後就點了菊花茶，亦都好快落左order (哈！我哋其實係門口已經熟讀左個餐牌同大概諗定想叫啲乜嘢)。先嚟歎吓個菊花茶先，可能之前睇戲食左爆谷，飲完依個即刻覺得口喉嚨舒服多了，而且同類食肆我比較少見有菊花茶揀，仲要係落重料嘅(一打開個壺蓋，就見到滿哂菊花!!)，真係值得一讚。好快主菜嚟啦，先上嘅係擔擔麵，大大碗，湯不算太辣，但係一睇已經知道係我鐘意食果類，因為湯裏面有好重嘅花生醬，雖然係比較邪惡，但係就係果種你會想一啖麵，一啖湯食果隻，我同朋友一人分啲，我最後包底，連湯都飲埋，哈！之後黎係小籠包，一籠四隻，熱辣辣，湯汁都好濃，不過食嘅時候要小心，因為個底皮可能太薄，我第一隻一夾就穿左，哂左啲湯汁。剩係兩樣當然未夠喉啦，之後上嘅

一向都非常鐘意食上海菜，尤其小籠包，不過元朗上海菜館不多，呢間京滬村就啱哂我。蔥爆牛肉配薄餅有圖有真相，個鐵板熱辣辣，出晒煙，即叫即整，冬天食非常有風味，而且好香蔥味，牛肉亦都好鮮甜，將啲牛肉加上沖再加上薄餅，非常之有口感，味道複雜得來又好香濃，如果鍾意食飯的話，加埋飯都好好食。小籠包食嘅時候要小心啲，小心會燙傷個嘴，因為非常之多湯喺個小籠包入邊，而且個皮都好薄，肉汁亦都非常之香，食上海菜絕對不能少嘅一個菜式。雲吞擔擔麵呢個雲吞包包面一段上枱嘅時候已經非常之香，一食個包包面非常之入味，湯底好龍嘅花生醬味，而且個麵都好彈牙，但亞得來又好入味，雲吞亦都非常之香，食食一定係揀呢一個擔擔麵。入座嘅時候唔算多人，但坐咗一陣就已經坐滿人，食完之後就知道點解咁多客人，因為價錢非常之實惠，而且味道好好食，下一次我都一定唔會再返轉頭食。完全估唔到元朗都有一間咁有水準嘅上海菜館，而且位置都算方便，由元朗站行出去只需要大約5分鐘，而且服務非常之好，侍應又有禮貌又有耐性，所以一定會再返去食。

心血來潮想食醉雞, 但又身在元朗西鐵站, 所以用openrice搜尋一下附近的上海餐廳, 見到"京滬村"三個字, 應該沒錯吧, 反正未試過, 就試試吧幸好看餐牌有發現醉雞, 超怕興致勃勃上去後發現沒有呢~冷盤: 醉雞醉雞主要就是看酒香味足不足夠, 每口雞肉都要充滿酒香.而京滬村的醉雞是絕對合格, 足以滿足想食醉雞的欲望呢~主菜: 椒鹽九肚魚由於已有雞關係, 我們決定第二道菜要是海鮮或菜, 但發現菜的選擇不多, 所以選了椒鹽九肚魚。 這道菜咸淡度適中又香口, 但就是缺乏了一點風味呢~主食: 餃子擔擔麵餃子有三大粒麵質剛剛好, 可食出花生醬的味道, 而且份量亦不少~總括而言, 味道不錯, 但份量較少呢~

京滬四小籠($58)原味，黑松露，蟹粉，蟲草花。每隻味道不一樣，來嘅時候熱辣辣，首先一讚是皮薄包著熱燙燙的湯汁，而且皮薄得黎又唔會好易穿，真係要讚，好食度值得推薦。南翔小龍包皮薄味道極為鮮美，質素不俗。蟹粉小龍包鮮香四溢，蟹肉鮮甜多汁，鮮汁從湯包中爆溢而出，滿口蟹粉同湯汁，夠真材實料。最特別嘅反而係蟲草花食落去有口味，蟲草花小龍包，香甜清新，口味層次比較豐富，值得一試。最驚喜嘅係黑松露小龍包，黑松露都落足料，松露的味道獨特，整個味道濃郁。好香又夠味。拔絲地瓜($68) 見枱枱都有叫，即刻跟風叫返份，賣相無得頂，見到都覺得好食，一上台已經俘虜左大家既心啦。拉得高高既拔糖拔絲同炸到金黃色既糖衣蕃薯真係好吸引！厚厚既金黃色糖衣包住熱烘烘既蕃薯，糖衣雖然厚身，但好脆好好食，一咬開脆皮既糖衣就食到鬆鬆軟軟既蕃薯，口中有兩種不同既口感，再加埋糖絲就有另一種感覺啦！蕃薯自然既甜味同糖衣既香甜好夾。上海炒年糕($78)我最鍾意食呢一樣年糕夠彈牙唔會話煮得太軟好似食米漿咁 好有咬口又入味，味道夠，份量頗足夠，不油膩，而且配料都唔少 我食到都幾多肉絲 因為食唔晒啲年糕所以外賣左翻屋企 第二日叮返熟嚟食 都

元朗多嘢食都就係人都知但係中式店舖餐館就唔多啦,係雞地嗰邊有一個閣樓餐館主打上海京滬菜，地方環境大又坐得舒服，店員服務態度有禮細心，而今日因為好想食小籠包所以就嚟咗呢一間店舖晚市人流不多所以可以直接坐下叫野食，唔使餓咁耐，填飽個肚去行街。 石鍋蟹粉炒飯＄88 熱辣辣 店員都好細心將咁熱嘅食物擺上枱 一人份量味道香濃 有飯焦有嚼口 四款唔同口味嘅小籠包＄58 有原味、蟲草花、黑松露、蟹粉 具有特色和吸引力 原味：皮薄 多汁 正 蟲草花： 不過不失肉餡中有幾條蟲草花 黑松露：有啲太搶味 同小籠包夾不過不失 蟹粉：湯汁有成一個湯匙咁多值得一讚 拔絲地瓜＄68 用上黃番薯整成嘅甜甜地菜式 我諗小朋友會特別鍾意呢一款菜式 外脆內軟 特別欣賞雖然甜嘅菜式但係佢唔係食得太甜啱晒我哋口味所以加埋糖漿剛剛好 果然係店舖特別要叫嘅菜式 京滬村 地址 元朗鳳攸南街9號好順利大廈1座1樓2號舖

聖誕新年前太多飯局，全部都係打邊爐bbq。今次黎呢間通海菜，舒舒服服咁食住坐番兩個鐘，大家傾下偈，都寫意㗎! 呢間餐廳嘅店員服務唔錯，好友善!  要講下食物先，我哋叫咗好多嘢食呀，其中我想提的就係佢個上海炒年糕 、浦東花雕醉雞、 皮蛋、酒釀丸子 同埋高力豆沙。 呢五款食物都各具特色，我未試過一個地方炒年糕可以係咁軟身，同埋足料得黎唔會太鹹。另外，就係比較多人鍾意嘅花雕醉雞，通常叫花雕醉雞一定係得几件一碟，但呢到就好夠分量，仲要每一嚿雞肉都正常大件， 味道方面必定食到你流口水，因為酒香、味甜，而且雞又唔多肥膏，真係好回味!  另外佢個皮蛋都好食，係一個好特別嘅味道，根本講唔出用咩材料整，但係好好味，同其他上海店整既唔同，又唔係麻辣花椒果類， 想嘗試問店員係啲咩材料嚟嘅，但店員就笑笑口話，廚師話淨係落醋同落豉油本身我都好鐘意酒釀丸子，好鍾意食酒釀嘅味道，飲食咗一啖就覺得絕對係冇叫錯，抵讚! 還有高力豆沙，大過一個拳頭，上面灑番d糖霜, 甜度剛剛好，暖暖哋食非常滋味!

元朗朋友介紹食上海嘢要呢一間，咁就同朋友一齊嚟試下! 我地叫左浦東花雕醉雞、蟹粉小籠包，同埋擔擔麵! 浦東花雕醉雞唔知係咪加咗“浦東”呢兩個字，個花雕酒嘅味比較特別，輕輕多少少甜味，酒味又好濃郁，香醇； 雞皮好薄，雞肉都滑。我未食過咁好食嘅花雕醉雞，而且份量亦都唔少。另外，小籠包就皮薄餡靚，咬落去裏面呢唔係成嚿豬肉，而係有蟹粉味出哂嚟，呢到仲可以逐隻逐隻叫擔擔麵的湯底水準都好，好香濃，而個麵係師傅喺廚房即時去拉個面，口感好煙韌彈牙，仲要滑嘟嘟，超正!佢嘅份量一啲都唔少，好抵食。 店員服務態度，個個都好有禮貌，好好笑容做，做嘢速度都快，坐係到食咗成兩個鐘，感覺良好!

喺元朗搵有咩好食見到呢間京滬村 其實平時好少上樓食嘢 不過見到佢啲嘢食好似幾特別有蟹粉小籠包想試吓蘿蔔絲酥餅 ＄36有三隻 出乎意料抵食外皮酥脆包左好多層都仲係脆入邊有一條條蘿蔔絲 而且全部都清甜無渣 食落去唔會食空氣 非常實在滿足蟹粉小籠包+黑松露小籠包 ＄68小籠包無論外表定內在都好普通 蟹粉唔知係咪唔啱時節 食落冇乜味 反而黑松露個味重突出 不過入邊都有保留小小肉汁 還可以啦雲吞擔擔麵 ＄52有三隻雲吞我覺得都算係咁啦 湯都算濃郁不過略嫌肉醬少咗啲 若麻醬味再重啲就好啦麵條食落去都仲有咬口 唔會過腍反而雲吞皮就散開晒 可能唔係一齊煮整體來講味道都算可以如果午餐食平啲 更加係好抵食添！樓上來講佢都算幾多人而且做開熟客生意所以下次有機會都會試吓佢其他食物

元朗一間樓上嘅京滬菜 食物唔錯而且抵食夜晚好似飲茶咁會計茶位先來前菜蒜泥白肉睇上去唔係好吸引肉片偏瘦而且冇乜油光 不過食落個醬都唔錯辣得來幾惹味嚟到就梗係要食蟹粉小籠包啦另外帶咗兩粒黑松露小籠包試吓菜式都幾創新 傳統得來有試到新野小籠包入邊包住左啲湯汁 一咬就咇出嚟啱啱蒸起要小心睇熱 未入口已經聞到好大陣黑松露味 如果接受唔到會覺得臭 不過我就超鍾意啦蟹粉唔算太出色 我覺得食落去有啲似鹹蛋黃咁 不過小籠包整體來講都算皮薄餡靚 值得一試最後呢個張大千雞我覺得幾好 用咗好多洋蔥青椒紅椒香芹炒成 個醬汁有少少辣 有少少似我哋平時食嘅雞煲汁 都幾特別 而且唔算話太貴另外仲食咗擔擔麵都正正常常 同以前食嘅差唔多冇乜特別 我見到佢午市有其他優惠 好似抵食過晚市～

我們在大棠行完山，直落元朗食野，睇食評覺得吾錯就去食，食物質素還可以，但服務實在太差了，3個女仔叫左4個餸前後上菜竟然要等1個鐘，菜已凍了等飯到的時候，你要知道冬天的時候吃冷飯菜是多麼的不好，希望改善服務質素，還有份量太少了，我們都要出去食多個雲吞麵，本身我地都不屬於大食的人

因為早排去完上海旅行，所以對當地美食念念不忘，想不到元朗有一間叫「京滬村」餐廳讓我可以食返上海當地嘅味道餐廳位於閣樓，地方闊落，有好多位子。我哋去食嘅時候晚上七點左右不多人，所以坐得很舒服叫以上呢兩個菜式，眼看份量不多，但食落原來足夠兩個人享用，之後我們再叫一個小籠包（沒影到相），七成飽，走人值得一讚嘅係有一位女店員態度十分好，外表看來不是十分溫柔細心的，但一開口說話超令人感到溫柔體貼，我們也驚訝了他會耐心講解每一道菜和推介菜式，讓我們更了解❤️

Facebook見到有間好似幾正既京滬菜，所以慕名而來叫左幾款食物一齊Share，結果食落味道不錯，而且餐廳店員服務很好，只是位置唔算太顯眼有款酒香東坡肉好軟滑，已經炆到溶溶地，有肥膏得黎又唔係好肥喎，好入味好正，側邊D菜好林，好食滷鴨舌好鬼多鴨舌啊，岩哂我地鍾意煨鴨舌煨下煨下，D汁都好正，食一啖撈一下夠哂味蟲草花小籠包，蟲草味不算太重，但小籠包好吃，肉汁多，一口單落去爆Juicy，唔會太多肥膏石鍋鮮蟹粉蛋炒飯，爆爆爆爆正啊！蟹粉多到喊，而且好肥美，搞到成鍋飯都係，D飯烘到變焦飯，仲係炒飯底，好食到喊花菇燉花膠D花菇好厚好入味，湯底清清地，花膠就岩哂我地要扮靚靚人士啦，好軟好滑成餐都食得好滋味，有時唔周圍試下都唔知有好野食！

西餐吃得比較多了，倒也開始有點想念中餐的鑊氣，麥米的香味。下班回到元朗，想起之前來過在鷄地的京滬村，晚餐就決定來這裏重溫當日的味道。石鍋鮮蟹粉炒飯，餐牌上寫著全港首創，如此霸氣，當然立刻點一個來嘗一嘗。擺在面前的，是精緻一人前分量，滿滿的蟹粉鋪在飯面，湯匙從底撈起一羹飯，熱騰騰的蒸氣緩緩冒出，飯底帶點脆脆的飯焦。中國人的習慣，晚飯還是要先來點米飯下肚暖胃。上一次到訪，吃了蟹粉小籠包，非常回味。這次決定要把鎮店京滬四小籠，南翔、蟹粉、蟲草花、黑松露所有味道統統嘗過一遍。南翔小籠包，皮咬起來有點口勁，肉碎中參雜點薑末，最值得一贊的是那裏面幾乎滿瀉的肉汁，非常鮮甜美味。蟲草花小籠包是南翔小籠包的“進化版”，加了幾條爽口蟲草花，倒也覺得挺特別。黑松露小籠包，獨特黑松露香味滿溢口腔，非常過癮。蘿蔔絲酥餅，特別之處在於它那如金元寶的形狀，灑上芝麻，更香口。帶子水餃，清清的，沒有帶一點多餘的醬料；帶咬勁的水餃皮，有媽媽親手做的手工餃子的味道。有時候，欣賞這種清淡如家的味道，也是另一種的境界。豆沙鍋餅，中式飯後甜品，豆沙甜度適中。

再次出沒喺元朗搵食，最近食得多西餐，想轉下口味食中餐見到間好似食驚京川滬菜嘅仲諗住順便試吓。於是我哋首先叫咗京滬4小籠，原味，黑松露，蟹粉，蟲草花。來嘅時候熱辣辣原味同出邊真係去食嘅分別不大，蟹粉都一般啦過得去，比較驚喜嘅係黑松露味小籠包真係有一種好特別嘅味覺享受，最特別嘅反而係蟲草花食落去有口味，值得一試。然後前菜再嚟咗蒜泥白肉，蒜泥不算多，肉片口感比較厚實，而且仲有粉皮喺底度添。帶子水餃，鮮肉裏麵包住粒帶子，有驚喜。招牌菜之一的石鍋鮮蟹粉蛋炒飯，一粒粒嘅石鍋再喺面頭配上一陣口口嘅笑容蟹粉賣相一流再加上燒焦左嘅炒飯食落去口感好有趣好好食。是全晚的亮點。蘿蔔絲酥餅，酥餅份量比較大。豆沙鍋餅，放涼了一點再上就一般了。